مشكلة الكراكيب

[Guest Mohd Gramoun]

رأيت هنا في السعودية شيئ جميل...

هناك صناديق مخصصة للملابس المستعملةو القديمة و الزائدة عن الحاجة بجوار المساجد هذه الصناديق تابعة لأحدي الجهات الخيرية التي تقوم بترميم تلك الملابس و تصنيفها و غسلها و كيها و من ثم إعادة توزيعها علي المعوزين و الفقراء.

الاخ س.س...

هناك أسر عديدة في مصر تتبع نظام الجرد و الموسمي و ليس السنوي.... و أيضا لكافة اغراض المنزل و لكن طريقة التصرف هي التي تختلف...

فهناك أشياء ترمي في القمامة وأشياء تهدي و أخري توزع و القليل يتم إعادة بيعه... كما ان هناك اشياء تركن فوق السطح او في البلكونة الخلفية

[se_ Elsyed]

رأيت هنا في السعودية شيئ جميل...

هناك صناديق مخصصة للملابس المستعملةو القديمة و الزائدة عن الحاجة بجوار المساجد هذه الصناديق تابعة لأحدي الجهات الخيرية التي تقوم بترميم تلك الملابس و تصنيفها و غسلها و كيها و من ثم إعادة توزيعها علي المعوزين و الفقراء

إضافة إلى كلام أخي محمد .. فهذه الصناديق مخصصة أيضاً لكل شيء قديم ... ملابس ، كتب ، مجلات ... كله كله ...

بالإضافة إلى ذلك رأيت هنا مكاتب تابعه لهذه الجمعيات تستقبل التبرعات العينية ورأيت سيارات نقل محملة بأثاث شقق وفلل من الألف إلى الياء يستقبلونها من أصحابها الذين يجددون هذا الأثاث من وقت للآخر وتقوم الجمعيات ببيعها بأسعار رمزية للمشتريين العاديين ومن ثم إنفاقها في أوجه الخير ..

[Guest Mohd Gramoun]

أخي س.س...

عادات جيدة و مستحبة ....

ينبغي بنا ان ننقل لبلدنا مثل هذه العادات المستحسنة و التي تفيدنا في الدنيا و الآخرة...

[se_ Elsyed]

بس بيني وبينك الناس في مصر برضوا تعبانه واللي بيبقى عنده حاجة قديمة بتبقى خلاص مسلمه نمر من زمان .. يا راجل ده احنا لسه بنشوف عربيات ماشية في الطريق موديل الستينات ...

واللي عنده رجل كرسي مكسورة ولا عصاية مقشة زيادة هايتبرع بها لمين ؟

إلا إذا كان هيديها لناس غاوية خناق وهيستعملوها كأسلحة دمار شامل في الخناقات ... :)

[enjisultan]

تجربتى اشخصية مع الكراكيب انى مثلا لفيت العيلة كلها كدة فمتلا مامتى كنت بتعمل كدة... وانا واخواتى كل ما نقرر اننا هنوزع شوية حاجات اليقنى بقولهم خلو دا والنبي كنت بحب البسة وانا فى تانية ابتدائي.. ودا غالى عليا ..... لالالا وكلة الا دى بقى... والاقى مامتى بتدينى لبس بيبي يوم سبوع بنتى تقولى على فكرة دا بتاعك وانتي صغيرة(تخيل) لحد بقى اكتشفت ان فية نوع من انواع الاضطرابات النفسية اسمة hoarding obession and collecting complusionودا نوع من انواع الوسواس القهرى طبعا مع حجم الكركبة اللى عندى قررت اعيد نظر طبعا ودا بمساعدة زوجى حيث انة يكرة الكراكيب ممكن يرمى حاجة اشتراها امبارح ...ودلوقتى ابتديت اقلل اهتمامى باكراكيب الا انى ما اكدبش عليكوا التخلى عن ال :rolleyes: :rolleyes: طبع دا صعب اوى

[أبو عمر المصري]

بصراحه انا والكراكيب أعداء .. ماحبش أشوف حاجه في محيطي مالهاش لزمه وان كان ولابد ممكن درج أو رف في دولاب يحوى هذه الكراكيب مش أكتر

لازم أقوم بعملية جرد موسمي وليس سنوي .. بمعنى في موسم الدراسه وبداية الدراسه انا والولاد نقعد نجرد كتبهم بنرمي كراسات ودفاتر منتهيه وأشياء ما انزل الله بها من سلطان ويبقى بعض الكتب المذكور بها آيات قرآن باخدها على المسجد وبعض الكتب الأصليه آخدهم على سوق الكتب المستعمله

وعند النزول للأجازه كمان بيحصل عملية جرد للملابس والأحذيه ولازم بيكون معايا شنطه مليانه بملابس متنوعه " وأغلبها نسائيه وأطفال " للتوزيع على اللي بيحتاجها في مصر

