لعبة كلنا نشترك فيها

[ذهبية]

اشكرك يا رضوى على الاجبابة و طبعا يا مكاوى

اتمنى ان انسى انى بشر و لى اهوائى و اعرف اصل الى ماامرنا بة رسولنا علية الصلاة و االسلام

اشكرك مرة اخرى على المشاركة

بس انت نسيت تسيب سؤال دة قانون اللعبة اللى يدخل يجاوب لازم يسيب سؤال الى وراة

هاحط انا سؤال

احلى حتة صيفت فيها و نفسك تروحها تانى و تقعد على بحرها اللى مش قادر تنساة لحد الان ؟؟؟

[رضوي]

اشكرك يا رضوى على الاجبابة و طبعا يا مكاوى

اتمنى ان انسى انى بشر و لى اهوائى و اعرف اصل الى ماامرنا بة رسولنا علية الصلاة و االسلام

اشكرك مرة اخرى على المشاركة

بس انت نسيت تسيب سؤال دة قانون اللعبة اللى يدخل يجاوب لازم يسيب سؤال الى وراة

هاحط انا سؤال

احلى حتة صيفت فيها و نفسك تروحها تانى و تقعد على بحرها اللى مش قادر تنساة لحد الان ؟؟؟

أحلي مكان صيفت فيه

اكيد اسكندرية ............... تحفة بجد ........ وتحسي بالحياه بجد هناك وخاصة لما تحبي تخرجي

واهدي مكان كان راس سدر .......... سواء بقي المياه الصافية والهدوء الرائع .......( اعتقد انها بقت دوشة شوية دلوقتي ) بس عيبها مافيهاش خروج ......... مياه وجو وبس ......... بتبقي تحفة مع العائلة كاملة ......... علشان نبقي شلة كبيرة اوي ونسهر سوا ونلعب

الغردقة بقي خرافة ........ومرسي مطروح جميلة جداً وهادية شوية ( بس بعيدة اوي .......ماحستش ببعد الغردقة زي ماحسيت ببعد مرسي مطروح معرفش ليه )

العريش كمان هادية وبحرها هادي نسبياً

بس الحياه كلها في الاسكندرية

خروج وفسح وسهر ( بس المياه مش هادية اصلاً ........ والشواطيء بتبقي زحمة )

يعني لو عايزة مكان هادي وفيه خصوصية ..... خليكي في البحر الاحمر ( خاصة الغردقة )

لو عايزة مكان خروج وتنطيط خليكي في الاسكندرية

[رضوي]

نسيت اسيب سؤال

معلش

سؤالي :

هو احنا ليه لما بنضحك قوي قوي ............ بنخاف ونقول خير اللهم اجعله خير ؟؟

[mekkawy]

نسيت اسيب سؤال

معلش

سؤالي :

هو احنا ليه لما بنضحك قوي قوي ............ بنخاف ونقول خير اللهم اجعله خير ؟؟

كنت كتبت السطرين دول مرة كدة :

(و كان الانسان عجولا) و حينما تصيبنا مصيبة نجزع و نخاف (إن الانسان خلق هلوعا) و يصيبنا الحزن و الهم و الانكسار (و خلق الانسان ضعيفا)

أولاً .... أنا رأيي إن الموضوع ده نقص في الايمان بقضاء الله و قدره

ثانياً ... ده الخوف الفطري لبني آدم .. خايف إنه لما يفرح أوي ... يتنكد أوي أو تجيله مصيبة أوي .. لأن ببساطة و زي ما قلت قبل كدة مرة .. مفيش سعادة كاملة في الدنيا .. دي مش بس المشايخ اللي عارفينها ... إنما كل بنى آدم طبيعي و فطرته سليمة عارف إن مفيش سعادة كاملة في الدنيا .. فلما بينبسط أوي .. بيكون متأكد غن الانبساط ده لن يكتمل و بالتالي بيقول استر يا رب.

