لعبة كلنا نشترك فيها

[عبير يونس]

انا كمان اجابتي بنعم لا ينطبق عليها تحليل الفاضله مصريه متغربه

انا اصلا ما اتخيلش لنفسي زوج غير زوجي اللي ربنا أكرمني بيه

وكل واحد فينا أكيد في عيوب في شخصيته والكمال لله وحده

لكن الموده والرحمه والتفاهم بعد وقت من العشره بتخليك تحب كل حاجه في شريك حياتك زي ما هي وتقبل كونه مختلف عنك في بعض الاشياء

وربنا يوفق كل زوجين لما يحبه ويرضاه ويجعل بيوتنا من أسعد البيوت . . . امين

تحياتي للجميع

غاليتي

اسأتِ فهم تحليلي

تحدثت عمن يسأل السؤال لنفسه

عن من يخطر في نفسه دون مقدمات

و ليس عمن يجيب عليه بنعم إذا سمعه أو قرأه

بارك الله في زوجك و جعله قرة عين لكِ

آمين

[نوران]

انا كمان اجابتي بنعم لا ينطبق عليها تحليل الفاضله مصريه متغربه

انا اصلا ما اتخيلش لنفسي زوج غير زوجي اللي ربنا أكرمني بيه

وكل واحد فينا أكيد في عيوب في شخصيته والكمال لله وحده

لكن الموده والرحمه والتفاهم بعد وقت من العشره بتخليك تحب كل حاجه في شريك حياتك زي ما هي وتقبل كونه مختلف عنك في بعض الاشياء

وربنا يوفق كل زوجين لما يحبه ويرضاه ويجعل بيوتنا من أسعد البيوت . . . امين

تحياتي للجميع

غاليتي

اسأتِ فهم تحليلي

تحدثت عمن يسأل السؤال لنفسه

عن من يخطر في نفسه دون مقدمات

و ليس عمن يجيب عليه بنعم إذا سمعه أو قرأه

بارك الله في زوجك و جعله قرة عين لكِ

آمين

اللهم امين

عدرا و شكرا علي الدعوه الحلوة يا أحلي متغربه

[Dreamwithme]

من حواركم ينفع احدف السؤال دوت

هل عيلتك عارفين انك بتخش المنتدي؟ و لا بتحب تحتفظ بمساحة خاصة لنفسك؟

تصبحوا علي خير

قصدي

صباحكم........سؤال فوق سؤال

في بداية اشتراكي في المحاورات ماكنتش حابة حد يعرف إني مشتركة عشان تبقي مساحة خاصة بيا

لكن مع الوقت بدأت غصب عني أجيب سيرة المحاورات وأراء الناس فيها في كلامي

فبالتالي خدت قرار إني أقول عادي لأن مشاركاتي بتعبر عن شخصيتي الحقيقية وأنا مع أهلي صريحة

فبالتالي مفيش حاجة ممكن أكتبها في المحاورات أتضايق لو أسرتي عرفتها لأني ممكن أتكلم معاهم فيها عادي

يمكن ده لأن أقرب أصدقائي لي هم أسرتي وأنا هنا أقصد أسرتي أمي وأخوتي مش العائلة كلها

لكن بالنسبة للعائلة الكبيرة وأصحابي وزملاء الشغل مثلا فلا أحب أن يعرفوا عن اشتراكي في المحاورات

ولا أنا مين .....علي فكرة ماما وأخوتي مش مهتميين بالمحاورات ومحاولوش يدخلوا عليها ولا يعرفوا أنا مين

سؤالي للي بعدي:

هل حصل إنك اتفرجت علي فيلم وغيرك جدا من جوه وغير تفكيرك تماما وهزك من الداخل؟

طيب لوده حصل ماهو الفيلم وليه في رأيك هزك كده؟ ولو اجابتك لأ محصلش طب تفتكر مساحة الخيال

