لعبة كلنا نشترك فيها

[لماضة مصرية جدا]

صح يا لماضة كلامك كله صح

بمناسبة الجديد بقى..أنا اخييرا جبت لابتوب:rolleyes:

واكتشفت كام حاجة جديدة وعندي كام سؤال عشان اظابـاتو. مشعرفة افتح موضوع ولا أسأل هنا ؟ ولو فتحت افتحه في باب الكمبيوتر ولا موضوعات شخصية ؟ واسميه إيه ؟

طب طبقي ايدك بحتة بخمسة و قوليلي يسلم فومك يا بت يا لمضمض... :lol:

مبروك عليكي يا رياسة اللاب الجديد...

بس مش كده خبطتين في الراس توجع....المنتدي جديد و ماشيين نضبش...و اللاب كمان.... :lol: ربنا يعينك

بصي بقي يا ديمو....انتي تاخدي اول توك توك و تقوليله وديني يا خويا باب الكمبيوتر و الانترنت و و متدفعيش اكتر من 2 جنيه...اديني بقول اهه

عارفة ليه باب الكمبيوتر عشان اكيد هناك فيه متخصصين و كمان عشان لو حد تاني جه بعد ما احنا نمووووووت (ناوليني حباية القلب يا امينة)...يلاقي كل العك....قصدي كل الحاجات الفزيعة اللي احنا قولناها و كتبناها فيستفيد هو او هي كمان

بالنوسبة بقي للاسم

انتي تقصدي

هتسمي اللاب...(انا اللاب بتاعي مسمياه جعيدي...عشان بس يتلائم مع اجواء الصعيد السعيد...بالنوسبة ليكي....ممكن تقوليله توني...او لوبي...عشان بس ننشط السياحة في كنكا)

و لا يكونشي قصدك تسمي التوبيك

ايون ....(وش عيل بيهرش بالقلم في راسه)

سميه....استفسار عن اللاب توب...لو سمحت

متنسيش تحطي "لو سمحت...و جنبيها وش بنوتة لابسة هدوم مقطعة و الدمعة هتفر من عينيها... :lol: )

مبروك عليكي و يا رب يكون في الخير

ايه ده مش هتعزمينا علي حاجة بالمناسبة الصعيدة دي

حبة مهلبية بالمكسرات....بسبوسة بالقشطة...كده يعني

مساكي جديد...في جديد

تم تعديل 22 يوليو 2010 بواسطة لماضة مصرية جدا

[Damo]

ههههههههههههههههه

يا خراشي يا لماضة...مش ضحكت كده من ساعة ماجبت اللابتوب

بالنسبة للاب أنا هسميه عزيز

على فكرة اليوم اللي غبت فيه عشان اجيب الاب المحورت اتغيرت خالص مش عارفه افرق إيه التغيرات من الموقع وايه من اللاب .

[لماضة مصرية جدا]

ههههههههههههههههه

يا خراشي يا لماضة...مش ضحكت كده من ساعة ماجبت اللابتوب

بالنسبة للاب أنا هسميه عزيز

على فكرة اليوم اللي غبت فيه عشان اجيب الاب المحورت اتغيرت خالص مش عارفه افرق إيه التغيرات من الموقع وايه من اللاب .

انتي تعرفي بابا...... :rolleyes:

يا خوفي ارجع مصر يقولولي راح يجيب طابع بوسطة من كنكا.... :blink:

يعني انتي غبتي يوم المنتدي...حصل فيه كل ده....و سايباني اضرب اخماس في اسداس.. يا قااااااااااادرة....و ااقول يا ربي عايزين يطفشوني و كده...و لا بيقيسوا نظري اللي راح اصلا....خلتيني ظلمت الناس الكوبارة يا شيخة

تعالي هنا اركحي....ايون من الفعل ركح....يعني ركن نفسه كده و اتكور في ركن و ع الله اشوفك رايحة هنا و لا هناك

