لعبة كلنا نشترك فيها

[ميرامار]

س :

تعليقك علي اغنية فارس احلامي ؟

تعليقى هو (ليس كل ما يتمناه المرء يناله) وعلى فكرة لازم السؤال ده يتعمله توبيك لوحده يا باشمهندس

[الباشمهندس ياسر]

فين السؤال يا بنات

انا احط ايدي ع السؤال و تلاقيني فورررررررررررريرة

[Damo]

فين السؤال يا بنات

انا احط ايدي ع السؤال و تلاقيني فورررررررررررريرة

انا ملاحظة كده بردو...ايه يا جماعة..ايه جفاف الاسئلة ده؟

(مش البنات بس يا باشمهندس...الموضوع ده لكل الاعمار)

تم تعديل 27 مارس 2010 بواسطة Damo

[joo]

ماهى افضل مقولة بتعجبك ؟

[الباشمهندس ياسر]

ماهى افضل مقولة بتعجبك ؟

تفاءلوا بالخير تجدوه

س : اخر مرة اتمشيت ع النيل..امتي؟

[Damo]

س : اخر مرة اتمشيت ع النيل..امتي؟

ياااااااااه زمااااان زمااااان زمااااااااااااااااان

حوالي ١٠ سنين او اكتر...

اللي بعدي:

بتفضل الكلاب ولا القطط؟ و ليه؟

[jasmin hamed]

س : اخر مرة اتمشيت ع النيل..امتي؟

ياااااااااه زمااااان زمااااان زمااااااااااااااااان

حوالي ١٠ سنين او اكتر...

اللي بعدي:

بتفضل الكلاب ولا القطط؟ و ليه؟

بصى يا دامو يا حبيبتى انا عندى فوبيا من كل الاشياء المتحركه و الحمدلله

وبمناسبة موضوع القطط ده الاسبوع الى فات كنت عند واحده قريبتى و لسه بسلم عليها هيه و جوزها و اتفتحت البلكونه

و دخل عليا اسد ...........

و لا شعوريا لاقيت نفسى رجل على الترابيزه و التانيه على الصوفا الى ورا الست الى كنت بسلم عليها و صويت و صريخ

و ابنى بيعيط و الناس مش فاهمه ايه الى بيحصل و جوزى طبعا فى نص هدومه

بجد انا مابهذرش موضوع الحيوانات و الحشرات ده عاملي مشكله بجد و مواقف محرجه كتير

بيقى السؤال للبعدى

بتفضل الكلاب ولا القطط؟ و ليه؟ و اذاى ممكن تلمسهم ؟

[Damo]

بتفضل الكلاب ولا القطط؟ و ليه؟ و اذاى ممكن تلمسهم ؟

انا بفضل الكلاب لاني بحس القطط غاوية دلع و خلاص..غير كده متعرفكيش. لكن الكلاب معاكي في كل الاوقات تتنططي معاكي تكتئبي معاكي.

و بلمسهم عادي

بصي يا جاسمين مشكلتك انك بتفكري ان الكلاب و القطط عبارة عن شعر و رجلين. بصي , مثلا هنقول لو روحتي لضيوف عندهم كلب, انتي جديدة عليه زاي ما هو جديد عليكي بالظبط. برضو ليه مشاعر و احاسيس!!! عارفه القطط بقه؟ اهيف من كده بكتيييير. عايزه طول مانتي قاعده تلاعبيها. لو معبرتهاش هتزهق و تسيبك و تمشي لوحدها!! مصلحة يعني مش اكتر.

تعرفي ان الكلب لو عرف انك خايفه منو مش هيقربلك!

انا لما بروح لحد عندو كلب في الاول بس ببقه خايفة شوية صغننيييين بس دايما بتعود عليه في الاخر و مش بسيبو في حاله

بعد كده لما اروحلهم تاني هو اللي بيخاف مني :rolleyes:

اللي بعدي:

بتفطر؟ و لو اه بتفطر ايه؟

[عنبو]

دامو

بتفطر؟ و لو اه بتفطر ايه؟

بفطر عدد 2 كرواسون وكوب من الشاى الكشرى

سؤالى بتتغدى طيب بتتغدى ايه ؟؟

[SophiaAstrophy]

دامو

بتفطر؟ و لو اه بتفطر ايه؟

بفطر عدد 2 كرواسون وكوب من الشاى الكشرى

سؤالى بتتغدى طيب بتتغدى ايه ؟؟

اه بتغدى ده طبيعى

فضله خيرك متغديه حواوشى

سؤالى

احساسك ايه وانت ماشى وواحد رخم بعربيه رخمه وعايز يعدى من الحته الا انت فيها والطريق كله واسع ؟؟

[لماضة مصرية جدا]

بتفضل الكلاب ولا القطط؟ و ليه؟ و اذاى ممكن تلمسهم ؟

انا بفضل الكلاب لاني بحس القطط غاوية دلع و خلاص..غير كده متعرفكيش. لكن الكلاب معاكي في كل الاوقات تتنططي معاكي تكتئبي معاكي.