ودوره في حياتك أيه؟ وهل وأنت بتتفرج علي أي عمل سينمائي أو تليفزيوني بتبقي عارف إن ده تمثيل

وفاصل نفسك؟

[طارق مصرى]

و أنا و الله جاوبت بشكل عام

و ليس على ان حضرتك بما إنك سألت السؤال إذن ينطبق عليك هذا التحليل

ربنا يبارك لحضرتك في زوجتك

و يديم عليكم نعمة السعادة

آمين

بس اسمح لي اعلق على الحتة دي

زوجتى مبتدخلش المنتدى و ملهاش فى النت اصلا

لماذا ذكرت أنها لا تدخل المنتدى ؟

هل هذا دفاع عن نفسك مسبق أنك تمدح زوجتك لأنها ستقرأ ما ستكتبه

و بالتالي تبقى في السيف سايد ;)

و لماذا قلت ملهاش في النت أصلا

ثم أردفت بقولك

هي هبة من الرحمن

هل لهذا علاقة بذلكi*:

يعني هي هبة من الرحمن عشان ملهاش في النت؟

و هل هذا بالضرورة يعني أنك تقصد أن السيدات اللائي يدخلن هنا

لهن تصننيف آخر

ليس بحال أنهن هبة من عند الرحمنwst::

أفصح

أبن

أوضح

dtcv:

احنا بس جايين نهدي النفوس

angl::

جزاك الله خيرا على الدعاء , بالنسبة لسؤالك طبعا حضرتك عارفة الاجابة انى قلت كده علشان محدش يفهم انى بقول كده مجاملة لزوجتى

--------------------------------------

استاذ طارق...استاذة مصرية متغربة

من حواركم ينفع احدف السؤال دوت

هل عيلتك عارفين انك بتخش المنتدي؟ و لا بتحب تحتفظ بمساحة خاصة لنفسك؟

تصبحوا علي خير

قصدي

صباحكم........سؤال فوق سؤال

حلو السؤال حضرتك اللى حدفتيه (و الحمد لله مجاش فى عنية :P ) مفيش فرصة للكلام عن المنتدى و خصوصا انى بعيد عن الاهل , اما زوجتى كما أسلفت فى غير مهتمه بالمنتديات و الشات و خلافه .و شكرا .....

[لماضة مصرية جدا]

سؤالي للي بعدي:

هل حصل إنك اتفرجت علي فيلم وغيرك جدا من جوه وغير تفكيرك تماما وهزك من الداخل؟

طيب لوده حصل ماهو الفيلم وليه في رأيك هزك كده؟ ولو اجابتك لأ محصلش طب تفتكر مساحة الخيال

ودوره في حياتك أيه؟ وهل وأنت بتتفرج علي أي عمل سينمائي أو تليفزيوني بتبقي عارف إن ده تمثيل

وفاصل نفسك؟

السلام عليكم و رحمة الله و بركاته

الفن عموما لازم يلمس جانب جواكي....(يعني يخبط كده من غير ما يقصد علي زرار جوه منك)

سواء افلام او قراءة شعر او موسيقي

لما بتفرج علي اي فيلم لازم الاقي اني انفعلت بحاجة فيه

ممكن تكون مقصودة من الفليم او ممكن تكون خاصة بيا انا في حياتي و الفيلم راح داس عليها و صحاها

الافلام عندي يا اجنبي

يا عربي ابيض و اسود بس

يا افلام كارتون

اضربيهم بقي في الخلاط يطلعلك كوكتيل تاملات لازم تاخدك لدنيا تانية مختلفة

كان فيه توبيك عاملام مغتربة تقريبا اسمه فيلم و معني و هناك كل حد فينا حط فيه افلام بجد غيرته من جواه او داست علي زرار جوه منه

