لعبة كلنا نشترك فيها

[Dreamwithme]

سؤالي للي بعدي

==================

ايه افضل قناة اخبارية تتابعها من وجهة نظرك ... وليه ؟؟

وشكرا ليكم جميعا

أنا شخصيا بأتابع العربية وبي بي سي العربية كقنوات إخبارية عموما لكن في خلال الفترة اللي فاتت

أكثر قنوات بأثق في مصداقية نقلها للأخبار خاصة في الأحداث المحلية والثورة فهي قناة التحرير وقناة أون تي في

علي جنب بقي ......مش مصدقة عنيا الساري نور المحاورات وكمان بيلعب معانا :cheer:

ربنا يخليك لينا ياساري ويسعدك زي ما بتسعدنا وتنور المحاورات دائما :cheer:

سؤالي للي بعدي : هو سؤال افتراضي يا جماعة فمش عايزة ضرب لو لم تكن "جنسيتك"(مصريا أو سعوديا بالنسبة لساري طالما بيلعب معانا )

لوددت أن تكون أيه؟ بس ياريت محدش يقولي مصريا برضه ....إحنا هنا في سؤال افتراضي مش تساؤل عن حب البلد اللي هو غير مطروح للنقاش أصلا

وأكيد لو سؤال واقعي كل واحد فينا لن يتنازل عن جنسية بلدها ولو بكنوز الدنيا .

[لماضة مصرية جدا]

سؤالي للي بعدي : هو سؤال افتراضي يا جماعة فمش عايزة ضرب لو لم تكن "جنسيتك"(مصريا أو سعوديا بالنسبة لساري طالما بيلعب معانا )

لوددت أن تكون أيه؟ بس ياريت محدش يقولي مصريا برضه ....إحنا هنا في سؤال افتراضي مش تساؤل عن حب البلد اللي هو غير مطروح للنقاش أصلا

وأكيد لو سؤال واقعي كل واحد فينا لن يتنازل عن جنسية بلدها ولو بكنوز الدنيا .

السلام عليكم و رحمة الله و بركاته

لو وددت تكون ايه....؟؟؟؟

طب انا لسه كنت بقول من دقيقتين ان نفسي اكون دودة الاميبا

اللي اعرفه عنها انها كائن احادي الخلية

يتكاثر ذاتيا

عن طريق الانقسام

و انا الصفتين دولم يمشوا معايا زي السكينة في الحلاوة :closedeyes:

معرفشي بقي جنسيتها ايه

ينفع تسيبيني اتحول و بعدين ارجع اقولك

مساكي......امنيات......قد تبدو مستحيلة....(احيانا)

سؤالي للي بعدي

ايه رايك في البنت اللي ممكن تقول انها "معجبة" برجل ما؟ لو انت ولد هتوافق و تحترمها.....لو انت ولد هتعمل نفسك متفتح و متحضر و شوية حاجات كده فوق بعضيها بس من جواك بتقول في سرك ايه البنت الجريئة دي و لو انتي بنتي....هتعملي كده؟؟؟

[رضوي]

امممممممممممممممم

لو لم اكن مصريا لوددت أن اكون اسكندانيا

لو انا مش مصرية كنت عايزة اكون يابانية علشان عنية تبقي ضيقة ههههههههههههههههههه

لا بجد علشان دريمي كدة هتضربني

نفسي اعيش في سويسرا ........ بلد جميلة اوي وهادية كدة ولذيذة وماعندهومش مشاكل اصلاً ( بينتحروا من قلة المشاكل ) .......... غير بقي الشيكولاتة السويسري ههههههههههه

إذا فول ماكنتش مصرية نقضيها بقي سويسرية وابقي ااجي مصر كل سنة اتفسح فيها والف محافظة محافظة وقرية قرية وارجع تاني بقي

بلدي بقي ومش هقدر انساها ( وطنية وطنية يعني )

[نوران]

نوران...كفارة سكند الجدية.....انت زميلة بقى....

