لعبة كلنا نشترك فيها

[Damo]

اولا انا ايه اللي يخليني افتح كمبيوتر شريكي! سواء نية حسنة او لأ في الحالتين مش اتيكيت خالص..غير بقى لو استأذنتو .

ثانيا لو فتحت الكمبيوتر لاي سبب و لقيت الرسالة دي مفتكرش انني هاوجهو. اعتقد اني هفضل عامله نفسي مش واخده بالي و معرفش لاجل غير مسمى. لو حد عزيز عليا بجد لا يمكن هستحمل افتح الموضوع ده معاه,,,مشهعرف هقول ايه و لو انكر انا هتعب اكتر يعني بيستهون بذكائي يعني!!! يعني هو فاكر انو كده ضحك عليا خلاص!!!!! الموقف صعب... ياااااا رب ما يحصلي ابدا :lol:

ثالثا لو انا صاحبة الرسالة دي حاجة بيني و بين جوزي انتو مالكو wst::

هسيب السؤال عشان حلو...نسمع اجابات تانيه

[ذهبية]

لما تكونى متجوزة واحد مش بيعمل اى شىء فى حياتة الا لما يستشير اخواتة

و لما بتقولى افكارك لهم علشان يقنعوة لان دة السبيل الوحيد للاقناع

تضطرى انك تحكى لهم افكارك علشان يقنعوة و يشجعوة

ينقدوااا افكارك انتى و يكرهوكى فيها و فعلا يمشى ورا كلامهم

و فجاة تلاقيهم

نفذوا كل الافكار دىىىىىى من وراكى بالحاذفير

قولوا ليا بقىىىىى

احساسكم اية ؟؟؟

وتعملى اية مع جوزكى و انتى هتولعى من الغيظ ؟؟؟

احساسكم اية وانتم بتشفوا احلامكم و افكارهم انتم غيرها بيخدوها منكم و ينفذوها هماااا

[لماضة مصرية جدا]

قولوا ليا بقىىىىى

احساسكم اية ؟؟؟

وتعملى اية مع جوزكى و انتى هتولعى من الغيظ ؟؟؟

احساسكم اية وانتم بتشفوا احلامكم و افكارهم انتم غيرها بيخدوها منكم و ينفذوها هماااا

السلام عليكم و رحمة الله و بركاته

عارفة طالما انتي حطيتي السؤال احساسكم.....يبقي يا ضي عيني الاجابة فيه

انتي متضايقة و ببساطة محدش هيحس بيكي و لا باللي جواكي و لا هيمد ايده و يطبطب عليكي

يبقي الحل ايه يا ذهبية الاحساس

احساسي...اني ابقي غالية علي نفسي

و افكاري تبقي بتاعتي....مهما اوحيت للي قدامي اني بكلمه فيها

بصي يا ذهبية

ببساطة انتي لما بتحكي اي حاجة لاي حد...متلوميش عليه او عليها انه هيمسك و يركز في كل التفاصيل اللي انتي قولتيها....و يفصل منها حلم لنفسه

احكي للي قدامك التفاصيل اللي تخدمك انتي.....مش اللي تخدمه هو.....و احتفظي بحتة كده ع جنب بتاعتك.... يعني ادي الخطوط العريضة

اما احساسك دلوقتي

قومي دلعي نفسك

و الله بكلمك بجد

احتفلي بدماغك

الدماغ اللي بتطلع فكرة يخطفها حد.....هتقدر تطلع افكار تانية كتير

متضيعيش بقي دماغك...في احساس الغيظ...