----------------------------

بالنسبة للخيال

يعني هو انا اسمي في حتت تانية

أليس في بلاد العجائب

مش علشان بحب افلام الكارتون

لان جزء من شخصيتي كتير بيعتمد علي الخيال

و ده مش معناه اني منفصلة عن الواقع بتاعي

لكن بحب ارسم عالم و الونه بالواني أنا

و لو قدرت احققها في الزاقع طبعا بتبقي عايزة تحدي لاني دايما ببقي ماشية في الاتجاه المعاكس بس بحاول

لو مقدرتش احققها في الواقع يبقي علي الاقل قدرت اتنفسها في عالم اصنعه لوحدي

ع فكرة

ناس كتير فاكرة ان الخيال انك تفكر في حاجات مستحيلة

و حيث اني مش مؤمنة بفكرة ان فيه حاجة مستحيلة

لكن فيه حاجة مختلفة محتاجة بس انك تعيد تظبيط زوايا الرؤية و تبص في اتجاه مختلف

يبقي الخيال ابسط مما نتخيل

بالعكس محتاجينه كتير في حياتنا

و محتاجينه دلوقتي اكتر من اي وقت فات

ابسط مثال

لو قولتلك

هتلبسي ايه بكرة

السؤال ده تقليدي

بس ممكن تجاوبي اجابة خيالية جدا

و ينتهي بيكي الحال انك تلبقي الوان في لبسك مكنتيش متوقعاها من قبل و مكنتيش مجرباها

انا بعمل ده كتير علي مستويلت مختلفة

في لبسي

في افكاري

و حتي في شغلي

و ع فكرة بفضل الله اعتقد ان ده سبب نجاحي جدا

اني خيالية

حتي في المشاعر بحب اكون كده

مبحبش التقليد و التكتيف و الاستنبات الجاهزة

و ده بقي لسه مجربتوش بس عارفة ان ده اللي راح يلبق عليا

رغيت طبعا من هنا لغاية بكرة

بس سؤالك عايزله ليلة يا عمدة

سؤالي للي بعدي

لو عايز تستجم....يعني تانتخ.....يعني....تعيد شحن بطارية مشاعرك و روحك و دماغك و الاهم صحتك.....بتعملوا ايه؟؟؟

مساكم.....احتياج للانتخة لابعد حد

[عنبو]

لو عايز تستجم....يعني تانتخ.....يعني....تعيد شحن بطارية مشاعرك و روحك و دماغك و الاهم صحتك.....بتعملوا ايه؟؟؟

فى الغربه الانتخه بتتعب الواحد بيكره يوم الاجازه لانه بيشعر بملل فظيع لكن فى مصر فسهره مع الاصحاب كلها ضحك وصوت عالى وذكريات وهبل

من زمان قوى مضحكتش ضحكه صوتها عالى زى اليى كنت بضحكها فى مصر

سؤالى للى بعدى

ايه اخر قرار جرىء اخدته فى حياته ؟

[لماضة مصرية جدا]

لو عايز تستجم....يعني تانتخ.....يعني....تعيد شحن بطارية مشاعرك و روحك و دماغك و الاهم صحتك.....بتعملوا ايه؟؟؟

فى الغربه الانتخه بتتعب الواحد بيكره يوم الاجازه لانه بيشعر بملل فظيع لكن فى مصر فسهره مع الاصحاب كلها ضحك وصوت عالى وذكريات وهبل

من زمان قوى مضحكتش ضحكه صوتها عالى زى اليى كنت بضحكها فى مصر

سؤالى للى بعدى

ايه اخر قرار جرىء اخدته فى حياته ؟

ليه كده يا رفيق...عنبو....انت منكن تضحك برضه و تزغطط كدهوت...(وش غريب ابن عمة كتكوت :lol: )