كمان لعب الأطفال ومماشابه لازم الحاجه اللى موجوده تكون شغاله المعطوب أحاول إصلاحه او يلقى في القمامه

كمان فيه جلسه تانيه مع أوراقي وفواتيري الخاصه لجردها وإبقاء ما يلزم منها ورمي الباقي والحمد لله عمري ماندمت أو احتجت حاجه كنت رميتها بس أحب البيت حواليا دايما رايق

بيجنني ويعفرتني منظر الكراتين المخزنه سواء فوق الدولاب أو تحت الأسره او فوق كباين المطبخ ومارتاحش غير لما انتهي منها سواء بالتوزيع او بالأتلاف

مش عارف ده طبع كويس ولا وحش بس مش شايف اولادي بيهتموا كتير بالموضوع ده . يمكن لما بيكونوا مسؤولين في بيوتهم بعد كده ويلاقو البيت اتملا من حواليهم ومش عارفين يتحركوا فيه يبداوا يفكروا في التخلص من كراكيبهم ؟ يمكن

[النجم الثاقب]

مشكلة كبيرة بالنسبة لى حكاية الكراكيب دى .. غالبا اسباب الإحتفاظ بهذه الأشياء بتكون واحدة .. و زى ما وضح الاخوة الافاضل الاسباب دى اما بتكون اسباب عاطفية و ارتباط بهذه الاشياء .. او بنعتقد اننا ممكن نحتاجهم مستقبلا .. عن نفسى كل فترة بتخلص من بعض هذه الكراكيب بصعوبة بالغة .. و احيانا بعد ما اقرر التخلص من شيىء معين ارجع فى كلامى و ارجعه مكانه .. و فى أحيان اخرى اتحدى نفسى و اقول طالما مستعملتوش لحد دلوقتى يبقى غالبا مش هحتاجه و فورا اتخلص منه قبل ما ارجع فى كلامى :rolleyes:

بس انا عندى رأى شخصى .. و يمكن كتير يتفق معايا فيه .. و هو أن الناس اللى بتحتفظ بالكراكيب غالبا بيبقوا عاطفيين اكتر من غيرهم و بيكونوا شخصيات ثرية و أشعر بالدفء فى حياتهم .. طبعا انا لا اقصد الثراء المادى و ايضا لا ازكى نفسى .. و إما ان يكونوا كسولين جداااا ( من ضمن اسبابى احيانا للأحتفاظ بالكراكيب ) .. ايضا اشعر أن نسبة كبيرة ممن لا يحتفظون بمثل هذه الكراكيب على الإطلاق و ليسوا ممن يحتفظون بها مصنفة مثلا .. اشعر أن حياتهم جافة جدا و باردة و بصراحة بيكونوا بتوع مصلحتهم و بس . ده اللى لمسته من خلال الناس اللى موجودين فى محيطى و طبعا لم استنتج ذلك من موضوع الكراكيب فقد لكن من امور و مواقف اخرى تحدث أمامى فتعطينى انطباع دائم عنهم و فكرة عن شخصيتهم صعب أن تتغير .

تقبلوا تحياتى

[White heart]

"...انظر الى اى بلكونة خلفية او اى سطوح و ستصعق من حجم الكراكيب.

ترى ما هى سياستكم مع الكركبة و الكراكيب ..."

أتسائل أى فائدة تُرجى من مثل هكذا " كراكيب " مُخزنة (مُكدسة) بمثل هذا الشكل القبيح، علاوة على خطر ليس فقط سقوطها على رأس أحد المارة بالشارع، بل تحطيمها لهذا البروز الذي صٌمم لهدف واحد فقط لا غير، الا وهو " تجميل " واجهة تلك العمارة من الزمن الجميل؟!؟!؟

[icehearted girl]

موضوع الكراكيب دا حدث ولاحرج ..داء بلا دواء

وزي مقررت تحل مشكلة الكراكيب..اول متبتدي تفرز فيها..هتلاقي نفسك بردو بتحتفظ بحاجات منها هتتحول لكراكيب soon or later

انا كنت بنتقد ماما بشدة ف الاحتفاظ باشلاء الاشياء بحجة احتمال اعادة استخدامها..

