لعبة كلنا نشترك فيها

[ذهبية]

سؤال

واحدة من القرايب الىل مكانتهم كبيرة عندك او انت كنت فاكر كدة

اتشبكت و ما عزمتك على الفرح لان الفرح كان مقصور على الاصدقاءوالمقربون

وكنت فاكر انك هتكون منهم و اكتشفت انة تم من غيرك

ياترى موقفك اية ؟؟؟

هتبارك و تعمل نفسك ولا اى حاجة حصلت ؟؟؟؟؟؟

هتتصل تعاتب و تقول ما عزمتوا لية ؟؟؟؟

هتقطع علاقة و تلم الالم اللى سببة الموقف دة على نفسك و تبعد احسن ؟؟؟؟؟

[لماضة مصرية جدا]

سؤال

واحدة من القرايب الىل مكانتهم كبيرة عندك او انت كنت فاكر كدة

اتشبكت و ما عزمتك على الفرح لان الفرح كان مقصور على الاصدقاءوالمقربون

وكنت فاكر انك هتكون منهم و اكتشفت انة تم من غيرك

ياترى موقفك اية ؟؟؟

هتبارك و تعمل نفسك ولا اى حاجة حصلت ؟؟؟؟؟؟

هتتصل تعاتب و تقول ما عزمتوا لية ؟؟؟؟

هتقطع علاقة و تلم الالم اللى سببة الموقف دة على نفسك و تبعد احسن ؟؟؟؟؟

السلام عليكم و رحمة الله و بركاته

بصي يا ذهبية المشاعر...انا احب اعيش حالة الفرح اوي....و بناء عليه...انا هبارك....

.....بس هبارك بشكل مختلف شوية....يعني لو انا متعودة اضرب زغروتة و اعمل هوليلة....لا هرفع سماعة تلفون و اقول مبروك و بس

بعديها بشوية....اشوف مين ليا كلام معاه و اعاتب بقي....عشان برضه الواحد ميشلشي في نفسه....كلمتين كده ف الجناب عشان برضه محدش يعملها فيا تاني

بس و انا بعمل القصة دي .....احط في دماغي حاجة....ان ساعة الفرح الناس فعلا بيبقوا متلخبطين اوي...زو خصوصا لما الدنيا بتبقي ع الضيق.....و ده هيخلي ناس كتير تزعل منهم....بس انا هحاول يبقي زعلي...زعل المحب اللي بيعتب.....مش اكتر....مش مع خالص.....اني اقطع علاقتي بيهم....يا لهوي يا دهوووب ...لا مقدرشي...لانها مش مستاهلة

مساااااااااااااكي فرحة.....صباااااااااحك طرحة تبعد عنك اي زعل

[لماضة مصرية جدا]

السلام عليكم و ورحمة الله و بركاته

ايه ده يا استاذي...."ايوة...استنوني شوية".....لا ده انا عمري جد الجد.....ده حتي اللقب بتاعي في الكلية العسكري الاخضر....ده اسم مبيد حشري ع فكرة..... wst::

لا انا بس اركز....و ان شاء الله الحالة هتتحسن

صباااااااااااااحك جدية آخر حاجة

====================================

سؤالي

كنت قاعد في امان الله.....و فجأة......دخل واحد بتاع ديلفري...و ماسك حتة بوكيه ورد.....توحفة....عينيك كانت هتطلع عليه.......و بتاع الدليفري سال الريشبشن...و لقيتهم بيشاوروا عليك.....و انت حاسس انهم بيشاوروا ع العمود اللي وراك عادي يعني

المهم بتاع الدليفري....يتقدم خطوة.....و انت قلبك متشعلق ببوكيه الورد

و فجأة يقف قدامك و يقولك

"انتي الانسة ......"

طبعا انا مش رديت....انا هزيت راسي في حركة ارتجاعية من مسببات الزغللة

اتفضلي

wst::

سؤالي بقي

لو جاتلك هدية عينك هتطلع عليها........بس مينفعشي انك تقبلها......

