ابنى فى بدايةالمراهقة اتعامل معاة ازاى؟؟

[ذهبية]

لدى ولدين الاول 12 سنةوالثانى 11 سنة فرق سنة واحدة فقط و وما ادراكم كم العذاب فى تربيتهم

ابنى الاكبر بدا فى فترة المراهقة اتغير تمام و بالتالى الاضغر اتغير ايضا

بعد ان كان يضرب بيهم المثل فى الاخلاق و التربية انقلب الحال و لا اعرف كيف اتصرف معاهم

بدا الشخصية العند و المقارنة و لية و اشمعن و ابعدى اخويا عنى مش طايقة دة ضربنى لازم اضربة

وتعلية الصوت و ازاى حد يضربة لازم ياخد حقة انتى خليتة اخويا لية مش عايزة يارب اخلص منة

فعلا تعبت طوال اليوم فى حوارات طويلة لا نهاية لها

لا يوجد حب بين الاخين بل يوجد تنافس و عداء وغيرة

مش عارفة اتعامل معاهم ازاى ازاى اخليهم يحبوا بعض انا فعلا قلقانة لية مش زى بقية الاخوة اللى بيحبوا بعض و يدافعوا عن بعض

ازاى اتعامل مع ابنى الكبير اللى حاسس انة بقى كبير و عايز يمشى كلامة على اخوة و علينا احنا كمان

فعلا الاطفال اليومين دول صعبين جداااو الدش و قنوات التليفزيون والعاب الكمبيوتر اللى كلها عنف اثرت على تفكيرهم و عقليتهم

انا مش عارفة اتعامل معاهم ارجو المساعدة من اهل الخبرة

[زهرة الجبل]

الأخت الكريمه ذهبيه

كتبت لك رد طويل و قبل نشره ... ذهب بلا عوده !!

على كل حال سأحاول إستعادة ما كتبته

بداية أنا لست ذات خبره كبيره بالموضوع لأن أولادي لم يصلوا لسن المراهقه بعد

لكن يمكنني إفادتك ببعض الخطوط العريضه التي أعرفها

بداية صفة العند لدى المراهق _ خاصة المراهقين الذكور _ تكون بهدف إثبات الذات مدفوعه برغبه في الشعور بالإستقلاليه

إذن فالتعامل مع العند بالعند لن يجدي نفعا إطلاقاً حتى و لو كنتِ أنتِ على صواب و حتى و لو علِمَ هو أنه على خطأ

الحل الأمثل بالتفاهم و الحوار بحيث تقدمي الحوار لطريق يصل المراهق به لإدراك الخطأ دون إشاره مباشره منك لهذا الخطأ

هناك نقطه أخرى أعتقد أنها في غاية الأهميه

إياكِ و إنتقاده أمام الآخرين .. حتى و لو كان والده مثلاً أو أخوه ( فما بالك بقريب أو قريبه أو جاره مثلاً )

بل على العكس تماماٍ .. إستخدمي إسلوب الإحراج الذي كثيراً ما يجدي نفعاً مع هذه السن الحرجه .. ألا و هو مثلا أن تتعمدي ذِكره في حوار يدور بينك و بين الطرف الآخر من الحديث _في وجود هذا الإبن طبعاً_ثم تقولي: ( مثلاً ) : ده إبني فلان ربنا يحميه عمره صوته ما علا عليا ..أو .. ربنا يبارك لك طول عمره مريح قلبي و راضيني ..أو .. ربنا يكرمه دايماً حنين مع إخواته و علشان كده هم روحهم فيه .. أو .. أو .. و الأمثله كثيره على حسب النقطه التي تريدين إصلاحها فيه

أما في حالة رغبه منك في إبلاع الوالد بأمر ما يخص إبنه أو ضرورة إشراكه في تقويم سلوك معين له .. فليكن الأمر بداية بينك و بين الوالد ثم ترك الوالد ليتعامل بهدوء وحده مع إبنه .. بحيث تجنبوه الشعور بالإتفاق عليه و بذلك يكون أكثر تقبلاً للتقويم