دلعي نفسك

اشتري دماغك.....دماغك هي اللي هتنفع للافكار الجاية......و ده كله نصيب...و ادعي ربنا كتير......و يمكن جزء من استحابة الدعوة انها متتحققشي.....محدش عارف الخير فين

ع جنب بقي

و.....ح......ش......ت....ي......ن........ي

مساكي افتقاد

[لماضة مصرية جدا]

حبيبي انا عملت اتنين ايفنت في مفاتيح النجاح وااحد للدبلومات والتاني للكوميونيكيشن انا حبيبي بخير النت هنا صعب قوي الساعة ب 15 درهم في الفندف مش مهم الفلوس المهم الوقت انا قلت النهارده اسهر وشيه اشتغل يا حياتي وحشتني قوي قوي اخدت البرفام بتاعتك معايه انا عايشه بيك وليك والله ليل نهار بفكر فيك بس انا حبيبي زعلانه منك كان نفسي قوي قوي تطمني عملت ايه في الامتحان بعتلك مسج وقلتلك وحياتي عندك تطمني انا عارفه انك رنتلي الساعه اتنين بس لو تعرف اللي جرى انا اشتريت كارت ب 100 درهم اكلمك منه المهم شحنته ومن غير ما احس شبك نت وانا كنت حطاه سايلنت عشان الشغل جيت اكلمك لقيته خلصان تصور الموقف لدرجة اني بتصل لقيته بيقولي مفيش كفايه صعقت قلت مش مممكن المهم طلع ان ده السبب اول ما خلصت ورجعت الفندق اشتريت كارت تاني واتصلت بيك وانت ما ردتش عليه بعت قلتلك بليز طمني عليك وعلى امتحانك يا غالي

كمان طمني اخبار حجز الكورس ايه ما تغبش عني لانك بتوحشني انت عارف وانت اكتر واحد بتفهم في الناس وعارف قد ايه اانا بحبك وبمووت فيك يا كل حياتي

انا بنزل 9 الصبح برجع 9 بالليل تخيل ؟ كمان لقيت رفيق مجهز مجموعه كده بنت لزينه مخلصين اول 3 مستويات بس وعايزين مني تقييمهم كويس قوي عشان اقول ينفع يكملو او لا ؟ في نفس الوقت انا الصبح بتدرب على البرنامج الجديد ادعيلي انجح

بحبك قوي قوي

لا اله الا الله

من حق انا عايز اجابتين مرة لو كنت انت صاحب (ة) الرسالة ومرة لو كنت اللى بتفتح الكمبيوتر بنية حسنة :blink:

السلام عليكم و رحمة الله و بركاته

الرسالة احساسها حلو الحقيقة...و ريحتها فايحة.....مش بتقوله اخدت الكالونيا بتاعتك معايا.....اتفضل (يا بنات اتقلوا مش كده طمعتوا فينا الشبوباب)

و بعدين انا حاساها بريئة اوي......يعني مافيهاش اي شبهة جنائية

لو فتحت الجهاز بتاع زوجي.....مع اني مبحبش الحركة الرخمة...دي...عشان يبقي عنده حبة هوا كده مع نفسه

لو لقيت الرسالة دي.......في وقتها مش هتكلم خالص

و احنا قاعدين علي الكنبة بعد ما يكون اتغدي و اخد قيلولته....و قام و شرب الشاي......و قاعد بقي مأنتخ كده ع الكنبة......هتسحب زي القطط و بعدين ااقوله....مش انا لقيت البتاعة دي......(و انا برمي بطرف عيني علي ملامح وشه)

و بعدين احدفه الجملة دي

بس اكتر حاجة عجبتني فيها انها ناعمة اوي و احساسها حلو اوي

رد فعله بقي هو المهم......لو قراها....باهتمام و قالي اه و الله ناعمة مبتعتليش زيها ليه....يبقي هيفضل زوجي للابد

لو اتعصب و علا صوته.....و ازاي يا هانم و مش عارفة ايه....يبقي هعرف ع طول انه بيكذب.......و برضه هيفضل جوزي للابد....اومال العيلين يتشردوا يعني (و طبعا ده ع افتراض ما سيكون باذن الله)

هسكت شوية....و بعدها هكلمه بشكل مباشر...بس المرة دي.....انا اتضايقت عشان كذا....و الموضوع ده بيضايقني و بيجرحني....لو فيه فعلا محاولات هتلرية مع الست السايحة علي نفسها بليز نلم الليلة لانها بتوجع

هقولها في وشه

مع حبة دموع كده

و بعدين ااقوم بقي اشوف نفسي.......ما هي الحياة لازم تستمر.....و انا طلعت البوقين اللي كانوا طابقين علي مراوحي

بس خلاص

مش عارفة كده اجابتي هتوديني فين

بس كله خير ان شاء الله

مساكم.......خناقات عوائلية لابد منها....بس المهم نلم الليلة

[hOuSsAm]

اولا انا ايه اللي يخليني افتح كمبيوتر شريكي! سواء نية حسنة او لأ في الحالتين مش اتيكيت خالص..غير بقى لو استأذنتو .