احنا ناقصين....نقوم الصبح منلاقيش منتدي

حابس حابس....اشتاتا اشتوت....و اللي يكرهنا يا رب يموووت (وش اي حد من المشعوذين الللي بيلبسوا سبحة خشب حوالين رقبتهم)

ع جنب بقي

بدل ما احنا قاعدين نغني و نرد علي بعض....ما كنتي تخشي الشات يا ضنايا....الا المنتدي يا بت يا ديمو فيه اوضة كده واسعة و برحة و شباكها بحري يطس في قفا الواحد....يا سلام بقي لما بنفتح المندرة و نلاقي كل الحبايب.... دخلت مرة انا و الرفيقة شيكو...و لقينا كل الحبايب....و الله كانت نقصاكم....بس بالامانة الرفيقة بعد قعدت المندرة اختفت برضك....مش عارفة

انا حاسة اني بكرة الصبح هجيب بخووووووور و ابخر المنطشقة....مش مرتاحة من العتبة الجديدة من غير بخور

مساااااكي....عزيز...أوي جدا خالص

فوتك بعافية

[ذهبية]

هى البنت لما تخرج وتدور على شغل متلقيش فتحتار انها تدى دروس خصوصية للاطفال فى بيوتهم بحكم انهم اطفالمش هيعرفوا يروحوا لها يبقى عيب ؟؟؟

هل يقلل من قيمة البنت انها تذهب لبيوت الامهات لاعطاء الدروس ؟؟

هل مجتمعنا للدرجة دى ينظر الى من تذهب للطفل الى حد عندة ان دة عيب وان المدرسة اللى بتعمل كدة يبقى مش كويسة ؟؟

رايك اية ؟؟؟وهل فعلا دة موجود فى روءس بعض الناس و هل فعلا تفضل فى بيتها بلا عمل احسن علشان تنال الاحترام ؟

[hOuSsAm]

هى البنت لما تخرج وتدور على شغل متلقيش فتحتار انها تدى دروس خصوصية للاطفال فى بيوتهم بحكم انهم اطفالمش هيعرفوا يروحوا لها يبقى عيب ؟؟؟

هل يقلل من قيمة البنت انها تذهب لبيوت الامهات لاعطاء الدروس ؟؟

هل مجتمعنا للدرجة دى ينظر الى من تذهب للطفل الى حد عندة ان دة عيب وان المدرسة اللى بتعمل كدة يبقى مش كويسة ؟؟

رايك اية ؟؟؟وهل فعلا دة موجود فى روءس بعض الناس و هل فعلا تفضل فى بيتها بلا عمل احسن علشان تنال الاحترام ؟

هو طبعا الشغل مش عيب ومش بيقلل من قيمة حد

بس انا هبص للموضوع من زاوية تانية وهى عدم الامان...... وموضوع عدم الامان اصبح سمة مميزة فى عالمنا الحالى

هى المدرسة لو راحت 5 بيوت فى اليوم وفى اماكن مختلفة ومواصلات هيبقى طبعا فى خطورة عليها..... وتوقع ان يحصلها حاجة سهل اوى

تانى حاجة البيت عندى كان تربية وتعليم واحتكاكى بالوسط ده كتير اوى عمرى مشفت مدرسة بتروح البيوت ....... وهى لو ناوية تدى دروس يبقى الاطفال بيجولها البيت واهاليهم بيوصلوا الاطفال لحد بيتها

فى اماكن كتيرة حتى جدة هنا زمايلى بيودوا ولادهم للمدرسة لحد البيت

انا مش هعرف اقول ان خروج البنت للدورس غلط ........... بس ماذا لو نية اهل بيت الطفل مش كويسة (مثلا هيسرقوا الدهب بتاع البنت؟؟؟؟؟؟؟؟)

موضوع تفضل فى بيتها عشان تنال الاحترام؟؟؟؟؟؟ اظن انه سهل اوى تلاقى شغل او حتى الدروس الخصوصية ممكن تعطيها فى البيت وكفائتها اللى هتخلى اى حد يجلها لحد بيتها

