ارجو المساعدة بخصوص امريكا

[MoHaMMeD EgYpT]

بسم الله الرحمن الرحيم

انا عندي صاحب امريكي و عايز يعمل لي زيارة و اعيش و اشتغل و اتعلم هناك فهل ده ممكن ؟؟ لو ممكن ممكن حد يقول لنا الاجرائات ؟؟

المهم صاحبي عاوز يجبني اعيش في امريكا فهل ده ممكن مع العلم ان سني 17 سنة

انا بصراحة ما اعرفش الاجرائات ولا هو كمان بس هو نفسه اروح امريكا و اعيش هناك و ده حلمي حياتي بصراحة فارجوكم ساعدوني و ساعدوه

و لو في طرق اخري ممكن يجبني بيها يا رتكم تدلونا عليها

تم تعديل 18 يناير 2009 بواسطة MoHaMMeD EgYpT

[osmel33]

أزيك يا محمد فكرتنى بزمان قوى وأنا فى سنك والطموح للسفر لأمريكا

بص يا محمد وما تزعلش من الكلام اللى هاقولهولك لأنى عايشت الموضوع ده قبل كده لغاية أما خدت فيزة أمريكا

وأنا عندي 28 سنة أولاً فعلياً ما فيش حاجة أسمها دعوة للزيارة ممكن يقولولك انها موجودة لكنها فعلياً مش موجودة

ولو كانت موجودة فبتكون بس للأب أو للأم حتى الأخ ماينفعش والدليل على كده واحد صديقي خاله جراح كبير فى

أمريكا عمله حساب فى البنك وقدمله للدراسة في جامعة كاليفورنيا "ماجستير" وطبعاً كان لازم يروح السفارة علشان

التأشيرة أترفض مرتين وطبعاً لسه بيحاول لغاية دلوقت من سنة 2001

يعنى موضوع الزيارة ده ماينفعش وأنا رأي ونصيحتى ليك أنت لسه سنك صغير يعني فى ثانوي تقريباً أنت تذاكر كويس

قوي وتدخل كلية كويسة وممكن بعدها يتوفر ليك السفر زى ما انت عايز وبالتوفيق

[MoHaMMeD EgYpT]

بجد شكرا ليك علي مساعدتك ليا و حقيقي طموحي اني اسافر امريكا لكن بدام فعلا ده مستحيل هذاكر و اجتهد زي ما حضرتك قولت و ابقي افكر في السفر بعد كده

شكرا بجد علي نصيحة حضرتك ليا و ان شاء الله احقق طموحي زي حضرتك و اسافر

تم تعديل 18 يناير 2009 بواسطة MoHaMMeD EgYpT

[Amr Radwan]

أزيك يا محمد فكرتنى بزمان قوى وأنا فى سنك والطموح للسفر لأمريكا

بص يا محمد وما تزعلش من الكلام اللى هاقولهولك لأنى عايشت الموضوع ده قبل كده لغاية أما خدت فيزة أمريكا

وأنا عندي 28 سنة أولاً فعلياً ما فيش حاجة أسمها دعوة للزيارة ممكن يقولولك انها موجودة لكنها فعلياً مش موجودة

ولو كانت موجودة فبتكون بس للأب أو للأم حتى الأخ ماينفعش والدليل على كده واحد صديقي خاله جراح كبير فى

أمريكا عمله حساب فى البنك وقدمله للدراسة في جامعة كاليفورنيا "ماجستير" وطبعاً كان لازم يروح السفارة علشان

التأشيرة أترفض مرتين وطبعاً لسه بيحاول لغاية دلوقت من سنة 2001

يعنى موضوع الزيارة ده ماينفعش وأنا رأي ونصيحتى ليك أنت لسه سنك صغير يعني فى ثانوي تقريباً أنت تذاكر كويس

قوي وتدخل كلية كويسة وممكن بعدها يتوفر ليك السفر زى ما انت عايز وبالتوفيق :)

عزيزي محمد ..

تكملة لكلام الاخ العزيز "osmel33" .. اي دولة بتفتح الباب لجنسيات اخري لا يكون الا من خلال مبدأ واحد فقط .. تعرف اية هو ؟؟ هو المصلحة العليا للوطن (يعني الدولة اللي انت عاوز تروحها)

باختصار لو حبيت تسافر كندا او سويسرا او اي دوله و تستقر فيها .. من الافضل لك ان لم يكن من المفروض ان يكون معاك تخصص و خاصة التخصصات النادرة اللي هما محتاجينها لرفعة بلدهم و زيادة التطور عندهم ..

حط هدف لك .. ذاكر .. اجتهد .. انجح في تحقيقه .. استفيد من تعليمك .. استمر في التعلم طول ما انت عايش .. جدد معارفك .. صدقني .. ستجد كل الابواب مفتوحة لك و الكل يتمني ذهابك له .. سواء اكبر الشركات في مصر او خارج مصر ..

و بالتوفيق ان شاء الله

[MoHaMMeD EgYpT]

شكرا ليك يا استاذ عمرو و عندك حق في كل اللي بتقولوه . بصراحة حلمي عمري اني اسافر امريكا و اعيش هناك لكن بدام حضرتك و الاستاذ osmel33 عرفتوني الحقيقة خلاص هصبر و اجتهد و اذاكر لحد ما اخلص جامعة و بعد كده اروح المكان اللي انا عاوزه

بجد شكرا علي رد حضرتك و الاستاذ osmel33 بصراحة عرفتوني الحقيقة كلها

تم تعديل 19 يناير 2009 بواسطة MoHaMMeD EgYpT