افيدوني افادكم الله

[DOLF]

السلام عليكم

برحب بكل المصريين المقيمين بقطر

انا احمد مقيم بقطر من سنة ونص

بشتغل مصمم جرافيك

جيت قطر على شركة كمبيوتر (صيانة كمبيوتر) وبعد سنة الشركة قفلت ونقلت كفاله

بس للاسف عندي مشكله مع الكفيل الجديد كنت اعرفه قبل ما انقل كفاله عليه كان راجل محترم وثقت فيه ونقلت الكفاله

وبعد نقل الكفاله رافض انه يكتب عقد بيني وبينه (شغال من غير عقد) واللي وعدني بيه قبل نقل الكفاله معملهوش وما وفاش بوعده ليا .

وبدأت شويه مشاكل

بس انا عايز اعرف القانون هنا يسمحله انه يكنسل مع انه مش جايبني من مصر

فيه ناس قالولي انه مش من حقه الكنسل عشان مش جايبك من مصر

فهل هذا صحيح

واعمل ايه اذا كنت عايز اسيبه لأنه موافاش بحاجه من وعده ولا عايز يكتب العقد اللي اتفقنا عليه وغير انه مش عايز يديني اي شي من حقوقي ولا تذاكر الطيران ولا السكن .وغير كل كلامه

يا ريت حد يفدني

[Emo]

كل اللي أملكه..ادعي لحضرتك ربنا ينصرك ويخدلك حقك منه..

وإن شاء الله الأخوة هنا يفيدوك..

[newcomer]

السلام عليكم

برحب بكل المصريين المقيمين بقطر

انا احمد مقيم بقطر من سنة ونص

بشتغل مصمم جرافيك

جيت قطر على شركة كمبيوتر (صيانة كمبيوتر) وبعد سنة الشركة قفلت ونقلت كفاله

بس للاسف عندي مشكله مع الكفيل الجديد كنت اعرفه قبل ما انقل كفاله عليه كان راجل محترم وثقت فيه ونقلت الكفاله

و عليكم السلام يا استاذ احمد

قانونا ....للأسف ما أقدرش أفيد

انسانيا....خلينى افكر مع حضرتك

حضرتك قلت....الكفيل راجل محترم....و ان حضرتك قضيت فى قطر سنة و نصف

منهم سنة مع الشركة القديمة

يعنى حضرتك يقالك مع الراجل الجديد ده كام شهر

خلينا نسبق بحسن النية.....يمكن لسه ما وفاش بوعده لعدم استقرار الاحوال الاقتصادية

يمكن بيشوف مدى كفاءة حضرتك فى الشغل

يمكن....حاجات كتير

اقصد .....حاول حضرتك تلتمس عذر للكفيل.....و فى نفس الوقت شوف امكانية

وجود شغل تانى....بس يا ريت ده يحصل بنفس هادى و من غير ما تكدر نفسك من ناحية الكفيل

على الاقل علشان تقدر تفكر

و أذكر نفسى و حضرتك ان المؤمن كيس فطن

و يارب اكون حاولت افيد......ربنا يصلح لك و لنا الامر كله