قل و لا تقل - قل إخلاص، ولا تقل بترول

[kokowawa1979]

ماهذا يا أخ فارو !!!!

تقول أنه يجب استبدال الشعب بشعب آخر متحضر حتى نكون مثل دبي !!!!!

الشعب ليس له ذنب في ذلك يا أخ فارو ولكن العيب في من يملكون ويحكمون ويفسدون !!!!!

ماذنب الشعب أن يحكم بقانون الطوارئ أكثر من 20 سنة متتالية وهذا القانون وحده كان السبب الرئيسي في تطفيش الإستثمار من مصر لأن المستثمر ليس بأبله ليستثمر في بلد تحكم بالحديد والنار

الشعب مظلوم يا أخ فارو وشعبنا متحضر بالفعل وإلا ماكان هنا مصريون يحتلون بعض المراكز القيادية سواء في الحكومة أو القطاع الخاص

نعم هناك نسبة كبيرة من الأجانب هنا لكن هذا لا يعني أنهم حضروا من بلاد أكثر حضارة أو رقيا من مصر لكن القيادات هنا في دبي هي التي تمسك بعصا المايسترو لقيادة كل هذه العرقيات والديانات المختلفة لكي تحقق لها ما تصبوا إليه .

الشعب مظلوم مظلوم ياأخ فارو

[نفسي احبها]

faro

قبل تحويل مصر إلى صورة طبق الأصل من دبي يجب تدريب أغلبية الشعب المصرى على المحافطة على ما هو جميل ... أو إستبدال 70% من الشعب بأجناس أجنبية متحضرة حيث أن غالبية سكان دبي من الأجانب طبقا لمعلوماتي التى قد تكون مخالفة للحقيقة

------------------------------------

أن ما قاله فارووووووووووووووو ........................ كلام زين قوي قوي قوي ....

والدليل على ذلك .... عندما حاولت الشركة في أحدي حيل النصب والسرقة والاحتيال وسرقة الأموال في تنظيف الشوارع المصرية واحضار شركة اجنبية

قلنا ماشي يمكن الشركات الاجنبية تنظف مصر .. ولكنها طبعا سرقات مقنعة واحتيال إلى اخره ....

وضعوا براميل للزبالة كبيرة الحجم في الشوارع بكثرة وفي أماكن كثيرة جداً ..........

ولكن الشعب المسخ (الذي تم مسخة وبرمجته إلى ما هو عليه من صورته الحالية من قبل الحكومة) قاموا بسرقة هذه البراميل الخاصة بزبالتهم ... من الشوارع

سرقوا البراميل من الشوارع .... تخيلوا ............ سرقوا براميل الزبالة من الشوارع ....

انها براميل كبيرة او صنادق كبيرة الحجم ولكنها بلاستيكية ........... وكلاً حسب تخصصه يستخدمها منهم من استخدمها خزانات مياه فوق الأسطح

منهم من اخذها لاستخدامها في المحلات التجارية وفي تبريد المياة الغازية .... وشغل دماغك بقى في استخدامها .....

حتى صنادق الزبالة ... ما تركوها في حالها ........ شعب لا يعرف النظافة ولا يعرف الإنسانية ولا الآدمية .... وهذه السمة الغالبة فيهم .

والله الذي لا آله إلا هو ... رأيت هذا المنظر بأم عيني ...

سيارة موديل السنة 2005 ... حاجة كشخة ....وجميلة ... وقف صاحبها الحمار ..... وركن على جانب الرصيف بقليل ، فتح الباب الذي بجواره حمار آخر

ألقى بكيس الزبالة ثم مشى وكأن شئياً لم يكن .. وهذا في شارع عمومي حيوي جداً رئيسي مزدحم ........... لا تعليق .....

الآخر لا يدفع لجامع القمامة فلوس القمامة ... لماذا لانه في الدور السابع وخلفه قطعة أرض فضاء ويفتح الشبابك ثم يلقى بقمامته ( دب ) إلى تحت ....

ولا يهمه إذا ما تجمع 300 كيس زبالة خاصته أو 1000 كيس وتجتمع الحشرات و و و و ولا يهمه شعور جاره ولا ولا ولا ...

والأمثلة تقرف وكثيرة ........

هذا هو الإنسان .... قصدي البتاع المصري الحالي الذي مسخته الحكومة المصرية على مدار السنوات الـ 50 الماضية فأصبح إلى ما هو عليه ، بل وسوف يصبح للأسوء وانتظروا وسوف ترون السنين خير شاهد ..........