ثانيا لو فتحت الكمبيوتر لاي سبب و لقيت الرسالة دي مفتكرش انني هاوجهو. اعتقد اني هفضل عامله نفسي مش واخده بالي و معرفش لاجل غير مسمى.

لابد من المواجهة................. عالاقل تعرفى هو ايه اللى بيحصل

موضوع انك تفتحى كمبيوتر شريكك بيحصل فى احسن العائلات.......... لاى سبب منطقى الويندوز واقع فى كمبيوتر تانى ولا اى سبب............ ممكن يكون البيت فيه كمبيوتر واحد بس

و احنا قاعدين علي الكنبة بعد ما يكون اتغدي و اخد قيلولته....و قام و شرب الشاي......و قاعد بقي مأنتخ كده ع الكنبة......هتسحب زي القطط و بعدين ااقوله....مش انا لقيت البتاعة دي......(و انا برمي بطرف عيني علي ملامح وشه)

و بعدين احدفه الجملة دي

بس اكتر حاجة عجبتني فيها انها ناعمة اوي و احساسها حلو اوي

رد فعله بقي هو المهم......لو قراها....باهتمام و قالي اه و الله ناعمة مبتعتليش زيها ليه....يبقي هيفضل زوجي للابد

لو اتعصب و علا صوته.....و ازاي يا هانم و مش عارفة ايه....يبقي هعرف ع طول انه بيكذب.......و برضه هيفضل جوزي للابد....اومال العيلين يتشردوا يعني (و طبعا ده ع افتراض ما سيكون باذن الله)

هسكت شوية....و بعدها هكلمه بشكل مباشر...بس المرة دي.....انا اتضايقت عشان كذا....و الموضوع ده بيضايقني و بيجرحني....لو فيه فعلا محاولات هتلرية مع الست السايحة علي نفسها بليز نلم الليلة لانها بتوجع

هقولها في وشه

مع حبة دموع كده

و بعدين ااقوم بقي اشوف نفسي.......ما هي الحياة لازم تستمر.....و انا طلعت البوقين اللي كانوا طابقين علي مراوحي

بس خلاص

مش عارفة كده اجابتي هتوديني فين

تصدقى اجابة حلوة اوى وافكار جامدة لاسلوب الحوار والنقاش والمواجهة

الكلام اللى بالاحمر ده عجبنى اوى......... وخلانى ندمت انى مفتحتش للرسالة دى موضوع جديد لانها فعلا الرسالة حقيقية وحصلت مع سين من الناس وهو لحد دلوقتى مش عارف يوصل مين بعتهاله وكمان ميعرفش حد ممكن يبعتهاله هو ملهوش علاقات والحجات دى وراجل فى حاله (الرسالة من عالفيس بوك)

بس انا اعدت افكر وقولت ادخل عليه اسلوب درامى

ياريت لو حد عنده اجابة باسلوب تانى يقولها

[hOuSsAm]

لما تكونى متجوزة واحد مش بيعمل اى شىء فى حياتة الا لما يستشير اخواتة

و لما بتقولى افكارك لهم علشان يقنعوة لان دة السبيل الوحيد للاقناع

تضطرى انك تحكى لهم افكارك علشان يقنعوة و يشجعوة

ينقدوااا افكارك انتى و يكرهوكى فيها و فعلا يمشى ورا كلامهم

و فجاة تلاقيهم

نفذوا كل الافكار دىىىىىى من وراكى بالحاذفير

قولوا ليا بقىىىىى

احساسكم اية ؟؟؟

وتعملى اية مع جوزكى و انتى هتولعى من الغيظ ؟؟؟

احساسكم اية وانتم بتشفوا احلامكم و افكارهم انتم غيرها بيخدوها منكم و ينفذوها هماااا

