بدون ؟؟ بدون زعل

[ابو محمود]

كلامى ليس موجة لاحد انها فكرة او خاطر او تسائل !!

محدش يزعل او يفكر فى الموضوع غلط

هل شباب مصر حاليآ يقدر (يستطيع ) الدفاع عن مصر هل هو مؤهل

ياريت محدش يزعل بس ياريت نجاوب بكل امانة وياريت الشباب اللى داخل مصر يكون لهم ردود وبصراحة

علشان الواحد يعرف هو واقف فين بالظبط

[osmel33]

كلامى ليس موجة لاحد انها فكرة او خاطر او تسائل !!

محدش يزعل او يفكر فى الموضوع غلط

هل شباب مصر حاليآ يقدر (يستطيع ) الدفاع عن مصر هل هو مؤهل

ياريت محدش يزعل بس ياريت نجاوب بكل امانة وياريت الشباب اللى داخل مصر يكون لهم ردود وبصراحة

علشان الواحد يعرف هو واقف فين بالظبط

بص يا سيد محمود مصطفى الكلام اللى أنت قلته ده خطر على بالي زمان وأنا فى الجامعة

وأمتى خطر على بالي ؟ وقت وأنا باخد الدورة العسكرية فى الجامعة وروحت سأله بس ماقولكشي

سألته لمين لواحد لواء محترم فى الجيش واللى كان من ضمن المحاضرين وسألته على الملأ

يعنى فى وسط قاعة المحاضرة وبصوت ولا أروع :rolleyes:

"يا سيادة اللوا لو قامت حرب دلوقت فيه عندنا شباب تحارب"

بس جاوب أجابة أكثر من ممتازة قاللى أنه فى حرب 73 كان فيه شباب مصري تعبان وبايظ بمعنى

الكلمة وكانوا غاويين يسافروا أوروبا وطبعاً معروف بيروحوا ليه لما قامت الحرب أغلب الشباب البايظ ده

رجع وحارب يعنى القضية والعقيدة جوه الواحد فينا وبغض النظر عن منظره وعن تقييمنا الشخصى له

وقال كمان أن هو شخصياً شاف منهم اللى بيقاتل علشان يموت يعنى الناس دى ماكنتش عايشة

دنيا بس

وعلشان كده أحب أطمنك أن إن شاء الله لو أجبرنا على الحرب هاتلاقي شباب فدائي ... فدائي

تم تعديل 22 يناير 2009 بواسطة osmel33

[DIA ELDIN]

[]"يا سيادة اللوا لو قامت حرب دلوقت فيه عندنا شباب تحارب"

بس جاوب أجابة أكثر من ممتازة قاللى أنه فى حرب 73 كان فيه شباب مصري تعبان وبايظ بمعنى

الكلمة وكانوا غاويين يسافروا أوروبا وطبعاً معروف بيروحوا ليه لما قامت الحرب أغلب الشباب البايظ ده

رجع وحارب يعنى القضية والعقيدة جوه الواحد فينا وبغض النظر عن منظره وعن تقييمنا الشخصى له

وقال كمان أن هو شخصياً شاف منهم اللى بيقاتل علشان يموت يعنى الناس دى ماكنتش عايشة

دنيا بس

وعلشان كده أحب أطمنك أن إن شاء الله لو أجبرنا على الحرب هاتلاقي شباب فدائي ... فدائي

الكلام دا صحيح مية بالمية فعلا يا جماعة المصري في شئ داخلي بالفطرة مش مصطنع حب الوطن جوا كل مصري واللي وقت الجد يبقى واقع ظاهر

[redwany]

احنا مش منظمة زى حزب الله

نحن بلد لديها جيش محترم

وكلمة فدائى هذه انشاء الله مش هنحتاجها لاننا انشاء الله لن نصل الى هذه الدرجه

لدينا جيش مدرب سوف يدافع باذن الله عن بلدنا

[شاب مصري]

احنا مش منظمة زى حزب الله

نحن بلد لديها جيش محترم

وكلمة فدائى هذه انشاء الله مش هنحتاجها لاننا انشاء الله لن نصل الى هذه الدرجه

لدينا جيش مدرب سوف يدافع باذن الله عن بلدنا

طيب وايه عيب الفدائيين؟

طيب مين اللي دافع عن بورسعيد سنة 1956 ؟

وليه شغل القنعرة على المقاومة اللبنانية والفلسطينية حزب الله وحماس ؟

مش دول ناس بيجاهدوا في سبيل الله وهدفهم تحرير بلادهم من الاحتلال؟

ليه نتقنعر عليهم عشان دولهم صغيرة ومش 80 مليون؟

الناس دي بتجاهد في سبيل الله وتستشهد وتقدم ارواحها رخيصة في سبيل الله والوطن فيجب ان يكون لهم منا كل احترام ومحبة واخوّة ودعم وتضامن

مش بالعدد ولا بحجم الجيوش .