يا تري ازاي ممكن ترفض هدية ازاي بشياكة برضه؟؟؟؟

بس خلاص

فوتكم ببوكيهااااااااااات ورد......فوشيا في لافندر...آه يااااااااااااااااني

[رضوي]

السلام عليكم ورحمة الله وبركاته

وحشتوني بجد .......... وحشتوني جداً

بقالي فترة مابكتبش خالص في المحاورات

تقريباً مابدخلش اصلاً ............ حالة كدة انا عارفة سببها

وكنت فاكرة اني اتحسنت امبارح ........ بس للاسف ... عكيتها علي اخر اليوم

الحمد لله

ماعلينا

لموووووووووووووضة

السلام عليكم و ورحمة الله و بركاته

==================================

سؤالي

كنت قاعد في امان الله.....و فجأة......دخل واحد بتاع ديلفري...و ماسك حتة بوكيه ورد.....توحفة....عينيك كانت هتطلع عليه.......و بتاع الدليفري سال الريشبشن...و لقيتهم بيشاوروا عليك.....و انت حاسس انهم بيشاوروا ع العمود اللي وراك عادي يعني

المهم بتاع الدليفري....يتقدم خطوة.....و انت قلبك متشعلق ببوكيه الورد

و فجأة يقف قدامك و يقولك

"انتي الانسة ......"

طبعا انا مش رديت....انا هزيت راسي في حركة ارتجاعية من مسببات الزغللة

اتفضلي

wst::

سؤالي بقي

لو جاتلك هدية عينك هتطلع عليها........بس مينفعشي انك تقبلها......

يا تري ازاي ممكن ترفض هدية ازاي بشياكة برضه؟؟؟؟

بس خلاص

فوتكم ببوكيهااااااااااات ورد......فوشيا في لافندر...آه يااااااااااااااااني

نفسي اوي في بوكيه ورد ........ اه ياني ....... اعمل ايه بس

اخري هخطف رجلي للبلد واعيش شوية بين مجموعة الورود المزروعة هناك

ربنا بقي يفرجها من عنده

بس لو جاتلي هدية من حد ماينفعش اقبلها .......... يبقي مش هقبلها

ببساطة وبمنتهي الكياسة ......... هقول لبتاع الديليفري ...... آسفة

واعتذار بسيط لصاحب البوكيه

( ميرسي جداً علي ذوقك العالي ........ بس للاسف مقدرش اقبل......... تحياتي واحترامي )

وشكراً علي كدة خلصت

نفسي انا بقي في ورد البنفسج أو القرنفل أو حتي الياسمين

هنزل ابعتلي بوكيه ...... عادي يعني

أو هستني لما تجيلي من اقرب الناس ليا wst::

[رضوي]

سؤالي

حققت نسبة كام في المائة من طموحاتك ؟؟؟

طب ولو نسبة حماسك قلت كتير عن الاول ........ وانت مش عارف السبب .......... تعمل ايه علشان ترجع حماس وحيوية وتحدي كنت بتتمتع بيهم بدرجة كبيرة اوي ؟؟

[Damo]

سؤالي

حققت نسبة كام في المائة من طموحاتك ؟؟؟

طب ولو نسبة حماسك قلت كتير عن الاول ........ وانت مش عارف السبب .......... تعمل ايه علشان ترجع حماس وحيوية وتحدي كنت بتتمتع بيهم بدرجة كبيرة اوي ؟؟

ممممممممم

تقدري تقولي اني حطيت رجلي على اول ٢٥ في الميه و ربنا يسهل.

و الحماس كذا مرة يروح من عندي و السبب علطول عارفاه بيبقى يا اما حصل مشكلة و بتعملي نوع من اليأس بس بيكون مؤقت يا اما في خطوة معلقة مش راضية تخلص. و في الحالتين مش بعمل حاجة خاااااااااالص بدي لنفسي وقت مش اكتر و شوية و الحماس يرجعلي تاني لوحده

[لماضة مصرية جدا]

سؤالي

حققت نسبة كام في المائة من طموحاتك ؟؟؟

طب ولو نسبة حماسك قلت كتير عن الاول ........ وانت مش عارف السبب .......... تعمل ايه علشان ترجع حماس وحيوية وتحدي كنت بتتمتع بيهم بدرجة كبيرة اوي ؟؟

ممممممممم

تقدري تقولي اني حطيت رجلي على اول ٢٥ في الميه و ربنا يسهل.