نقطه أخرى أيضاً : حاولي عدم إظهار خيبة الظن منه أمامه أبداً فخيبة ظنك به إن أصبحت صوره مغلبه في ظنه فسيصبح لسان حاله ( أنا كده و مفيش حل غير كده و هو ده الموجود )

بينما _و على العكس من ذلك _ إن أصبح الإنطباع العام لديه أنك دائماً تتوقعين منه الأفضل و تنتظرين منه الصواب .. سيخلق ذلك عنده شعور بالرغبه في الحفاظ على تلك الصوره و محاولة التمسك بهذه الصفات الجيده أو الإتصاف بها

أيضاً قد يكون البعد عن صيغة الأوامر في هذه المرحله مفيداً و بالأخص النهي ..

مثلا: بدلاً من أن تقولي له .. بطل تضرب أخوك و بطل تعامل أخوك بالطريقه دي و .. و .. - جربي في وقت بعيد عن وقت خلافهم سوا تقولي مثلاً : يا ريت تقرب من أخوك أكتر و تصلحوا علاقتكم مع بعض .. حاول تكون صديقه ... و هكذا

و ربنا يعينك و يهديهم و يصلحهم و يبارك لك فيهم يا رب

أنا متأكده إن الأخوات و الإخوه الأكبر خبره في هذا المجال سيفيدونك أكثر

خاصة الأخت أم بلال ربنا يبارك لها

و في لها موضوع بعنوان : صراع الأخوه .. الأسباب و العلاج .. أعتقد يتعلق بشق من مشكلتك أتمنى يفيدك

إتفضلي رابط الموضوع :

undefined

و أنا قمت بالبحث على النت في الموضوع و وجدت هذا اللينك أتمنى يفيدك .. تفضلي :

undefined

و أخيراً طبعاً ربنا هو الهادي ربنا يكرمك فيهم يا رب

تقبلي تحياتي

أختك أم كريم

تم تعديل 25 يناير 2009 بواسطة زهرة الجبل

[se_ Elsyed]

خدي يا ذهبية الموضوعين الخطيرين دول .. إقرائيهم قبل الأكل وبعد الأكل .. ونشوفك يوم الإتنين الجاي

إبني مراهق يا ناس

أنا وجونيور إبني والعيشة واللي عايشينها

[زهرة الجبل]

إضافه إخرى سريعه يا أخت ذهبيه :

تجنبي تماماً ذكر محاسن أحد الإخوه أمام الآخر بغرض المقرانه لإثبات أن الآخر أفضل

لأنك بهذه الطريقه تخلقين الجو الشائك بينهما بنفسك و بدون أن تشعري بذلك أو تقصديه

فضلاً عن أن هذه الطريقه لن تجعله يتشبه بأخوه في الصفه الجيده أو يترك الصفه السيئه التي تكلميه عنها .. بل على العكس سيتمادى بها حتى يثبت أنه شخصيه مستقله لا يمكن تشبيهها بأخرى أو تطبيعها مع أخرى

و طبعاً الكلام نفسه لا ينطبق على مقارنة الأخ بأخيه فقط .. بل بأخيه أو بأحد أصدقائه أو أحد الجيران أو الأقارب أو ما شابه

قد يفيد الكلام عن الشخص الآخر و ذكر محاسنه أمام الإبن ... لكن أبداً ليس بأسلوب المقارنه ..

أي أن إختيار الوقت المناسب للتكلم عن صفه معينه (في أحد الأقارب مثلاً) بحيث يكون هذا الوقت بعيد عن وقت تصَرف الإبن فيه بشكل يفتقر لهذه الصفه .. هو أمر مهم جداً حتى أبتعد عن المقارنه

(يعني ماجيش أنا و هو لسه معلي صوته عليا أقوم أقول ده إبن عمك فلان طول عمره يكلم مامته و باباه و عينه في الأرض .. ممكن بكره أو بالليل المهم بعد فتره زمنيه كافيه و بحيث يكون الكلام وصل لإبن العم ده بشكل سلس متدرج طبيعي في الحوار مش ظاهر منه إن هو ده المقصود أو إني بدسه في الكلام بالعافيه علشان أقارن و أقول هو أفضل منك و إنت أسوء منه )