اهلا روسيا زميلة الكفاح

انت جامعة ايه ؟ ؟

[نوران]

-نكت بابا المفضله:1- مره واحد جه يقعد علي قهوة , قعد علي شاي

2-مره واحد جه يحلق زلابطة , حلق زلا وزه md2:

طب تصدقي انا كركعت عليهم

و خصوصا بتاعت زلاوزة......(وش عيل عبيط)

سؤالي مخصوص لنوران و محدش يحشر مناخيره...(شايفاكم من خرم الباب ع فكرة)

هو بابا مرتبط :closedeyes

طب انا هروح اسأل ماما وارد عليكي يا لماضه يا عسل

اصل ماما هي اللي تعرف كل صغيره وكبيره عن بابا ده :)

تم تعديل 22 يوليو 2011 بواسطة نوران

[Dreamwithme]

سؤالي للي بعدي

ايه رايك في البنت اللي ممكن تقول انها "معجبة" برجل ما؟ لو انت ولد هتوافق و تحترمها.....لو انت ولد هتعمل نفسك متفتح و متحضر و شوية حاجات كده فوق بعضيها بس من جواك بتقول في سرك ايه البنت الجريئة دي و لو انتي بنتي....هتعملي كده؟؟؟

أنا مش هأعمل كده أبدا مهما حصل .....ِأما بالنسبة لرأيي في الموقف عموما هأتعاطف مع البنت جدا وهأعذرها

لكن الموقف مش صح لأن مفيش رجل شرقي في مجتمعنا يتقبل ده حتي لوتظاهر بالتقبل هيبقي من جواه مش مقتنع

وإحنا إتربينا (بغض النظر هوده الصح ولا غلط) علي إن البداية تكون من الرجل والبنت بتنبسط لما تكون البداية من ناحية الراجل

سؤالي للي بعدي لو لم تكن إنسانا لوددت أن تكون أيه من الحيوانات وليه؟ :happy:

[hOuSsAm]

سؤالي للي بعدي : هو سؤال افتراضي يا جماعة فمش عايزة ضرب لو لم تكن "جنسيتك"(مصريا أو سعوديا بالنسبة لساري طالما بيلعب معانا )

لوددت أن تكون أيه؟ بس ياريت محدش يقولي مصريا برضه ....إحنا هنا في سؤال افتراضي مش تساؤل عن حب البلد اللي هو غير مطروح للنقاش أصلا

وأكيد لو سؤال واقعي كل واحد فينا لن يتنازل عن جنسية بلدها ولو بكنوز الدنيا .

انجليزيا

انجلترا او مايطلقون عليها المملكة المتحدة

عشقى هناك فى مدينة الضباب

فعلا كان نفسى انتمى لهذا البلد الجميل بتاريخها وعراقتها واصالتها (وده مينفيش عراقة واصالة البلاد الاخرى)

------------------

سؤالى

لو رجعت بيك الايام للفترة العمرية بين 21 و 24 ايه اكتر قرار كان المفروض تاخده وندمت انك ماخدوتش؟ وايه القرار اللى اخدته فعلا ولو رجعت بيك الايام مش هتاخده؟

[hOuSsAm]

اعتذر كتبت ردى وسؤالى فى نفس توقيت الفاضلة دريم وذ مى

سؤالي للي بعدي لو لم تكن إنسانا لوددت أن تكون أيه من الحيوانات وليه؟

تمساح

(معجب جدا بالحيوان ده ونفسى اربيه فى البيت)

بحب فيه قوته ودهائه وتربصه للفريسة وصبره - ومبيهموش حد ومبيخفش من اتخن تخين سواء فى البحر ولا البر بالاضافة انه متعدد المواهب

-------------

سؤالى كتبته فوق :)

تم تعديل 22 يوليو 2011 بواسطة hOuSsAm

[نوران]