لحد ملقتني انا شخصيا محتفظة بكراكيب كتير جدا ولا جيت افرزها لقتني بعيد الاحتفاظ بيها مرة تانية قمت قررت ارميها زي مهما كدا من غير مدور فيها تاني..وبقالي سنين محتجتهمش الحمد لله

[Grandma]

الكراكيب انواع :

- نوع ممكن نحتاجله بعد كدا و لما يجي وقت الحاجة ما نلاقيهوش

- ونوع له ذكريات جميلة عندنا و دي يصعب جدا التخلص منها ...ياريت حد يجي يرميها وانا مش واخدة بالي

- ونوع كراكيب فعلا ودي اللي بنتخلص منها اما بنعمل جرد ... و بنستريح نفسيا بعد ما نرميها رغم اننا بنكتشف ان عندنا كراكيب اكتر منها مش للرمي

النهاردة لسه كنت بعمل عملية جرد للكراكيب ... بعد ما اتخلصت من حاجات كتير

فوجئت ان الحاجة اما بتطلع من مكانها بتنفش أكتر و المتبقى حجمه بيزيد

موضوع في الجون لانه بيؤرق كل بيت مصري :)

[عبير يونس]

الكراكيب ثقافة

متشالة لوقت عوزة

يمكن نحتاجها

علب بلاستيك

برطمانات

أكياس

أوراق

هدوم

أي حاجة متكونش بتستخدمها بالفعل

هي كراكيب

بنتضايق لما حد غيرنا يقول على مقتنياتنا كده

عادة كلهم بيشوفوها كده إلا احنا :)

تعالوا نفتح الدواليب

و ندور في الكراكيب

منتظراكم....

[herohero]

الكراكيب ثقافة

متشالة لوقت عوزة

يمكن نحتاجها

علب بلاستيك

برطمانات

أكياس

أوراق

هدوم

أي حاجة متكونش بتستخدمها بالفعل

هي كراكيب

بنتضايق لما حد غيرنا يقول على مقتنياتنا كده

عادة كلهم بيشوفوها كده إلا احنا :)

تعالوا نفتح الدواليب

و ندور في الكراكيب

منتظراكم....

ده حاجه جينية يمتاز بها المصريون هنقول ايه رحلة البعث والخلود شايلين كل حاجه على أمل هيستخدموها في العالم الاخر 

[suma]

               بسم الله الرحمن الرحيم

 

 فعلا موضوع مثير للإهتمام ويمكن يشغل فكر أناس كثر وانا منهم ...تمر علينا الأيام والشهور ونحن نتبارى في الشراء والإقتناء  ولا نتوقف برهة لنتساءل لم ،وهل نحن في حاجة له؟؟ وهناك اشخاص مغرمون بالشراء وتتم عملية الشراء تلك قبل اعمال الفكر لم  ولماذا  وهل انا في حاجة اليه وأحسب أن تلك النوعية كثيرة ولن اتجنى إن قلت أن اغلبهم من النساء للأسف.واعترف انني منهن وكذا ابنتي الكبرى للأسف ولم اتفهم حرص زوجي -رحمه الله تعالى-ألا ننزل انا وهي للتبضع منفردين.

 

  وكان من توابع هذا تكدس أشياء كثيرة في الدواليب والنيش  ومنها الكثير الذي لم يستعمل حتى الحين؛وأزيد على هذا ولعي بجمع أشياء لا يهتم بها غيري  أول اعداد الصحف والمجلات قصيدة أعجبتني اقصها واحتفظ بها ملابس كنت قد قمت بحياكتها بيدي فلها ذكرى جميلة مع أني لا أرتديها قطعة قماش كانت هدية من حد غالي لكن ذوقها لا يروق لي،كل مكان به أجهزة منزلية أقف امامه ولازم ابتاع  --ومرت السنون على تلك الوتيرة إلى ان زهقت فقد توزج الأبناء وبقيت وسط تلك المقتنيات التى رأيتها لأول مرة فوضى تحيط بي وكان القرار--أولا دعوت أبنائي كلهم يختاروا ما يشاءون من الصيني والأركوبال وأدوات المطبخ ‘ومن له ملابس عندي وخزانته مملوءه لازم يأخذها او يملأ حقيبه وسنطلب رسالة-كانت رسالة المنقذ دائما في تلك الحالات- وجمعنا بعض الاجهزة التي هي سليمة ولكن لا استعمال لها فديو مسجلات كاسيت وشرائط لهما  وكتب دراسية لجمعاتهم  والكثير لأني فهمت من رسالة انها بتقوم بإعادة التدويرلتلك الأشياء .

 

 وتنفست الصعداء أحسست أن الهواء زاد من حولي ،وها أنا على وشك بتكرار تلك العملية وخاصة بعدما عدت سنوات عمري حتى أشيائي شرعت بالتخلص منها حتى لا يتعب الابناء بعدي واصبحت متسامحة جدا معهم من أراد شيئا فالياخذه حتى قطع الحلي الذهبية وفلسفتي يأخذوا ويفرحوا بها في حياتي قبل أن تورث لهم .

 

 

  عذرا ربما خرجت عن موضوع الكراكيب عامة ولكني تحدثت عن كراكيبي  أنا --أما كراكيب النفس والذكريات فلا حيلة لي بها قد اغوص فيها أوقاتا أو أحاول ترتيبها ولن أفرض فيها لأنها تساعدني على التنفس واستمرار الحياة  .