و بلمسهم عادي

بصي يا جاسمين مشكلتك انك بتفكري ان الكلاب و القطط عبارة عن شعر و رجلين..... . بصي , مثلا هنقول لو روحتي لضيوف عندهم كلب, انتي جديدة عليه زاي ما هو جديد عليكي بالظبط. برضو ليه مشاعر و احاسيس....... !!! عارفه القطط بقه؟ اهيف من كده بكتيييير.......احم احم دامو انا الاسم الخصوصي بتاعي ليه علاقة كتير بالقطط...... wst::

انا لما بروح لحد عندو كلب في الاول بس ببقه خايفة شوية صغننيييين بس دايما بتعود عليه في الاخر و مش بسيبو في حاله

بعد كده لما اروحلهم تاني هو اللي بيخاف مني ...... يا واد يا مرعب..... :P

اللي بعدي:

بتفطر؟ و لو اه بتفطر ايه؟

السلام عليكم و رحمة الله و بركاته

عجباني دماغك يا ديمو

جربتي تربي هامستر طيب.....؟؟؟؟؟

===================================

سؤال صوفيا اسبرين.......

واحد رخم....و عربية رخمة.......اوعي الفحت....و بيزنق بالعربية.......لا كده يبقي كتير..... ايه فين الشهامة..... فين الرجولة..فين الشومة؟؟؟؟

عادة انا بعمل ايه بقي

بلبس في الشجرة...........انا مش بسوق عربيات بس بسوق عجل....و فعلا حد عمل معايا كده...و انا بكل شجاعة و فخر و ثقة روحت حضنت الشجرة.

سؤالي للي بعدي.......

امبارح في عتمة الليل..... اعوووووووووووو

مديت ايدي ع الريموت.....و فتحت التلفااااااااااااااز........

و الدنيا كانت ضلمة كوحل......لقيت فيلم رعب.....ايه بقي.....ارواح شريرة.....و دماء.....و عيون بتبوظ كده؟؟؟؟

كنت هموت و الكهربا تتقطع لان تقريبا ايدي اتشلت مقدرتش اطفي التلفزيون.....الحقيقة اختكم سبع الليل......جبااااااااااااااااااان..... :lol:

هي الناس بتتفرج ع افلام الرعب ليه؟؟؟؟؟؟؟؟؟؟ايه المتعة اللي فيها........ ايه اكتر رعب حصلك او شفته في فيلم؟؟

فوتكم بعافية

مساااااكم اشباح

لماضة اشكيف.......حد فاكره (كان ضارب راسه احمر و حركات كده...كان نكتة..... :lol: )

[ميرامار]

هي الناس بتتفرج ع افلام الرعب ليه؟؟؟؟؟؟؟؟؟؟ايه المتعة اللي فيها........ ايه اكتر رعب حصلك او شفته في فيلم؟؟

فوتكم بعافية

مساااااكم اشباح

لماضة اشكيف.......حد فاكره (كان ضارب راسه احمر و حركات كده...كان نكتة..... )

بصراحة انا بلاقى ان افلام الرعب ليها متعة ومعرفش اية سببها بس بحس ان افلام وقصص الرعب ليها لذة غريبة لدرجة انك ممكن تدمنها

انا في فترة من حياتى ادمنت قصص الرعب اكتر من الافلام لان مساحة التخيل فيها اكتر من الافلام وبرده معرفش سبب جنونى بالنوعية دى من القصص واكتر رعب حصلى لما ابتديت اتخيل ان في اشخاص في المرايا وده كان نتيجة احد القصص اللى قريتها وبما ان معظم غرفتى مرايات فكنت دايما بتخيل انى محاوطة بأشخاص من العالم الآخر والموضوع كبر جدا معايا لحد ما في يوم والدى شال كل المرايات اللى فى الاوضة ومنعنى من قرأة القصص دى

السؤال للي يعدى

يا ترى تفضل العمل في القطاع الحكومى ام الخاص ؟وليه؟

[ذهبية]

تصدقى يا لماضة و انتى بتكتبى عن افلام الرعب افتكرت اخويا و قعدت اضحك ضحك

اسلينى لية بقىىىى اقولك

علشان اخويا و احنا ضغيرين كان مدمن افلام رعب بسس ياريت على كدة دة كان لة طقوس خاصة جدااااا