احساسى

هتجنن وافضل اكلم نفسى

لاء مش اوى كدة............ بس تعالى نفكر بهدوء (انا مش خبير اوى فى القصص دى بس هحاول اقول رؤيتى يمكن يكون فيها شئ من الصواب)

انا شايف ان محور المشكلة فى

1- عدم القدرة على اتخاذ القرارات من جانب الزوج

(وده حله فى محاولة بعث الثقة فى طريقة تفكير الزوج ومعالجته للامور حتى لو هيجرب ياخد قرار او ينفذ فكرة من دماغه ويفشل فيها ............. مش مشكلة نقوله عليها حلوة والفكرة التانية هتبقى احسن................ هيخسر شوية حجات فى النص بس فى النهاية هيبقى عنده قدرة على اتخاذ القرارات)

انتى عارفة زى ايه ............لما واحد بيجى يتعلم انجلش ونقوله اتكلم واغلط والمرة الجاية هتتكلم مظبوط

لما محاسب معندوش ثقة فى نفسه ان يقدر يعمل ميزانية لواحده وحاسس انه لازم كل مرة يستشير حد تانى............. لما نحطه فى الفعل ونخليه يطلع الشغل ونقول مبروك انت طلعت الميزانية مظبوطة كدة هياخد الثقة فى نفسه وهيقدر يعملميزانية تانية وتلاتة ورابعة لواحده)

2- الثقة المفرطة فى الاخوات

من الواضح من كلامك ان الاخوات مش كويسين اوى او عالاقل مش اهل للثقة دى

احنا هنخليه يبعد عن اخواته شوية ويحصل شوية استقلالية فى اتخاذ القرار (انا مش عارف دى ازاى بس لو تعرفوا تبعدوا عنهم بالسفر او بالانتقال لمكان اخر وان كان ده صعب)

ممكن يتعرف على اصحاب جداد (ودى فى الوقت الحالى احسن طريقة دى العلاقات الاسرية يعنى زيارة لذيذة لواحدة زميلتك والرجالة يتعرفوا ببعضهم وممكن يستريحوا لبعض ويبدا يبقى فيه ود بينهم والى حد ما ثقافته هتتغير شوية بالاصدقاء الجدد)

انتى عارفة زى ايه كدة......... زى ميكون ابنك ماشى مع شلة بيشربوا سجاير وانتى عايزة تبعديهم عنهم ........... فبتداى تعرفيه باصحاب تانيين ولاد ناس ويبقى بينهم انشطة مشتركة وبالتالى واحدة واحدة هيبعد عن الاصحاب التانيين

3-اظن عدم الثقة النسبى فى تفكير او اراء الزوجة

انا دى مش متاكد منها اوى

بس لو كدة ممكن واحدة واحدة فى تغيير طريقتك فى المناقشة او اسلوبك فى الحوار او طريقة عرض الافكار او تغيرى سيستم الحياة بالكامل بطريقة تعجبه اوى يبدا يثق فى طريقة تفكير الزوجة بحيث يبدا يستشيرها فى اتخاذ القرارات

(انا قابلتنى المشكلة دى مع سين من الناس وكان حلها انى بدات ادخله معايا حجات كويسة كتير كنت بعملها وافكر معاه بصوت عالى فبدا يثق فى افكارى ويقتنع بكلامى بالاضافة انه لما بيلاقينى احدد هدف وانجح فى تحقيقه بيثق فيا اكتر

انا حاسس انى رغيت كتير ولبخت بس اظن ان اكتر حد ممكن يديكى اجابة هى (مصرية متغربة اللى كانت اخر واحدة على كرسى الاعتراف :blink: واللى كهربت كل الناس..... استدعوها من هناك تيجى تجاوب السؤال ده)

