لعبة كلنا نشترك فيها

[لماضة مصرية جدا]

السلام عليكم و رحمة الله و بركاته

ع فكرة بقي

انا المفروض ينصرفلي بند من المحاورات هنا هوت....(انا كل شوية اغطس في الارشيف و اكح تراب و انا برفع التوبيكات ديت...صحتي هتروح يا جدعان)

بالنوسبة لسؤال دريمي

اكتر كتاب غير وجهة نظري للحياة

مش عايزة تبقي اجابتي و كانها محفوظة او متوقعة بس شخصيا القرآن الكريم مش بس كتاب سماوي...و كل ما انشغل بحاجة الاقي اجابتها فيه

حقيقي انا مقدرشي ادعي اني علي قدر من العلم اني افهم كل المعاني اللي فيه

بس كتير جدا كل ما اكون بفكر في حاجة او شايلة همها ادعي ربنا و اقعد اقراه احس ان فيه آيات بتخاطبني انا

عارفة يا دريمي...الكتب العادية اللي بيكتبها بشر لازم بتلاقي فيها حتة مش كاملة...فيها اكيد كتب كتير بتغير نظرتنا للحياة...و بتخلينا نعيد تظبيط زاوية الرؤية...بس القرآن غير...لأنه مفعوله بيفضل معاكي طول الوقت

و لان كلام ربنا اللي فيه بيخليكي ترجعي للفطرة اللي جواكي اللي ممكن تتوه في صخب الحياة و دوشتها و همومها....و بتحسي انه مكتوب ليكي انتي و بيجاوب علي تساؤلاتك انتي

نفسي احفظه و نفسي اعيه بفهم....بس هو الكتاب الأوحد القادر مش بس انه يغير حياتي...ده بيرجعني للحياة كل ما احس اني تايهة فيها

شكرا علي السؤال....و افتكريني في صالح دعواتك

-----------------

سؤالي للي بعدي

بكرة يا حلوين اول يوم جامعة

يا تري حد فاكر...

اول يوم جامعة عملتو فيها ايه....

لبستوا ايه...

قابلتو مين...

ايه اكتر حاجة مفتقدينها في الجامعة

انا سخصيا مفتقدها جدا....و السنة دي اول مرة في تاريخي....انا هعيش الجامعة من ع بعد....(ليه حاسة اني زي العيل الفاشل اللي هياخد الكتب و يقعد يذاكرهم لوحده...و يا خوفي اجيب كحك لما اتعمي)

يلا بقي....جاوبا السؤال

و اشربوا اللبن و اغسلوا سنانكم و ناموا بدري....(وش ابلة فضيلة:)

مساكم.....ايام حلوة بنحب نفتكرها طول الوقت

[Dreamwithme]

سؤالي للي بعدي

بكرة يا حلوين اول يوم جامعة

يا تري حد فاكر...

اول يوم جامعة عملتو فيها ايه....

لبستوا ايه...

قابلتو مين...

ايه اكتر حاجة مفتقدينها في الجامعة

يعني فاكراه نص نص ...فاكرة إن بابا هو اللي وصلني وكان سعيد جدا أكثر مني بمراحل لأنه طول عمره كان نفسه يدخل صيدلة

فلما أنا دخلتها حسيت إنه بيعيش معايا الحلم

مش فاكرة قوي كنت لابسة إيه بالضبط

بس فاكرة أول ناس اتعرف عليهم وفي واحدة منهم بالذات فكراها كويس وأصبحت صديقتي المقربة فيما بعد ولازالت

بس فاكرة إن اليوم كان كئيب عليا جدا لأني قابلت ناس غلسة تعاملوا معايا بتعالي وبقلة ذوق

وبعدين أنا خريجة مدارس عربي مش انجليزي والدراسة في صيدلة كلها بالانجليزي فكانت أول يوم محاضرات صعب عليا