يا رب كلامي ينفع و يفيدك و ربنا يعينك

أم كريم

[السويفي]

السلام عليكم

هذه نصيحه من مراهق لسه فاكر

اولا اولادك لم يصلو لمرحله المراهقه بعد يعني لما بدؤا يشترو ملابسهم لوحدهم وتكون غريبه وقصات الشعر كذلك ويكون لهم خصوصيات يخفونها وبعض التصرفات ت الغريبه

حينها يكونو في بدايه سن المراهقه

نصيحه من ابنك:

راقيبيهم من بعيد ولا تحاولي فرض رأيك لانه ان استجاب له امامك سيخالفه من خلفك

احذري من السجائر

حاولي اشراكهم في اي نشاط رياضي مستمر يشغلو به اوقاتهم

لا تفزعي اذا اكتشفت ان ابنك يحاول الوصول الي بعض المواقع الاباحيه فهذه طبيعيه ولكن حاولي مراقبته ومنعه من بعيد وليس بشكل مباشر

حاولي تصنيف اصدقاءه وحاولي تقريبه لاحسنهم اخلاقا كأن تشترطي عليه اذا اراد ان يعمل كذا فستفعله مع فلان

التربيه قبل المراهقه تحدد ماذا سيفعل المراهق في هذا السن

اعطي لابنك بعض الحريه في الاختيار والتعلم من اخطاءه (ليس حريه كامله)

تنتهي المراهقه في نهايه مرحله الكليه

ابنك او اخوك الصغير 25 سنه

[ذهبية]

ارائكم اكثر من رائعة شكرا لك يا زهرة الجبل على كلامك الرائع و اللنك الجميل عجبنى جداااا و طبعا الف شكر على كلامك يا سى السيد و على اللنك الرائع افدنى جدا و عجبنى جدااا تصرفاتك الاكثر من رائعة واللى بتتسم بالذكاء مع ابن اختك الضغير

شكرا لك يا ا خى الضغير السويفى وعلى مشاركتك

انا فضلت اقرا كل تعليقاتكم و عمالة اقول فى سرى انا هاقدر اعمل زى ما بتقولوا كدة هاقدر اتحكم فى اعصابى زيكم كدة هاقدر اتحمل التصرفات دى وانا حاطة اعصابى فى تلاجة علشان ما يزيد العند

دى مش قلة حيلة منى لانى و الحمد الله بالرغم انى اتجوزت بدرى و فرق السن بينى و بين ابنى مش كبير و فعلا انا باعتبرة صديقى لان الولد ما شاء الله ذكى و شاطر ولان كل صديقاتى و كل عائلتى الحمد الله يقولوا ان لى طريقة مقنعة جدااا فى الحوار و مفيش اى حد الحمد الله بياخد راى فى شىء الا يقول ان راى سديد و عاقل

الفكرة فعلا ان اللى فى ايدة فى المياة مش زى اللى ايدة فى النار ياعنى يا سى السيد اللى انت عملتة مع ابن اختك و تصرفك الحكيم ياترى هتقدر تعملة مع ابنك كدة لما يوصل فى سنة هتقدر تاخدة بالراحة و على الهادى قوى كدة و هو مش عايز يسمع كلامك و بيعمل العكس و مش عايز يذاكر ولا يروح الامتحان

الفكرة ان الواحد عارف كويس جداااا التصرف السليم بس علشان هو ابنك مش ابن اى حد تانى حتة منك ثروتك فى الحياة اللى بتتعب علشانة بتلاقى نفسك كل المقولات دى اتبخرت

بتلاقى نفسك عقلك وقف و قلبك بيوجعك و خايف علية من الزمن اللى احنا فية الان

انا طبعا هاقرا كل تعليقاتكم مرة و اتنين و تلاتة واى عضو يقرا الموضوع و يفدنى بخبرتة لان فعلا الكلام العملى احسن بكتير جدا من النظرى خاصة ان المواقف تكاد تكون متكررة بحكم اننا مجتمع واحد و بيئة واحدة