يعنى يجب الفيلم من دول و يضلم الشقة كلها

و يعلى التلفزيون على اعلى حاجة و يقفل بقى شبابيك و ابواب علشان يعيش الجو

اول ما يشغل الفيلم بقىىىىىىى

و ياتى حتة مرعبة ........ تن تن

يقعد يضحكككككك

و اى حتة فيها رعب يقعد يضحك

هاموت انا بقى و اعرف هو بيضحك لية لدرجة انة بقى يعدينا الضحك و بنضحك احنا على ضحكة

[ذهبية]

يا ترى تفضل العمل في القطاع الحكومى ام الخاص ؟وليه؟

بصراحة الخاص

لان باحس ان مرتب موظف الحكومة فية شبة حرام لانهم بصراحة مش بيشتغلوا اى حاجة

الا قلة قليلة علشان مينفعش نعمم

سؤالى

لما تحسى ان صديقتك الانتيم و عشرة العمر كلة بتحسدك يعنى اية

طبيعى بتعرف اخبارك....... و بعدين بتعرفى بعدها ......انها بتروح تحكى لجوزها و تفضل .....تحسد فيكى

و تحسس جوزها انة مقصر معاها.... فى الاشياء اللى انتى جوزك .....بيعملها ليكى

و بترجع تحكى لكى بمنتهى السذاجة

حد فاهم حاجة

لو فهمت حاجة ر ايكم اية

[الباشمهندس ياسر]

لو فهمت حاجة ر ايكم اية

كل ذي نعمة محسود ...

بلاش تحكي كل حاجة لاي حد مهما كان

[رضوي]

السؤال للي يعدى

يا ترى تفضل العمل في القطاع الحكومى ام الخاص ؟وليه؟

السلام عليكم ورحمة الله وبركاته

أنا افضل أقعد في البيت احسن ................... ولا خاص ولا حكومي

( بصراحة أنا شايفة إن القطاع الحكومي أفضل للبنات ......... خاصة لو بتكملي دراسات عليا .......أو عندك مسئولية بيت وزوج وأولاد ........لأن العمل الخاص بيحتاج وقت ومجهود كبير جداً هيأثر بشكل مباشر علي مسئولياتك الأولي بالرعاية)

وطبعاً كل واحد ادري بظروفة وكل انسان هو حالة فريدة من نوعه يقدر يظبط ظروفه وحياته بطريقته

سؤالي بقي

ياتري ............. ايه السبب اللي يخليك تتغير ......... وتبقي قابل التغيير دة ؟؟ ؟؟؟

ياتري لما تكتشف انك ممكن تكون غلط ؟

ولا لما حياتك تتغير ؟

ولا لما تحس بأهمية التغير ؟

ولا فيه سبب غير الاسباب دي ؟؟؟؟؟؟؟؟؟

يلا عايزة اجابات كتير ....

[رضوي]

يا ترى تفضل العمل في القطاع الحكومى ام الخاص ؟وليه؟

بصراحة الخاص

لان باحس ان مرتب موظف الحكومة فية شبة حرام لانهم بصراحة مش بيشتغلوا اى حاجة

الا قلة قليلة علشان مينفعش نعمم

سؤالى

لما تحسى ان صديقتك الانتيم و عشرة العمر كلة بتحسدك يعنى اية

طبيعى بتعرف اخبارك....... و بعدين بتعرفى بعدها ......انها بتروح تحكى لجوزها و تفضل .....تحسد فيكى

و تحسس جوزها انة مقصر معاها.... فى الاشياء اللى انتى جوزك .....بيعملها ليكى

و بترجع تحكى لكى بمنتهى السذاجة

حد فاهم حاجة

لو فهمت حاجة ر ايكم اية

ذهبية حياتي

وحشتيني جداً انتي فينك

لو كانت صديقتك كدة ............... يبقي دي مش صديقة اصلاً ياحياتي

الاصدقاء مابيحسدوش بعض

علشان كدة بلاش تحكيلها حاجة خاااااااااااااااااااااالص وخلي علاقتك بها محدودة وفي أضيق الحدود الممكنة

سؤالي فوق

[Damo]

السلام عليكم و رحمة الله و بركاته

عجباني دماغك يا ديمو

جربتي تربي هامستر طيب.....؟؟؟؟؟

===================================

لا انا جربت ارانب....و سبتوهوم لما سبنا نيوزيلاند...

