محاولات للاصلاح

[اسكندرانيةكنداوية]

تسجيل أول متابع للموضوع جزاك الله خير ياد/ الشامى إنك فاتح موضوع زى دة إحنا فعلا محتاجين النوعية دى من الموضوعات و لو يتسع صدر حضرتك أنا لى ملاحظة و إقتراح وأتمنى أعرف رأى سيادتك

الملاحظة هى كثرة تعديد و ذكر السلبيات اللى هى الداء اللى لازم نحط أيدنا عليه و نعرفه لا خلاف فى ذلك ومن جهه أخرى تعدد طرق علاج السلبيات اللى هو الدواء و هو شيئ صحى لا خلاف عليه

ولكن هناك حاجة لإثبات فاعلية العلاج و هى التجارب ودة موضوع محتاج صبر ووقت وأعتقد إن دة كمان لاخلاف علية

إقتراحى

ياريت لو فى أحد جرب أى من طرق علاج السلبييات ونجح فى إحداث تغيير يشاركنا نجاحه ودة حيكون له أثر كبير و دافع إن حد تانى يحاول لأن النجاح ممكن والأمل موجود وأتحقق

حتى لو فى حد حاول يغير و فشل برضه يشارك تجربته معانا حيلاقى النصيحة و التشجيع اللى ممكن يساعده على على الأستمرار لإن من أهم أسباب تفشى السلبيات هى المحاولات الفردية للإصلاح وكثرة الإحباطات التى تؤدى فى النهاية ليأس الفرد و جملة مافيش فايدة الشهيرة

و أتمنى من كل قلبى يا د/ الشامى تكون قائد للمغتربين اللى عندك لإصلاح سلبياتهم وتفادى ضياع الإنتماء فى الأجيال القادمة أناعارفة إنه صعب دلوقت لكن خليه فى بالك ومن خططك المستقبلية و لو شاء الله سأكون عضوة فى الكتيبة معك

شكرا ووفقك الله

اقتراح حضرتك جميل جدا... و فى الحقيقة هو ده اللى احنا محتاجينه.

لاننا لما بنشوف الجهود الجماعية... بنبدأ نعمل عملية تقييم و نشوف مدى صلاحية الاسلوب اللى احنا متبعينه...

و يا ريت لو حضرتك تقوليلنا على فكرة او اى طريقة ممكن نبدأ بيها طريق الاصلاح الطويل.

انا شخصيا... متهيقلى ان المشاركة فى حاجة زى جمعية رسالة مثلا... بيعملوا حملات خيرية و بيتطلبوا متطوعين عشان يساعدوا الناس.. و بيعملوا قافلات خيرية..

جمعية رسالة من الجمعيات اللى أنا باحترمها جدا و الشباب المتطوع للعمل بها و لها مثال و قدوة حسنة ودى بداية لأبناء المقيمين فى مصر يعنى ممكن فى الصيف يخلوا أولادهم يشاركوا مع المتطوعين منها يكتسبوا روح العمل الجماعى و العطاءومن جهة أخرى يتعرفوا على أوضاع المحتاجين و يحسوا بالقناعة بما عندهم

لكن اللى أنا قصدتة السلبيات اللى خلتنا نترك بلدنا و نتغرب و مش كدة بس وكمان بنفكر فى الهجرة و اللى وصفها الأخ الفاضل إكسيلانس فى مداخلة فى باب الهجرة و المعيشة فى كندا كالأتى

",, أن معظمنا هنا في هذا المنتدي بدئنا أجرائات الهجره لأسباب عده من أهما أسلوب و ثقافه التعامل بمصر ,, من فهلوه و أخذ مجهود الغير بالواسطه أو التدليس أو حتي التصلق و الضحك علي الدقون - و كثير من المهاجرين سيحتفظ في حقائب سفره بهذا المعجم الثمين من الثقافه و سيحاول تجريبه و تفعيله بشتي الطرق في كندا ,, الي أن تتغلب عليه الثقافه الجديده و قوانين الحياه - و أنت بحكم مهنتك الكيمائيه - تعرفي أن مرحلة أنسحاب (المخدر) قصدي الثقافه من الجسم و المفاهيم هي أصعب مرحله يمر بها المدمن علي الهبل و الفهلوه و سماجه الطبع و أنتهازية المواقف- حتي يعافي و يعرف أن بناء العلاقات ألأنسانيه أهم بكثير من أنتهازية المواقف"