المخطط الوحيد الذي وضعته الحكومة المصرية ونجحت فيه بالفعل ......... تحويل أفراد هذا الشعب ... إلى مسخ مشوه سواء في التفكير والعقلية والنفسية ....

وهم فيما بينهم يأكلون بعضهم ويطحنون بعضهم ويسرقون بعضهم ... والمبررات موضوعه سلفاً ومبرره شرعاً وعقلاً ومسخاً ...

فهنيئاً لك ياحسني يامبارك بحديقة الحيوانات الذي نجحت في إنشائها ..... فتمتع أنت وأسرتك الملكية ... بحكم هذا القطيع .....

[ايهاب سالم]

بأقولك ايه يا "نفسي أحبها"

إنت مش مصري .... صح ؟

لو صح يبقى ورينا عرض أكتافك أو جمال خطوتك و سيب المنتدى للمصريين اللي عايشين في حديقة الحيوانات

يا .......

[أسد]

اإخوة .. إدارة المنتدى ..

رجاء إيقاف معرف "نفسه يحبها" ..

بالتأكيد أنه غير مصري ..

وهذا لا يعيب في شئ .. فمرحباً بأي محترم هنا ..

ولكنه يتفنن في أن ينزل بأسلوبه إلى أسفل السافلين ..

وإلى هذا الذي نفسه يحبها ...

إما أن تكتب بأسلوب محترم .. وتحترم مشاعر الآخرين ..

وإما أن تصمت ..

[Hammer]

أنا من أكثر المؤمنين بقصة الثعلب و العنب

ذلك الثعلب الذي حاول مراراً و تكراراً أن يحصل علي العنب من علي الغصن المرتفع من غير ما يشغل مخه أو يحاول يبذل مجهود إضافي ,و لما فشل بدأ يقنع نفسه و الأخرين حوله أن العنب أكيد سئ و طعمه مش حلو

[ابن بلد]

الى ( نفسى احبها )

واضح ان عمرك ما حبيتها ولا هتحبها ولا تستحق حبها

الشخصيه المصريه لا تحتاج للدفاع عنها كثيرا فيما قلته ووجود فساد حكومى لايعنى مسخ للشخصيه المصريه ووصفها بالحيوانيه

اظن ان ماقراته من مداخلتك لا يستحق الرد عليه

وحشتنا مداخلاتك استاذ ايهاب سالم

[yacho]

اول مره بعد طول تردد اشترك بمداخله خاصه بمصر وسياستها وحالها ومشاكلها .. تقريبا كل المواضيع السياسيه اللى فالمنتدى قريتها

لكن كل مره احاول اتكلم اقول اى حاجه الاقينى مش عارفه الاقى كلام اقوله مع ان اللى جوايا كتير قوى قوى قوى حتى دلوقتى بكتب بصعوبه

ايدى تقيله .. من كتر ما انا افكارى متداخله .. ومش عايزه احس بكم العجز اللى احنا فى .. عندى احساس جوايا كان دايما يقوللى انى

اول ما حبتدى اخرج اللى جوايا هى دى اولى خطوات تاكيد العجز .. زى ايه .. زى بالظبط لما يكون عندى مشكله خاصه بحد من ولادى .. بحس انى مش

عايزه اتكلم فيها مع حد خالص لان ده اعتراف ضمنى جوايا انى خلاص مش عارفه اتصرف وولا حول ولا قوه الا بالله .

انا بقى بحب مصر دى اد ولادى .. غاليه قوى .. طب وبعدين انا عملت لك ايه يا مصر .. وحاعمل لك ايه .. اللى حاولوا يعملوا ورا السجون

لا انكر انى ساعات يبقى عندى احساس انى عايزه امشى فى مظاهره واصرخ واقول كل اللى جوايا.. وبعدين.. ضعنا ومفيش حاجه بتتغير وكل

حاجه زى ما هيا .. قلبى بيقوللى ان فى كتير بيفكروا زيى وان هو دة ممكن اللى يكون مخوف معظم الناس ومخلليهم حطين لسانتهم فى بؤ هم

وساكتين .. وطول ما الناس ساكتين مفيش حاجه حتتغير .. والصحوه عمرها ما حتكون صحوه افراد لان الافراد بيتهرسوا بسرعه

الصحوه لازم تكون صحوه جماعات مجمعه .. الوف مؤلفه .. تشد وراها الوف ورا الوف لغايه ما تبقى صحوه شعب نفسه من زمان يصرخ

من الغيظ والكبت والحرمان من ابسط حقوقه انه يعيش عيشه البنى ادمين العاديين جدا جدا ..