[hOuSsAm]

سؤالى

لو تعرفوا شخص طيب جدا - عنده مهارات تواصل ممتازة- لبق - زوق - لذيذ - هادى الطباع - ممكن تقولوا انى معجب بالشخص ده

طيب ايه المشكلة يا عمنا

المشكلة ان الشخص ده عنده روح انتقامية غير عادية

يعنى لو حط حد فى دماغه ............... هيحط عليه حطة طين اوى................ يعنى سهل عليه اوى انه يكون سبب فى رفد اشخاص لمجرد انه متضايق منه او عايز ينتقم منه لاى سبب (وغالبا عنده اسبابه او مبرراته الشرعية........... يعنى مش هيلفق له تهمة ............. لاء هو هيستغل ذكائه ان يوضح غلطات الشخص ده)

الشحص ده اللى بيحبوه بيقلقوا عليه اوى............ فى مرة من المرات واحد هدده انه هينتقم منه (بس ده كان حرامى)

هو بصراحة معندوش ياما ارحمينى فى الشغل 1+1=2

عايز حل فى الروح الانتقامية اللى عنده دى................ وهو بردوا بيسعى لحل هذه المشكلة؟

[عنبو]

ذهبية مشاركة بتاريخ اليوم, 02:35 AM

لما تكونى متجوزة واحد مش بيعمل اى شىء فى حياتة الا لما يستشير اخواتة

و لما بتقولى افكارك لهم علشان يقنعوة لان دة السبيل الوحيد للاقناع

تضطرى انك تحكى لهم افكارك علشان يقنعوة و يشجعوة

ينقدوااا افكارك انتى و يكرهوكى فيها و فعلا يمشى ورا كلامهم

و فجاة تلاقيهم

نفذوا كل الافكار دىىىىىى من وراكى بالحاذفير

قولوا ليا بقىىىىى

احساسكم اية ؟؟؟

وتعملى اية مع جوزكى و انتى هتولعى من الغيظ ؟؟؟

احساسكم اية وانتم بتشفوا احلامكم و افكارهم انتم غيرها بيخدوها منكم و ينفذوها هماااا

السلام عليكم ورحمة الله وبركاته

نظراًلان السؤال خاص بنون النسوه ولكن انا هجاوب عليه من خلال تجاربى فى الحياه الى جانب حبى للاطلاع فى شوية علوم غريبه كده

بصى انا شايف ان المشكله عندك يا مدام ذهبيه

اللى يخلى زوج اى واحده يسيبها ويسأل واحده تانيه سواء اخته زميلته فى الشغل اين كان وضعها

يبقى هو مش لاقى اللى هو عاوزه فى مراته ممكن يكون اللى هو عاوزه مش صح

يعنى مثلا شخص يكون تفكيره فى الامور سطحى او يكون تفكير مراته اعمق منه واكثر نظره مبعديه للامور

وعندما يحدث نقاش بينهم يجد نفسه مش عارف يعبر عن افكاره او كبريائه يمنعه من الاعتراف بان زوجته على حق

وامور كثيره متداخله مع بعضها ينتج عنها ان الشخص ده ميسألش زوجته نهائياً ويتصرف لاما من دماغه او يسأل اللى يريحه

لكى يثبت نفسه

كان ليا واحد صاحبى كل لما يجيى يسألنى على حاجه ويقولى انا ناوى اعمل كذا وكذا اقوله غللللللللللللللللللط

واقوله لانك لو عملت كذا هيبقى قدامك كذا وكذا على العموم واقوله على الرأى الصح

فى اول مره وتانى مره كان بينفذ كلامى وكان لله الحمد بيطلع صح بس بعد كده لقيته بدأ يشتغل من دماغه

ويعمل حاجات غلط كتير بس علشان يثبت لنفسه انه ممكن ينجح بدونى

ولما بحثت فى المشكله لقيت ان المشكله من عندى انا من اسلوبى انا

فبدأت معه اسلوب تانى مطور جداً وهو انى احسسه ان الفكره انا اخدتها من كلامه هو واتبدى اخليه يشترك معى فى الحوار