دة غير إن الظاهر غير الباطن

مع الأسف محاولات تفعيل الثقافة دى مش قاصرة على كندا بس المحاولات دى موجودة فى كل مكان فيه مصريين

و فى رأيى المتواضع الأصلاح يبدأمن النقطة دى كبداية ساعتها الدين و التعليم حيكون لهم تأثير إيجابى

إن الله لا يغير ما بقوم حتى يغيروا ما بأنفسهم

محاولات أصلاح النوع دة من السلبيات سواء كانت ناجحة أو فاشلة أو مستمرة قد تكون مفيدة

إننا نكون أسرة كبيرة تنتمى لبعضها و لبلدها فى بلاد لمهجر مهم لينا و لأولادنا لإن فاقد الشئ لا يعطيه

أثرت فى جملة كتبتها د/ صفاء البنا فى محاورات الهجرة و العيش فى كندا قالت فيها

"ليكى حق تنصدمى وتستغربى ...عن نفسى بعد بعد الحرب دى عرفت انه فعلا صعب ان المصريين يقدروا يعملوا عيله كبيره فى المهجر وحزنت قوى لانى اكتشفت ان فى ناس ماكنتش اعرفها كويس...بس لسه فى أمل"

يمكن اللى خفف الألم كلمتها الأخيرة لسه فى أمل

أسفة للإطالة

[حسام يوسف]

الموضوع أكثر من رائع يا دكتور

وأتمنى تثبيته ليدلى كل المصريين بدلوهم

هقول يا دكتور رأيي الشخصي جدا فى الاصلاح

وازاى يتم

عشان يبقي فيه اصلاح

لازم يبقي فيه هم وطني مشترك

يعنى الناس تتفق

تختلف

بس لازم يبقي فيه أجندة اهتمامات وطنية الكل متفق عليها

فيما يشبه الرأى العام

ولو نزلنا لأرض الواقع

هتلاقي الرأى العام فى مصر ممكن نشبهه بمثلث مفرغ

مفرغ يعنى المسافة بين الأضلع الثلاثة تختلف عن الأضلع نفسها

والأضلع الثلاثة فى الفكر المصري الآن هية كالآتي:

اليسار والقوميين والعروبيين والناصريين

الليبراليين

الاسلاميين

المشكلة بقى ان احنا معندناش مثلث بالمعنى المفهوم

احنا عندنا 3قطع مستقيمة مالهاش اى علاقة ببعض

قمة التنافر

وكل واحد مش شايف الا نفسه

عشان ال3قطع تتلم -بالمعنيين العام والعامى الدارج-

لازم يبقي فيه مساحة من احترام الفكر الآخر وده للأسف غايب حاليا

وعلينا توفير هذا المبدأ

احترام الآخر مهما كان الاختلاف

يبقي احنا لو فرنا مبدأ احترام الآخر

هيبقي عندنا مثلث الاتجاهات

هيبقي عندنا رأى عام

هيبقي عندنا قوة تنفيذ للأجندة الوطنية

وحيثما وجد الدافع

وجد النجاح

وزي ما عم زوهيري كاتب فى توقيعه

فولوار سي بوفوار

يعنى اللى عايز حاجة

هيحققها

المشكلة الآن فى كل هذا السلم

الدرجة الأولى

احترام الآخر

علينا نشوف ازاى ممكن نربي الأجيال الجاية على ده

ونحاول نشوف ازاى ممكن نصلح العيب فى الأجيال الموجودة

ساعتها ممكن أقول لحضرتك

الاصلاح بدأ

كل ما سبق مجرد سطور تعبر فقط عن رأيي الشخصي جدا

على قد ما العبد لله قدر يشوف ويفكر

وأرحب بكل من يعلق

ويعدل

ويضيف

ان شالله يحذف

ما أنا لازم أنا كمان أطبق مبدأ احترام الآخر

[SophiaAstrophy]