دى وجهة نظرى المتواضعة اظن ان فيه حد ممكن يقول راى احسن منى

ومش هقول سؤالى لحد منشوف اكتر من راى للموضوع ده

تحياتى

[ذهبية]

هى البنت لما تخرج وتدور على شغل متلقيش فتحتار انها تدى دروس خصوصية للاطفال فى بيوتهم بحكم انهم اطفالمش هيعرفوا يروحوا لها يبقى عيب ؟؟؟

هل يقلل من قيمة البنت انها تذهب لبيوت الامهات لاعطاء الدروس ؟؟

هل مجتمعنا للدرجة دى ينظر الى من تذهب للطفل الى حد عندة ان دة عيب وان المدرسة اللى بتعمل كدة يبقى مش كويسة ؟؟

رايك اية ؟؟؟وهل فعلا دة موجود فى روءس بعض الناس و هل فعلا تفضل فى بيتها بلا عمل احسن علشان تنال الاحترام ؟

هو طبعا الشغل مش عيب ومش بيقلل من قيمة حد

بس انا هبص للموضوع من زاوية تانية وهى عدم الامان...... وموضوع عدم الامان اصبح سمة مميزة فى عالمنا الحالى

هى المدرسة لو راحت 5 بيوت فى اليوم وفى اماكن مختلفة ومواصلات هيبقى طبعا فى خطورة عليها..... وتوقع ان يحصلها حاجة سهل اوى

تانى حاجة البيت عندى كان تربية وتعليم واحتكاكى بالوسط ده كتير اوى عمرى مشفت مدرسة بتروح البيوت ....... وهى لو ناوية تدى دروس يبقى الاطفال بيجولها البيت واهاليهم بيوصلوا الاطفال لحد بيتها

فى اماكن كتيرة حتى جدة هنا زمايلى بيودوا ولادهم للمدرسة لحد البيت

انا مش هعرف اقول ان خروج البنت للدورس غلط ........... بس ماذا لو نية اهل بيت الطفل مش كويسة (مثلا هيسرقوا الدهب بتاع البنت؟؟؟؟؟؟؟؟)

موضوع تفضل فى بيتها عشان تنال الاحترام؟؟؟؟؟؟ اظن انه سهل اوى تلاقى شغل او حتى الدروس الخصوصية ممكن تعطيها فى البيت وكفائتها اللى هتخلى اى حد يجلها لحد بيتها

دى وجهة نظرى المتواضعة اظن ان فيه حد ممكن يقول راى احسن منى

ومش هقول سؤالى لحد منشوف اكتر من راى للموضوع ده

تحياتى

[ذهبية]

هى البنت لما تخرج وتدور على شغل متلقيش فتحتار انها تدى دروس خصوصية للاطفال فى بيوتهم بحكم انهم اطفالمش هيعرفوا يروحوا لها يبقى عيب ؟؟؟

هل يقلل من قيمة البنت انها تذهب لبيوت الامهات لاعطاء الدروس ؟؟

هل مجتمعنا للدرجة دى ينظر الى من تذهب للطفل الى حد عندة ان دة عيب وان المدرسة اللى بتعمل كدة يبقى مش كويسة ؟؟

رايك اية ؟؟؟وهل فعلا دة موجود فى روءس بعض الناس و هل فعلا تفضل فى بيتها بلا عمل احسن علشان تنال الاحترام ؟

هو طبعا الشغل مش عيب ومش بيقلل من قيمة حد

بس انا هبص للموضوع من زاوية تانية وهى عدم الامان...... وموضوع عدم الامان اصبح سمة مميزة فى عالمنا الحالى

هى المدرسة لو راحت 5 بيوت فى اليوم وفى اماكن مختلفة ومواصلات هيبقى طبعا فى خطورة عليها..... وتوقع ان يحصلها حاجة سهل اوى