لكن أنصح بالتسليم لله أوي و بإن الواحد يعيش اللحظة أوي أوي .. لام يجيلك انبساط و ضحك ... موووووووووووت نفسك من الضحك و الانبساط و يا عمي متخفش .. هو إنت ضامن تعيش لحد ما النكد ييجي ... اضحك و انبسط في وقتها و بس و متفكرش في اللي بعدها ... اللي بعدها للي خلقها :blink:

تحياتي

سؤالي بأة

ايه أثر بر/عقوق والديك في حياتك؟

و ما أقصدش بعقوق يعني العقوق المعروف .. بس مثلاً عندت معاهم في مرة .. مسمعتش كلامهم في مرة .. ركبت دماغهم ضد رأيهم ... كدة يعني

مكاوى

تم تعديل 26 يونيو 2010 بواسطة mekkawy

[Howayda Ismail]

ممكن اشترك فى اللعبة

بالنسبة لى ظهر برى وحبى لابوى والحمد لله انا شايفة حب ربنا لى وده ظاهر فى حب الناس لى حتى الذين لايعرفونى

ونعمة الرضا اللى ربنا منحها لى واللى شايفها اكتر حب ولادى وارتباطهم الكبير بى .

السؤال

ليه الواحد بيتأثر بكل الاخبار السيئة اللى بنسمعها فى البلد لدرجة انها بتأثر على حياتنا الشخصية؟

[mekkawy]

السؤال

ليه الواحد بيتأثر بكل الاخبار السيئة اللى بنسمعها فى البلد لدرجة انها بتأثر على حياتنا الشخصية؟

ببساطة علشان دي بلدنا

تخيلي لو بيتكم .. العمارة يعني .. واحد في الدور اللي فوقيكم تعب .. عادي بالنسبة ليكم ؟؟؟ ولا هتزعلوا عشانه ؟

طيب لو اللي تعب ده (ربنا يحفظكم يارب) جوة نفس البيت .. شقتكم يعني .. هتزعلوا ولا عادي بردو ؟

مصر دي بأة يا ستي بيتنا الكبير .. أنا و حضرتك و الجيران و جيران الجيران .. كلنا بيت واحد .. بس بيت كبير شوية .. لو واحد تعب ولا زعل .. كلنا بنزعل عشانه

مش كلنا اتربينا كدة بردو في الزمن الجميل :ninja:

ولا أقولك .... مثل المسلمين في توادهم و تراحمهم و تعاطفهم كمثل الجسد الواحد .. اذا اشتكي منه عضو .. تداعي له سائر الأعضاء بالسهر و الحمى .. أو كما قال صلى الله عليه و سلم

مسائكم لمة جميلة في بيت كبير على فطار رمضان ... ياااااااااااه ... ياما نفسي

مكاوى.. مفيش سؤال

[ذهبية]

احط سؤال انا

تتمنى مين يبقى رئيس مصر ؟؟؟

عن نفسى اتمنى عمرو موسى انت بقى تتمنى مين

[لماضة مصرية جدا]

احط سؤال انا

تتمنى مين يبقى رئيس مصر ؟؟؟

عن نفسى اتمنى عمرو موسى انت بقى تتمنى مين

السلام عليكم و رحمة الله و بركاته

اخيرا......يا كريم يا قوي....(وش اي شيال في محطة مصر)

أنا نفسي.....استاذ عبد الوهاب المسيري الله يرحمه هو اللي يحكم مصر

او استاذ عبد الوهاب مطاوع....الله يرحمه برضه

ايه ده مالي فاتحة صفحة الوفيات كده.... :unsure:

بس الشخصين دول بالذات عندهم قدرة كبيرة جدا انهم يتعاملوا مع اصعب المشكلات بشكل انساني راقي...

مصر محتاجة دلوقتي شوية انسانية...حد يحس بالبني آدمين...و معاناتهم

اللي يحكم مصر بجد

عمر طاهر.......ا

يون عشان نبقي نايمين علي زغازيغ....صاحين علي لعب في الدماغ

ع جنب بقي:

ليه يحكم مصر شخص واحد؟؟؟.....