اقولك علي حاجة عمرها ما خيبت معايا

انت اقف قدام المراية....ايون

و اعمل نفسك زعلان

و كرمش وشك علي اد ما تقدر

بالنوسبة ليا منظري بيبقي اهبل اخر سبع حاجات

و بيقلبني علي ضهري من الضوحك

سؤالك

اممممممم....آخر قرار جريء في حياتي

طب اذا كانت حياتي كلها علي بعضيها هي ذات نفسيها قرار جريء

يبقي اختارلي حاجة و انا اجاوبك عليها

دراستي قرار جريء

شغلي قرار جريء

البلد اللي سافرت منه و جيت ليه قرار جريء

حياتي الشخصية...قرارت هبلة علي جريئة

اخر ميتنج مهم علشان نحدد خريطة الطريق المهنية "خضيتهم" بقراري اللي هما سموه "جريء"

فكرتني باخويا الكبير اخر مرة كلمني

كنت باخد رايه في موضوع فقالي

و ربنا انا خايف مبقتشي عارف دماغك مخبية ايه؟

هسسيب السؤال للي بعدي

و اتدحرج و اجري يا سؤاااااااااااااااال

[ذهبية]

هل حصل إنك اتفرجت علي فيلم وغيرك جدا من جوه وغير تفكيرك تماما وهزك من الداخل؟

سؤالك حلو قوىىى

بصى يا دريم اكتر فيلم اثر فيا ومش بابطل عياط لما باشوفة فيلم حبيبى دائما لنور الشريف و بوسى

بما انى مش عاطفية قوى و يغلب عليا التفكير العقلى الفيلم دة بالذات بيقلب دماغى و ينسينى العقل شوية و باعيش معاة لحظة بلحظة ومش باشبع منة ابداااا

فى الغالب بقى اى فيلم يحكى قصة نجاح او تحقيق طموح او كفاح للوصول للهدف بيترك عليا تاثير السحر و باحس بعدها انى عايزة اكسر الدنيا و اركز قوى علشان اتعلم ازاى بقوا كدة و ازاى اردة الانسان ممكن تحقق المستحيل بس لو هو عايز

سؤالى

معاك دعوة لحضور مسرحية كوميدية لفردين هتاخد

مين معاك ؟؟؟

و بمعنى تانى لما تحب تضحك من قلبك قوى تحب مين يكون بجوراك يعيش معاك اللحظة دى

[رضوي]

بسم الله ماشاء الله ........... انا قولت هرجع الاقيني لسة انا ودريمي بس في اللعبة

بس الحمد لله الناس كلها بدأت تشارك تاني

بقي اغيب يوم ارجع الاقي كل دة حصل ؟؟

بس برافو بجد

سؤال دهوبة ( علي فكرة انتي وحشاني اوي )

سؤالى

معاك دعوة لحضور مسرحية كوميدية لفردين هتاخد

مين معاك ؟؟؟

و بمعنى تانى لما تحب تضحك من قلبك قوى تحب مين يكون بجوراك يعيش معاك اللحظة دى

ماتقلبيش عليا المواجع بس ........ انا معايا دعوات مفتوحة لكل مسارح البلد ولأكتر من شخصين يعني ......... اه ياني

بس لو حبيت في يوم اروح مسرح ............. يبقي اكيد اللي احب اكون معاه هيبقي

حسب الله طبعاً .......... جوزي ( مستقبلاً إن شاء الله )

[رضوي]

معلش نسيت السؤال

ياتري امتى اخر مرة فرحت اوي اوي فرحة لاتوصف ؟؟؟؟؟؟ وياتري كان ايه سبب الفرحة ؟؟

[مصطفى يونس]

معلش نسيت السؤال

ياتري امتى اخر مرة فرحت اوي اوي فرحة لاتوصف ؟؟؟؟؟؟ وياتري كان ايه سبب الفرحة ؟؟

اخر مره فرحت اوى لما وصلتنى رساله مكتوب فيها مبروك جالك سيف يوم 27 رمضان اللى فات فرحه لا توصف

سؤالى للى بعدى

ايه هيه احسن فترة فى حيانك حتى الان ؟؟؟؟

تم تعديل 21 يوليو 2011 بواسطة مصطفى يونس

[نوران]