تانى حاجة البيت عندى كان تربية وتعليم واحتكاكى بالوسط ده كتير اوى عمرى مشفت مدرسة بتروح البيوت ....... وهى لو ناوية تدى دروس يبقى الاطفال بيجولها البيت واهاليهم بيوصلوا الاطفال لحد بيتها

فى اماكن كتيرة حتى جدة هنا زمايلى بيودوا ولادهم للمدرسة لحد البيت

انا مش هعرف اقول ان خروج البنت للدورس غلط ........... بس ماذا لو نية اهل بيت الطفل مش كويسة (مثلا هيسرقوا الدهب بتاع البنت؟؟؟؟؟؟؟؟)

موضوع تفضل فى بيتها عشان تنال الاحترام؟؟؟؟؟؟ اظن انه سهل اوى تلاقى شغل او حتى الدروس الخصوصية ممكن تعطيها فى البيت وكفائتها اللى هتخلى اى حد يجلها لحد بيتها

دى وجهة نظرى المتواضعة اظن ان فيه حد ممكن يقول راى احسن منى

ومش هقول سؤالى لحد منشوف اكتر من راى للموضوع ده

تحياتى

اجابة تحترم و السؤال مازال مفتوح

[ذهبية]

بس رد حضرتك اثار فى بعض النساؤلات و هل شغل البنت فى اى مكان زى شركة او مصنع او او مش بتتعرض برضة لمضايقات

لو وجهة نظر حضرتك انها تظل فى البيت علشان احسن لها و امان اكتر يبقى تظل فى بيتها علطول و بلاش تفكر فى شغل اصلا

ة

[hOuSsAm]

بس رد حضرتك اثار فى بعض النساؤلات و هل شغل البنت فى اى مكان زى شركة او مصنع او او مش بتتعرض برضة لمضايقات

لو وجهة نظر حضرتك انها تظل فى البيت علشان احسن لها و امان اكتر يبقى تظل فى بيتها علطول و بلاش تفكر فى شغل اصلا

ة

شركة او مصنع دى اماكن عامة عمرها مهتوصل بضررها زى البيوت (واظن ان القصص كتيرة مالية جرايد الحوداث هى مش عالمدرسات ولكن الموضوع فيه مخاطرة)

وكمان عمرك سمعتى عن مهندسة او حد فى خدمة العملاء فى شركة فودافون اتعرض لمضايقة او معاكسة....... لاء طبعا........ لانها باختصار شركة كبيرة ده اللى اقصده فى موضوع شركات

والدتى بتشتغل فى مدرسة.......... انا اعرف زملاتها كلهم باسرهم باولادهم بتفاصيلهم ........ لانهم فى مدرسة .......... مكان عام يعنى .... الشبابيك مفتوحة والابواب مفتوحة وفيه حياة فى المكان

لكن البيوت ................. اظن هيبقى فيه علامات استفهام كتيرة

انا مقولتش انها تقعد فى البيت ......... ان قولت تشتغل بس فى مكان محترم او سمعته طيبة ........... وانا عن نفسى كشاب قبل مبشتغل فى مكان بسال عن سمعة المكان وملاك المكان اخلاقهم ايه وتعاملهم ازاى .......

كمان اى معاكسة او مضايقة تتعرض ليها البنت فى الشارع او حتى مكان العمل العام سهل يترد عليها....... لانها فى الاخر شغل الفاظ او كلام

لكن فيه حجات او مضايقات ممكن تحصل فى البيوت بتاعة الاطفال دى .............. للاسف ملهاش حل