الموضوع أكثر من رائع يا دكتور

وأتمنى تثبيته ليدلى كل المصريين بدلوهم

هقول يا دكتور رأيي الشخصي جدا فى الاصلاح

وازاى يتم

عشان يبقي فيه اصلاح

لازم يبقي فيه هم وطني مشترك

يعنى الناس تتفق

تختلف

بس لازم يبقي فيه أجندة اهتمامات وطنية الكل متفق عليها

فيما يشبه الرأى العام

ولو نزلنا لأرض الواقع

هتلاقي الرأى العام فى مصر ممكن نشبهه بمثلث مفرغ

مفرغ يعنى المسافة بين الأضلع الثلاثة تختلف عن الأضلع نفسها

والأضلع الثلاثة فى الفكر المصري الآن هية كالآتي:

اليسار والقوميين والعروبيين والناصريين

الليبراليين

الاسلاميين

المشكلة بقى ان احنا معندناش مثلث بالمعنى المفهوم

احنا عندنا 3قطع مستقيمة مالهاش اى علاقة ببعض

قمة التنافر

وكل واحد مش شايف الا نفسه

عشان ال3قطع تتلم -بالمعنيين العام والعامى الدارج-

لازم يبقي فيه مساحة من احترام الفكر الآخر وده للأسف غايب حاليا

وعلينا توفير هذا المبدأ

احترام الآخر مهما كان الاختلاف

يبقي احنا لو فرنا مبدأ احترام الآخر

هيبقي عندنا مثلث الاتجاهات

هيبقي عندنا رأى عام

هيبقي عندنا قوة تنفيذ للأجندة الوطنية

وحيثما وجد الدافع

وجد النجاح

وزي ما عم زوهيري كاتب فى توقيعه

فولوار سي بوفوار

يعنى اللى عايز حاجة

هيحققها

المشكلة الآن فى كل هذا السلم

الدرجة الأولى

احترام الآخر

علينا نشوف ازاى ممكن نربي الأجيال الجاية على ده

ونحاول نشوف ازاى ممكن نصلح العيب فى الأجيال الموجودة

ساعتها ممكن أقول لحضرتك

الاصلاح بدأ

كل ما سبق مجرد سطور تعبر فقط عن رأيي الشخصي جدا

على قد ما العبد لله قدر يشوف ويفكر

وأرحب بكل من يعلق

ويعدل

ويضيف

ان شالله يحذف

ما أنا لازم أنا كمان أطبق مبدأ احترام الآخر

السلام عليكم ورحمه الله وبركاته ............ انا يسعدنى ويشرفنى انى اشارك مع حضرتكم فى الموضوع الجميل جدا بجد موضوع شيق ومهم جدا وبشكر د حسام على الكلمات الرائعه لان فعلا لازم نربى الاجيال القادمه ونصلح بها من عيوب ...................بارك الله فيك :rolleyes: وجزاك الله خيرا على هذا الموضوع د الشامى ويشرفنى ويسعدنى انى اشارك مع حضرتك واستفيد :blush2: :)

[myusername]

السلام عليكم,

شكرا لاسنكندرانية كنداوية, حسام يوسف و SophiaAstroph عالمشاركة.

الفكرة هى من اين يمكننا ان نبدأ الاصلاح؟ هل احنا نقدر نستنى 50 سنة عشان نطلع اجيال جديدة, و يا عالم الاجيال دى هتطلع بالشكل اللى احنا عايزينه ولا لا؟

من أين نبدأ الاصلاح هى قضية فى غاية الخطورة, بس مفيش شك اننا هنبدأ الاصلاح "من تحت" مش من فوق. يعنى مش احنا اللى هنغير الحكومة, ولا احنا اللى هنغير نظام التعليم.

بس الاصلاح نفسه فى حاجة الى قائد, و الى منظومة تدير عملية الاصلاح, على الاقل عشان نقدر نعمل عملية تقييم و "تقويم" لعملية الاصلاح, و الى اى مدى قدرنا نعمل تأثير, ده بالاضافة الى ان الجهود الجماعية أكيد بيكون تأثيرها اكبر من الجهود الفردية.