عارفه ان كلامى ممكن يكون كلام اقل من العادى .. بس كفايه انه من قلبى ..

[نورية]

يا خبر .... كل دة فى قلبك يا نفسى احبها

حقيقى الكلام اللى انت بتقوله دة صح ( بخصوص الزبالة ) بس ماكانش يصح الاسلوب اللى اتكلمت بيه

عامة نرجعوا بقى لكلامنا

العيب فينا و فى الحكومة ... احنا فعلا (طبعا مش كلنا ) شعب متكاسل حبتين ... مش من النوع اللى يلتزم بكلمته او بالعمل المثقل اليه

و حكومتنا عارفة دة كويس جدا ... عشان كدة بتستعبطنا على طول

والله مصر مغلوبة على امرها و تعبت مننا و من الحكومة

راح تلاقيها منين ولا منين

و بردو الشباب همة اللى بيدفعوا التمن .. لا لاقيين يشتغلوا ولا يسكنوا ولا يتجوزوا

تخيل من اربع سنين وزارة التربية و التعليم مثلا قالت ان مشكلة التعيين خلاص انتهت و كله راح يشتغل....

كل الخريجين راح يتعينوا.... فوجئ الناس ان دة بنظام التعاقد السنوى

امممم قالوا ماشى.. و الحكومة وعدت بان كل سنة العقد راح يتجدد و بعد تلات سنين راح يتثبتوا

يا عينى صدقوا .. و طحنوا نفسهم فى الشغل.. و عدت سنتين و نص... هانت هانت كلها كام شهر و التثبيت ييجى و يبقى مدرس رسمى و يقبض مية و عشرين جنيه بحالهمممممممم

و فجأة ........... معلش احنا مضطرين لفسخ العقد... ليه؟؟؟ من ير ليه...اقرا العقد كويس و شوف البند رقم 655448899

( لمدير المدرسة كل الحق فى فسخ العقد فى اى وقت مادامت المدرسة ليس بحاجة الى المدرس المذكور)

تخيلوا ... دة بس موقف من مواقف حكومتنا.... ساعتها بقى مين اللى راح يجيله نفس يعمل اللى ربنا يقدره عليه عشان يرتفع ببلدنا ... حكومتنا ضاغطة على نفسنا ... مش عارفين نتنفس... حرام بجد

لما تيجى تقولى مين السبب الحكومة ولا الشعب كأنك بتقولى مين الاول البيضة ولا الفرخة

و بس كدة خلص الكلام

[yasovinas]

مع احترامي لكل ما قيل عن امارة دبي وهذا الكلام المبالغ فيه جداً واسمحوا لي ان اوضح لكم نقطه هامه جدا

دبي المدينه لم تتغير واهلها اسوأ من اهل مصر المحروسة

انا اتكلم عن المواطنين من دبي والامارات الشماليه والتي تعتبر امتداد طبيعي لدبي كمدينه ولمن عاش في الامارات يعرف جيدا النظافه واحوالها في الشارقه خصوصا الزيدوما بعدها او في الفجيرة وراس الخيمه وعجمان ودبا الحصن وام القيوين

اما ما يحدث في دبي من نهضه عمرانيه فهي امر طبيعي للعائد الرهيب من البترول وايضا لمن يقارن دبي بابو ظبي فيجب علية ان يلقي نظرة على خريطة الامارات او يستشير اهل الخبرة في الامارات لان ابوظبي كميناء لا يمكن ان تكون ميناء عالمي او قابل للتصدير حيث ان تركيبة سواحل ابو ظبي صعبة جدا كميناء وطبعا الميناء يعتبر شريان اي منطقه تجارة عالمية

بالنسبة لسلوك الناس فيا من تصف الشعب المصري بما تصفه فسوف اطرح عليك وعلى الاخرين سؤال هل ترى المصري "حتى الصعيدي العامل الاجير الغير متعلم " هل هؤلاء المصريين المتواجدين هنا يمكن ان نصفهم بنفس صفات المصري في الداخل ام انه ملتزم بالقانون والنظام ويمكن نقول ان المصري هو اكثر شخص ملتزم ومحترم للقوانين خارج بلاده اي ان المواطن المصري ليس مهمل ولا قذر ولا سلبي بطبعه والا كان كذلك في اي مكان والدليل على ما اقوله الهنود والباتان هنا في الخليج السبب يا سيدي هو الحاله الاقتصادية والثقافه والظروف المحيطه

تحياتي