انا هقولك على قصة مش عارف ده مكانها ولا ايه بس اعتبر ان الموضوع شبيه

من كام سنة سمعت فى وسائل الاعلام ان بنت وهى ماشية فى الشارع وجدت طفل يبكى........ مالك يا حبيبى ...... انا تايه ومش عارف اروح البيت... طيب اسمك ايه وبيتك فين....... وصفلها البيت ووصلته البيت وبتضغط عالجرس ......... (انا مش فاكر الجرس كان بيكهرب ولا حد شممها منوم او بطريقة ما لتفقد وعيها) وللاسف اللى حصل كان سيئ جدا.......... بصرف النظر عن التفاصيل احنا دايما بنتجه للنهار وللحياة العامة وللزحمة عشان الامان

حتى ايام مكنت بدور على سكن فى جدة كان دايما سؤالى انا عايز مكان فيه ناس وزحمة......... الفكرة باختصار فى الامان

ودايما بنسمع عن اى حد بيمشى فى شوارع مهجورة او فاضية انه بيتقلب هناك (مهما كان قوته وعنفوانه بس ام يطلع عليه حد بمطواة او يطلعوا عليه 3 او 4 مش هيعرف يتصرف .......... تصورى بقى بنت وفى شقة ليها باب والباب مقفول .......... وبيتقدملها عصير برتقال....... واظن ان البنت مش هتعمل فيش وتشبيه للطفل واسرته)

تحياتى

[ذهبية]

سؤال محيرنى بجد

لية الستات فى الجوامع مش ملتزمين زى الرجال يعنى بجد مستغربة جدااا من اللى باشوفة يعنى انا باروح صلاة التهجد ماشاء الله الجامع مليان على اخرة بالرغم من الوقت المتاخر لكن خشوع مفيش رغى و كلام

و اللى جايبة ولادها معاة و اصوات و جرى فى المسجد

والىل جايبة اطفال فى عربية شهرين و تلات شهور طيب انتى جاية الجامع لية بطفل فى السن دة متصلى فى البيت و الطفل بيكبى بكاء شديد و مفيش تركيز تهائىىى

مش قادرة اقول لها كدة لحسن يكون حرام عليا ان اى ام لها طفل تخليها فى بيتها احسن ااااا

انتم اية رايكم فى المووضع دة

[لماضة مصرية جدا]

السلام عليكم و رحمة الله و بركاته

مسا التماسي...مسا التماسي....يا ورد قاعد ع الكراسي....(تقريبا الريس حنتيرة في الليلة الكبيرة)

اديني جيت اهه...مع ان صحتي علي ادي....و رفعتلكم التوبيك المتجدد...بتاع الليلة و كل ليلة

سؤال ذهبية اللي فات....عن صلاة السوتات في المساجد

اعتقد اجابته واضحة لان اي سيدة عايزة تعمل عبادة ممكن تعملها بشكل رائع جدا في بيتها

مرة شفت في برنامج...تقريبا عن ماليزيا

الستات بتصلي و فيه غرفة للاطفال مليان العاب في احد اجنحة المسجد (المسجد منظومة اسلامية متكاملة هناك)...بيلعبوا فيها الولاد وقت الصلاة بعيدن عن المصلين

و كمان فيه غرفة اسمها للعائلة

يعني لو الرجل و امراته و اولاده بعد ما بيخلصوا الصلاة المكتوبة في جماعة ممكن يجتمعوا في غرفة لوحدهم و برضه جوه الجامع عشان يصلوا مع بعض...او يتدارسوا القرآن و السنة

و الله افكار سهلة جدا....يعني احنا في مصر ليه ميكونشي عندنا بنت في الركن النسائي او نعمل جنينة خارج المسجد و تراعيهم فيها مربية اطفال و نختارها ممن يردن التعفف في العمل؟؟؟

سؤالي للي بعدي

اوصف نفسك...كلك علي بعضك...كدهون في كلمة واحدة بس.....ممنوع الرغي

لماضة.....مش رغاااااااااية خالص...(مش نكدية خاااالص....وش طمورة و هو بيغني...مش عارفة دي اغنية حب...و لا شتيمة...اهو كله غنا برضك... :lol:)

[رضوي]