تفتكروا ايه اللى ممكن نعمله عشان نبدأ الاصلاح؟ و من أين نبدأ الاصلاح؟

يعنى لو قولنا يا إصلاح... ايه هى اول حاجة لازم نعملها, و هنشوف تأثيرها بعد سنة او سنتين من دلوقتى؟

و فكرتكم ممكن تكون شاملة اى شىء... اصلاح اجتماعى, اخلاقى او اى شىء.. يعنى خدمة المجتمع نفسه جزء لا يتجزأ من عملية الاصلاح.

[حسام يوسف]

هوة ممكن يبقي فيه اصلاح

واحنا مش عارفين حتى نقيم حوار ونقاش بشكل صحيح؟

[د هشام ابراهيم]

عايزين الحق و الحق تماما أنا كنت دايما باقول إن مصر تمر حاليا بمرحلة عصر الاضمحلال .....نفس العصر اللي عدي عليها مرات و مرات قبل كده .....مؤخرا بقيت أحس إن ما فيش أمل في البلد لحد عصر الاضمحلال ده ما يخلص ...ياخد مجراه للاخر و نبتدي من جديد .....المأساة إن عصور الاضمحلال ما بتنتهيش بسهولة و لا بهدوء

طب الحل إيه إلي أن يقضي الله أمره ...أبدأ بنفسك و بولادك ..... أعدهم ليوم يقدروا فيه يصمدوا قصاد المشاكل و المصاعب ...التربية التربية التربية ......شخصية و دين و أخلاق و صحة جسمانية و نفسية و اعمل اللي تقدر عليه ...... حتي لو يوم القيامة ازرع الفسيلة اللي في ايديك و ادعي معايا إن ربنا يستر علي مصر و المصريين

أسف جدا لو نبرة كلامي محبطة

[حسام يوسف]

عايزين الحق و الحق تماما أنا كنت دايما باقول إن مصر تمر حاليا بمرحلة عصر الاضمحلال .....نفس العصر اللي عدي عليها مرات و مرات قبل كده .....مؤخرا بقيت أحس إن ما فيش أمل في البلد لحد عصر الاضمحلال ده ما يخلص ...ياخد مجراه للاخر و نبتدي من جديد .....المأساة إن عصور الاضمحلال ما بتنتهيش بسهولة و لا بهدوء

طب الحل إيه إلي أن يقضي الله أمره ...أبدأ بنفسك و بولادك ..... أعدهم ليوم يقدروا فيه يصمدوا قصاد المشاكل و المصاعب ...التربية التربية التربية ......شخصية و دين و أخلاق و صحة جسمانية و نفسية و اعمل اللي تقدر عليه ...... حتي لو يوم القيامة ازرع الفسيلة اللي في ايديك و ادعي معايا إن ربنا يستر علي مصر و المصريين

أسف جدا لو نبرة كلامي محبطة

مستغرب من تشاؤمك يا بروف برة قهوة مستغرب

مش لان الوضع لايدعو للتشاؤم

لكن لانى كنت بحسك دايما متفائل

تحياتى لشخصكم الكريم :yahoo:

[د هشام ابراهيم]

مستغرب من تشاؤمك يا بروف برة قهوة مستغرب

مش لان الوضع لايدعو للتشاؤم

لكن لانى كنت بحسك دايما متفائل

تحياتى لشخصكم الكريم :yahoo:

أنا ...أنا متفائل ....طب ازاي :yahoo:

صراحة أنا باعتبر نفسي واقعي .....كل شوية الامل بيدفعه دفعا للاعتقاد في احتمالية مبشرة

و بعدين الواقع بينسف امالي ديه كلها

كل اللي أقدر أقوله اني أتمني أبقي غلطان في تفكيري و توقعي

تحياتي لحضرتك يا دكتور و باعتذر تاني ...خاصة لكبير العيلة الكندية ....لو كلامي كان محبط

[ELSHAMY]

الأعزاء د. حسام / اسكندرانية كنداوية / د. هشام / sophia / myusername

أشكر لكم مشاركاتكم القيمة

اهتمامكم فى حد ذاته اثراء للموضوع و علامة قلوب حية مخلصة حتى لو غلفها الأحباط.....

تذكروا أنه من رحم الفشل يولد النجاح....

و من تحت الرماد تكون النار...

و كما قلت من قبل....

قيل للحق يوما: أين كنت يوم علا الباطل

قال: كنت أجتثه من الجذور

و كما تفضلتم.....احترام الأخر....تحديد الهدف....الالتفاف حول قائد ملهم...الاهتمام بسلوكيات و تربية الأولاد....