و انا نفسى اسالك يا سى السيد ياترى ابنك انت لما يوصل للمراهقة و اعتقد من اللى قريتة من تعليقك انة قريب جدا منها هتقدر تتعامل معاة زى ما اتعاملت مع ابن اختك؟؟؟

[se_ Elsyed]

و انا نفسى اسالك يا سى السيد ياترى ابنك انت لما يوصل للمراهقة و اعتقد من اللى قريتة من تعليقك انة قريب جدا منها هتقدر تتعامل معاة زى ما اتعاملت مع ابن اختك؟؟؟

لما يوصل ؟!!!!

ده إنتي طيبه قوي ...

يا ست جولدن إبني عنده 8 سنين ومطلع عين اللي جابوني من دلوقت ...

وزي ما قلت لك .. زمن الكتنولوبيا اللي إحنا عايشين فيه ده .. خلي العيال تستوي عقلياً بدري بدري ..

بالفعل عُمر بدأ يبقى له شخصية ورأي مُستقل وبيشتغل لي بطريقة خالف تُعرف ....

ولأن ميزان القوى عندنا في البيت به خلل إستراتيجي .. يعني عشان كلنا رجالة وبنقف وقفة رجالة وما عندناش من الصنف التاني إلا الغلبانه أمهم بس .. فتلاقي البيت مختلف شوية وبه ما يُشبه حرب عصابات وميشليشات عسكرية وحاجات من دي ... والست يا عيني بقت تمشي تكلم نفسها من شقاوتنا .. قصدي من شقاوتهم ..

ولازم نستحمل ... إنتي عارفه طريقة لعب الصبيان .. كلها ضرب وطحن ونشاط وتكسير .... هما طبيعتهم كده غير البنت اللي بتقعد على جنب في حته ناشفه وتقعد تسرح لعروستها وتكلمها وعايشه في دور فاتن حمامه ... لأ يا ماما إحنا ما عندناش كده .. والصبيان بيعيشوا بمبدأ البقاء للبلطجي

والواد حاطط راسه براسي وفاكر نفسه راجل ... والله إمبارح لسه هو قاعد على الكمبيوتر بتاعه لإن عنده إختبار منتصف العام كمبيوتر النهاردة .. وأنا قاعد بأشتغل على اللاب توب .. وهو بقى قرفان قرف الدنيا كلها .. وباسأله مالك يا عُمر ؟ يقول لي : أنا زهقت من جهازي العادي ده .. إمتي هايكون عندي لاب توب زيك ؟ وخدي عندك بقى برفاناتي وأقلامي والحاجه الوحيدة اللي لسه ما سلكهاش مني هي كرفتاتي ..

بس بأمانة ... صعب قوي قوي قوي الست تربي صبيان لوحدها في ظل عدم وجود الأب اللي بيُمثل السلطة الحاكمة المستبدة حتى بدون ان يستخدم العنف ... ومهما كانت الام إمرأة حديدة أو حتى زينه اللي كانت بتطلع في المسلسل زمان وتدمر الاعداء بالقبضة النارية أو الإعصار المتحول برضوا العيل لو شب عن الطوق وبقى إسم الله عنده 12 سنة كده هايكون اقوى منها .. عنداص وجسداً

بس شوفي بقى الطريقة السينسينية اللي أفتكستها من حوالي 3 أسابيع وخليت عمر وعلي يمشوا على الصراط المستقيم - حتى الان -

من فترة كده كنت في السيارة وأستمعت لبرنامج على إذاعة القرآن الكريم إسمه " بيوت مطمئنة " وكانوا بيتحدثوا عن محفزات السلوك الجيد عند الاطفال وان احنا لازم نبتكر طُرق لتحسين وتطوير سلوك الأطفال إلخ ....