ليه متكونشي مؤسسة....

ليه ميكونشي فريق استشاري....اي مجموعة كده كل في تخصصه...مش لازم نخنقها في شخص واحد

سؤالي للي بعدي

بتخاف من ايه؟؟؟

فوتكم بعافية

صباحكم.....حنين....للعبة زماااااااااان

[mekkawy]

بتخاف من ايه؟؟؟

فوتكم بعافية

صباحكم.....حنين....للعبة زماااااااااان

بأخاف من اللي فات سات ..

سؤالي:

بتكتب كام كلمة في الدقيقة ؟

مكاوى

[لماضة مصرية جدا]

بتخاف من ايه؟؟؟

فوتكم بعافية

صباحكم.....حنين....للعبة زماااااااااان

بأخاف من اللي فات سات ..

سؤالي:

بتكتب كام كلمة في الدقيقة ؟

مكاوى

السلام عليكم و رحمة الله و بركاته

ايه يا عكاوي ده

كده تقلب السؤال في كلمتين....اومال هنرغي و نلت و نعجن في ايه (وش عمتي و هي قاعدة بتخبز عيش توحفة اسمه العيش المنطط حد اكله....حكااااااااااية)

بالنوسبة لاجابة سؤال بقي

بسم الله الرحمن الرحيم

معرفشي

(وش عيل رخم واقف و احاطط ايده في وسطه....و علي وشك يحط صباعه في عينك.... :happy: )

بجد معرفشي...بس سريعة في الانجليزي عن العربي

سؤالي بقي:

لو قاعد في الشغل و فجأة لقيت الريسبشب...بينادوا عليك

و فجأة نزلت و انت متأمع كده زي البامية و عامل سخصية ع الموظفين

نزلت لقيت خطيبتك/ خطيبك......مراتك/ جوزك يا اسماعيل بيه

هو/ هي

جاي يصالحك علشان انبارح دبيتوا خناقة للسما و رميتوا الدبل.... (بس الدبل مربوطة باستك....تتقلع...تلسع و بعدين ترجع تاااااني)

يا تري رد فعلك في لحظتها ايه؟؟

هيكبر في عينك......هتزعق...فضحتيني يا ولية.....هتسكت....هتعمل ايه؟؟؟

طب بتؤمن انك تفاجيء الضحية زوجك/ خطيبك/ زوجتك/ خطيبتك؟؟؟؟

بس خلاص

مساكم مفاجأة غير متوقعة.....بس محدش ينكر بتبقي حلوة

فوتكم بعافية

[mekkawy]

شفتوا قلب الاجابات ؟؟ :lol:

يا مس لماضة لما سألت سؤالي كان هدفي إن اللي يجاوب يعرف حاجة جديدة عن نفسه :lol: يعني حضرتك كان لازم تجيبي ساعة و تفتحي صفحة وورد و تقعدي تكتبي لمدة دقيقة و تجاوبي .. مش ما أعرفش :happy: .. يا شماتة أبلة طازة فيا

اجابتي بأة

آآآآآآآآه جداً أوي خالص

لو حصل و زوجتي عملت معايا كدة هأتبسط طبعاً و هتكبر في نظري .. بس هتتحاسب عشان خرجت من غير إذني (مهو لازم عشان تفاجأني) بس ماليش فيه .. خرجت و كان ممكن السوارس تصدمها :lol:

و انا جداً جداً مع المفاجأت في المواضيع دي لأنها بتخلص في ثواني و تلاقي الطرقين ضحكوا و انتهينا .. مجنون .. مجنونة .. كلمة من هنا على كلمة من هنا قلمين من هنا على قلمين من هنا .. صافي يا لبن حليب يا جهينة

ايـــــــــه فكرتينا يا لماضة يا بنتنا باللذي مضى ..