أليست كلها أساسيات للاصلاح...

تخرج من أفواهكم كل معانى الخير و انتم لا تشعرون....

يدا بيد سننجح...المهم أن نتمتع بسياسة النفس الطويل....

ان المفسدون فى الأرض قد علوا لأنهم لم يجدوا من يردعهم...

صدقونى إنهم ضعاف...عقولهم لا تعرف الا اشباع شهواتهم من سلطة و مال

و قلوبهم خاوية الا من حب الدنيا و شهوة الظهور.....

المهم الأن تربية جيل ...يكون نواة لاخراج ملهم موهوب....يقنعنا بفكرته....فنلتف حوله...و نكون من جنوده المخلصين...

هلا بدأنا بأتفسنا و صبرنا حتى على مداومة المشاركة فى هذا الموضوع الحيوى...و دعوة الأخرين اليه...

اذا كنا على هذه قادرين...كنا على غيرها أقدر...

لا يهم كثرة المشاركين بقدر أهمية ثراء المشاركات...

بارك الله فى جهد المقل المخلص.....

و الله يهدى الى سواء السبيل..

[حسام يوسف]

بالفعل يا دكتورنا العزيز الشامي

فيه دكتور بعتبره أستاذي استشارى أنف وأذن قاللى كلمة مرة تلخيصية جدا

لو كل واحد صلح الحتة اللى هوة فيها

كل حاجة هتتصلح

وابدأ بنفسك

تحياتى يا دكتور محمد

وأتعشم من الادارة تثبيت الموضوع لاهميته ان أمكن ذلك

[اسكندرانيةكنداوية]

السلام عليكم جميعا

أبدأ بتحية وشكرو تقدير لكبير العائلة د/ الشامى على مداخلته و تحية شكر وتقدير إلى د/ هشام إبراهيم و د/ حسام يوسف و ماى يوسر نيم و صوفيا أستروفى

أنا عندى نفس إحساس د/ هشام إن مافيش أمل حتى ينتهى عصر الإضمحلال و الدليل إنى متغربة من سنين طويلة و ما فكرتش أرجع بالعكس د أنا مهاجرة بأولادى لكن الأمل موجود إنه حينتهى عاجلاً أم اجلاً

"من أين نبدأ الاصلاح هى قضية فى غاية الخطورة" أوافق الأخ ماىيوسر نيم هى فعلا قضية لأن إيجاد خط بداية صعب الأمور المحتاجة إصلاح كثيرة و متشابكة وكل منها يؤثر فى الاخرعلشان كدة أنا مختلفة معاك فى الجملة دى " بس مفيش شك اننا هنبدأ الاصلاح "من تحت" مش من فوق. يعنى مش احنا اللى هنغير الحكومة, ولا احنا اللى هنغير نظام التعليم." و حقولك مثال أنا لى صديقة كانت مقيمة فى مصر و أعتقد ينطبق عليها كلمة ومازالت لإنها لم تهاجر بعد هى إتغربت فقط للعمل مع زوجها وأولادها كان إبنها فى أولى المراحل الإبتدائية فى مدرسة من المدارس الراقية بمصر الجديدة هى حاليا مقيمة بنيوزيلندا وإبنها دخل مدرسة هناك طبعا لكن حياتهم المهنية صعبة شوية نتيجة لوجود شوية عنصرية فتطرقوا مرة فى حديثهم عن التفكير فى العودة لمصر وكان الولد سامع الحديث فكان رد فعله لما سمع بس ما أروحش المدرسة اللى كنت فيها تانى وكان من الطبيعيى يسألوه ليه تعرف كان رده أيه علشان التيتشر اللى هناك بتخلينى أكذب وتقول لى لازم أتعلم أكذب طبعا الرد كان صاعق فقررت صديقى أول فرصة تكون بمصر تقابل الأستاذة و قد كان تخيلوا المدرسة ترد تقول أية أيوة يا مدام لازم تعلمية شوية كذب عشان يقدر يتعامل مع الناس ما يطلعش مثالى ويتصدم لما يكبر و يتعامل مع المجتمع طبعا مش محتاج أقول صديقتى عملت إية ووصلت لفين ومين بلا جدوى