[osmel33]

احنا مش منظمة زى حزب الله

نحن بلد لديها جيش محترم

وكلمة فدائى هذه انشاء الله مش هنحتاجها لاننا انشاء الله لن نصل الى هذه الدرجه

لدينا جيش مدرب سوف يدافع باذن الله عن بلدنا

الفدائي هو من يفتدى دينه وبلاده بالغالي قبل الرخيص

وساعة لما قامت الحرب فى 73 شباب كتير قدموا نفسهم للجيش وكمان اللى مالهومش

في موضوع الجيش وماقالوش عندنا جيش يبقى يحاربلنا

[بلعوطى]

أخى ان الشباب موجود و بداخل كل مصرى طاقة كامنة تظهر مالا تخيلة من بطولات فى كافة المجالات و لكن

اين القـدوة و القيــادة المخلصة التى تكن الحب و الأخلاص لهذا البلد لكى تخرج هذة الطاقات الكامنه بشبابنا

للأسف اذا كانت القيادة غير صالحة فما دونها لا يصلح حتى يتم التغيير 0

بلعوطى

[adrianocrespo]

هل شباب مصر حاليآ يقدر (يستطيع ) الدفاع عن مصر هل هو مؤهل

المشكله برده في الحرب انت بتواجه مين؟؟؟ و حتقدر تصمد ادامه اد ايه ؟ و مين حيساعدك و مين حيساعد عدوك؟

يعني لما تواجه قوه زي امريكا او قوه تدعمها امريكا يبقي الفوز صعب جدا ......... شبه مستحيل

و حيبقي النصر من نوع ان العراق انتصرت علي امريكا و غزه خرجت منتصره

الظروف اتغيرت ......... و عالم القطب الواحد ده صعب جدا فيه المواجهه مع هذا القطب

بس ممكن تتعبه شويه و تبقي المقاومه شديده

[ابو محمود]

فى الأعادة افادة

لما هنحارب مش هنسأل هنحارب لمين ؟

كنا زمان بنحارب علشان كلنا مستوى معيشى واحد اما الان فهناك فارق كبير ياترى الغلابة بس هما اللى هيحاربو ولا اصحاب الملايين اقصد ولادهم برضو هيبقو معانا

انا لست شابأ لكنى اتكلم على لسان شباب كثر سألتهم السؤال اللى سألتة لكم وكان ردهم

ياترى هناخد بعد الحرب نفس نصيب ولاد الناس الأغنياء ماخدو نصيبهم من خير مصر

السؤال كدة يادوب التقيل ما قلتوشى ومش هقولو علشان ماينفعش ياريت نكون صرحاء هل شباب مصر

على استعداد انة يحارب ؟؟

[redwany]

كل يفهم المداخله على حسب توجهه

فاحدهم ذكر انها قنعره على حزب الله وحماس ...لك الحق ان تفهم ماشئت وان تتهمنى بالقنعره عليهم ولكن انا لم اقصد القنعره التى تقصدها والتى تطبقها انت نفسك فى الرد على مداخلتى وكانك عبقرى زمانه الذى انبرى مدافعا ووجد عميلا او دخيلا يريد ان ينال من المقاومة

ثانيا من قال ان الفدائيين لم يقولوا عندنا جيش يحارب لنا...وكانى لم اقضى اهم فترة فى حياتى فى الجيش....وكانى الان اجلس على قهوه وفى ايدى الشيشه وباقول احنا عندنا جيش

النهايه...انتم ايه اللى مزعلكم ان احنا عندنا جيش

ايه اتشنجتم ليه كده

انتم عايزين بلدنا تبقى ميليشيات ولا ايه؟

[newcomer]

فى الأعادة افادة

لما هنحارب مش هنسأل هنحارب لمين ؟

كنا زمان بنحارب علشان كلنا مستوى معيشى واحد اما الان فهناك فارق كبير ياترى الغلابة بس هما اللى هيحاربو ولا اصحاب الملايين اقصد ولادهم برضو هيبقو معانا

انا لست شابأ لكنى اتكلم على لسان شباب كثر سألتهم السؤال اللى سألتة لكم وكان ردهم

ياترى هناخد بعد الحرب نفس نصيب ولاد الناس الأغنياء ماخدو نصيبهم من خير مصر

السؤال كدة يادوب التقيل ما قلتوشى ومش هقولو علشان ماينفعش ياريت نكون صرحاء هل شباب مصر

على استعداد انة يحارب ؟؟

استاذ مصطفى......مفيش دولة عمرها كانت كلها مستوى معيشى واحد

على الاقل انا هاتكلم عن مصر......حتى فى ازهى ايام الاشتراكية

برضة كان فى تفاوت طبقى

نرجع للموضوع الاساسى......

باعتقد ان ساعة الحرب و الخطر....مابيكونش الافكار دى ليها اى وجود

اعذرنى حضرتك.....بس الافكار دى بتفرق اكتر ما تجمع

كل واحد ربنا قدر له رزقه......كتير ....قليل.....سبحان مقسم الارزاق

حب الوطن و الانتماء ....(.من واقع احتكاكى بالناس)

مالوش علاقة مباشرة بحسابات البنوك المتضخمة ....و لا شهادات الفقر

فى عوامل كتير معقدة....صعب تتحسب اعتمادا على نصيب الفرد فى ثروة البلد

اما عن سؤال حضرتك.......فبيتهيأ لى مافيش كلام

بعد كلام الرسول عليه الصلاة و السلام

ان فى مصر خير جنود الارض

تقبل تحياتى

[osmel33]

أيه يا خوانا الحوار خد أنعطافات جانبية ليه ؟ الكلام كان هل مصر فيها شباب تقدر تدافع عنها وأعتقد

أن الجميع مجمع على كده وحتى الناس اللى ممكن تشك فى انها تدافع عن البلد سيبوا لما الموضوع

ده يحصل ونبقى نشوف