لعبة كلنا نشترك فيها

[alsaher]

إيه يالولا الأغاني وأبيات الشعر اللي عمال بتظهر

بتجبيها منين :)

لو رجعت بيك الايام... هتتغرب تانى؟

بصراحه آه

انا بالرغم من إني لسه عمال باسافر من مكان لمكان ومن وانا صغير

لكن بجد الغربه ، بتخلق فينا حاجات وبتكشف حاجات ما كناش عارفينها

سؤالي

لو والدك زعلان منك جدا ، بتراضيه إزاي ؟؟

تم تعديل 17 فبراير 2009 بواسطة alsaher

[سهل جدا]

ما شاء الله ..

أنا شايف حوالي 5 أعضاء الآن موجودين في الموضوع

وأكيد كل واحد فيهم بيجاوب على السؤال

بعد إذنكم هاروح أصلي العشاء وراجع إن شاء الله

لكن بالمناسبة , لو الواحد وهو بيصلي كده وجاله هاتف من السماء وقاله لك دعاء واحد مستجاب فورا

هاتدعي بإيه ؟؟

[dawn walker]

سؤالي

لو والدك زعلان منك جدا ، بتراضيه إزاي ؟؟

اساله سؤال واحد تشرب معاى شاى....واشوف رد فعله

تقريبا الناس خلصت معظم الاسئلة

بس لسه عندى سؤال

اكتر فيلم ابيض واسود بتحبه ايه؟

[Emo]

إيمو صحي..

إيمو جااااااااااات...

اكتر فيلم ابيض واسود بتحبه ايه؟

فيلم صغيرة ع الحب..

رغم إني ماتفرجتش عليه كله...

سؤالي..

إيه هو التوبيك بتاعك ماسنجرك دلوقتي..؟

بمعنى آخر..

اي هو النايك نيم بتاعك اللي كاتبه ف الماسنجر..!!

اروح اعيش بقى زي البشر..وأجي..

[الباشمهندس ياسر]

اكتر فيلم ابيض واسود بتحبه ايه؟

مش فاكر

فعلا مش فاكر

الافلام الحلوة كتير جدا

و معظمها ليها معانا ذكريات جميلة

اكيد كلنا فاكرين لما نرجع من المدرسة يوم الخميس بدرى

عشان فيه فيلم ع القناة التانية تقريبا ولا الاولى

و الله يا ابنى مانا فاكر... ابنك ... مرحب مرحب

و كده يعنى

سؤالى..

فاكر ايه من ذكرياتك

طب فاكر بنت الجيران

ولا فاكر الشتا

و انت رايح المدرسة الصبح بدرى و المطر بترخ عليك ... ايوه اسمها بترخ عليك

طب فاكر لما عاكست بنت ماشية ف الشارع ... بكل ادب طبعا .. مش زى المتخلفين عقليا بتوع دلوقتى

و واحد من الجيران اللى بيصلوا مع ابوك ف الجامع شافك .. وقال لابوك

فاكر شكل العلقة بتاعتها

اى اى .. انا حاسس كانى لسه بنضرب

الله يسامحك يابابا ضربتنى اوى ساعتها لاول واخر مرة ف حياتى

طب فاكر ايه ولا ايه

تيجى نقول لبعض على الحاجات بتاعت زماااااان واحنا صغيرين

[Emo]

تيجى نقول لبعض على الحاجات بتاعت زماااااان واحنا صغيرين

نزل موضوع بكده وهتلاقيني راشقة فيه..

أصل اناكنت فاتحة مدرسة تشرد لوحدي..

فين الأسئلة..

وبعدين أنام شوية اجي الاقي لولا الغالية..

وسهل الطيوب .. بيتخانقوا ع مصاصة..

لولا وسهل..انتم أكبر من كده..

مش عاوزين نتفارق..

ربنا يسعدكم...