وفى الاخر اخليه يقول هو النتيجه وبكده يشعر ان هو اللى اتخذ القرار مش انا

وحتى لما كان يقعد مع اصحابنا يقول انا عملت كذا وكذا وكنت ببقى مبسوط انه عمل الصح بصرف النظر عن مين اللى خطط

يارب اكون وصلت ليكى الفكره

تحياتى عنبو

[عنبو]

سؤالى

لو تعرفوا شخص طيب جدا - عنده مهارات تواصل ممتازة- لبق - زوق - لذيذ - هادى الطباع - ممكن تقولوا انى معجب بالشخص ده

طيب ايه المشكلة يا عمنا

المشكلة ان الشخص ده عنده روح انتقامية غير عادية

يعنى لو حط حد فى دماغه ............... هيحط عليه حطة طين اوى................ يعنى سهل عليه اوى انه يكون سبب فى رفد اشخاص لمجرد انه متضايق منه او عايز ينتقم منه لاى سبب (وغالبا عنده اسبابه او مبرراته الشرعية........... يعنى مش هيلفق له تهمة ............. لاء هو هيستغل ذكائه ان يوضح غلطات الشخص ده)

الشحص ده اللى بيحبوه بيقلقوا عليه اوى............ فى مرة من المرات واحد هدده انه هينتقم منه (بس ده كان حرامى)

هو بصراحة معندوش ياما ارحمينى فى الشغل 1+1=2

عايز حل فى الروح الانتقامية اللى عنده دى................ وهو بردوا بيسعى لحل هذه المشكلة؟

الشخص ده يا حوس سليم وعادى ميه فى الميه ومش تخليه يتعالج خالص طالما انه مش بيتعدى على حد

يعنى لو واحد عمل حاجه غلط المفروض يتعاقب وياخد جزائه سواء كان صاحبى اخويا اين كان وضعه من الاعراب

طيب امتى تقول روح انتقاميه لما يبقى الشخص ده فيه خلاف شخصى فى العمل مع زميل اخر يقول الراجل بتاعك يعمل ايه

يلفق له تهمه او يتبلى عليه علشان ينتقم منه

لكن طالما الراجل فعلاً عمل حاجه غلط يبقى يستاهل العقاب ده الف باء فى التعامل

طبعاً فيه بقى الرحمه والتغاضى بس ده مش فى ايد صاحبك ولا فى ايدك لانكم مش اصحاب المال ولا مسؤلين عنه

الوحيد اللى فى ايده يعمل كده هو صاحب المال او الموكل من قبل صاحب المال اللى هو المدير يعنى

تحياتى

عنبو

تم تعديل 11 يوليو 2010 بواسطة عنبو

[لماضة مصرية جدا]

السلام عليكم و رحمة الله و بركاته

اخواني الطلبة

بجد مستمتعة جدا و انا بقرا الاجابات ع فكرة اكتر من الاسئلة.....احيانا الواحد بيستمخ موت انه يشوف دماغ بتفكر قدامه بشكل مختلف

عجبتني اجابة عنبو علي سؤال ذهبية.....لاني اخدت الموضوع من اتجاه.....و هو اخده من اتجاه تاني....انا بصيت ع السؤال بجد كواحدة ست....و هو بص عليه كواحد راجل

بجد كل واحد ليه دماغ

ابننا حسام.....سؤال الايميل و الله لذيذ اوي.....و اي حاجة بين علاقات البشر ببعضيهم بجد بتنكش في الدماغ

بس اللي ااقدر ااقولك عليه....بجد كل بني آدم و ليه الكتالوج بتاعه....لو زوج او زميل او طفل

مافيش طريقة تنفع نحطها في كل حتة.....بس اللي ينفع ان احنا نفهم خريطة البني آدم اللي قدامنا عشان نعرف نلعب في دماغه...قصدي ندوس علي زراير التشغيل عنده