المهم .. ما كدبتش خبر وروحت جري على جهاز الكمبيوتر وصممت ورقة على الإيكسل فيها التاريخ .. والسلوك المطلوب ... وعدد الأيام ... ما أطولش عليكي ... عملت النموذج المرفق ده

** ّ ** جدول المكافآت الأسبوعية ** ّّّ**

( حقوق الملكية الفكرية محفوظة لمطابع س س وأولادة بالاميرية )

وروحت رايح المحل المُفضل بتاعهم اللي إسمه والعياذ بالله " تويز أر أص " وجايب لهم لعبيتن واحده حلوه .. والتانية نص كم .. على اساس الجايزة الأولى والتانية لازم يبقوا مختلفين ومش على نفس الدرجة ... وبدأت من اول الإسبوع روحت معلق جدول النبطشيات ده على باب الأوضة بتاعتهم ... وروحت شانق الهديتين الملفوفين جيداً لعدم إظهار محتواهم .. روحت شانقهم في النجفة اللي في أوضتهم عشان تبقى قدام عينهم في الرايحة والجاية ونوع من أنواع السسبنس .. وقلت الهدايا مش هاتنزل إلا أخر الأسبوع في حفل إعلان الجوائز .. وأصحابك بقى كانت هاتتلقع لهم عين ويعرفوا إيه الهدايا دي .. طب قول لينا أول حرف من إسمها .. طب خلينا نعرف الهدايا هي إيه وإحنا هانبقى كويسين ؟ ..

وبقيت كل يوم أروح أخد تقارير مفصلة من قائد الجبهة الداخلية اللي هي أمهم ... مين صلى ومين ذاكر ومين قعد يرسم ومين نام بدري إلخ .. وأصبحت هي تشتكي إنهم بقوا يضربوا بعض للتسابق على مين اللي يساعدها في شغل البيت أو مين يلعب مع أخوه البيبي اللي بيأوأ طول اليوم ..

وبقيت اجي في أخر كل إسبوع أجيب لهم بعيد عنك تورته ... ونعمل حفل عائلي على الضيق ونصور فيدوي وحركات لإعلان الجوايز ...... وأهي ماشية وبتُرزق والحمد لله .. والوضع على الجبهة الداخلية هاديء حتى الأن ..

ولنا عودة

[ابو حودة]

كلام سي السيد جميل وتمام التمام

لكن المشكلة ان الحاجات دي ممكن تطبق لو كان الاطفال ( الملايكة ) كبار شوية لكن لو كانوا في سن 6 و3 سنين صبعة شوية

وحكاية شنق الهدية في النجفة دي

انا خايف لو عملت كده ممكن ياخدو أمهم رهينة ويتصلوا بي على الموبايل علشان ارجع البيت وافتح لهم الهدايا والا يقوموا بالتصفية الجسدية زي سرحان ونفيسة

بجد الاسلوب ده ممكن ينفع مع الاطفال في السن الصغير اللي قلت عليه

[se_ Elsyed]

لكن لو كانوا في سن 6 و3 سنين صبعة شوية

إزيك يابو حوده ؟ وأخبار حوده إيه دلوقت ؟ cof):

يا عم ما هو علي إبني عنده 6 سنين ..

وهل تعتقد إن طفل عنده 3 سنوات ما يعرفش يعني إيه هدية أو يعرف يعني إيه يسمع كلام ماما ؟ دول عارفين الكُفت يابا ( الكفت هو زوج الكفتة )

بس أهم شيء إن النموذج المرفق ده كل واحد ممكن يعمل له Customization على مقاس عياله ... فمش معقول أقول للولد اللي عنده 3 سنين إقرأ قصص أو إسمع موسيقى ... يعني

بس أنا فرفرف على نفسي من الضحك لما قرأت لك

لكن المشكلة ان الحاجات دي ممكن تطبق لو كان الاطفال ( الملايكة )

بعون الله ومش شكر في قدراتنا ولا تفاخر في إمكانياتنا ...