و الحماس كذا مرة يروح من عندي و السبب علطول عارفاه بيبقى يا اما حصل مشكلة و بتعملي نوع من اليأس بس بيكون مؤقت يا اما في خطوة معلقة مش راضية تخلص. و في الحالتين مش بعمل حاجة خاااااااااالص بدي لنفسي وقت مش اكتر و شوية و الحماس يرجعلي تاني لوحده

السلام عليكم و رحمة الله و بركاته

ايه يا جودعان حكاية الحماس.......حماس.....انتو مش مع حركة فتح و لا ايه...؟؟؟؟و وبعدين كام مرة نقول بلاش نتكلم في السياسة؟؟

انا اعرف ان اللي عايز ينضم لحماس.... :rolleyes: .....

يلف نفسه كده في ديناميت الارداة

و يفجر اي فكرة مش و لابد بتحدفه لورا

و يشمر دراعاته و يخش ع العدو عند المعبر بين النجاح و حالة الحياة الراكدة.....

يخش بقلب جامد......

بس خلاص

سؤالي للي بعدي...و لو انا حاسة ان اللعبة صفصفت علي رضوي و دامو و حد تالت مش عارفين اسمه.... :blush2:

عايز تجيب هدية حلوة لشخص.....بس في حدود 3 جنية و ربع (ادينا بنستثمر فلوس يوزر.... )....لا هدية فيها المواصفات التالية

لا غالية و لا رخيصة

لا معبرة اوي و لا بتاعت يوم الاسرة

يعني بمعني اصح....حيادية..........قولوا اقتراحتكم....حريمي و رجالي.....و رجالي مقاس 44....... :rolleyes:

فوتكم بعافية

مسااااااااااكم لمعة عينين بتشوف هدية حلوة.......ملفوفة بسوليفان بس فيها بهجة العالم

[رضوي]

تصدقي نفس الاحساس

مافيش حد بيدخل اللعبة غيرنا احنا التلاتة

شيكووووووووووووووز تعالي بقي علشان العصابة تكمل

شوفي يابنتي

هدية عادية لخالتك شلبية

عروستي !!!!!

طيب يعني بجد هي هدية حريمي ولا رجالي ؟؟

اكيد بتفرق

اقولك

ايه رأيك في طقم اقلام ؟؟؟

اكيد مش دهب ولا فضة

لا ......... برده مش اقلام من التانية اللي بتترزع ع الوش يبقي قفا علي طول

طيب ماتقولي اي اشارة ...... يعني بمناسبة ايه ؟؟ السن كام سنة ؟؟

بتشتغل ولا لأ ........ كدة يعني

اي توضيح يالماضة ........ اي علامة

[لماضة مصرية جدا]

تصدقي نفس الاحساس

مافيش حد بيدخل اللعبة غيرنا احنا التلاتة

شيكووووووووووووووز تعالي بقي علشان العصابة تكمل

شوفي يابنتي

هدية عادية لخالتك شلبية

عروستي !!!!!

طيب يعني بجد هي هدية حريمي ولا رجالي ؟؟

اكيد بتفرق

اقولك

ايه رأيك في طقم اقلام ؟؟؟

اكيد مش دهب ولا فضة

لا ......... برده مش اقلام من التانية اللي بتترزع ع الوش يبقي قفا علي طول

طيب ماتقولي اي اشارة ...... يعني بمناسبة ايه ؟؟ السن كام سنة ؟؟

بتشتغل ولا لأ ........ كدة يعني

اي توضيح يالماضة ........ اي علامة

السلام عليكم و رحمة الله و بركاته

ياااااااااااااااااااااااااااااااااااه.....انتي كنتي بتسالي يا رضرض....مع اني مبحبش حد يسال علي سؤال.....