معلش نسيت السؤال

ياتري امتى اخر مرة فرحت اوي اوي فرحة لاتوصف ؟؟؟؟؟؟ وياتري كان ايه سبب الفرحة ؟؟

انا فرحت قوي فرحه لا توصف لما ربنا وفقني ونجحت في امتحان الجزء التاني من ماجستير الجلديه في مادة الجلديه

لأن الجلديه كانت صعبه وامتحانها كان صعب وما توقعتش اني انجح خالص وده بفضل الله ثم دعاء ماما وبابا ربنا يباركلي فيهم ويبارك لكم جميعا في والديكم ويخليهم لنا امين

سؤالي اللي جه علي بالي :

ايه اكتر نكته رخمه سمعتها علي الاطلاق

هجاوب وبعدين انتوا تجاوبوا

-نكتة أخويا المفضله :مره واحد رمي مراته من الدور السابع ,طلعت تقول له بطل رخامه :D

-نكت بابا المفضله:1- مره واحد جه يقعد علي قهوة , قعد علي شاي

2-مره واحد جه يحلق زلابطة , حلق زلا وزه md2:

تم تعديل 21 يوليو 2011 بواسطة نوران

[Rosea]

نوران...كفارة سكند الجدية.....انت زميلة بقى....

انا هجاوب على سوال الفيلم..زاللى هو سؤال ملعوب بصراحة

انا الفيلم اللى بيعمل فيه كده هو فيلم الباب المفتوح فاتن حمامة و مش فاكرة اسمه ايه بتاع نادى الاهلى...المهم الفيلم ده بجد من اول مرة اتفرجت فيها عليه فى تانيه ثانوى و انا باحس انى تايهة و فجاءة لقيت نفسى معاها لما لقت نفسها فى اخر مشهد فى الفيلم...بحس انى بواجه نفس المخاوف اللى بصورها لنفسى و القيود اللى حسين بيكلم ليلى عليها ....ملعوب بجد الفيلم ده..

و بحس ان الجزء التانى للفيلم هو فى شقة مصر الجديدة...نجوى هى ليلى بمقاييس دلوقتى...حتى فى مشهد شبه مشترك فى الفيلمين و و مشهد الاسانسير

سؤالى للى بعدى:

لو اغنية واحده بتعبر عنك ايه هى؟

[Dreamwithme]

يا جماعة بالراحة شوية أنتم دخلتوا كل الأسئلة في بعض والعملية بقت مربي بصراحة

بس جميل أن التوبيك بقي أكتيف والناس بقت بتلعب مع بعضها بعيدا شوية عن السياسة

هأرد علي الأسئلة بالترتيب:

معلش نسيت السؤال

ياتري امتى اخر مرة فرحت اوي اوي فرحة لاتوصف ؟؟؟؟؟؟ وياتري كان ايه سبب الفرحة ؟؟

اخر مره فرحت اوى لما وصلتنى رساله مكتوب فيها مبروك جالك سيف يوم 27 رمضان اللى فات فرحه لا توصف

سؤالى للى بعدى

ايه هيه احسن فترة فى حيانك حتى الان ؟؟؟؟

أكثر فترة حلوة في حياتي من ناحية هو فترة الكلية لكن من ناحية ثانية بأحس إن أجمل فترة هي الفترة اللي الواحد عايشها

لأنه بقي أنضج وأتعلم أكثر من تجاربه فبالتالي هأسحب الاجابة وأفضل فترة في حياتي هي دلوقتي لأن دريم دلوقتي هي أفضل دريم من أي وقت مضي

معلش نسيت السؤال

ياتري امتى اخر مرة فرحت اوي اوي فرحة لاتوصف ؟؟؟؟؟؟ وياتري كان ايه سبب الفرحة ؟؟

انا فرحت قوي فرحه لا توصف لما ربنا وفقني ونجحت في امتحان الجزء التاني من ماجستير الجلديه في مادة الجلديه