سؤالي لسعيد الحظ اللي بعدي

صوتك عالي ؟؟

مكاوي

[ذهبية]

صوتك عالي ؟؟

دة بقى سؤال حريمى و لا رجالى

عموما هاجاوب

مش الطبيعى عالى طبعا واطى لكن فى حاليتن عالى فى العصبية و الفرح الشديد شوفت التناقض

سؤالى رجالى

لية بعض الرجال اللى مش رجال بتعتبر الرجولة فى مد الايد و طولة اللسان هل بيجى من اية من التربية و لا بيشوف ابوة كدة

والا اصحابة كدة

النقيض بقى

لما يكون الراجل هادى لدرجة البرود دة سببة اية ؟؟؟؟؟؟و ياترى حلة اية دة ؟؟؟؟وهل فية عالج اصلا للحالتين

[mekkawy]

صوتك عالي ؟؟

دة بقى سؤال حريمى و لا رجالى

عموما هاجاوب

مش الطبيعى عالى طبعا واطى لكن فى حاليتن عالى فى العصبية و الفرح الشديد شوفت التناقض

سؤالى رجالى

لية بعض الرجال اللى مش رجال بتعتبر الرجولة فى مد الايد و طولة اللسان هل بيجى من اية من التربية و لا بيشوف ابوة كدة

والا اصحابة كدة

النقيض بقى

لما يكون الراجل هادى لدرجة البرود دة سببة اية ؟؟؟؟؟؟و ياترى حلة اية دة ؟؟؟؟وهل فية عالج اصلا للحالتين

الفاضلة ذهبية

سؤالي كان رجيمي (رجالي حريمي يعني) لكن الصراحة أكتر هو حريمي لأن دي آفة في النساء .. إني واي .. شكراً على الاجابة

أجاوبك بأة

حضرتك جاوبتي نفسك في السؤال .. الراجل اللي مش راجل .. و أعدل و أقول .. الذكر اللي مش راجل

اللي بيضرب و بيطول لسانه ده ليه أسباب كتير أوي نعرض منها على ترتيب الدافع:

1 - نقص في الرجولة بيعوضه بإنه يستقوى على اللي أدامه بالصوت العالي و القوة العضلية و ما لا يستطيع الطرف الآخر مجاراته فيه (قلة الأدب)

2 - سوء تربية أو رؤية نموذج فاسد (كالأب مثلاً) بيعامل الأم كدة فتخيل إن ده الطبيعي لأنه ما شافش غيره

3 - محاولة فرض سيطرة و مباهاة أمام الأقران بإنه هو سبع الترومبة اللي مفيش منه اتنين

4 - قلة دين و عدم تقوى لله لغياب الوازع الديني أصلاً

البـــــــــــــــــــــــارد

شوفي مفيش حد كامل .. و الراجل البارد للست أحسن من العصبي .. أنا بارد .. بس مش بقلة أدب يعني .. إنما بأمتص غضبي لجوة فبالتالي لا أغضب إطلاقاً تقريباً .. ساعات اللي قدامك بيكون عاوزك تغلط و تثور و تزعق علشان يركبك غلط .. إنما لما يلاقيك كدة بارد فبيتنرفز أكتر و بيهيج أكتر .. مش ذنبي

تخيلي معايا حياة الراجل فيها عصبي و الست عصبية ... ايه رأيك ؟؟؟

البرود حلو بس مش لدرجة النقطة .. التطرف في أي حاجة بيفسدها عامة

تحياتي

سؤالي

عيالك هيكبروا و يبدأوا يكلموك إنجليزي .. يا ترى هتجاريهم ولا هتقولهم عربي و بس ولا هتنكسف منهم ؟؟

مكاوى

[Damo]

سؤالي

عيالك هيكبروا و يبدأوا يكلموك إنجليزي .. يا ترى هتجاريهم ولا هتقولهم عربي و بس ولا هتنكسف منهم ؟؟

يا جماعة حد عندو عيال يرد

عايزه العب من زمان و لسه بدري قوي على اي عيال

[hOuSsAm]

سؤالي

عيالك هيكبروا و يبدأوا يكلموك إنجليزي .. يا ترى هتجاريهم ولا هتقولهم عربي و بس ولا هتنكسف منهم ؟؟