يعنى ما ينفعش نبدأ إصلاح من تحت من غير ما نغير نظام التعليم والمعلمين و مش حنقدر نغير دة من غير ما الحكومة

تتغير

"بس الاصلاح نفسه فى حاجة الى قائد, و الى منظومة تدير عملية الاصلاح, على الاقل عشان نقدر نعمل عملية تقييم و "تقويم" لعملية الاصلاح"

كلامك صح لكن السؤال من أى جيل حيكون القائد

هل الأمل فى أولادنا اللى حنربيهم فى بلاد المهجر صحيح حنعلمهم حب مصر لكن الحب دة حيكون أد حبهم للبلد اللى إتربوا فيها و شافوا منها كل خير و فوق كل دة كتير منناإحنا اللى نعتبر قدوة ليهم تركنا مصر و بنحكى و نتحاكى ونقول أشعار فى كندا مثلا و معظم كلامنا عن مصر سلبى و شكاوى دة غير الإعلام المصرى كتر خيره قايم بالواجب و زيادة مش عارفة لية مش متفاءلة إنهم يقدروا يعملوا حاجة كبيرة لمصر

و لو قلنا ممكن القائد و الإصلاح ييجى من الشباب اللى فى مصربرضه إزاى و هم و أهاليهم فى دوامة المدرسة و الدروس الخصوصية و المجاميع المؤهلة للجامعات و لو دخل الجامعة يبقى المظاهر و الموبايل و المواصلات و غيرها ولو حتى فى حد عنده وقت يفكر فى حال البلد يلاقى الإعلام محاصره و فارض عليه موضوعات الساعة مرة المنقبات ومشكلاتهم ومرة سمير زاهر و روراوة وحرب الكورة بين مصر و الجزائر و أما يكون فى كارثة زى السيول اللى حاصلة يطلع بيان حكومى إن أحد أفرادها ناوى يتجوز ولما يغلب غلبهم تلاقى كل القنوات بتتكلم عن الجن و العفاريت

كان الله فى عونك يا مصر

بس أرجع و أقول إنشاء الله فى أمل

ومن وجة نظرى المحدودة أعتقد إن د/ حسام عند حق الأول لازم نتعلم نقيم حوار ونقاش بشكل صحيح بدون إنفعالات و صوت عالى و تعصبات لوجهات نظر و كل واحد فاكر إنه صح ويزعل و يسيب القعدة لو حد قال غير كدة

الحوار والنقاش الصحيح المتوازن فى السلبيات و الإيجابيات ممكن يحقق المعادلة اللى رتبها دكتورنا الفاضل الشامى

"و كما تفضلتم.....احترام الأخر....تحديد الهدف....الالتفاف حول قائد ملهم...الاهتمام بسلوكيات و تربية الأولاد.... "

تحياتى للجميع

[ELSHAMY]

عود على بدء

أخوانى أخواتى الأحباء

و بما أن الخليج جزء لا يتجزأ من هذا النسيج العربى الذى نتمنى له الاصلاح فقد أحببت أن تشاركونى هذه الملاحظات التى كتبها أحد المهندسين الانجليز من واقع معيشته فى منطقة الخليج لأكثر من ثلاثين عاما...

و لربما تكون نظرة الغريب (بكل ما لها و ما عليها) تستحق أن ننظر اليها بعين الاعتبار و ننطلق من خلالها فى محاولة للاصلاح...

و أنا أنقلها لكم كما جاءتنى و انتظر ملاحظاتكم ...

فيليب جي. بارني مهندس معماري بريطاني عمل في عدة شركات للمقاولات

ولمدة 33 عاماً في السعودية و قطر و الإمارات و الكويت .