سؤالي للي بعدي

ايه رايك في البنت اللي ممكن تقول انها "معجبة" برجل ما؟ لو انت ولد هتوافق و تحترمها.....لو انت ولد هتعمل نفسك متفتح و متحضر و شوية حاجات كده فوق بعضيها بس من جواك بتقول في سرك ايه البنت الجريئة دي و لو انتي بنتي....هتعملي كده؟؟؟

بما ان انا تصادف اني بنت

هدعي ربنا انه يعرف اني معجبه بيه لوحده كده

[نوران]

سؤالي للي بعدي لو لم تكن إنسانا لوددت أن تكون أيه من الحيوانات وليه؟ :happy:

لو لم اكن انسانا لوددت ان اكون عصفورا حتي اطير بعيدا جدا لعلي اجد السلام

انا حاسه الدنيا اتلخبطت علي الاخر

يا تري مين السبب ؟ ؟ :blink:

عموما سؤالي للي بعدي :

لما الواحد يحس انه مخنوق قوي في الغربه ممكن يعمل ايه ؟ ؟

تم تعديل 22 يوليو 2011 بواسطة نوران

[SoSo R]

بصوا يا ولاد ...انا داخلة أسأل سؤال سريع ..و نبى ما انتوا قايمين...انا عارفة السكة كويس ...هارمى السؤال و اطلع جرى

يعنى مش هافركش الدور...

انا من جيل الأوائل اللى كانوا بيلعبوا الجيم ده مع دهبية و فتفوتة و ريمو و الباشمهندس ياسر و عنبو ساعات...الله يمسيهم او يصبحهم بالخير ...كل حسب توقيته....

السؤال بقى ...وده مالوش دعوة باللى انتوا بتعملوه حالا..

ايه هو فيلم الباب المفتوح...

عايزة بوستر و ملخص للفيلم عندى حالا من الناس السينماويين اللى هنا...

انا عارفة شقة مصر الجديدة و فاكرة طشاش الأسانسير...بس الباب اللى اتفتح ده ولا شفته...

ياريت بقى ما تطنوشوش...

سلام

[لماضة مصرية جدا]

سؤالي للي بعدي

ايه رايك في البنت اللي ممكن تقول انها "معجبة" برجل ما؟ لو انت ولد هتوافق و تحترمها.....لو انت ولد هتعمل نفسك متفتح و متحضر و شوية حاجات كده فوق بعضيها بس من جواك بتقول في سرك ايه البنت الجريئة دي و لو انتي بنتي....هتعملي كده؟؟؟

أنا مش هأعمل كده أبدا مهما حصل .....ِأما بالنسبة لرأيي في الموقف عموما هأتعاطف مع البنت جدا وهأعذرها

ليه بتقولي ابدا....انتي تعرفي الغيب فيه ايه؟؟؟

و تتعاطفي مع البنت ليه؟؟؟ و تعذريها ليه؟؟

لكن الموقف مش صح لأن مفيش رجل شرقي في مجتمعنا يتقبل ده حتي لوتظاهر بالتقبل هيبقي من جواه مش مقتنع

يعني انتي مش راح تعمليه علشان هو مش هيتقبله و لا انتي مش عايزة تعمليه

يعني عايزة تسعدي نفسك....و لا تعملي اللي يسعد اللي قدامك

وإحنا إتربينا (بغض النظر هوده الصح ولا غلط) علي إن البداية تكون من الرجل والبنت بتنبسط لما تكون البداية من ناحية الراجل

و الولد اتربي علي حاجات كتير غلط و بنبلعها و بنعديها

اشمعني دي بقي اللي راح نصرخ في وش البنت و نقولها عييييييييييييييييب

سؤالي للي بعدي لو لم تكن إنسانا لوددت أن تكون أيه من الحيوانات وليه؟ :happy:

طب ع فكرة

انا كبنت

مش هعملها

بس مقدرشي اقول "ابدا" لاني معرفشي الدنيا ممكن يكون فيها ايه

بس مش هعملها لاسباب تانية خالص غير اللي ذكرتيه يا دريمي

تحياتي

----------------

نوران

لما تتخنقي في الغربة

يبقي تيجي المحاورات تخشي علي توبيكات اضحك كركر او احدف سؤال.....هتنبسطي شوية و بعدين تتخنقي اكتر