يا جماعة حد عندو عيال يرد

عايزه العب من زمان و لسه بدري قوي على اي عيال

هعرفهم ان كلامهم الانجليزى ده جميل وميزة فى حد ذاته وهجاريهم بس مينفعش ده فى كل وقت

الكلام بالانجليزى ليه اوقات معينة او اماكن معينة كالدراسة او المحاضرات

وان كنت عشان انمى الموهبة دى معاهم وعشان هما حابينها هخصص ليهم وقت معين يتكلموا فيه وهيبقى الكنترول من عندى

ولو لاقيتهم هاوينه اوى (يعنى واخدينه عن حب والموضوع بقى اوفر معاهم اوى) هبدا اطلب منهم طلبات تانية انا عايزها او مهارات تانية بالتوازى مع الانجلش مثلا ممارسة رياضة معينة او يقراوا فى الاقتصاد بالانجلش السياسة العلوم عشان تبقى لغة وعلم معاهم

واعرفهم كمان زى ما الانجلش مهم لمستقبلك وشغلك العربى اهم عشان دينك وهويتك وان القران عربى واحاول اعلمهم عربى بجد عشان يبقى متميزين ويقدروا يخدموا ديبنهم بكذا شكل

سؤالى

نزلت اجازتك ومش لاقى اصحابك (كله ملهو بحياته وكله فى مكان مختلف)

وقعدت مع اهلك بما فيه الكفاية واهو كل يوم معاهم بس انت عايز تخرج وتروح وتيجى وتعيش حياتك او تقضى اجازة لذيذة.......... وهما ملهمش فى المود ده هما بيتوتيين شوية............. هتعمل ايه؟

[shiko]

....حاول تنظم احداث او انشطة تشرك معاك الاخرين ...

هاتقولى زى ايه هاقولك زى اية يا سيدى ....

1-احجز فى اى مكان ساحلى مناسب واعزم اخواتك واولادهم .....

2-انزل اشترك فى اى لعبة فى النادى ...واتعرف على ناس جديدة ...

3-صلى بالمسجد القريب ...وشوف لو ليهم انشطة حاول تشارك فيها....

4- اعمل عزومة لصحابك فى البيت واخرج معاهم .بعد الغدا ...

5- اشترك فى اى نشاط تابع لجمعية..قريبة من البيت ...

اخيرا حاول تستمتع بحضن اسرتك فقط حضنهم .....

طيب السؤال بقى وده مهم ..جدا ...

نزلت النادى تتمرن على لعبة جديدة لاول مرة ....

قوم الكابتن ايه ...؟؟يحطك مع مجموعة من الاطفال لا يزيد اعمارهم عن 6 سنين ...

تعمل ايه ..؟؟تكمل تمرين عادى ..وايه يعنى ..؟؟؟

....ولا تتكسف من نفسك وتسيبك من الموضوع اصلا؟؟

تم تعديل 9 يوليو 2010 بواسطة shiko

[لماضة مصرية جدا]

اخيرا حاول تستمتع بحضن اسرتك فقط حضنهم .....

طيب السؤال بقى وده مهم ..جدا ...

نزلت النادى تتمرن على لعبة جديدة لاول مرة ....

قوم الكابتن ايه ...؟؟يحطك مع مجموعة من الاطفال لا يزيد اعمارهم عن 6 سنين ...

