ليه بطلت تكتب

[هشام عبد الوهاب]

الأخ الفاضل ارابيسك فى موضوع (اعضاء نفتقدهم 2 ) لما سألت هو فين رد بكلام يحتاج موضوع منفصل .

اولا لمن لا يعرف فالأستاذ ارابيسك من القدامى جدا فى المنتدى وكان ايضا فى فريق التنسيق وهو اخ وصديق ونعم الخلق كما ان اراءه وحواراته ممتعه ورائعة ،، اختفى عن المنتدى فترة ثم عاد قليلا ثم اختفى كثيرااااااااااااا.

ولما سألته ليه بطل يكتب رد بكلام شعرت معه ان هناك اخرين غيره قد يكون لديهم نفس الأسباب او بعضها .

هل فعلا لدى البعض ممن امتنعوا عن الكتابة نفس هذه الأسباب ام ان هناك اسباب اخرى .. هذه دعوة الى كل من شارك فى هذا المنتدى فى اى وقت مضى ان يكتب اسباب ابتعاده عن الكتابة ولنتحدث بصراحة فقد يكون التقصير من شئ ما يمكن اصلاحه .

وهذه هى اسباب ارابيسك مع ملاحظة ان كلها (يمكن) :

1-يمكن بسبب الاحباط من كل ما يحدث 

2-يمكن من الاحساس بإن مافيش فايدة 

3-يمكن علشان اللي بيتقال اتقال قبل كدة و نسبة عالية جدا من المواضيع مكررة 

4-يمكن علشان كلنا تعرفنا بشكل كبير على بعضنا البعض و على افكارنا و أصبح رد أغلب الأعضاء معروف مسبقا على كل المواضيع المطروحة للنقاش 

5-يمكن علشان 'اكتشفنا' أن الانسان لا يغير قناعاته و أفكاره التي تكونت عبر سنين و تجارب طويلة في حوار على الشبكة . ففقد بالتالي الحوار أحد أهم محفزاته 'اقناع الآخر' 

6-يمكن علشان أنا لا زلت بطيء جدا في الكتابة بالعربي 

7- يمكن انا كسلان

[متفـائــله]

السلام عليكم

علي الرغم من متابعتي المستمره لكتلبات جميع الاخوه و الاخوات الا اني بالنسبه للمشاركه بالتعليق او الكتابه فانا متفقه مع استاذ ارابيسك في كل الاسباب المذكوره مع حذف كلمة يمكن..هو باين بيقول يمكن عشان يخفف من الوضع اللي مش لذيذ شويه!

فيه يا تري حل للاسباب دي يا اخ شريف؟