تغيير فى طريقة عرض الموضوعات

[Advisor]

عندما تطول الموضوعات و تصل إلى عشرات الصفحات يحدث أن متصفحى الموضوع يفقدون السياق و يصبح من الصعب معرفة أصل و بداية الموضوع.

ما سبق كان إستهلالا لابد منه

الموضوعات الطويلة تؤدى إلى فقدان التركيز و تشتت الحوار و المطلوب آلية معينة للحفاظ على حجم معين للموضوعات - و هذا فى صالح الحوار الراقى فى محاورات المصرييين - هذه الآلية المطلوبة يجب ألا تشكل عبئا كبيرا على فريق الإشراف و التنسيق.

ليت الجميع يدلى بدلوه لعلنا نصل لحل معقول.

اليوم قمنا بتعديل بعض خصائص البرمجيات بما يؤدى إلى إعادة عرض المداخلة الأولى لأى موضوع فى بداية كل صفحة من الموضوع و هذا يمثل آلية لتذكير القراء بالموضوع الأصلى.

و هذا الحل بناء على إقتراح الشركة التى صممت و أنتجت البرمجيات.

يمكن عرض الموضوعات بالطريقة القديمة من خلال إختيارات الموضوع.

خلال الأسبوع القادم يمكننا معرفة إذا كان هناك سلبيات لطريقة العرض الجديدة.

تم تعديل 20 يناير 2009 بواسطة Advisor

[د هشام ابراهيم]

السادة أعضاء هيئة الاشراف

الحقيقة محاولة التطوير كمبدأ حاجة مهمة و محمودة جدا ....أرجو أن يتسع صدركم لبعض الملاحظات

- مستخدمي الموقع رغم انهم ضيوف لكن ليهم حق برضه في الأطلاع علي خطط التطوير أول باول حتي لا يفاجئوا بالاختلاف كما حدث آنفا و جعلني اضرب أخماسا في أسداسا لايه اللي جاب أول مداخلة في الموضوع لاخر صفحة

- الفكرة نفسها لا بأس بها علي الأطلاق لكن فيه مواضيع أول مشاركة فيها واخدة صفحة بالكامل صعب قوي تفضل تتحمل أعلي كل صفحة

اقترح الأكتفاء باول فقرة من أول مشاركة

- حاولت فعلا من الاختيارات أرجع للنمط القديم لكن ما فيش حاجة حصلت

- بقالي أسبوع يمكن خاصية الرسائل فيها مشكلة ...رغم اني مفعل الخاصية انما أوقات اللي بيبعتلي رسالة بتجيله رد اني معطل الخاصية .... هل يا تري ديه ليها علاقة بالتحديث اللي حصل و لا مشكلة فردية عندي

أخيرا تقبلوا وافر الأحترام و التقدير لمجهودكم الواضح

[لولا]

تحيه طيبه لأستاذ عادل وطاقم الإشراف .

الحقيقه منذ البارحه وانا غير مستوعبه سبب ظهور الصفحة عندى بهذا الشكل .. حتى عرفت من مداخله د. تهامى فى موضوعه انه يعانى من نفس

الموضوع مما يعنى اننى لست وحدى .

لا اعرف ان كان الشكل الحالى هو الشكل النهائى الذى سيتم تطبيقه بشكل دائم ام ان الموضوع قابل للتغيير بناء على الملاحظات والآراء.

لى تعليق فى مسأله ان المواضيع الطويله تفقد التسلسل ولذلك سيتم ادراج اصل الموضوع فى كل صفحه وهى انى ارى كملاحظة شخصيه

ان المواضيع الطويله جدا التى تصل فيها الصفحات لأكثر من عشره هى مواضيع تسلسلت بأفكار اضافيه ومداخلات قد تصل فى الصفحه الثالثه

مثلا لأفكار جديده ونوافذ جديده للنقاش ثريه وتحقق فائده للمشارك والقارئ. المسأله لا تنحصر بشكل كلى فى نقاش اصل الموضوع

وهذا ما نجده فى مواضيع خفيفه ، شخصيه ، باب الهجره لكندا ، الفن ، المطبخ ... وابواب اخرى . ويمكن لمن اراد الإطلاع على الصفحه

الأولى الدخول لها بكل سهوله من ارقام الصفحات بجانب الموضوع .