عُمر إبني تتفات له بلاد يابا ... والشياطين بتنادي له وتقول له يا أونكل

حضرتك أنا بمعدل مرتين تلاتة شهرياً بيجيلي إتصالات من المدرسة عشان يقولوا لي تعالى خد إبنك اللي طايح ضرب في العيال .. وأخر مره من شهر دخل معركة إتبطح فيها وروحت لقيت دماغه متغرقة ميكروكروم وكان في إصابات في معسكر الأعداء برضوا .... وأهي ماشيه

[ذهبية]

و الله افكارك ذهبية يا سى السيد و اكثر من رائعة و بجد ضحكت جداااا من مغامراتك انت و عمر و من مرونتك و تغير تكتيكاتك و استراتجيك بتغير السن و العمر و الموقف و بالذات موضوع النجفة دى دة انا اللى هو انا كان نفسى اعرف العلبة فيها اية بس اوع تقول فيها فيل

و الله بجد مفكرتش تكتب كتاب عن مغامراتك انت و عمر دة انت فى كل يوم فيلم لوحدة و طريقة سردك و اسلوبك بتعيشنا معاكم فى البيت

طبعا انا عندى النسخة المكررة زى اللى عندك كدة مفيش عندنا بنات يعنى انا الضحية فى البيت و عليهم اخواتى الصبيان و ابويا بحكم ان ماما متوفية وانا البنت الوحيدة ومعاهم جوزى فانا بقى مسمية نفسى ست و 6 رجالة كناية على المسلسل اياة

و ما ادراك بقى العصابة دى عليا لوحدى والحمد الله انى لسة عايشة بدون اصابات ميمنعش يعنى انى كل يومين تلاتة ازن على جوزى يودينى عند اى دكتور نفسانى يكتب ليا مهدىء او منوم اخدة علشان اعرف اكمل و اتعامل مع الضغير و الكبير تصدق لاقيت حاجة لذيذة جدا ان اخواتى الصبيان و ابوياو عليهم جوزى والعيال كلهم عيال و نفس الدماغ

شوفت بقى انا باحارب فى كام جبهة

انا هاجرب فكرتك بتاعة النجفة دى عجبتنى جداااا و الجدول اليومى مينفعش جدول يومى لابوهم بالمرة و يبقى الجدولين جنب بعض كدة حلوين ومنورين البيت

فى انتظار اخر مغامراتك مع عمر و ياريت تقولى انت بتعرف تخلية يحب المذاكرة ازاى و يقعد على الكتاب ازاى طبعاانت عارف الصبيان مش زى البنت تخاف من الميس و تجرى تقفل الباب على روحها و ما تسمع ليها صوت دول بقى المستر اللى بيخاف منهم

ازاى بتعرف تخلية يقعد على الكتاب بدون اصابات و لا معارك و لا من غير ان العمارة كلها عرفت ان ابنك داخل يذاكر

[se_ Elsyed]

فى انتظار اخر مغامراتك مع عمر و ياريت تقولى انت بتعرف تخلية يحب المذاكرة ازاى و يقعد على الكتاب ازاى طبعاانت عارف الصبيان مش زى البنت تخاف من الميس و تجرى تقفل الباب على روحها و ما تسمع ليها صوت دول بقى المستر اللى بيخاف منهم

ازاى بتعرف تخلية يقعد على الكتاب بدون اصابات و لا معارك و لا من غير ان العمارة كلها عرفت ان ابنك داخل يذاكر

الحمد لله رب العالمين .. أنا زوجتي تخصص إنجليزي والماني أساساً ... وهي اللي بتشيل الليلة كلها ... بس بتيجي أول كل سنة ( عُمر بقى له في الدراسة 5 سنوات دلوقت من النيرسيري وجي كي ون وبعديت تو وجريد ون وهو دلوقت في تو ) فزوجتي بتيجي أول كل سنة تضع معاهدة سلام وتُملي عليه بشروطها إن علي مذاكرة بعض المواد لهم وهي عليها الباقي أو على الأقل أذاكر لـ علي .. وبأوافق وبأبصم .. وبعون الله من أول إسبوع بأتنصل من جميع تلك الأتفاقيات .. لإني ببساطة لست عضو في الأمم المتحدة ...

بس غصب عني شيلت الفرنساوي عشان هي ما درستوش خالص ... إنت كمان إيه .. عُمر عامل فيها قرد وبيتنطط عليها بكام جُملة حافظهم وعارف إنها مش هاتقدر ترد ..