قوووووووووم ايه

تقومي تنامي

و اي خدمة

بجد

اذكري الله كثيرا

[capitshino]

سؤالى

فين سؤال لماضة مصرية جدا ؟

[لماضة مصرية جدا]

بصوا يا ولاد ...انا داخلة أسأل سؤال سريع ..و نبى ما انتوا قايمين...انا عارفة السكة كويس ...هارمى السؤال و اطلع جرى

يعنى مش هافركش الدور...

انا من جيل الأوائل اللى كانوا بيلعبوا الجيم ده مع دهبية و فتفوتة و ريمو و الباشمهندس ياسر و عنبو ساعات...الله يمسيهم او يصبحهم بالخير ...كل حسب توقيته....

السؤال بقى ...وده مالوش دعوة باللى انتوا بتعملوه حالا..

ايه هو فيلم الباب المفتوح...

عايزة بوستر و ملخص للفيلم عندى حالا من الناس السينماويين اللى هنا...

انا عارفة شقة مصر الجديدة و فاكرة طشاش الأسانسير...بس الباب اللى اتفتح ده ولا شفته...

ياريت بقى ما تطنوشوش...

سلام

و قاعدة تقوليلنا جيل الاوائل و سلاح التلميذ و مش عارفة فيلم الباب المفتوح....

بصي يا ستي

اسمحيلي اقولك ببساطة ....او اللي بحسه في الفيلم ده

البطلة فاتن حمامة

بنت مصرية عادية

اول مشهد

ثورة في مصر

هي خارجة من المدرسة حاضنة كتبها

في لحظة تقرر انها تنضم للثورة

تسخن

تتشال فوق الاعناق تبتدي تهتف

ترجع البيت و هي حاسة انها لاول مرة بتعمل حاجة مفيدة

ابوها مستنيها

و يحدفها بالشبشب في مشهد دراماتيكي يقطع القلب

تخش اوضتها

تعلن اعتصام

بتحب

عصام

ده ابن خالتها

يشبه اي ولد مصري "معظمهم" عايز يعرف يعني ايه مشاعر و بيمارسها مع اول بنت تقابله اللي هي "ليلي"

صالح سليم......هو صاحب اخوها

هو الخيط التاني

هو الباب المفتوح

اختيار....عمالة تهرب منه طول الوقت

هي جواها متمردة

جواها ثورة

جواها بركان

بس جربت مرة

انضربت

جربت تحب

اتخدعت

راحت كبت ميه علي البركان

و انطفي جواها كل نار....كل بريق

بقت تشبه اي بنت تانية

دخلت الجامعة

حبها استاذها

بس بعد ما ذلها

و ذلها اكتر يوم ما خطبها

لانه كان عايز تابلوة

بنت مطيعة....قالب جاهز

و عينه كانت بتروح علي اقرب الناس ليها

جواها فيه حاجة قلقانة

جواها البركان لسه بيعافر

اخوها بينضم للمقاومة في بورسعيد

هو ولد

هي لا

بتاخد القطر لاقصي الصعيد في الفيوم علشان يهربوا من الغارات

بس مش قادرة تهرب من نفسها

من صوت جواها بيقولها

انتي مكانك مش هناك

في محطة القطر

بتسمع اخر ندا......للمتطوعين اللي رايحين بورسعيد

بتصحي في لحظة مصيرية

لما بتشوف بعون قلبها النضيف ان الناس فعلا بتموت

بتكتشف جواها

انها قوية

انها قادرة تقول

لا

بتسيب الدبلة في موقف يتفق مع شخصيتها المسالمة....عمرها ما كانت ثورجية بجد

و بتجري

و بتجري

و بتجري ناحية القطر

و هي بتجري

ايدين كتير بتتمد ليها

ايدين هي متعرفهاش

ملامح وشها بتتغير كانها بتتولد

و في وسط الزحام

بتلحق القطر

و بتلاقي

الباب المفتوح

صالح سليم

و بعدين بقي بيحطلها قطرة في عينيها :)