كل الشكر على الإهتمام بتقديم خدمه وشكل افضل دوما .

ولكن كيف بالضبط يمكن اعاده شكل الصفحه كالسابق لمن يجد صعوبه فى تتبع المداخلات فى اى موضوع بعد تكرار المشاركه الأصليه

فى اول كل صفحه خصوصا ان المشاركه الأصليه طويله جدا . حاولت البارحه اتباع نصيحه الفاضله فولانه باختيار نمط عادى من خيارات

ولم ينجح الموضوع معى لأن الخيار كان اصلا هو النمط العادى.

تحياتى للجميع

لولا

[ترنيم]

الأخوة الأفاضل لاحظت ذلك اليوم وظننت أن أحد الأحباب الصغار ترك لمساته لى على الكمبيوتر ولكن بعد اختيارى النمط العادى رجع الموضوع زى ما كان

وأتفق فى الرأى مع الفاضلة لولا

[أسد]

هل هناك طريقة لأن تكون المداخلة الأولى في الموضوع تظهر في بداية كل صفحة ، ولكن بشكل مختصر قابل للتوسعة ..

أعتقد أن هذا قد يكون حل وسط ..

ولو أن الجميع على ما أعتقد قد إعتاد على الشكل الأول .. ومن يريد تذكر الموضوع الأصلي يمكنه العودة لقراءته بسهولة دائماً

[د هشام ابراهيم]

السادة أعضاء هيئة الاشراف

........

- حاولت فعلا من الاختيارات أرجع للنمط القديم لكن ما فيش حاجة حصلت

........

أخيرا تقبلوا وافر الأحترام و التقدير لمجهودكم الواضح

الحقيقة جربت دلوقتي تاني النمط العادي في العرض و اشتغل عندي و رجع المنتدي لنفس النظام القديم

[شاب مصري]

اول حاجة سي السيد معلش يا باشا احنا حبايبك .. احنا بتوعك يا باشا

ملقتش قسم مخصص للكلام ده

ياري المنتدى يرجع زي ماكان

ايه اهمية ان اول مشاركة في كل موضوع تكون موجودة في كل الصفحات؟

وكمان الغاء ارقام الصفح احيانا ؟

ارجوكم رجعوا النظام القديم -مش لاننا اتعودنا عليه- لكن لانه احسن

وشكرا

عاوزين معارضة للي حصل يا اخواننا .

[شاب مصري]

ا

- حاولت فعلا من الاختيارات أرجع للنمط القديم لكن ما فيش حاجة حصلت

وانا كمان حاولت اغير لكن بدون استجابة .

[بركة]

انا كمان مع اختنا لولا فيما قالته بالحرف وشكرا لاهتمامكم برأينا hpc:!:

[capitshino]

من وجهة نظرى ان بلاش الصفحة الاولى كلها وان يكتفى بجزء يلخص الموضوع او يكون ان اللى نسى الموضوع بيتكلم عن ايه يرجع للصفحة الاولى او يقوم بقراءة العنوان المكتوب فى الشريط المخصص لذلك باعلى الصفحة.

السلام عليكم..

[لولا]

لو ممكن حد يفدنى فى موضوع اعاده طريقه العرض للوضع القديم هل هى ناجحه مع الكل لأنى حاولت عده مرات ولم ترجع طريقه العرض للوضع السابق.

اريد التأكد هل هى مشكله خاصه بى ام ان عدد آخر من المحاوريين يعانى منها.

شاكره لكم جدا.

لولا

[ام بلال]

أنا أصلا مش عارفة من فين أختار النمط ممكن توضحوا الطريقة ؟؟؟

[د هشام ابراهيم]

لو ممكن حد يفدنى فى موضوع اعاده طريقه العرض للوضع القديم هل هى ناجحه مع الكل لأنى حاولت عده مرات ولم ترجع طريقه العرض للوضع السابق.

اريد التأكد هل هى مشكله خاصه بى ام ان عدد آخر من المحاوريين يعانى منها.

