عاطف زايد: ساعات قليلة ويتضح الموقف النهائى للحضرى

[yogi yami]

أعلن الأستاذ عاطف زايد عضو مجلس إدارة النادى الإسماعيلى أن المفاوضات مع الحارس عصام الحضرى دخلت مرحلة الحسم، وسيتضح الموقف بشكل نهائى خلال الساعات القليلة القادمة بعد أن تم الوصول لمرحلة متقدمة من المفاوضات.

وقال زايد فى تصريحات اختص بها موقع إسماعيلى أون لاين "خلال الساعات القليلة الماضية عملنا فى صمت من أجل إتمام التعاقد مع الحضرى، وخلال هذا التوقيت دخلنا مرحلة الحسم تماماً وسيتضح الموقف بشكل نهائى خلال الساعات القليلة القادمة".

وأضاف زايد أنه فى حال إن كللت المفاوضات بالنجاح فستكون هذه الصفقة من أنجح الصفقات التى تمت منذ فترة طويلة، وأكد أنه ساعات قليلة وسيتم الإعلان بشكل رسمى عن كل شىء .

ونحن من جانبنا نتمنى أن تكلل هذه الصفقة بالنجاح وأن يوفق النادى الإسماعيلى فى إتمام هذه الصفقة.

[se_ Elsyed]

مبروك على الإسماعيلي ..

بس من خبرات السنين الرياضية .. مافيش لعيب بيبقى عنده مبدأ الهروب والجري وراء أي قرش زيادة .. بيعمر

وما فيش نادي . لا مؤخذه في الكلمة .. مش لاقي يدفع قيمة تجديد عقود لاعبية أو يتعاقد مع حارس مرمى جديد يسد فراغ الثغرات اللي موجوده عنده .. وبيروح يدور على حارس مرمى مهما كان .... عنده 38 سنة .. وهايدفع ملايين فيه وكل ده عشان يكيد النادي الاهلي فقط لا غير ... وينجح هذا النادي

وكمان مافيش لعيب هربان مازال يلعب ببطاقة مؤقتة .. يستطيع ان ينتقل لنادي أخر .. وإلا كان قدر ينتقل لأي نادي أوروبي أخر ..

وهايبقى شكلهم بايخ بايخ زي شكل ممدوح عباس لما كان كل شويه يطلع يكلمنا عن صفقات سوبر وبمونت وفي الأخير تنزل على فشوش ...

وأستعجب من نادي الإسماعيلي اللي فيه عيون تستطيع إنتقاء المهارات والمواهب من الأقاليم وتلمعها وتقدمها لعالم كرة القدم .. أستعجب إزاي ما يعرفوش يختاروا حارس مرمى شاب .. وبقى لهم سنين طويلة بيبدلوا ما بين محمد فتحي ومحمد صبحي والأتنين أسوء من بعض ...

كذلك كان هناك كلام عن إنتقال نور صبري حارس مرمى منتخب العراق وهو حارس جيد جداً .. أين ذهب هذا الكلام ..

كل التمنيات بالتوفيق لجميع الأندية المصرية اللي المفروض يبقى إختيار اللاعبين فيها بطريقة افضل من كده .. خصوصاً إن الإسماعيلي ميزانيتة لا تتحمل خسارة ..

[ghallab]

انا نفسى الاسماعيلى يشترى الحضرى علشان يبقى اعلن رسميا فشل تجربه احترافه اللى كان واجع دماغنا بيها و يعرف الفرق بين ايام الاهلى و ايام الاسماعيلى و اشوفه فى ماتش الاهلى و الاسماعيلى حيبقى عامل ازاى

[se_ Elsyed]

لو دخلت على أي موقع إسمعلاوي الان ستجدهم يتحدثون عن مأساة تدبير الراتب الشهري للمدرب البرازيلي ريكاردو ويبلغ 30 ألف يورو ... يعني بنتكلم في مبلغ ربع مليون جنيه شهري وكان رئيس النادي الإسماعيلي أبو الحسن قد وعد بتحمل المرتب في الثلاثة شهور الاولى فقط ومن بعدها على النادي أن يتدبر امره وقد أنتهت المهلة ..

وحتى الأن لم يتدبر النادي أمره

يبقى إزاي هايدفعوا 600 ألف يورو .. يعني حوالي 4 مليون ج ونصف لنادي سيون مقابل إنتقال الحضري ؟

إذاً هي عملية إدارة في الأول والأخر

وممكن يعندوا ويقولك نفتح حملة تبرع من محبي النادي !!!!!!!!

طب ده عظيم جداً ... بس ما الأولى تتبرعوا للنجوم الموجودين حالياً في النادي ومستحقاتهم متأخرة او عقودهم قاربت على الإنتهاء وهما مش عارفين راسهم من رجليهم !!!!!!!!!!!

شوية عقل يا ناس ...

[النسر المصري]

اييييييييييييييييه دونيااا يابو الاسياد.... سيادتك بتقول حكم......بس مين يسمع!!!!

تعرف ان فيروز فضلت تعيط طول ماتش الاسماعيلي والاهلي لحد لما بركوته جاب الجون ولاقيتها فجاه سكتت وقلبت ضجك ولعب....

البت دي دمها حامي احمراوي زي ابوها يا ريس!!

[ziad]

وصف مصدر مسئول بالنادي الأهلي مفاوضات النادي الاسماعيلي مع نادي سيون السويسري من أجل التعاقد مع حارس المرمى عصام الحضري بأنها تشبه شراء السمك في الماء في اشارة الى الضرر الذي سيلحق بالنادي المصري من ضمه للاعب.

وأضاف المصدر أن قرار الفيفا الخاص بقضية عصام الحضري سيصدر في الأسبوع الأول من شهر فبراير وأن اللاعب سيتم ايقافه لفترة وهو ما سيؤدي لخسارة النادي الاسماعيلي بسبب عدم استفادته من التعاقد مع اللاعب.

وقال المصدر أن النادي الأهلي مستمر في متابعته لقضية اللاعب وأن سعيه للحصول على حقه لا علاقة له على الاطلاق بانتقال اللاعب للاسماعيلي من عدمه وانما هو خاص بالحفاظ على حقوقه لدى اللاعب ونادي سيون السويسري.

وكان عصام الحضري قد ترك النادي الأهلي هارباً الى سويسرا للانضمام لنادي سيون السويسري محاولاً استغلال المادة 17 من قانون الاتحاد الدولي لكرة القدم ولكنه أساء استخدامها مما يعرضه للايقاف من قبل الاتحاد الدولي.

[شاب مصري]

[حسام يوسف]

اللى مش فاهمة

الحضري راح سيون وساب الأهلى وهوة فايز مع الاهلى ومنتخب مصر ببطولات تسد عين الشمس

بكام؟

بربعمية ألف دولار

ودلوقتى سيون عايز يبيعة للاسماعيلى بمليون ونص يورو

ياريت حد من الأخوة المتخصصين فى علوم الأرقام يفهمونى

والثواب عندالله

تم تعديل 25 يناير 2009 بواسطة حسام يوسف

[Alnasria]

وفيها اية يعنى لما الاسماعيلى يشترى الترماى مرة مهو الاهلى كل شوية يشترى الترماى من الاسماعيلى ولا هى الكحكة فى ايد اليتيم عجبة lo:: :D :lol: اسمعلاوية ممممممممممممممممممممممممممممممممممممممممممموووووووووووووووووووووووووووووووووووت