بس بقى متفكرنيش... wst::

[Damo]

سؤالي بقي

ياتري ............. ايه السبب اللي يخليك تتغير ......... وتبقي قابل التغيير دة ؟؟ ؟؟؟

ياتري لما تكتشف انك ممكن تكون غلط ؟

ولا لما حياتك تتغير ؟

ولا لما تحس بأهمية التغير ؟

ولا فيه سبب غير الاسباب دي ؟؟؟؟؟؟؟؟؟

يلا عايزة اجابات كتير ....

انا مش عارفه تقصدي اي نوع من التغيير بالظبط يعني تغيري اسلوب حياتك مثلا ولا نفسيا ولا ايه بالظبط

انا عموما هجاوب بالبركة wst::

انا عندي قابلية للتغيير بشكل مرعب. و اللي يخليني اتغير اي حاجة تستاهل. سواء اكتشفت اني غلط او ده الافضل. و على فكرة انا كل شوية حاجات كتير فيا تتغير غصبن عني. خصوصا اننا اتنقلنا اكتر من بلد و كل ناقلة بتاثر فيا جدا لاسباب غير معروفة. انا لو نفسي متغيرتش مع كل ناقلة كنت هتعب جامد. انا بتغير تلقائيا للتأقلم wst::

اللي بعدي:

تفضل تلف العالم و تزور مصر كل سنة سنتين..ولا تفضل في مصر علطول؟

[لماضة مصرية جدا]

السلام عليكم و رحمة الله و بركاته

معلشي هو انا ينفع ارجع مارشيدير لورا.....اصل الاسئلة مستمخية منها

ذهبية المشاعر

اتعلمت حاجة بخصوص موضوع الحكي مع الاصدقاء..... احيانا بنتكلم بعفوية شديدة جدا مغرقة في التفاصيل....بس مش بناخد بالنا يا تري نفسية اللي قدامنا ايه و لا دماغه بتستقبل ازاي

فيه تفاصيل في حياة كل مننا...مش لازم يشاركها مع اي حد.....لو فرح.....لو حزن

حتي مع الاصدقاء.........و خصوصا مع الصديقات....

كل واحد بيدور في حكايتك علي وجعه....محدش لا بيعيش لا فرحك و لا بيشيل همك...و طالما كله كلام يبقي انقي الكلام اللي احب غيري يعرفه عني

==========================================

مرمرية.....عمل حكومي و لا خاص....كلاهما ليه الابيض و الاسود.....حتي الخاص....ممكن تقعي تحت ايد مدير كفتة....مش فاهم حاجة غير ان دي فلوسي يا كناب (وش محمد صبحي في مسرحية تخاريف....بفلوسي....يا كلاب....بس مع الخنفان... bag): )....و مدير زي ده ممكن يكرهك في حياتك

الحل يا رياسة انتي حطي لنفسك هدف و شوفي هتلاقي نفسك بتحققيه في انهي حتة

==========================================

رضرض

التغيير طالما مخطبشي في الجدور..... يعني الدين او الاخلاق.... سهل جدا يحصل...و بيحصل بوعي و من غير وعي.....و بيحصل علي فترة طويلة و ممكن ياخد ثانية واحدة....عارفة احلي حاجة ان احنا منبقاش مركزين اوي..... عشان نبطل نستخدم ميكانيزمات الدفاع.... نفتح نفسنا للدنيا و نشوف هتاخدنا لفين.....بس عينينا ع الجدور

==================

دامو......ديمو..... ديدمونة

ع فكرة انا بحب الانارب جدا جدا جدا.............بس يا سلام عليها و هي متحمرة في الزبدة..... علي طبق ملوخية.... علي حبة رز ابيض و ياااه لو سلطة خضرا.... يا ربي ايه اطلب تاني اكتر من كده

متزعليش مني....بس ف الكلية بتاعتي عندي صاحبتي زيك كده.... و كانت في نيوزلندا برضه (ايه الحكاية بيدوكوا الارنوب ع البازابورت و لا ايه... :lol: )....و مرة كانت عايزة تسيب فاني...ده اسم المرحوم معايا........(انا مش اكلته هو مات لوحده...و الله)..........و بعدين راحت مطلعة عليا اسم كانيبال......عجبك كده؟؟؟؟؟

سؤالك......

لو معايا اهلي و حد بحبه الف العالم طبعا و ارجع مصر كل ما تسمح الظروف...مش شرط كل سنة.... انا ممكن انزل كل شوية لو ظروفي سمحت.

=====================

سؤالي للي بعدي..............ايه البلد اللي فعلا نفسك تعيش فيها و تبقي شبه اهلها....و تاكل اكلها... و تغنيلهم مشربتش من نيلها...حتي لو معندهمش نيل مثلا..... :lol:

فوتكم بعافية