كنت فاهمة كويس الدكاترة بس مش ملاحقة أكتب معاه

ورجعت البيت معيطة وحالتي صعبة خالص

فبصراحة اليوم ده مش من ذكرياتي الجميلة

لكن اليوم فعلا اللي كان جميل جدا أول يوم دراسي في سنة أولي في كلية صيدلة نفسها

لأن أول سنة بتبقي اعدادي وبتكون في علوم

لكن أول يوم ليا في كلية الصيدلة كان جميل جدا

وكانوا مستقبلين دفعتنا بالورود وحاجات حلوة وكان معايا الجروب بتاعي فكنت مرتاحة

ياه يا لماضة فكرتيني بالذي مضي

سؤالي للي بعدي هل تعتقد إننا عندنا عنصرية وطبقية في مصر أم لا؟

[hanzalah]

عنصرية وطبقية في مصر

بكل تأكيد فيه وعندك مليون دليل

احنا البلد الوحيد اللي قام بثورة ومع ذلك تلاقي عسكري يوقف واد سيس في إشارة يقوم يقول له

انت مش عارف بتكلم مين

واحنا ننفرد بأن هناك موظفين راتبهم الرسمي وبالقانون يصل الى 800 الف جنيه واكثر قليلا

بينما نخوض حروب ضروس من أجل حد ادنى للاجور يساوي تقريبا 700 جنيه

في حين ان هناك اجور فعليه لعمال في مدرسة تصل الى 80 جنيه فقط لاغير

عندنا النوبي لا يتزوج مصرية ولو فعلها يقاطعه اهله وعشيرته ولايتزوجون اخواته البنات عقابا له على فعلته الشنيعة

عندنا عرب وعربان يرون حتى اليوم ان السرقة جدعنه

عندنا عقده بتقول ان البنت الجامعية لا تتزوج من مهني بدبلوم لو انطبقت السما ع الارض

عندنا نادي لايدخله الا القاضي ونادي للضابط ونادي للمدرس ونادي للمهندس ونادي للمحامي ونادي لبتاع الترمس

عندنا مدارس حكومية بتعمل مقابلة شخصية قبل ما تقبل اوراق بنتك في الكي جي لحسن تكون ارهابي أو بتحط صباعك ف مناخيرك

سيبك

سؤالي لمن بعدي

عاوز تكمل حياتك وتموت وتدفن في مصر

تفرق معاك قوي يعني

وليه

[rewsha]

عاوز تكمل حياتك وتموت وتدفن في مصر

تفرق معاك قوي يعني

وليه

طبعا عاوزه اعيش واموت واندفن في مصر

وتفرق معايا جدا

واعتقد ان لو ساْلنا ناس كتير في المنتدى هنا نفس السؤال ده ,هايجاوبوا نفس الاجابه دي خصوصا المغتربين لانهم اكتر ناس نفسهم يعيشوا في مصر ويموتوا فيهالانهم حسوا بشعور الغربه ,لكن الظروف بس هيه اللي بتحكم

اما بقى ليه

لان مصر لها طابع خاص برغم كل المساويْ اللي فيها

لكن يكفي اني اختصر مشاعري بالنسبه لمصر واقول (مصر هيه امي )

احساس الانتماء والامان (بغض النظر عن الظروف الحاليه) لكن مصر بالنسبه لي هيه الامان

سؤال للي بعدي

لو انت راكب مواصله عامه وفجاْه اكتشفت ان مش معاك فلوس(هاتعمل ايه)في حالة لو راكب اتوبيس تصرفك هايكون ازاي؟

ولو راكب ميكروباص تتصرف ازاي؟

ولو راكب تاكسي هاتتصرف ازاي؟

ا

[Dreamwithme]

سؤال للي بعدي

لو انت راكب مواصله عامه وفجاْه اكتشفت ان مش معاك فلوس(هاتعمل ايه)في حالة لو راكب اتوبيس تصرفك هايكون ازاي؟

ولو راكب ميكروباص تتصرف ازاي؟

ولو راكب تاكسي هاتتصرف ازاي؟

بالنسبة لموضوع الأتوبيس والميكروباص فبصراحة مش عارفة هأعمل إيه لأنها عمرها ماهتحصل لأني أساسا ما بركبهمش خالص

بالنسبة لو راكبة تاكسي هأستأذن من السواق يستني شوية لغاية ما أستلف فلوس من المكان اللي أنا رايحاه أو البيت