بس خلاص بقي يا رياسة.......الفلة في الزازة و شمعنا الفتلة و الهدية اتظبطت.....و ان شاء الله تنول الرضي....و ان منالتوش.....لاكون بايعاها في سوق الكانتون

=============

سؤالي

تعمل ايه

لو حد بيتذاكي عليك......و مستغبيك علي الاخر؟؟؟

امتي الواحد بيحس نفسه انه ذكي اوي؟؟؟

و ان اللي قدامه غبي...لمؤاخذة....؟؟؟

يا تري انت انهي فريق....الذكي...و لا الذكي بس من مدرجات الدرجة التالتة؟؟؟

و تتصرف ازاي مع الناس اللي بتحب تتذاكي؟؟؟

[لماضة مصرية جدا]

السلام عليكم و رحمة الله و بركاته

حبايبي الحلوين

ده لو حد بيجي هنا اصلا...... wst::

بس آديلي فترة عمالة افكر

مش تحسوا ان الوقفات الاحتجاجية كترت اوي في مصر اليومين دول.......انا اعرف ان الناس تعترض علي قانون الطواريء....مثلا.......بس من اسبوع فيه امهات راحوا جابو يافطات و طلعوا بيها عشان اللي حصل في امتحان الثانوية العامة...و من شوية كنت بتفرج ع التلفزيون برنامج الحياة و لقيت واحدة بتوقل انها بكرة هتعمل وقفة احتجاجية....و دعت ليها عن طريق الفيس بوك....عشان الزواج التاني بالنسبة للمسيحين

سؤالي بقي

تفتكروا مصر ممكن تتغير بشباب الفيس بوك...و الوقفات الاحتجاجية.....و اوعي حد يفهم اني بتهكم...انا بسأل...اصلي حاسة الحاجة لما تزيد عن حدها ممكن تنقلب ضدها؟؟؟ و خايفة يكونوا...... :lol:

طب سؤال ع السؤال

يا تري احنا في مصر عندنا ثقافة المظاهرة......او الاضراب........اصلي بشوف في بلاد بره الدنيا غير كده خالص؟؟؟

طب سؤال و ده من الاخر.....

طب نعبر ازاااااااااااااااي؟؟؟؟

و ازاي تعبيرنا يكون فعلا قوة مؤثرة.....بعيد عن الشو الاعلامي!!!

بس خلاص

فوتكم بعافية

مساااااااكم.......

[رضوي]

لموضة

معلش ممكن اجاوب علي سؤالك بعدين

بس فيه سؤال نفسي اعرف اجابته

هي الناس راحت فيــــــــــــــــــــــــــــن ؟؟؟؟؟؟

اللعبة دي كان فيه ناس كتير بيلعبوها

- ذهوبة .... بتشارك مشاركات بسيطة اوي في المنتدي

- دامو ....... حبيبتي ليه مابقتش تشارك خالص

- جو .......... اختفي ومابقاش بيشارك اصلاً

- جست مي ........ تقريبا سافر خارج محاورات المصريين

-الباشمهندس ياسر ......برده مش موجود

- شيكو حياتي ....... أنا عارفة انها مشغولة ..... ربنا يوفقها يارب

- بوسي ام عمر .......... راحت فين واخدت عموري معاها وحشونا اوي

- صوفيا ........ ربنا يوفقها في الكورسات بتاعتها

واخوة واخوات افاضل برده كانو بيشاركونا وغابو عننا ومعرفش ايه سبب الاختفاء الجماعي دة ..

ياتري حد يعرف السبب ؟؟؟

[لماضة مصرية جدا]

السلام عليكم و رحمة الله و بركاته

ازيك يا رضرض....يعني آديلي ردح من الزمن مش شايفاكي يا بنتي.....إيه يا اما انتي فين

و ده كان استهلال لابد منه

بصي عايزة وجهة نظري الصغنتتة.....المحاورات متهيالي بتبقي مرحلة...يعني حبة كده......ممكن الناس تزهق.....(عقبالي يا رب)....و ممكن تكون مشغولة في الدنيا الكبيرة أوي.....(مع اني بحاول انساها هنا.....و بفتكر الناس بتعمل زيي....بس يمكن لا)......و يمكن مش عندهم اسئلة مثلا؟؟؟

يبقي ايه الحل

اقعد اغني انا و انتي بقي ظلموه.....