تقاعد عام 2005 م وعاد من السعودية إلى بريطانيا حيث يعمل الآن كمستشار للتطوير العمراني

في عدة مكاتب إستشارية وشركات مقاولات في بريطانيا

ويكتب أحياناً بعض المقالات في الجرائد و المجلات البريطانية عن التطوير العمراني

وخبرته في هذا المجال ورحلته وخبرته وحياته في الخليج بسبب أنه قضى جزء كبير من حياته هناك

وقد قام بكتابة مقال عن بعض مشاهداته في الخليج نشرته جريدة ( التايمز ) اللندنية

في عددها رقم ( 25376 ) الصادر يوم الثلاثاء ( 14 / 11 / 2006 )

بعنوان :

( هذا هو الخليج - This Is Gulf ) ( بقلم : فيليب جي. بارني - By : Philip G. Barney )

يقول فيليب بارني في مقاله :

لقد قضيت حوالي 33 عاماً من حياتي في الشرق الأوسط ودول الخليج على وجه التحديد

ورأيت هناك الكثير من الأشياء و التصرفات و الأفكار و العقليات الغريبة و المثيرة للدهشة و الإستغراب

بحيث لايمكن للإنسان العادي التكهن بمصير تلك الدول بما تحويه من أجناس بشرية

متنوعة الطوائف و الأديان و المبادىء و التصرفات حيث يمكنك مشاهدة الكثير من التصرفات الغريبة

والمثيرة لدهشة أي إنسان عاقل لديه القدرة على التفكير في الصواب و الخطأ

وسأذكر منها بعض الأشياء التي لاحظتها خلال حياتي اليومية هناك وأثارت دهشتي و إستغرابي

وأثارت داخلي بعض التساؤلات عن إمكانية تطور تلك الدول على المدى البعيد جداً

وأرجو من القراء الأعزاء المعذرة على أسلوبي الساخر في الطرح ....

* المكالمات الهاتفية المحلية مجانية !!!

* البترول أرخص من الماء !!!

* إنشاء أي مبنى ينتهي في ( 3 ) أشهر فقط !!!

* النجارون و الحدادون و العمال الفاشلون يحصلون على عقود أعمال أكثر من

العقود التي تحصل عليها شركات المقاولات الضخمة بسبب تدني أجورهم !!!

* الفاشلون و الجهلة يحصلون على رواتب و مميزات أكثر من الناجحين و المتعلمين !!!

* الإستعراض بالسيارات و الملابس و العطور و الهواتف النقالة هو الشيء الوحيد الذي يجيدونه الناس !!!

* المقاول يدفع ( 20 ) عاماً من عمره ليطارد مالك المشروع في المحاكم و أقسام الشرطة ليأخذ حسابه

بينما يدفع مالك المشروع 10000 دولار للعاهرة ليقضي معها ( 20 ) دقيقة في غرفة أحد الفنادق الفخمة !!!

* الشركات تنهي خدمات الموظفين في أي لحظة وتلقيهم في الشارع بدون سبب أو إنذار مسبق !!!

* الواسطة أقوى بكثير من الشهادات و المؤهلات العلمية و الخبرة و الكفاءة !!!

* عمّال النظافة لديهم واسطات أكثر من كبار الموظفين و المدراء !!!

* الفرّاشين و السائقين لهم تأثير كبير على مالك الشركة أكثر من المدير العام !!!

* خلال ساعة واحدة ترى الفصول الأربعة !!!

* إذا لم يجمع الشخص المال من الخليج فلن يتمكن من ذلك في أي مكان في العالم !!!

* إذا تكلمت مع رئيسك الفاشل في العمل وأشعرته أنه خبير في إدارة الأعمال و الشركات

فقد تصبح نائبه خلال شهر واحد ويتضاعف راتبك ( 5 ) مرات !!!

* الهنود يبدو عليهم التدين الشديد و الخشوع في الصلاة وهم عَبَدة بقر و أوثان في بلادهم !!!

* عدد العاهرات يفوق عاهرات ( 10 ) دول في العالم وبالذات في دبي !!!

* الشارع ذو الأربعة مسارات يمكن أن يتحول إلى مسار واحد لإن تسليم وإستلام

طلبات المطاعم الواقعة عليه يتم وأصحاب الطلبات جالسون في سياراتهم !!!

* كل ( 10 ) أمتار تجد فرع ل ستاربكس و دكتور كيف !!!

* كل ( 2 ) كم تجد مول ( مركز تسوق ) !!!

* سائقي السيارات يقودون أحياناً بسرعة ( 5 كم / الساعة ) في المسار الأيسر

أو بسرعة ( 250 كم / الساعة ) في المسار الأيمن أو طريق الخدمة !!!