تعمل ايه ..؟؟تكمل تمرين عادى ..وايه يعنى ..؟؟؟

....ولا تتكسف من نفسك وتسيبك من الموضوع اصلا؟؟

السلام عليكم و رحمة الله و بركاته

انتي يا حاجة......يعني الكلمة اللي فوق دي وجعت قلبي.....ابقي اعملي مارشدير لورا...احسن انا البي متشحتف لوحده

معاكي جدا ان الاجازة هي فرصة ان الواحد يعوض كل التفاصيل الصغيرة اوي اللي افتقدها طول السنة مع اهله....اينعم اول ليلة رجوع بنقضيها سهر للصبح متخيلين ان احنا ممكن نختزل كل حكايا السفر في ليلة.....بس فيه تفاصيل تانية لازم نعيشها معاهم كل يوم

انا بقي بحب جدا انزل مع ماما في رحلتها المكوكية اللميزة جدا لبائع الخضار و الفكهاني و سامح بتاع الفراخ و عم مش فاكره اسمه البقال....امي عندها قدرة غريبة انها تلتحم مع الجماهير و انا بحب الصراحة احشر نفسي وسطيهم

سؤالك يا معلمة شيكو

وااااااااو...طبعا من غير تفكير ترمي نفسك و سط الاشبال و ااقولك ليه:

1- اولا عشان عيال.....و ده معناه انك لما تهبلي سوري في اللفظ مش هتلاقي واحدة تمصمص شفايفها و لا تضحك ضحكة كده و لا كده....فهتعيشي بقي براحتك اوي

2- هو الهدف ايه....مش انك تتعلمي.....حلو يبقي مع قصيرين و لا طوال مش هتفرق بقي.....بس المهم متكونشي باسكت....لانها لو كده هتبقي ميزة لصالحك....انتي اطول واحدة في الفريقز

3- هتكوني صداقات غير متوقعة.....و ده هيخليكي تبقي براحتك اوي......و عينك هتلقط حاجات حلوة كتير

روحي يا بنتي علي بركة الله و متنسيش تلبسي التاريننج البمبي ابو كرانيش خضرا.....مش هي تانت صفاء ابو السعود كانت قالت "العيد فرحة"

سؤالي للي بعدي

ليه الاخ الكبير....او الاخت الحقيقة بيبقي اهبل اخواته......و اللي بعده لزم بيبقي ناصح وواعي و فاهم الدنيا اكتر منك مع انك المفروض انت اللي لفيت اكتر و عامل فيها البوبي اللي بارم ديله و عمله فوينكة؟؟؟؟

كان معكم

لماضة......الهبلة...من حكم موقعي كاخت اكبر لاخت اقصر

بس خلاص

مساكم كويس ان شاء الله

[hOuSsAm]

سؤالي للي بعدي

ليه الاخ الكبير....او الاخت الحقيقة بيبقي اهبل اخواته......و اللي بعده لزم بيبقي ناصح وواعي و فاهم الدنيا اكتر منك مع انك المفروض انت اللي لفيت اكتر و عامل فيها البوبي اللي بارم ديله و عمله فوينكة؟؟؟؟

كان معكم

لماضة......الهبلة...من حكم موقعي كاخت اكبر لاخت اقصر

بس خلاص

مساكم كويس ان شاء الله

بصى انا معنديش تفسير علمى للموضوع ده بس هقولك عن تجربتى الشخصية

انا الاخ الصغير ليهم يعنى اخر العنقود زى مبيقولوا يعنى الفتى المدلل

طيب هو ايه اللى حصل؟

انا زمايل بابا فى الشغل بقوا اصحابى وبخرج معاهم سواء بابا موجود ولا لاء وعايش معاهم الحياة وبنتكلم فى مواضيع جادة (بيبقوا فى سن الضياع يعنى انا بدات معاهم انا كنت 10 سنين وهما معديين الخمسين :closedeyes: )

زميلات ماما فى المدرسة كنت بدردش معاهم فى التليفون وواخدين على بعض بس مش اوى زى زمايل بابا بس بردوا كنت عايش الحياة معاهم فى جو اسرى (بردوا كانوا فى سن الضياع :angry: )

اخواتى الاكبر منى (مش عايز اقولك انى بقيت صديق لزمايلهم بس لاء انا بقيت صديق ليهم اكتر من اخواتى يعنى نخرج مع بعضينا واخواتى مش معايا هما كانوا اكبر منى حوالى بين 7 او 10 سنين) بالاضافة كنت بروح الجامعة مع اخويا وبقعد مع اصحابه وكنت بشوفهم وهما بيتكلموا عالكلية وقرفها وانا طبعا بعيد لان كنت لسه فى اعدادى (استفدت اوى منهم واخدت انطباع عن الحياة الجامعية من قبل مدخلها)