و يخلص الفيلم

طولت عليكي

بس بحبه

جدا

جدا جدا

و ممكن اتفرج عليه في العرض و الاعادة

اي خدمة

[رضوي]

بصوا يا ولاد ...انا داخلة أسأل سؤال سريع ..و نبى ما انتوا قايمين...انا عارفة السكة كويس ...هارمى السؤال و اطلع جرى

يعنى مش هافركش الدور...

انا من جيل الأوائل اللى كانوا بيلعبوا الجيم ده مع دهبية و فتفوتة و ريمو و الباشمهندس ياسر و عنبو ساعات...الله يمسيهم او يصبحهم بالخير ...كل حسب توقيته....

السؤال بقى ...وده مالوش دعوة باللى انتوا بتعملوه حالا..

ايه هو فيلم الباب المفتوح...

عايزة بوستر و ملخص للفيلم عندى حالا من الناس السينماويين اللى هنا...

انا عارفة شقة مصر الجديدة و فاكرة طشاش الأسانسير...بس الباب اللى اتفتح ده ولا شفته...

ياريت بقى ما تطنوشوش...

سلام

اهلا اهلا منورة اللعبة كلها ياسوسو

بصراحة بصراحة بصراحة

انا عملت سيرش ع جوجل وعرفت مين الباب المفتوح دة ( لما قولتي شقة مصر الجديدة افتكرته فيلم جديد ) بس دة طلع قدييييييييييم اوي اوي

وعرفت المعلومات دي عن الفيلم

الباب المفتوح فيلم مصري تم إنتاجه عام 1963، من إخراج هنري بركات و بطولة فاتن حمامة و صالح سليم و محمود مرسي و حسن يوسف.

فريق العمل

إخراج: هنري بركات

تأليف:

• يوسف عيسى
• هنري بركات
• لطيفة الزيات

بطولة

• فاتن حمامة
• صالح سليم
• حسن يوسف
• محمود مرسي
• شويكار
• ناهد سمير
• ميمي شكيب
• محمود الحديني
• سهام فتحي

ودة مشهد من الفيلم

http://www.youtube.com/watch?v=__wWVByte54

[رضوي]

سؤالى

لو رجعت بيك الايام للفترة العمرية بين 21 و 24 ايه اكتر قرار كان المفروض تاخده وندمت انك ماخدوتش؟ وايه القرار اللى اخدته فعلا ولو رجعت بيك الايام مش هتاخده؟

انا فعلاً في الفترة العمرية دي ...... والحمد لله مابندمش علي اي حاجة في حياتي كلها ( غير معصية الخالق - ربنا يغفر لنا ماتقدم من ذنبنا وما تأخر - ) فيه قرارات كانت غلط بس اتعلمت منها وماكنتش هتعلم لو مااخدتهاش , بس عايزة اسمعكم

علشان كدة عايزاكوا تجاوبوا علي السؤال دة ........ علشان استفيد من خبراتكم

[SoSo R]

لماضة هانم ...ليا عودة...بس ايه التحليل الرومانتيكى ده..ده انتى طلعتى حدوتة يا بنت الأيه

رضوى هانم ...ميرسى ع السيرش...

فيلم شقة مصر الجديدة...ده جديد...حد قال من الأخوة اللعبين او اللاعبات إنه متشابه او فيه ريحة عرقه...حاجة كدهوت...يعنى الباب المفتوح و شقة مصر الجديدة فيه بينهم نسب او قرابة

فحبيت افهم.

يا ريتحد بقى ينزل بلينك للفيلم....