شاكره لكم جدا.

لولا

الأخت الفاضلة ...أنا بادخل المنتدي من كذا جهاز كمبيوتر ....منهم اللي نفع فيه العودة إلي النمط القديم (بما فيهم اللابتوب الخاص بي) و منهم اللي ما نفعش (دسك توبز أساسا في الشغل )

أنا أصلا مش عارفة من فين أختار النمط ممكن توضحوا الطريقة ؟؟؟

سيدتي الفاضلة جانب العنوان بتاع أي موضوع حتلاقي حضرتك مربع مكتوب عليه خيارات ....لو دستي عليه حيفتح قائمة ....اختاري منها نمط عادي و ربنا يسهل و تشتغل

[الدكتورة أم أحمد]

السلام عليكم ورحمة الله وبركاته

أنا مع عرض أول مداخلة للموضوع في أول كل صفحة

وللجميع تحياتي

[أشرف محمد]

بسم الله الرحمن الرحيم

الأخوة الأعضاء المنتدى

السادة / مشرفي الموقع

تحية طيبة وبعد 000

1- قمت بتغيير خاصية عرض الموضوعات كما أرشدنا الأخ الكبير د / هشام ابراهيم إلى خاصية العرض القديم وقد نجحت معي فعلاً التجربة و إختفت أول مشاركة من جميع الصفحات فيما عدا طبعاً الصفحة الأولى وهذا هو الأفضل بالنسبة لي 0

2- ألاحظ إقتران بعض توقيعات السادة الأعضاء المعلقين على الموضوعات ببعض الأشعار أو الحكم أو الأحاديث الشريفة أو لقطات الفيديو الأمر الذي يأخذ معه مساحة كبيرة من حجم الصفحة و يتكرر هذا مع كل مشاركة للعضو الأمر الذي تكثر معه عدد صفحات الموضوع الواحد و يتسبب معه تشتيت تركيز وفكر القارئ 0

فأرجوا النظر في هذا الأمر 0

مع خالص شكري وتقديري

مهندس / أشرف محمد

[fatfouta]

السلام عليكم ورحمة الله وبركاته

أنا مع عرض أول مداخلة للموضوع في أول كل صفحة

وللجميع تحياتي

انا كمان معاكى يا دكتورة

[ام بلال]

باركولي رجع النمط العادي الحمد لله .شكرا د. هشام

أنا مع إن كل واحد يضبط النمط اللي يعجبه .

تم تعديل 24 يناير 2009 بواسطة ام بلال

[شاب مصري]

باركولي رجع النمط العادي الحمد لله .شكرا د. هشام

أنا مع إن كل واحد يضبط النمط اللي يعجبه .

مبروك يا ام بلال

لكن انا بستخدم متصفح فايرفوكس

ولما بضغط على خيارات مش ترضى تفتح لي حاجة لكي اختار منها .

[ام بلال]

غريبة أنا كمان بستعمل فايرفوكس ، مش عارفة إيه السبب ؟؟

المشكلة التي تواجهني حاليا هو إضافة صور في موضوع الرشاقة ، يوجد جزئية نجدها عند الضغط على : " إضافة رد " تجد فيها كلمة BROWSE ، هذه الجزئية غير متوفرة في كل الموضوعات ،

ماذا أفعل كيف أضيف صور لموضوع الرشاقة ؟؟؟؟؟؟؟

[د هشام ابراهيم]

باركولي رجع النمط العادي الحمد لله .شكرا د. هشام

أنا مع إن كل واحد يضبط النمط اللي يعجبه .

مبروك يا ام بلال

لكن انا بستخدم متصفح فايرفوكس

ولما بضغط على خيارات مش ترضى تفتح لي حاجة لكي اختار منها .

الأخت الفاضلة أم بلال العفو يا سيدتي و مبروك :unsure:

الأخ شاب مصري .... أنا برضه فاير فوكس و نفع التغيير و بالعكس الديسكتوبز بتاعة الشغل كلها اكسبلورر فيها اللي نفع و فيها اللي ما نفعش ....أعتقد إن المشكلة مش في متصفح النت