دي مش حاجة سهلة ابدا....و ممكن تاخد عمر.....بس اللي بيقصرها....لو فيه نية من الطرفين راجل و ست او ي علاقة انسانية ان اللي ف الدماغ يتفهم

سؤالي للي بعدي

انت بتصدق في السحر؟؟ (بعيد عن الناحية الدينية.....لانها معروفة متهيالي)

لو شريك حياتك....انسان علي خلق....و ابن ناس و ممن ترضون دينه و خلقه....و في احد المرات لقيته مش بس بيصدق....ده مقتنع بيه جدا اوي خالص للاعماق؟

هتراجع نفسك...لو انت لسه في مرحلة اتخاذ قرار؟؟؟

لو كنت اتجوزت......ايه طريقة التعامل.....لان المشكلات ابتدت تبان؟؟

كان معكم

لماضة شهبورش

فوتكم بعافية

[Howayda Ismail]

لما تكونى متجوزة واحد مش بيعمل اى شىء فى حياتة الا لما يستشير اخواتة

و لما بتقولى افكارك لهم علشان يقنعوة لان دة السبيل الوحيد للاقناع

تضطرى انك تحكى لهم افكارك علشان يقنعوة و يشجعوة

ينقدوااا افكارك انتى و يكرهوكى فيها و فعلا يمشى ورا كلامهم

و فجاة تلاقيهم

نفذوا كل الافكار دىىىىىى من وراكى بالحاذفير

قولوا ليا بقىىىىى

احساسكم اية ؟؟؟

وتعملى اية مع جوزكى و انتى هتولعى من الغيظ ؟؟؟

احساسكم اية وانتم بتشفوا احلامكم و افكارهم انتم غيرها بيخدوها منكم و ينفذوها هماااا

سؤالى

لو تعرفوا شخص طيب جدا - عنده مهارات تواصل ممتازة- لبق - زوق - لذيذ - هادى الطباع - ممكن تقولوا انى معجب بالشخص ده

طيب ايه المشكلة يا عمنا

المشكلة ان الشخص ده عنده روح انتقامية غير عادية

يعنى لو حط حد فى دماغه ............... هيحط عليه حطة طين اوى................ يعنى سهل عليه اوى انه يكون سبب فى رفد اشخاص لمجرد انه متضايق منه او عايز ينتقم منه لاى سبب (وغالبا عنده اسبابه او مبرراته الشرعية........... يعنى مش هيلفق له تهمة ............. لاء هو هيستغل ذكائه ان يوضح غلطات الشخص ده)

الشحص ده اللى بيحبوه بيقلقوا عليه اوى............ فى مرة من المرات واحد هدده انه هينتقم منه (بس ده كان حرامى)

هو بصراحة معندوش ياما ارحمينى فى الشغل 1+1=2

عايز حل فى الروح الانتقامية اللى عنده دى................ وهو بردوا بيسعى لحل هذه المشكلة؟

الانسان لما بيكون كده ملوش حل غير انك تتصرفى التصرف اللى شيفاه صح وتحطيه قدام الامر الواقع لانه

معنى انه بيشور اخواته فى كل كبيرة وصغيرة انه اتعود حد يشاورله على السكة وانه عاجز عن اتخاذ القرار السليم

يااما اسفة فى التعبير لضعف شخصيته او لشدة سيطرة اخواته عليه وجه الوقت انك تقومى بالدور ده بدلا منهم

اما بالنسبة لنوعية اخواته احسن حاجة تجاهلهم لانهم حيفسدوا عليك احسن سنين عمرك عامليهم بمعاملتهم

فى الوقت ده حايعرفوا قيمتك ومش حايدخلوا فى شئونكم تانى

[Howayda Ismail]

لو شخص اتمكن منه الشيطان وحب ينتقم باذية ابسط شئ لو تذكر لحظة الموت ويستصغر نفسه امام انتقام ربنا

بينسى الانتقام ويرجو مغفرة ربنا وياخد ثواب على كظمه الغيظ فى الوقت ده

[ذهبية]