بصي في ليلة من ذات الليالي و انا بحدف السؤال اللي فوق دوت....دخلت و قوووووووووم ايه الاقيكي يا بنتي حوالي 54 زائر......قولت ف عقل بالي ...اوعي الطحن و الفحت و الردم.....ده احنا هنتهري اسئلة.....و بعدين ارجع الاقي محدش عبر المنطقشة حتي بسلامو عليكم

احنا يا نكمل في الحوتة دي

يا نفتكس افتكاسة جديدة.......مع ان مع موسم الاجازات دوت...حاسة ان المحاورات هتبقي ع الاوفلاين

مش عارفة انتي ايه رايك

ع جنب بقي

سلميلي عليكي اوي اوي.....و سلميلي علي شيكو جدا جدا.....انا فقدت وسائل الاتصال بيكو.....لان موبايلي تعرض لحادث عنيف اوي جدا خالص.....اثرارتطامة بالسيراميك......بس الحمد لله تقرير الطب الشرعي قال ان مش الخبطة هي اللي موتته...هو كان تعبان لوحده........النوبايل...مش حد تاني

مساكي رغي بنات......بس لذيذ

فوتك بعافية

[amy]

السلام عليكم و رحمة الله و بركاته

ازيك يا رضرض....يعني آديلي ردح من الزمن مش شايفاكي يا بنتي.....إيه يا اما انتي فين

و ده كان استهلال لابد منه

بصي عايزة وجهة نظري الصغنتتة.....المحاورات متهيالي بتبقي مرحلة...يعني حبة كده......ممكن الناس تزهق.....(عقبالي يا رب)....و ممكن تكون مشغولة في الدنيا الكبيرة أوي.....(مع اني بحاول انساها هنا.....و بفتكر الناس بتعمل زيي....بس يمكن لا)......و يمكن مش عندهم اسئلة مثلا؟؟؟

يبقي ايه الحل

اقعد اغني انا و انتي بقي ظلموه.....

بصي في ليلة من ذات الليالي و انا بحدف السؤال اللي فوق دوت....دخلت و قوووووووووم ايه الاقيكي يا بنتي حوالي 54 زائر......قولت ف عقل بالي ...اوعي الطحن و الفحت و الردم.....ده احنا هنتهري اسئلة.....و بعدين ارجع الاقي محدش عبر المنطقشة حتي بسلامو عليكم

احنا يا نكمل في الحوتة دي

يا نفتكس افتكاسة جديدة.......مع ان مع موسم الاجازات دوت...حاسة ان المحاورات هتبقي ع الاوفلاين

مش عارفة انتي ايه رايك

ع جنب بقي

سلميلي عليكي اوي اوي.....و سلميلي علي شيكو جدا جدا.....انا فقدت وسائل الاتصال بيكو.....لان موبايلي تعرض لحادث عنيف اوي جدا خالص.....اثرارتطامة بالسيراميك......بس الحمد لله تقرير الطب الشرعي قال ان مش الخبطة هي اللي موتته...هو كان تعبان لوحده........النوبايل...مش حد تاني

مساكي رغي بنات......بس لذيذ

فوتك بعافية

السلام عليكم عاملين ايه انا عن نفسى بدخل المحاورات تقريبا كل يوم وبيبقى نفسى اشارك واكتب معاكم بس الحكايه انى بالاقى كل حاجه مكتوبه والاسئه الى بتدور فى دماغى متجاوب عليها بالاقى نفسى قاعده اقرء كل كلامكم الى زى العسل ده وبصراحه ببقى مبسوطه قوى وانا بتجول فى المحاورات وهو ده مخرجى الوحيد من السعوديه وشكرا ليكم كلكم

[ذهبية]

طبعا ازيكم يا جماعة والله وحشتونى

الصيف بقى يا رضوى سفر و خروج علشان كدة الدخول قليل

كل سنة و انتم طيبين

سؤال علىالماشى كدة

متخاصم مع حد من العيلة لاسباب مقنعة جدااا اولها انة ما سالتش عليك نهائى لمدة سنة و نص واسباب تانية

جة من السفر ياترى

ياترى تسال علية ؟؟

ولا تحافظ على كرامتك ؟؟؟

ملاحظة اى تصرف هيحدد العلاقات فى المستقبل هيكون ازاى ؟؟؟ وهذا الشخص ليس طيبا بطبعة يعنى هتتفهم غلط جدااا

اممم هتبدا و تسال ولا تستنى لما الطرف التانى الى يسال ؟؟؟

وعايزة اجابة تحافظ على كرامتى !!!!!!!!!!!!!!