يا سووووووووووولام هبقى ليلة فل و الواحد يتفرج بقى فى الويك اند

مستنياكم

[Dreamwithme]

سؤالي للي بعدي

ايه رايك في البنت اللي ممكن تقول انها "معجبة" برجل ما؟ لو انت ولد هتوافق و تحترمها.....لو انت ولد هتعمل نفسك متفتح و متحضر و شوية حاجات كده فوق بعضيها بس من جواك بتقول في سرك ايه البنت الجريئة دي و لو انتي بنتي....هتعملي كده؟؟؟

أنا مش هأعمل كده أبدا مهما حصل .....ِأما بالنسبة لرأيي في الموقف عموما هأتعاطف مع البنت جدا وهأعذرها

ليه بتقولي ابدا....انتي تعرفي الغيب فيه ايه؟؟؟

و تتعاطفي مع البنت ليه؟؟؟ و تعذريها ليه؟؟

لكن الموقف مش صح لأن مفيش رجل شرقي في مجتمعنا يتقبل ده حتي لوتظاهر بالتقبل هيبقي من جواه مش مقتنع

يعني انتي مش راح تعمليه علشان هو مش هيتقبله و لا انتي مش عايزة تعمليه

يعني عايزة تسعدي نفسك....و لا تعملي اللي يسعد اللي قدامك

وإحنا إتربينا (بغض النظر هوده الصح ولا غلط) علي إن البداية تكون من الرجل والبنت بتنبسط لما تكون البداية من ناحية الراجل

و الولد اتربي علي حاجات كتير غلط و بنبلعها و بنعديها

اشمعني دي بقي اللي راح نصرخ في وش البنت و نقولها عييييييييييييييييب

سؤالي للي بعدي لو لم تكن إنسانا لوددت أن تكون أيه من الحيوانات وليه؟ :happy:

طب ع فكرة

انا كبنت

مش هعملها

بس مقدرشي اقول "ابدا" لاني معرفشي الدنيا ممكن يكون فيها ايه

بس مش هعملها لاسباب تانية خالص غير اللي ذكرتيه يا دريمي

تحياتي

بالراحة بس عليا يا حاجة إنتي قفشتي كده ليه؟ أنا قلت مش هأعمل كده أبدا لأنه شئ يتعارض مع مبدأي وقناعاتي

والواحد طالما رافض الموضوع من جواه فبالتالي مبيتخيلش إنه ممكن يعمل الحاجة دي ....ده تفسير كلمة أبدا ....هي طلعت عفوية ليس أكثر

وطبعا إنتي معاكي حق المستقبل في علم الغيب ومحدش عارف هيحصل أيه بكرة

هأتعاطف مع البنت وأعذرها لأني هأقدر مشاعرها اللي جواها اللي خلتها تعمل كده وهأقدر إن ممكن تكون طريقة تفكيرها مختلفة عني وبالتالي هي مش شايفة مشكلة

وبعدين في الآخر طالما بنتكلم عن مشاعر وأحاسيس بشر يبقي مفيش حد صح وحد غلط لأن كل واحد بيتحرك مندفع بمشاعره ورؤيته للأمور

جايز قوي أكون أنا غلط

أما بالنسبة لي أنا أرفض إني أعمل كده مش عشان خاطر رضي الطرف التاني

لكن عشان أنا كمان اتربيت كده ويسعدني كبنت إن الخطوة الأولي تكون من طرف الراجل ده اللي يرضيني

وبرضه الموقف يتعارض مع حياء البنت وطبيعتها الأنثوية (ده من وجهة نظري) يعني هي لو هتموت عليه ممكن تزق حد يلمح لكن كون أنها هي نفسها تصرح

أعتقد إن ده محتاج جراءة في البنت مش مطلوب إنها تكون في البنت

وأيضا أنا في وجهة نظري إن الحب ما ينطلبش لو هو مش واخد باله مني أصلا يبقي مش بتاعي

أما بالنسبة لموضوع إننا مابنقولش للولد عيب ونقول للبنت عيب فدي ثقافة مجتمع أنا مش موافقة عليها وضدها تماما ويوم مايبقي عندي أولاد

مش هأربي ولادي علي كده زي ما في حاجات البنت عيب تعملها في حاجات الولد عييييييييييييييييييب قوي يعملها

لكن هأرجع تاني وأوضح إن موضوع التعبير عن الاعجاب ده ما أعتقدش إنه دخل في موضوع عيييييييييييييييب لكن حاجة أنا مش حباها ومش مقتنع بيها

للأسباب اللي شرحتها....