[dawn walker]

اكتر فيلم ابيض واسود بتحبه ايه؟

مش فاكر

فعلا مش فاكر

الافلام الحلوة كتير جدا

و معظمها ليها معانا ذكريات جميلة

اكيد كلنا فاكرين لما نرجع من المدرسة يوم الخميس بدرى

عشان فيه فيلم ع القناة التانية تقريبا ولا الاولى

افلام نجيب الريحانى خصوصا فيلمه مع عبد الفتاح القصرى اما كان حرامى وسرق عقد..وبعدين حاول يعلم نجيب الريخانى السرقة

سؤالى

اسخف موقف تعرضت ليه وانت رايح تمتحن فى الكلية؟

[عصام]

تم إغلاق الموضوع مؤقتا لحين تنقيته مما شابه من مداخلات خارجة عن سياقه

الإدارة

[عصام]

الزملاء الأفاضل

الموضوع يصنف كموضوع خفيف .. وشخصى يتبادل فيه الزملاء المزاح بالحدود الموضوعة مسبقا من قبل كل عضو تجاه الآخر فى إطار حدود قواعد الكتابة بالموقع .. وهو ما تم الإخلال به من قبل البعض ..

السادة الأفاضل

يؤسفنى أن يتعرض موضوع "خفيف" كهذا إسمه "لعبة" إلى شجار وتلاسن بسبب إصرار البعض انتهاج الإسقاط كأسلوب سخرية وانتهاج البعض الآخر أسلوب الوعظ والزج بالحلال والحرام فى المكان الغير مناسب

تم حذف المداخلات التى خرجت عن سياق الموضوع وأعتذر عن فقد بعض الأسئلة التى تم حذفها فى سياق المداخلات المحذوفة المشار إليها

أرجوا الالتزام بعدم الخلط بين ما هو مزاح وما هو جاد كما أرجوا عدم استغلال الفرص التى تتاح من خلال الموضوعات الخفيفة لعمل إسقاطات أو تصفية حسابات نقاشية ظهرت فى موضوعات أخرى

الإدارة

[الباشمهندس ياسر]

سؤالى

اسخف موقف تعرضت ليه وانت رايح تمتحن فى الكلية؟

لما تروح الامتحان وتكتشف انك مش لاقى تاكسى يوديك

و تبقى هتموت م الغيظ

سؤالى ....

ناوى تخش تحكى عن ذكرياتك زمان وانت صغير و لآ

خلو بالكوا انا لسه شارى دبابه من 5 دقائق

ادينى قلتلكم اهو

[ريحانة]

ا

اسخف موقف تعرضت ليه وانت رايح تمتحن فى الكلية؟

يوم وانا راحة امتحان وانا عادتى مادام خلصت مراجعتى

وقفلت الكتاب خلاص مش ممكن ابص فى حاجة وانا رايحة او اتناقش مع صحابى فى حاجة

وابعد خاااااااالص عنهم

فى اليوم ده صاحبتى جت تقعد جنبى وباقى ع الامتحان تلت ساعة وماسكة ورقة وبتذاكرها

وقعت عنيا ع الورقة انى الاقى حاجة اعرفها

يانهار لبن

ايه ده يافلانة ؟

ايه المنهج بتاعنا

بتاع مين؟

ايه يابنتى مالك ماهو الدكتور فى اخر محاضرة لما لاقى نسبة الغياب عالية

لغى حاجات وحط حاجات

اعمل ايه؟

ولا اتنرفزت ولا اتعصبت ولا حاجة ابدا

قولتلها هاتى بقى الورق ده وانسينى خالص

وقعدت التلت ساعة وعليهم ودخلت متاخر عشر دقايق

وقعدت ركزت على كام حاجة مهمة وكان همى

اعدى المادة بأى شكل

وفعلا جبت مقبول

احمد الله انها كانت مادة سهلة مش فيزياء

بس طبعا كان ممكن اسقط فيها لا قدر الله

سؤالى

لو انت مدرس وربنا ابتلاك بفصل الضعاف

تتصرف معاهم ازاى؟

[الباشمهندس ياسر]

سؤالى

لو انت مدرس وربنا ابتلاك بفصل الضعاف

تتصرف معاهم ازاى؟

هحاول اتعامل معاهم بهدوء غير طبيعى و اعتقد ع الكيف وليس الكم

سؤالى ....