[رضوي]

السلام عليكم و رحمة الله و بركاته

ازيك يا رضرض....يعني آديلي ردح من الزمن مش شايفاكي يا بنتي.....إيه يا اما انتي فين

و ده كان استهلال لابد منه

بصي عايزة وجهة نظري الصغنتتة.....المحاورات متهيالي بتبقي مرحلة...يعني حبة كده......ممكن الناس تزهق.....(عقبالي يا رب)....و ممكن تكون مشغولة في الدنيا الكبيرة أوي.....(مع اني بحاول انساها هنا.....و بفتكر الناس بتعمل زيي....بس يمكن لا)......و يمكن مش عندهم اسئلة مثلا؟؟؟

يبقي ايه الحل

اقعد اغني انا و انتي بقي ظلموه.....

بصي في ليلة من ذات الليالي و انا بحدف السؤال اللي فوق دوت....دخلت و قوووووووووم ايه الاقيكي يا بنتي حوالي 54 زائر......قولت ف عقل بالي ...اوعي الطحن و الفحت و الردم.....ده احنا هنتهري اسئلة.....و بعدين ارجع الاقي محدش عبر المنطقشة حتي بسلامو عليكم

احنا يا نكمل في الحوتة دي

يا نفتكس افتكاسة جديدة.......مع ان مع موسم الاجازات دوت...حاسة ان المحاورات هتبقي ع الاوفلاين

مش عارفة انتي ايه رايك

ع جنب بقي

سلميلي عليكي اوي اوي.....و سلميلي علي شيكو جدا جدا.....انا فقدت وسائل الاتصال بيكو.....لان موبايلي تعرض لحادث عنيف اوي جدا خالص.....اثرارتطامة بالسيراميك......بس الحمد لله تقرير الطب الشرعي قال ان مش الخبطة هي اللي موتته...هو كان تعبان لوحده........النوبايل...مش حد تاني

مساكي رغي بنات......بس لذيذ

فوتك بعافية

اهلا لموضة

يابنتي انا تحت النظر وموجودة وبشارك .......

انتي كمان وحشتيني اوي ........... والف مليون سلامة علي موبايلك ..... قصدي الله يرحمه بقي

وان شاء الله هسلملك علي شيكو .........

بالنوسبة بقي للمنطقة الصحراوية اللي احنا فيها دي ......... واضح ان الصيف دخل والاجازات بدأت والناس هاجرت

ربنا يرجعهم بالسلامة يارب

[رضوي]

السلام عليكم عاملين ايه انا عن نفسى بدخل المحاورات تقريبا كل يوم وبيبقى نفسى اشارك واكتب معاكم بس الحكايه انى بالاقى كل حاجه مكتوبه والاسئه الى بتدور فى دماغى متجاوب عليها بالاقى نفسى قاعده اقرء كل كلامكم الى زى العسل ده وبصراحه ببقى مبسوطه قوى وانا بتجول فى المحاورات وهو ده مخرجى الوحيد من السعوديه وشكرا ليكم كلكم

وعليكم السلام ورحمة الله وبركاته

اهلا بالاخت ايمي

نورتي مصر ........ قصدي نورتي المحاورات

عادي ولا يهمك اسألي تاني ......... واحنا نجاوب تاني

نوووووبروبلم

[رضوي]

طبعا ازيكم يا جماعة والله وحشتونى

الصيف بقى يا رضوى سفر و خروج علشان كدة الدخول قليل

كل سنة و انتم طيبين

سؤال علىالماشى كدة

متخاصم مع حد من العيلة لاسباب مقنعة جدااا اولها انة ما سالتش عليك نهائى لمدة سنة و نص واسباب تانية

جة من السفر ياترى

ياترى تسال علية ؟؟

ولا تحافظ على كرامتك ؟؟؟

ملاحظة اى تصرف هيحدد العلاقات فى المستقبل هيكون ازاى ؟؟؟ وهذا الشخص ليس طيبا بطبعة يعنى هتتفهم غلط جدااا

اممم هتبدا و تسال ولا تستنى لما الطرف التانى الى يسال ؟؟؟

وعايزة اجابة تحافظ على كرامتى !!!!!!!!!!!!!!