لأن الجلديه كانت صعبه وامتحانها كان صعب وما توقعتش اني انجح خالص وده بفضل الله ثم دعاء ماما وبابا ربنا يباركلي فيهم ويبارك لكم جميعا في والديكم ويخليهم لنا امين

سؤالي اللي جه علي بالي :

ايه اكتر نكته رخمه سمعتها علي الاطلاق

هجاوب وبعدين انتوا تجاوبوا

-نكتة أخويا المفضله :مره واحد رمي مراته من الدور السابع ,طلعت تقول له بطل رخامه :D

-نكت بابا المفضله:1- مره واحد جه يقعد علي قهوة , قعد علي شاي

2-مره واحد جه يحلق زلابطة , حلق زلا وزه md2:

أكثر نكتة رخمة بتنرفزني بصراحة أنتي قولتها مرة واحد جه يقعد علي قهوة قعد علي شاي

نوران...كفارة سكند الجدية.....انت زميلة بقى....

انا هجاوب على سوال الفيلم..زاللى هو سؤال ملعوب بصراحة

انا الفيلم اللى بيعمل فيه كده هو فيلم الباب المفتوح فاتن حمامة و مش فاكرة اسمه ايه بتاع نادى الاهلى...المهم الفيلم ده بجد من اول مرة اتفرجت فيها عليه فى تانيه ثانوى و انا باحس انى تايهة و فجاءة لقيت نفسى معاها لما لقت نفسها فى اخر مشهد فى الفيلم...بحس انى بواجه نفس المخاوف اللى بصورها لنفسى و القيود اللى حسين بيكلم ليلى عليها ....ملعوب بجد الفيلم ده..

و بحس ان الجزء التانى للفيلم هو فى شقة مصر الجديدة...نجوى هى ليلى بمقاييس دلوقتى...حتى فى مشهد شبه مشترك فى الفيلمين و و مشهد الاسانسير

سؤالى للى بعدى:

لو اغنية واحده بتعبر عنك ايه هى؟

كده نبقي إخوات رسمي يا روزا لأن الفيلم ده من الأفلام اللي بتأثر فيا فعلا ....بس علي جانب ياروزا سامحيني

بس إزاي طاوعك قلبك تقولي مش فاكرة اسمه أيه بتاع النادي الأهلي :closedeyes: .....صالح سليم يا حاجة

إجابة سؤالك نعم في أغنية بتعبر عني وهي أغنية أحلم معايا لحمزة نمرة

سؤالي للي بعدي ليه بتخش التوبيك دهوت :happy: ؟

[لماضة مصرية جدا]

نوران...كفارة سكند الجدية.....انت زميلة بقى....

انا هجاوب على سوال الفيلم..زاللى هو سؤال ملعوب بصراحة

انا الفيلم اللى بيعمل فيه كده هو فيلم الباب المفتوح فاتن حمامة و مش فاكرة اسمه ايه بتاع نادى الاهلى...المهم الفيلم ده بجد من اول مرة اتفرجت فيها عليه فى تانيه ثانوى و انا باحس انى تايهة و فجاءة لقيت نفسى معاها لما لقت نفسها فى اخر مشهد فى الفيلم...بحس انى بواجه نفس المخاوف اللى بصورها لنفسى و القيود اللى حسين بيكلم ليلى عليها ....ملعوب بجد الفيلم ده..

و بحس ان الجزء التانى للفيلم هو فى شقة مصر الجديدة...نجوى هى ليلى بمقاييس دلوقتى...حتى فى مشهد شبه مشترك فى الفيلمين و و مشهد الاسانسير

سؤالى للى بعدى:

لو اغنية واحده بتعبر عنك ايه هى؟

مش عارفة اقولك...بحبك و لا بكرهك....