ناوى تخش تحكى عن ذكرياتك زمان وانت صغير و لآ

خلو بالكوا انا لسه شارى دبابه من 5 دقائق

ادينى قلتلكم اهو

[ريحانة]

[

سؤالى

لو انت مدرس وربنا ابتلاك بفصل الضعاف

تتصرف معاهم ازاى؟

هحاول اتعامل معاهم بهدوء غير طبيعى و اعتقد ع الكيف وليس الكم

سؤالى ....

ناوى تخش تحكى عن ذكرياتك زمان وانت صغير و لآ

خلو بالكوا انا لسه شارى دبابه من 5 دقائق

ادينى قلتلكم اهو

نعم ؟

ايه؟

فين السؤال؟

ااخش فين طيب

المهم

سؤالى

اكتر حاجة بتضحكك جداااا؟

تم تعديل 17 فبراير 2009 بواسطة ريحانة

[الباشمهندس ياسر]

المهم

سؤالى

اكتر حاجة بتضحكك جداااا؟

حركة بريئة من طفل صغير

[الباشمهندس ياسر]

سؤالى .. معلش نسيت احط السؤال

اجمل سهرة ف عمرك

فين ومع مين وامتى

[ريحانة]

سؤالى .. معلش نسيت احط السؤال

اجمل سهرة ف عمرك

فين ومع مين وامتى

اجمل سهرة فى عمرى

من حوالى 3 سنين

كانت احتفال بفرح ابن خالتى

ولا يحضره سوى كل شباب العيلة 14 شاب "اولاد وبنات"

كان فى ريتوران القلعة فى الازهر بارك

وبعدين كملناها فى فراى دايز

اليوم معتقدتش انى انساه

سؤالى

اخر صورة بتيجى فى قدامك قبل ما تروح فى النوم

صورة مين؟

[Emo]

اخر صورة بتيجى فى قدامك قبل ما تروح فى النوم

صورة مين؟

صورة بكرة طبعا..

يعني مش حد..بس أكيد يعني في ناس يوميا لازم الواحد يفكر فيهم لأنهم عايشين جواه..

بس غالبا آخر حاجة بتبقعى موضوع شاغلني أو كده..

س:

أكتب في جوجل برتقال..

واعمل سيرش ع الصور تحت الكلمة دي..

واختار صورة منها.. وحطها وقلي ليه اخترت الصورة دي بالذات..!!

[alsaher]

اخر صورة بتيجى فى قدامك قبل ما تروح فى النوم

صورة مين؟

السرير اللي بنام عليه اليومين دول ، مواجه لساعة شكلها غريب ، عاملة زي قطعة قماش ووسطها الساعه ، المهم إنها على شكل أسد

بصراحة خانقني الأسد ده ، كل ما آجي أنام يسد نفسي

في الجهة التانية في صورة لأخويا وهو ماسك كلب كبير جدا ، يشبه الأسد برضو :blink:

بصراحة فكرتيني علشان كل ليله أحلف إني بكره حأشيل الصورتين دول ،

ورايا بقى ، متعلقة تحفه كبيره ، كنت بأحبها وأنا صغير فأهلي محتفظين بيها

التحفه دي شكل عقرب :sad:

علشان قال إيه أنا برجي عقرب فكنت بأحب أجمع صور العقارب وأنا صغير ، وأهلي محتفظين بيها على شان كده

علشان كده كل ليله مش بأنام إلا لما يطلع الصبح :D

إيه نوع الساعات المفضل بالنسبة لك ؟؟

[Emo]

إيه نوع الساعات المفضل بالنسبة لك ؟؟

سواتش..

ودي ساعتي..

سؤالي لسه محدش جاوبه..

[ريحانة]

ايموووووووووو

بقالى ساعة بدور على موقع رفع

جبت الصورة بس مش عارفة ارفعها

بلاش موضوع الصور ده

تم تعديل 17 فبراير 2009 بواسطة ريحانة