ذهوبة حبيبتي

علي فكرة انتي واحشاااااااااااااااااني جداً بجد

شوفي بقي ياحياتي

هو قعد سنة ونص ماسألش عليكي ........... طيب ليه انتي ماسألتيش واخدتي ثواب صلة الرحم ؟؟

طيب اقولك

خيركم من يبدأ

فخليكي انتي الأفضل عند الله سبحانه وتعالي ............. وإياكي وقطيعة الأرحام

هتقولي كرامتي .............. طيب ايه اللي يمس كرامتك لما تتصلي بحد قريبك وتصلي رحمه .......... او تقوليله حمدالله علي سلامتك نورت بلدك ؟؟؟

ياتري هو زعلك وغلط فيكي او اهانك ؟؟؟؟؟؟؟

حتي لو ......... برده انا من وجهه نظري شايفة انه طالما قريبك وصلة قرابته قريبة اوي ........يبقي مافيهاش حاجة ابداً انك تبدئي .......ممكن كمان تحرجيه بذوقك وان انتي اللي بدأتي

أعتقد دة افضل واثوب عند الله سبحانه وتعالي

فخليكي مع ربنا وسيبك م البشر ......... وطالما نيتك خير فخلاص بقي ........ انسي اي زعل او اي خصام لأن الدنيا اتفه من كدة بكتييييييييييير اوي

[mekkawy]

طب فين السؤال بأة ؟

انا كل كام شهر أدخل أسأل عو انتوا بتلعبوا ازاي و محدش يرد عليا و أمشي :blink:

انا كدة فهمت .. بس مش لاقي سؤال أرد عليه .. فين السؤال بأة .. أنا أحط إيدي على السؤال تلاقوني فوريرة في الاجابة .. فين السؤاااال ؟ (وش سعيد صالح في مدرسة المشاغبين :blush2: )

مكاوى

[رضوي]

طب فين السؤال بأة ؟

انا كل كام شهر أدخل أسأل عو انتوا بتلعبوا ازاي و محدش يرد عليا و أمشي :blink:

انا كدة فهمت .. بس مش لاقي سؤال أرد عليه .. فين السؤال بأة .. أنا أحط إيدي على السؤال تلاقوني فوريرة في الاجابة .. فين السؤاااال ؟ (وش سعيد صالح في مدرسة المشاغبين :blush2: )

مكاوى

جاوب علي سؤال ذهبية

لأني ماعنديش أسئلة النهاردة ........... فسيبت سؤال ذهبية للي بعدي

انت بقي جاوب........ واسأل سؤال علشان نجاوب عليه

واللعبة تتحرك بقي

[mekkawy]

هو سعادتووم جاوبتي .. لكن مفيش مانع نجاوب تاني و اهو كله فايدة

شوفي يا فندم

هي المثالية بتقول اللي الفاضلة رضوى قالته .. مش المثالية .. الطبيعي .. لكن عشان القلوب متعلقة بالدنيا و الأهواء و النفس صعب ترويضها فبيحصل العكس

لكن لو الانسان قدر على نفسه و روضها ... اذن ... تسألي طبعاً في قرايبك و تبدأي بالسلام و تصليهم و ده لا يقلل من قدرك شئ ولا من كرامتك .. كان لينا دائماً قرابة بتعمل كدة مع والدي الله يبارك فيه و يحفظه .. و هو قايد لهم صوابعه شمع و إحنا نستغرب و ننكر عليه .. و هو مصر على موقفه .. لحد ما كبرت و ربنا نور بصيرتي بالالتزام .. فهمت والدي كان بيعمل كدة ليه و بقيت أشجعه .. حتى لما كان يتعب من الوضع لأنه بشر .. كنت أشده و اشجعه و أروح و أجي معاه و كان يتبسط أوي .. و اسمعي الحديث ده

‏ ‏عن ‏ ‏أبي هريرة ‏

‏أن رجلا قال يا رسول الله إن لي قرابة أصلهم ويقطعوني وأحسن إليهم ويسيئون إلي وأحلم عنهم ويجهلون علي فقال ‏ ‏لئن كنت كما قلت فكأنما ‏ ‏تسفهم المل ‏ ‏ولا يزال معك من الله ‏ ‏ظهير ‏ ‏عليهم ما دمت على ذلك ‏

و المل هو الرماد الحار

فها باة .. تقبلي ظهير الله و نصيره أم ترفضيه؟!!

مكاوى