 

 

 

  المشكلة الحين امامي تلك الكتب التي اقتنيها واغلبها في تخصص اللغة العربية والدينية فانا لم الحظ على اي منهم ولعا بالقراءة(والبركة في النت والنتيته)فهل معقول ان تهمل أو تعطى لمن لا يقدرها أو يستعملها؟!!

 

 فماذا عساي أن أفعل بها ياترى؟؟؟ 

 

 

 

 

              سومه

تم تعديل 6 سبتمبر 2015 بواسطة suma

[عادل أبوزيد]

تجربتى اشخصية مع الكراكيب انى مثلا لفيت العيلة كلها كدة فمتلا مامتى كنت بتعمل كدة... وانا واخواتى كل ما نقرر اننا هنوزع شوية حاجات اليقنى بقولهم خلو دا والنبي كنت بحب البسة وانا فى تانية ابتدائي.. ودا غالى عليا ..... لالالا وكلة الا دى بقى... والاقى مامتى بتدينى لبس بيبي يوم سبوع بنتى تقولى على فكرة دا بتاعك وانتي صغيرة(تخيل) لحد بقى اكتشفت ان فية نوع من انواع الاضطرابات النفسية اسمة hoarding obession and collecting complusionودا نوع من انواع الوسواس القهرى طبعا مع حجم الكركبة اللى عندى قررت اعيد نظر طبعا ودا بمساعدة زوجى حيث انة يكرة الكراكيب ممكن يرمى حاجة اشتراها امبارح ...ودلوقتى ابتديت اقلل اهتمامى باكراكيب الا انى ما اكدبش عليكوا التخلى عن ال :blush2: n2&( طبع دا صعب اوى

هذا تفسير جديد. ان الكراكيب. نوع من انواع الاضطرابات النفسية !

[Grandma]

هذا تفسير جديد. ان الكراكيب. نوع من انواع الاضطرابات النفسية !

 

حراااام عليك .... إضطرابات نفسية ايه ؟!!! الست سومة زي الفل وكلنا بنعمل زيها

مين ما احتفظش بأول رسمة رسمها و اول بيت شعر ألفه و اول مفرش كانافاه خيطه

و العابه العزيزة عليه وقصصه اللي عاش معاها اجمل مغامراته و البومات صوره وهو لسه مفعوص 

لو طلنا كمان كنا احتفظنا بأول أكلة طبخناها ....واول طبق قدمناه لازواجنا 

 

حتى الامريكان و الاوروبيين جراجتهم وبيوتهم مليانة كراكيب وفيه برامج مخصوص بتعلمهم ازاي يتخلصوا منها

الكراكيب دي حالة انسانية مرتبطة بالعاطفة و الذكريات

[مسافر زاده الخيال]

ماذا عن (كراكيب الكتب و المجلات خصوصا المجلات)...اعتقد ان ربات البيوت ﻻيكرهن شيئا داخل البيوت مثل (الكتب و المجلات)...ولكن ما تفسير هوس اﻹحتفاظ بالكتب رغم اننا عادة ﻻ نعيد كتابا قرأناه اﻻ في القليل النادر؟؟؟؟..

[Grandma]

ماذا عن (كراكيب الكتب و المجلات خصوصا المجلات)...اعتقد ان ربات البيوت ﻻيكرهن شيئا داخل البيوت مثل (الكتب و المجلات)...ولكن ما تفسير هوس اﻹحتفاظ بالكتب رغم اننا عادة ﻻ نعيد كتابا قرأناه اﻻ في القليل النادر؟؟؟؟..

 

مش بيقولوا أفضل صديق للانسان هو الكتاب 

طيب ازاي الانسان يرمي صديقه

الكتاب وجوده في البيت عزوة حتى لو مش هتقراه تاني 

أفضل ما تورثه لابناءك هو الكتاب 

[مسافر زاده الخيال]

مش بيقولوا أفضل صديق للانسان هو الكتاب 

طيب ازاي الانسان يرمي صديقه

الكتاب وجوده في البيت عزوة حتى لو مش هتقراه تاني 

أفضل ما تورثه لابناءك هو الكتاب )

هل صحيح ان ربات البيوت يكرهن ركام الكتب فيها؟؟؟؟؟؟؟؟؟

[Grandma]

هل صحيح ان ربات البيوت يكرهن ركام الكتب فيها؟؟؟؟؟؟؟؟؟

 

لا مش كلهم ... خصوصا لو كانت في المكتبة الخاصة بها 

اما لو كانت مبعثرة في كل مكان في البيت وربة المنزل لا تهوى القراءة أعتقد انها ستلقى بالكتب من النافذة