سؤالي للي بعدي أيه أجمل يوم قضيته في حياتك ؟ احكي بالتفصيل لو سمحت

[abobakr]

سؤال للي بعدي

لو انت راكب مواصله عامه وفجاْه اكتشفت ان مش معاك فلوس(هاتعمل ايه)في حالة لو راكب اتوبيس تصرفك هايكون ازاي؟

ولو راكب ميكروباص تتصرف ازاي؟

ولو راكب تاكسي هاتتصرف ازاي؟

بالنسبة لموضوع الأتوبيس والميكروباص فبصراحة مش عارفة هأعمل إيه لأنها عمرها ماهتحصل لأني أساسا ما بركبهمش خالص

بالنسبة لو راكبة تاكسي هأستأذن من السواق يستني شوية لغاية ما أستلف فلوس من المكان اللي أنا رايحاه أو البيت

سؤالي للي بعدي أيه أجمل يوم قضيته في حياتك ؟ احكي بالتفصيل لو سمحت

ايه السؤال ده بس يا دريمي

تصدقي اني عمال افكر فيه من امبارح ومش لاقي لحد دلوقتي اجابة؟؟

اها فيه لحظات حلوة عدت في حياتي لكن لحد دلوقتي مجتش اللحظة اللي بقول عليها اسعد لحظة في حياتي تخيلي انا بتكلم على لحظة انتي عاوزة يوم كامل

اسيب اللي بعدي يجاوب السؤال ده

[Howayda Ismail]

سؤال للي بعدي

لو انت راكب مواصله عامه وفجاْه اكتشفت ان مش معاك فلوس(هاتعمل ايه)في حالة لو راكب اتوبيس تصرفك هايكون ازاي؟

ولو راكب ميكروباص تتصرف ازاي؟

ولو راكب تاكسي هاتتصرف ازاي؟

بالنسبة لموضوع الأتوبيس والميكروباص فبصراحة مش عارفة هأعمل إيه لأنها عمرها ماهتحصل لأني أساسا ما بركبهمش خالص

بالنسبة لو راكبة تاكسي هأستأذن من السواق يستني شوية لغاية ما أستلف فلوس من المكان اللي أنا رايحاه أو البيت

سؤالي للي بعدي أيه أجمل يوم قضيته في حياتك ؟ احكي بالتفصيل لو سمحت

ليه يادريم بتفكرينى ربنا مايعيده ياشيخة موقف

اصله حصل معايا وكنت حاموت من الكسفة والاحراج لانه اول مرة ويارب يكون اخر مرة

المشكلة انى بخاف اركب تاكسى لوحدى فااامن حاجة لى الموصلات العامة او الميكروباص

واللى حصل كنت وقتها عند ماما و معايا حاجات شيلاها وركبت الميكروباص مروحة بيتى

بافتح الشنطة اطلع الفلوس ادفع اكتشفت انى محفظتى اتسرقت وانا باركب بفلوسها بالبطاقة الشخصية

كانت العربية اتحركت طلبت من السواق ينزلنى لكن الركاب رفضوا انزل لما اكتشفوا انى اتسرقت

لاقيت كلهم عاوزين يدفعوا لى وانا مش حاقولك على مدى الاحراج اللى كنت فيه وصممت انزل

لكنهم رفضوا والسواق رفض ينزلنى او ياخد من الركاب الاجرة

تانى يوم لاقيتهم بيضحكوا على عند امى وقالولى البطاقة لاقوها مرمية تحت البيت لان عنوانها كان لسة على بابا

وانا اتسرقت فى نفس المنطقة كتر خيره الظاهر صعبت عليه ورمى البطاقة عند بيتنا

السؤال للبعدى

الى اى مدى تاثرت علاقاتك الشخصية بالاخرين بعد انتشار التواصل الخيالى بهم على شبكة النت ؟!

بمعنى هل مازلت حريص على زيارتهم ومحادثتهم تليفونياام اكتفيت بالتواصل معهم الكترونيا

[abobakr]

يا مدام هند انتي جاوبتي السؤال الغلط

سؤال دريمي كان اسعد يوم في حياتك بالتفصيل