بحبك علشان اختيار الفيلم ده بالذات....بالذات.....فاتن حمامة و هي بتنضرب بالشبشب و هي تتخطب لاستاذها في الجامعة اللي بيقول حاجة و عينيه بتفضحه في حتة تانية....الحب اللي بتحاول دايما تهرب منه.....و القطر اللي في اخر لحظة بتقرر انها تنط فيه

مش عارفة اقولك ايه.....بس ده فيه حتة مني بشكل زي ما انتي عارفة انك فيكي حتت كتير بنبهت فيها علي بعض

و بكرهك بقي

ايون

قولي عليا مجنونة

بقي فيه حد ميعرفشي صالح سليم.....صالح سليم بتاع الكلب روي...(فيلم اللمبة السوداء)....صالح سليم اللي حب ليلي في الباب المفتوح و خلانا نفتح باب لحلم علي آخره

روحي يا شيخة.....الهي ربنا يسعدك

سؤالك اكتر اغنية بتعبر عني

مصر اليوم في عيد.....(وش شادية و هي بتتقصع بالقوصة :P )

بجد

اغنية سيلين ديون

I believe I can FLY

و قومي نامي بقي.....عندك...كفاح بكرة :P

[لماضة مصرية جدا]

سؤالي للي بعدي ليه بتخش التوبيك دهوت :happy: ؟

منبي ايه بس يا معنمي

ده انتي عجنتي الاسئلة بتاعتي خالص...(وش ايقونة متشحتفة الهارت بتاعها)

بصي يا دريمي

انا بخش التوبيك علشان

1- اوقات كتير ببقي بفكر في حاجة و مش عارفة اعملها ازاي فاحطها في شكل سؤال.

2- اوقات كتير بب احلل شخصية اللي قدامي من السؤال اللي بيحطه...يعني احب اشوف الدماغ رايحة لفين.

3- بحب استفز دماغي بالاسئلة عندي استاذ بيقولنا انك تعمل سؤال اصعب مليون مرة من انك تلاقي اجابة...تفتكري كلامه صح؟

سؤالي للي بعدي

لو انت رايح مكان بتحبه و عند ناس بتحبها بس خايف علشان المكان ده بيفكرك بذكريات تقيلة علي قلبك...تعمل ايه؟ و علي فكرة انت لازم تروح...مينفعشي متروحشي؟

سؤال تاني معلشي

لو حسيت فجأة انك ماشي "ضد التيار" الناس بتقولك اتجاه و انت قلبك و عقلك بيوديك في اتجاه تاني.....تعمل ايه؟

[لماضة مصرية جدا]

-نكت بابا المفضله:1- مره واحد جه يقعد علي قهوة , قعد علي شاي

2-مره واحد جه يحلق زلابطة , حلق زلا وزه md2:

طب تصدقي انا كركعت عليهم

و خصوصا بتاعت زلاوزة......(وش عيل عبيط)

سؤالي مخصوص لنوران و محدش يحشر مناخيره...(شايفاكم من خرم الباب ع فكرة)

هو بابا مرتبط :closedeyes:

بالنوسبة لارخم نوكتة

دي قعدت معايا اخر سنة في تخرج اخويا....مش فاهمة ايه العلاقة بس تقريبا كان عليه ضغط مشروع بقي و كده فابتدي يهيس...(شوري يعني يا ابيه)

النوكتة بتقول

ضفدعة قالت لضفدعة تانية و هي بتعدي الشارع

خلي بالك

طرااااااااااااااخش....(ده صوت بيعمله كده ببوقه تحسي الضفدعة اتفعصت في بوقي )

بس خلاص

محدش يحدف بالطوب

اخويا الكبير بقي و لازمن نحترمه

[رضوي]

[سؤالي للي بعدي

لو انت رايح مكان بتحبه و عند ناس بتحبها بس خايف علشان المكان ده بيفكرك بذكريات تقيلة علي قلبك...تعمل ايه؟ و علي فكرة انت لازم تروح...مينفعشي متروحشي؟