* نسبة السيارات الجديدة المحطمة في الحوادث تبلغ ( 3 ) أضعاف

نسبة السيارات التي تسير في الشوارع على الأقل !!!

* لا يوجد إمرأة تقف في طابور , حيث لها الأولوية أكثر من

ال ( 700 رجل ) الذين يقفون في الطابور منذ ( 4 ) أيام متواصلة !!!

* عندما يجد السائق أمامه سيارتين على الإشارة , يغلق المسار الأيمن ليقف بجانبهم

أو يقف بشكل عرضي أمامهم لينطلق أولاً عند فتح الإشارة !!!

* الضوء الأخضر في إشارة المرور هو علامة الإنطلاق للأوروبيين و بعض العرب و الأسيويين !!!

* الضوء الأصفر في إشارة المرور هو علامة الإنطلاق للهنود و الباكستانيين و البنغلاديشيين !!!

* الضوء الأحمر في إشارة المرور هو علامة الإنطلاق للسعوديين و القطريين و سيارات الشرطة !!!

* الدوران على شكل حرف ( U ) يتم بواسطة القفز بالسيارة فوق الرصيف الأوسط عند إزدحام إشارة المرور !!!

* شيء عادي جداً أن يقوم سائق سيارة بإدخال سيارته بالقوة بين سيارتك

و السيارة التي بجانبك حتى تصطدم المرايا الجانبية ببعضها ( هذا إن لم تتكسر ) !!!

* أرصفة المشاة يمكن أن تتحول إلى مواقف سيارات طولية أو عرضية أو مائلة

في حالة عدم وجود أماكن فارغة للوقوف !!!

* يمكن لأي حادث مروري بين سيارتين أن يغلق الطريق بأكمله لساعات طويلة دون أي إهتمام من الشرطة

وعند مرور سيارة الشرطة , فهي تمر ببساطة وتنظر للحادث وكأنه لايعنيها !!!

.

.

.

.

وهناك الكثير من الأشياء لم أذكرها لضيق المساحة ولكن سأطرح تساؤلاً أخيراً ....

متى ستتطور عقلية الناس في تلك الدول لكي يكون هناك إحتمالاً 10 %

أن يلحقوا بركب دول العالم الأول طالما أنهم يملكون ثروات نفطية هائلة تمكنهم من

الصعود على السلم بسرعة ؟؟

[حسام يوسف]

يعنى المشكلة مش مشكلة فلوس يا دكتورنا العزيز

وواضح ان كلنا فى الهم عرب

[shiko]

انا شايفة انه سعادة الخواجة ولو جه مصر هايغير رأيه فى حاجات كتير ليصبح على الوجه التالى :

البترول أغلى من البنى ادم !!!

إنشاء أي مبنى ينتهي في ( 3 ) قرون فقط !!!

الشركات تنهي خدمات الموظفين في أي لحظة وتلقيهم في صناديق الزبالة بدون سبب أو إنذار مسبق !!!

خلال ساعة واحدة ترى الفصول..التسعة!!! على اساس ان المصريين ولاد تسعة

إذا تكلمت مع رئيسك الفاشل في العمل وأشعرته أنه خبير في إدارة الأعمال و الشركات

فقد تصبح نائبه خلال ساعة واحدة من الاطراء ويتضاعف راتبك ( 500) مرة !!!

كل ( 2 ) أمتار تجد فرع ل ستاربكس و سيلنترو وعربيات الفول الملوثة...

نسبة السيارات الجديدة المحطمة 90% من نسبة السيارات التي تسير في الشوارع على الأقل !!!

الضوء الأحمر في إشارة المرور هو علامة الإنطلاق لعربيات المرسيدس والبى ام والهيئات السياسية

الضوء الأخضر في إشارة المرور هو علامة الإنطلاق لعربيات ال128 والشاهين والفيات

* الضوء الأصفر في إشارة المرور هو علامة الإنطلاق للتريلات والميكروباصات والنص نقل

مادون ذلك يخليه فى الاشارة ومايتحركش الابعد مرور 3اشهر على الاقل

دعواتى للخواجة بزيارة بلاد الاهرام علشان يغير رائيه

تم تعديل 3 فبراير 2010 بواسطة shiko