مساكي هدوووووووووووووووووووووووووووووء وتفاهم يارب

[Dreamwithme]

سؤالى

لو رجعت بيك الايام للفترة العمرية بين 21 و 24 ايه اكتر قرار كان المفروض تاخده وندمت انك ماخدوتش؟ وايه القرار اللى اخدته فعلا ولو رجعت بيك الايام مش هتاخده؟

مش هأعرف أجاوب علي السؤال فهأسيبه للي بعدي

[لماضة مصرية جدا]

------------------

سؤالى

لو رجعت بيك الايام للفترة العمرية بين 21 و 24 ايه اكتر قرار كان المفروض تاخده وندمت انك ماخدوتش؟ وايه القرار اللى اخدته فعلا ولو رجعت بيك الايام مش هتاخده؟

السلام عليكم و رحمة الله و بركاته

كنت مرة سمعت جملة

"انا لا ادعي الحكمة باثر رجعي"

يعني مينفعشي نقلب في دفاترنا القديمة و نقول يا ريتنا عملنا كذا و كذا و ندعي ان احنا فاهمين

لان في وقتها كان بالنسبة لينا قرار معين في فترة ما يبدو انه "صحيح"

انت عندك متغيرين واحد منهم "زمن" وواحد منهم "الحكمة" اللي بتبنيها واحدة واحدة مع كل خبرة تعلم

ام الندم.....فاسمحلي ده بيبقي حالة "مستحيل" لانك لا هتقدر ترجع الزمن

و لا هتقدر تدعي الحكمة باثر رجعي

بس بعد البوقين دولم

اقدر اقولك

انا برضه باخد قرارات لما برجع اتاملها علشان ابني عليها و اتعلم منها

بلاقي ان الفترة اللي حضرتك قولت عليها

اكتر قرار ندمت عليه في الفترة دي....اني اعتذرت عن منحة دراسية لانجلترا و دلوقتي بضرب نفسي بشبشب الحمام علي الحركة اللوذعية دي

ندمت عليه دلوقتي....لكن مش في وقتها...لان وقتها كان عندي اختيار تاني و الحمد لله ربنا وفقني فوق ما اتصور

دلوقتي ندمت لان بقت الشروط اصعب و انا بقت التزاماتي اكتر و بقيت الحقيقة اوقات بحسب "المغامرة" بعقل اكتر من الاول

بالنسبة للجزء التاني من سؤالك

القرار اللي اخدته و لو رجع بيا الحال اني مش هكرره......مش هصدق "وعود" مش مكتوبة

في الفترة دي اتوعدت وعد كبير اوي في مستقبلي المهني و كان وعد "بوقيقي" مش مكتوب علي ورق

و طبعا كلام الليل مدهون بزبدة يطلع عليه النهار يبقي كريم شانتيه (وش حد ضايع في الامثال خالص)

و الحمد لله دلوقتي بعمله

ان اي حد يقولي حاجة لازم يكتبها.....لو متكاتبتشي يبقي عمرها ما بتوصل انها تخش اصلا جوه عقلي و افكر فيها

طولت عليك

بس سؤال داخل نخاشيشي

و برضه لو حد عايز يكمل فيه يدوس يعني

سؤالي للي بعدي

لو قدرت أن تركب آلة الزمن و تروح ع المستقبل او تبص في البلورة السحرية ايه اكتر حاجة هتبقي عايزة تشوفها بعد 10 سنين من دلوقتي؟

حاجة ممكن تبقي لنفسك

لاهلك

لحياتك؟

فيه حاجة بتفتش عليها جوه البلورة يا تري ايه؟

كان معكم

لماضة....الاشكيف