السلام عليكم ورحمة الله وبركاته

وحشتووووووووووني بجد ووحشتني اسئلتكم

ذهبية

حياتي .........أنا شوفت نفس اللي بتحكي عليه دة في صلاه التراويح ......... يمكن اكتر منه شويتين ......... من بعدها وانا بفضل الصلاه بالبيت افضل واحسن علي الاقل بركز

لماضة

اصعب سؤال .......... انتي قولتي كلمة واحدة ومش عايزة رغي ؟

طيب

انا

أمه الله

( كلمة واحدة بس من مقطعين )

سؤالي

لو في يوم م الايام حصل معاك موقف ......... عرفت من خلاله مين اصحابك ومين الناس اللي انت ماتفرقش معاهم ........... طبعاً اصحابك وحبايبك عارفين هتتعامل معاهم ازاي .......... المشكلة ف الناس التانية ...... ياتري هتتعامل معاهم ازاي ...... هتكبر وتتعامل معاهم بدبلوماسية ........ ولا هتشيلهم من دماغك وتقول مايستاهلوش ......... ولا هتتجنبهم خالص ومش هتتعامل معاهم اصلاً ......... ولا عندك حل رابع ؟ مع العلم انك مضطر تتعامل معاهم بشكل يومي او شبه يومي ؟

[لماضة مصرية جدا]

سؤالي

لو في يوم م الايام حصل معاك موقف ......... عرفت من خلاله مين اصحابك ومين الناس اللي انت ماتفرقش معاهم ........... طبعاً اصحابك وحبايبك عارفين هتتعامل معاهم ازاي .......... المشكلة ف الناس التانية ...... ياتري هتتعامل معاهم ازاي ...... هتكبر وتتعامل معاهم بدبلوماسية ........ ولا هتشيلهم من دماغك وتقول مايستاهلوش ......... ولا هتتجنبهم خالص ومش هتتعامل معاهم اصلاً ......... ولا عندك حل رابع ؟ مع العلم انك مضطر تتعامل معاهم بشكل يومي او شبه يومي ؟

السلام عليكم و ورحمة الله و بركاته

يا امة الله علي الارض

و يا حبيبة قلب ماما من جوه

الكلمة اللي انا مكبراها بالفونت اللي اد يافطة محل البقالة بتاع عم جمال اللي تحت البيت....فيها اجابتك

لما اصلا الناس دي انا مش فارقة في حياتهم (مش عارفة اصلا انا اسيب ليه نفسي كدهون...لا معلش بناقص)

يبقي ليه يكونوا هما فارقين معايا في حياتي

و الاعجب ليه ياخدوا اي مساحة من تفكيري....غيرهم اغلي و افضل و اكرم و اولي بيها

لكن لو عشان التعاملات اليومية

تبقي تعاملات عادية.....في حدود العلاقة الانسانية المحترمة.....

يا رضوي.....انا بتعامل في حياتي اني مركز الدايرة....و حوالين المركز برسم حواليا دواير كتير...مش كل الناس تقرب من المركز....مش كل الناس تيجي جوه الدايرة القريبة لقلبي....لكن من ناس تخش في دايرة اهتمامي....ممكن ناس تخش في دايرة احساسي بالشفقة...ممكن ناس تخش في دايرة....اني بحاول اعبد ربنا فيهم

لكن فيه دايرة بتاعت المركز.....ناس قليلين بس اللي بيخشوا....و هم صلة الدم....غير كده....مافيش

دي وجهة نظري

سؤالي للي بعدي

إيه اكتر اسم عجبك و شدك لما دخلت المحاورات؟؟؟؟أو ممكن برضه اسم استفزك اوي و نفسك صاحبه يغيره؟؟؟

مسااااكم مية ورد.....تنقط علي المخدة....عشان تحلموا احلام....كويسة ان شاء الله

م

[ذهبية]