طبعا اكتسبت خبرات وطريقة تعامل من الناس اللى فوق دى كلها مكنتش هعرفها لو استمريت فى حياتى بالمسار الطبيعى

حاجة كمان انى عشت مشاكلهم وخبراتهم وتجاربهم من بره يعنى مش وانا فى المشكلة

بمعنى اخويا كان زىى كلية تجارة وسبقنى بسبع سنين فانا شفت كل السلبيات اللى هو وقع فيها وتفاديتها مش هو بس لا هو واصحابه)

عشان كدة كتير بحس ان الاخ الصغير وبالذات فى العائلات الكبيرة اللى بتلاقى فيها تداخل اكتر من كدة مستفيد جدا عن الاخوات الكبار

سؤالى

لما تحس ان اللى حواليك مش فاهمينك ومش مستوعبين افكارك وطموحاتك

انت بتكلم فى وادى ودنيا وهما عايشيين فى وادى ودنيا تانية خالص

مش بتكلم انك صح وهما غلط او العكس

انما بتكلم ان الطموح مختلف وطريقة التفكير مختلفة

هتضيع وقت كبير معاهم وتفضل تقنعهم بافكارك وطموحاتك

ولا هتشوف ناس غيرهم فاهمين فكرك وطموحك وتعيش معاهم وخلاص

طيب لو مفيش الناس التانية اللى فاهمين فكرك وطموحك ده.......... هتتصرف ازاى؟

[رضوي]

السلام عليكم ورحمة الله وبركاته

ازيكم يامحاوراتية ...........

سؤالى

لما تحس ان اللى حواليك مش فاهمينك ومش مستوعبين افكارك وطموحاتك

انت بتكلم فى وادى ودنيا وهما عايشيين فى وادى ودنيا تانية خالص

مش بتكلم انك صح وهما غلط او العكس

انما بتكلم ان الطموح مختلف وطريقة التفكير مختلفة

هتضيع وقت كبير معاهم وتفضل تقنعهم بافكارك وطموحاتك

ولا هتشوف ناس غيرهم فاهمين فكرك وطموحك وتعيش معاهم وخلاص

طيب لو مفيش الناس التانية اللى فاهمين فكرك وطموحك ده.......... هتتصرف ازاى؟

عادي جدًا خالص اوي اننا نحس ان الناس مش فاهمانا .......... ودة مش سبب يدفعنا للضيق او الزعل ........ صحيح بنتخنق شوية بس بعدين بنتعود ع الوضع ......... وبنمشي في طريقنا طالما مقتنعين به وبهدفنا اللي عايزين نوصله ......... الناس مش هتقتنع بينا الا اذا وصلت لتحقيق هدفي ونجحت في الشيء اللي هما مااقتنعوش بيه ........ ساعتها بس هيقتنعوا

لو الناس مااقتنعتش بأفكاري وطموحاتي ........ مش هحاول معاهم كتير ....... ولا هدور علي ناس غيرهم ... هخلي المستقبل هو اللي يتكلم عني ......... هخلي طموحي هو اللي يعرفهم انا عايز ايه

المهم اكون انا مقتنع بطموحي وبهدفي علشان اقدر اواصل

سؤالي

هو ليه يومين الاجازة بيخلصوا بسرعة غير طبيعية ........ بعكس الايام العادية الطوييييييييييييييلة ....... ليه مابنحسش بوقت الاجازة الاسبوعية ........ ( علي الرغم اننا بنصحي بدري ) بس مابنلحقش نعمل كل اللي كنا عايزين نعمله في الاجازة ......... ونقعد نستني لما الاسبوع اللي بعده ينتهي علشان ناخد بيرك تاني

[hOuSsAm]