سؤال تاني معلشي

لو حسيت فجأة انك ماشي "ضد التيار" الناس بتقولك اتجاه و انت قلبك و عقلك بيوديك في اتجاه تاني.....تعمل ايه؟

سالخير

ازيك ياكابتشن اخبارك ايه

نجاوب ع السؤال بقي

طالما بحب المكان وبحب ناسه ........... حبي ليهم هيغلب ع الذكريات مش هتبقي واضحة ....... وطالما هي ذكريات وكمان مش سعيدة يبقى ممكن ننساها ومانسبهاش تعكر صفو حياتنا وتبوظ علينا اجتماعنا مع بعض وتنسيني حبي للمكان وحبي لأشخاصة ....... العكس لازم يحصل لازم انسى الذكريات وماديهاش فرصة تبوظ عليا فرحتي ........ دي وجهه نظري قد تكون صعبة التنفيذ ولكن لازم نحاول ولازم نقدر

السؤال التاني

طالما انا صح ............ وطالما واقفة علي أرض صلبة .......... وطالما مقتنعة باللي عايزة اعمله ........ وطالما مستعدة اتحمل المسئولية كاملة وأقدر اتحملها لوحدي ........... وطالما دة حقي ومش هظلم حد تاني معايا ولا هاجي علي حد ............. وطالما أخدت النصيحة من كل اللي حواليا ولسة مقتنعة باللي في دماغي ....... وطالما استخرت ربنا سبحانه وتعاللي .......... بس خلاص اعمل بقي اللي انا مقتنعة بيه واتحمل النتيجة لوحدي حلوها ومرها

سؤالي للي بعدي :-

ايه اكتر صفة بتحبها في نفسك ؟؟؟ وايه أكتر صفة الناس بتحبها فيك ؟؟

[Dreamwithme]

سؤالي للي بعدي :-

ايه اكتر صفة بتحبها في نفسك ؟؟؟ وايه أكتر صفة الناس بتحبها فيك ؟؟

أكثر صفة بأحبها في نفسي هي الهدوء وعدم العصبية بالرغم إن في ناس بتتفرس مني وبتقول عليا باردة وأفرس بلد لكن أنا راضية بروحي كده

أكثر صفة الناس بتحبها فيا الرومانسية والحنية مع اللي حواليا

سؤالي للي بعدي:

ماهو أكثر موضوع في المحاورات قرأته وأثر فيك جدا وغير وجهة نظرك تماما؟

[الســـاري]

سؤالي للي بعدي:

ماهو أكثر موضوع في المحاورات قرأته وأثر فيك جدا وغير وجهة نظرك تماما؟

هع ... هع ... هع

اكتر موضوع اثر فيا هو موضوع " اه يا فتيسي ياني " للفاضل اوزاوز ... اللي كان يحكي فيه معاناته مع وكالة نيسان

يعني كان موضوع كله حكم وعبر ... وكان في باب حماية المستهلك

وكان يشرح ازاي قدر يأدب الوكالة اللي فكرت تنصب عليه .. وعرفهم ان لحمه مر

لا طبعا مش هو دا التوبيك اللي أثر فيا ... قال وكالة نيسان قال

اكتر توبيك اثر فيا .. هي توبيكات ثورة 25 يناير لاركتيكت .. اللي اتفصلت لخمس اجزاء او اكثر .. وكانت كلها تحكي قصة الثورة يوم بيوم وساعة بساعة ولحظة بلحظة

يعني عيشتنا كلنا كأنا كنا بميدان التحرير

وكانت نشاط ملحوظ لفتفوتة .. الله يذكرها بالخير

سؤالي للي بعدي

==================

ايه افضل قناة اخبارية تتابعها من وجهة نظرك ... وليه ؟؟

وشكرا ليكم جميعا