[د

سؤالي للي بعدي

إيه اكتر اسم عجبك و شدك لما دخلت المحاورات؟؟؟؟أو ممكن برضه اسم استفزك اوي و نفسك صاحبه يغيره؟؟؟

مسااااكم مية ورد.....تنقط علي المخدة....عشان تحلموا احلام....كويسة ان شاء الله

م

اكتر اسم شدنى اسم الفاضلة قلب ابيض اسم حلو قوىىى و اسمك يا لماضة لانة اسم على مسمى

اكتر اسم مش استفزنى بس استغربتة هو طفشان هو عضو قديم شوية بس استغربت الاسم

[ذهبية]

سؤالى

هو لية الطموح ملوش نهاية و لا سقف يقف عندة

لية لما تحقق حاجة تلاقى نفسك بتجرى و را اللى وراها

لية مش بتشبع يا بنى ادام

هو دة عيب و لا دة الىل بيخلى للحياة معنى و هدف

وامتى تقف فجاة فى دايرة حياتك الى بتلف و بتاخدك معاها و بتشدك زى النداهة امتى تقف و تقول كفاية انا حققت كل احلامى

[لماضة مصرية جدا]

سؤالى

هو لية الطموح ملوش نهاية و لا سقف يقف عندة

لية لما تحقق حاجة تلاقى نفسك بتجرى و را اللى وراها

لية مش بتشبع يا بنى ادام هو دة عيب و لا دة الىل بيخلى للحياة معنى و هدف

وامتى تقف فجاة فى دايرة حياتك الى بتلف و بتاخدك معاها و بتشدك زى النداهة امتى تقف و تقول كفاية انا حققت كل احلامى

السلام عليكم و رحمة الله و بركاته

ذهوووووبة

كلمة"سقف" اللي حطتيها فوق دي....فكرتني بحاجة بقراها دلوقتي اسمها "سقف الكفاية"...هي رواية انسانية لكن عنوانها لقيت فيه صدي كتير لسؤالك

كل بني آدم....ليه سقف الكفاية بتاعه....مش لازم كلنا لينا نفس السقف...عشان كلنا مش لينا لا نفس الاساسات و لا نفس قوالب الطوب اللي عملت م البني آدم ده بصمة انسانية متفردة

اللي يكفيكي....و يرضيكي....ممكن يكون اقل من المتوقع عند غيرك

بس هو السؤال....انتي سقف الكفاية بتاعك حدوده ايه؟؟؟

لو حدوده السما....يبقي اتحملي رياح....هتجي عليكي كل شوية....هتشيل تراب....هتغير شكل الارض اللي انتي افتكرتيها سكنت و هديت....هتصحي احلام كنت فاكرة ان خلاص وقتها عدي

لو حدوده السما...هيجي عليكي وقت....فيه شمس واضحة...لما بتوصلي لحلم و بتصوبي عليه و بتجيبيه.....و فيه ليل طويل....بيتسلل....خطوة خطوة...و يفضل يسيبك في مليون سؤال....انا عملت في نفسي كده ليه.....و هوصل امتي بقي

سقف الكفاية بتاعك...انتي اللي بتعليه....انتي اللي بتعمليه

مش حالة تمرد....و لا حالة عدم رضا....بشوفها حالة سعي....لطبيعة انسانية اتخلقت انها بتحب تتسلق....عارفة يعني ايه تتسلق....يعني لازم تعافر....مبتحبش توصل لقمة الجبل من فوق و لا بتبرشط (مقتبس من توبيك العيال الروشة....عبد المجيد الصحصح قالك يعني تنزل بالباراشوط....مستريحة و مانتخة)

فيه ناس بتحب تعافر

انتي بقي....كده

ارسمي سقف الكفاية اللي يرضيكي انتي....و يرضي ربك قبلك....و انتي بترسميه....و بتعلي بيه ع الورق الحلم...اعرفي ان هناك مواسم مناخية.....ستزورك كثيرا