هو انا غيبت كتير كدة انا بافتح المحاورات شكلها متغير خالص اية الحاجات الجديدة دى مستغربة شكل الصفحة و اسماء الاعضاء و كل حاجة فى المنتدى ياترى اية سر التغير دة ؟؟

و ياترى انتم مبسوطين بالتغير دة و اية انطابعكم ؟؟؟؟

[Howayda Ismail]

هو انا غيبت كتير كدة انا بافتح المحاورات شكلها متغير خالص اية الحاجات الجديدة دى مستغربة شكل الصفحة و اسماء الاعضاء و كل حاجة فى المنتدى ياترى اية سر التغير دة ؟؟

و ياترى انتم مبسوطين بالتغير دة و اية انطابعكم ؟؟؟؟

التغيير حاصل من عدة ساعات فقط لكن رأى الاول احسن

[ذهبية]

'انا كمان عايزة محاورات اللى اتعودنا عليها المووضع متغير خالص

هو الواحد خلاص مبقاش بيحب اى حاجة جديدة لية

عمالين ننادى بالتغير و لما محاوراتنا اتغيرت زعلت و عايزاها ترجع تانى زى ما اتعودنا

هو اية عندنا حصانة ضد التغير و لا اية

[Damo]

كذا مرة أسمع موضوع انهم عايزين القديم تاني . أنا مستغربه المكان برده بس أنا من راي اده نفسكم فرصة يمكن كلها حكاية تعود

[shiko]

:blush2:

انا بطالب بحركة وطنية ضد التغيير

فى المحاورات انا عاوزة المحاورات بتاعتى القديمة ماليش دعوة

[رضوي]

انا بطالب بحركة وطنية ضد التغيير

فى المحاورات انا عاوزة المحاورات بتاعتى القديمة ماليش دعوة

بضم صوتي وبشدة ............................ أنا كمان عايزة الاصدار القديم !!!!!!!!!!!!

رجعولنا المحاورات القديمة بتاعتنا :sad:

[لماضة مصرية جدا]

السلام عليكم و رحمة الله و بركاته

مع اني كنت من شوية هطق لاني فعلا مفتقدة الشكل القديم.....و كنت مفرووووسة

بس يا جماعة ما تيجوا نجرب لمدة اسبوع مثلا و نشوف الموضوع هيحصل فيه ايه؟؟؟ مش يمكن حكاية تعود....و بعدين انا لسه قارية مداخلة مهمة للاستاذ عادل في توبيك هو انا فين

و مفادها ان من اول شهر يوليه....اتسحب الاصدار القديم و بالتالي الانتقال للجديد مكنشي اختيار

يا تري انهي احسن نقعد نضبش و نتعود هنا...و لا نصحي الصبح...مش نلاقي المحاورات

تعالوا نجرب

و نشوف ايه اللي هيحصل

بقولكم كده و انا من شوية بجد مكنتش قادرة اخش المحاورات....بس مش هينفع الواحد يبعد عشان الناس الحلوة الكتير اوي اللي بيلاقيهم هنا.....عشان الاقي شيكو ودامو و ذهبية و رضوي....ومغتربة و مصرية متغربةو ضحي و ماما سلوي و فتافيتو و ام مروان...و بوسي...و لولا و استاذنا سين سين و عكاوي....اللي اختفي من ساعة الموضوع دوت و انا شامة ان ليه يد في الموضوع....هنروح دلوقتي نفضي ليهالجاكوزي بتاعه دوت

لمتنا حلوة...خلونا نحافظ عليها

مسااااكم لمة.....محاوراتية

تم تعديل 15 يوليو 2010 بواسطة لماضة مصرية جدا

[Damo]

صح يا لماضة كلامك كله صح

بمناسبة الجديد بقى..أنا اخييرا جبت لابتوب:rolleyes:

واكتشفت كام حاجة جديدة وعندي كام سؤال عشان اظابـاتو. مشعرفة افتح موضوع ولا أسأل هنا ؟ ولو فتحت افتحه في باب الكمبيوتر ولا موضوعات شخصية ؟ واسميه إيه ؟