سؤالي

هو ليه يومين الاجازة بيخلصوا بسرعة غير طبيعية ........ (هى دى طبيعة الايام الحلوة ودى طبيعة الايام فى وقتنا الحالى وهو انتزاع البركة من الايام او المعيشة بصفة عامة والعيب مش فى ايام الاجازة انها بتخلص بسرعة ولكن العيب فى الايام العادية انها روتينية زيادة عن اللزوم فبتبقى تقيلة عن القلب بعكس الايام العادية الطوييييييييييييييلة ....... ليه مابنحسش بوقت الاجازة الاسبوعية ........ ( علي الرغم اننا بنصحي بدري ) بس مابنلحقش نعمل كل اللي كنا عايزين نعمله في الاجازة ......... (اظن ان ده نسبيا بسبب سوء التخطيط وعدم تنظيم الوقت بالاضافة الارهاق الغير عادى والاستريس طول الاسبوع عشان كدة لما تيجى الاجازة بنبقى عايزين نريح او نانتخ اوى) ونقعد نستني لما الاسبوع اللي بعده ينتهي علشان ناخد بيرك تاني

سؤالى

بتفتح (ى) الكمبيوتر بتاعك لاقيت الرسالة دى وصلتك....... هتفكر فى ايه بالظيط وهتتصرف ازاى........(مع العلم انت متعرفش حد بالمواصفات دى نهائيا والرسالة جاية باسمك بين السطور وده الغريب بالموضوع ) محدش يقول دى رسالة الكترونية

طيب مش دى المشكلة

بتفتح (ى) الكمبيوتر بتاع شريك (ة) حياتك وبنية حسنة لاقيت الرسالة دى ............. هتتصرف معاه ازاى........ وايه الانطباع اللى هتاخده عنه؟ ولو انكر معرفته بصاحب الرسالة هتصدقه ولا ايه النظااااااااااام........

حبيبي انا عملت اتنين ايفنت في مفاتيح النجاح وااحد للدبلومات والتاني للكوميونيكيشن انا حبيبي بخير النت هنا صعب قوي الساعة ب 15 درهم في الفندف مش مهم الفلوس المهم الوقت انا قلت النهارده اسهر وشيه اشتغل يا حياتي وحشتني قوي قوي اخدت البرفام بتاعتك معايه انا عايشه بيك وليك والله ليل نهار بفكر فيك بس انا حبيبي زعلانه منك كان نفسي قوي قوي تطمني عملت ايه في الامتحان بعتلك مسج وقلتلك وحياتي عندك تطمني انا عارفه انك رنتلي الساعه اتنين بس لو تعرف اللي جرى انا اشتريت كارت ب 100 درهم اكلمك منه المهم شحنته ومن غير ما احس شبك نت وانا كنت حطاه سايلنت عشان الشغل جيت اكلمك لقيته خلصان تصور الموقف لدرجة اني بتصل لقيته بيقولي مفيش كفايه صعقت قلت مش مممكن المهم طلع ان ده السبب اول ما خلصت ورجعت الفندق اشتريت كارت تاني واتصلت بيك وانت ما ردتش عليه بعت قلتلك بليز طمني عليك وعلى امتحانك يا غالي

كمان طمني اخبار حجز الكورس ايه ما تغبش عني لانك بتوحشني انت عارف وانت اكتر واحد بتفهم في الناس وعارف قد ايه اانا بحبك وبمووت فيك يا كل حياتي

انا بنزل 9 الصبح برجع 9 بالليل تخيل ؟ كمان لقيت رفيق مجهز مجموعه كده بنت لزينه مخلصين اول 3 مستويات بس وعايزين مني تقييمهم كويس قوي عشان اقول ينفع يكملو او لا ؟ في نفس الوقت انا الصبح بتدرب على البرنامج الجديد ادعيلي انجح

بحبك قوي قوي

لا اله الا الله

من حق انا عايز اجابتين مرة لو كنت انت صاحب (ة) الرسالة ومرة لو كنت اللى بتفتح الكمبيوتر بنية حسنة wst::