اتمسكي دايما بقناعاتك.....بحلمك.....ببصمتك الانسانية الخاصة جدا

لانك انتي

سؤالي للي بعدي

لو اديتك ريموت كنترول...مش بتاع التلفزيون.....بتاع حياتك انت هتعمل

هتعمل mute.....يعني هتخفس الصوت علي ايه؟؟؟

هتعمل pause علي انهي مشهد

هتعمل fWD....علي ايه؟؟؟

و لا هتشتري دماغك و تطفيك....و تنام؟؟؟

كان معكم لماضة....من اما مبني ماسبيرو....كورنيش النيل

[ذهبية]

يااااااااااااة اللعبة وحشتنى جدااا قولت ادخل ارجعها تانى بسؤال على العيد كل سنة و انتم طيبين

كل واحد يدخل كدة زى الشاطر يقول فطر اية اول يوم العيد ؟؟؟

ومع مين ؟؟

و خرجتوا فين ؟؟؟؟

[خالد شحاته]

والله يا اخت ذهبيه الحمد لله فطرنا كبده انا والمدام وبعدها بكم ساعه وصلتها مطار الرياض حتي تكمل العيد في مصر

[لماضة مصرية جدا]

السلام عليكم و رحمة الله و بركاته

ذهبية...يا ذهبية...(وش واحدة عمالة تخبط علي كتف اللي قدامها بصباعها الصغنتوت لغاية ما خرمته)

انا كنت حادفة يا بنتي كراسة التوقعات المرئية فوق....و كلها كانت اسئلة و محدش عبرني....بس و لا يهمك

نبتدي من سؤالك

العيد ابتدي معايا بجد من تاني يوم

فطرت ايه.....أنا مبفطرشي

بس ربنا سخر لي ملاك بجد....و خلتني اكسر كل رتم حياتي

عارفة يا ذهبية.....الفطار....هو اكل صحيح....بس القعدة حوالين ترابيزة صغنتتة....و كوباية الشاي بلبن...(اينعم انا مبشربوش..بس وجوده بيفكرك بتفاصيل صغيرة اوي مفتقداها في مصر

الحوار اللي بينط من تقييم الافلام....للسياسة.....للعبارة الخالدة....و الله العظيم لانتي واكلة.....اكيد بتخليه فطار استثنائي جدا جدا

مع مين بقي

مع

مغتربة

إنسانة......في كل التفاصيل

قريبة.....حد التطابق

دافية......حد الافتقاد ليها لو غابت

حنينة....متفهميش هي ام....و لا اخت...و لا كائن نوراني اوي

عايزة ادعيها بحاجات كتير

لكن هقولها.....كل سنة و أنتي....أنتي....بكل ما فيكي

يالا بقي

اساليني....اتغدي ايه....عشان ده اللي فيه الشغل كله

صباااااحك يا ذهبية....ذهبي...زي خيط الشمس لماتخش تدفي حياتك

صباحك يا مغتربة....افتقاد ليكي اوي....مع انك معايا

صباحكم....عيد....طالما فيه ونس من حبايبكم

[spain]

سؤالى

سؤالي للي بعدي

لو اديتك ريموت كنترول...مش بتاع التلفزيون.....بتاع حياتك انت هتعمل

هتعمل mute.....يعني هتخفس الصوت علي ايه؟؟؟

هتعمل pause علي انهي مشهد

هتعمل fWD....علي ايه؟؟؟

و لا هتشتري دماغك و تطفيك....و تنام؟؟؟

كان معكم لماضة....من اما مبني ماسبيرو....كورنيش النيل

انا اول مرة اشترك في اللعبة دي

mute (علي مشهد اي حد بيزعقلي )

pause علي مشهد العمر عايزة عمري يقف ويستني

fWDعلي لحظات الاستمتاع والمخمخة طبعا

علي فكرة يا لماضة مصرية جدا انا شفت موضوع الحياة صورة بتاعك ...حلو اوي تحفة

سؤالي

هو

وبعدين؟