أتذكر أخونا العزيز " شرقية " اللي واحشني جداً وياريت يوصل له كلامي ده ... جاء في زيارة عمل للسعودية من فترة وتقابلنا سوياً ومعنا أخونا أسد وإبننا هاندي كرافت ... وكان عمر معانا في القاعدة دي ... وعُمر حب يتنطط على عمه شرقية بكام كلمة فرنساوي .. أتاري شرقيه طلع ولا فرانسو ميتران ما شاء الله .. ولقيت وش صاحبنا عمر جاب ألوان ولا عرف يرد وسكتم بكتم ..

بس على قد كده هو الحمد لله ذكي ... وطالع نسخة بالكربون من طباعي بالوراثة والله وليس بالتعلم ... يعني أنا كنت في سنوات الدراسة لا اطيق الجلوس نص ساعة على بعضها للمذاكرة ... وأكتفي بشرح المدرسة .. ويادوب أروح البيت أعمل شو كده وخلاص .. وعُمر كذلك برضوا .. بيقعد مع مامته ويغلبها شويتين لو المدة طولت وبيزهق بسرعة ...

طب إسمعي القصة دي ..

عُمر طالع مثلي بيهتم بمظهره وهدومه وكده ...

بس لإنه هو وأخوه - وأبوه - رجاله ... بييجوا من بره ويغيروا هدومهم ويشطوحوها في أي حته وزي ما تيجي بقى . فوق الدولاب ... تحت البوتاجاز كده يعني ... وبالرغم من إن مامتهم قالت لهم بالحُسنى كذا مره إن كل واحد ييجي من بره يضع هدومه في دولابه الخاص وهكذا ...

ونحن( قصدي هما ) لا حياة لمن تنادي ..

لحد ما جت من قريب كده راحت ماسكه هدوم المدرسة ... وفي حاجه كده إسمها غريب بيقولوا عليها ملابس الـ PE .. يعني هدوم الألعاب بالإنجليزي .. ترنج وحركات من دي .. وراحت مهدداهم إنها هاترمي جميع ملابسهم خارج الشقة عشان القطط تعمل عليها بيبي ومش هاتغسلها ويروحوا كده المدرسة وزمايلهم يقرفوا منهم ...

علي .. حساس جداً وبيعيط من الهوا الطاير راح معيط وقالها لأ وقعد يسترحمها ..

عُمر .. جبله وقلبه ميت ( والله العظيم أنا أهو قد الحيطه بأخاف من منظر الفيران واعترف بذلك .. وده لو شاف فار بيروح هاجم عليه ولا يهمه ) .. فضل أخينا يضحك ويكركر ويفتكر إن مامته بتهدد وتتوعد زي العرب ما بيعملوا في القمم العربية

اتاري أمه واخده القرار وبالفعل نفذت وراحت رمت كل هدومهم جنب صندق الزبالة ( وأنا بأضحك ومش عايز ابين لهم إن الموضوع تهريج ) ... إلا والاقي لك دول إنهاروا وهاتك يا عياط ويتشعبطوا في أمهم ويوعدوها إنهم هايبقوا منظمين بس ما تخليش القطط تبهدل هدومنا .. وخصوصاً عُمر .. شوية كده وراحت سمحت لهم يطلعوا يلموا هدومهم من الزبالة ... ومن ساعتها إتعلموا ادب القرود وكل واحد بيضع ملابسه في المكان المخصص لها ( إلا أنا طبعاً حيث أنني قوة رأسمالية متحكم لا يُستهان بها .. واساساً أساساً أنا اللي بأشتري الهدوم دي )

[ابو حودة]

بركاتك يا سي السيد

الخطة نجحت مع الكبير قوي يعني في يومين اثتين بقى عامل عشرتاشر صح كل ما يدخل الاوضة ويخرج يقول بابا ان علمت صح اقوله روح اكتب بنفسك في الجدول صح المهم الموضوع نجح وبقى فرحان بيه ومستني اخر الاسبوع

بس الصغير ( الارهابي الصغير ) لا حياة لمن تنادي

وفي حاجة تانية الموضوع ده خلى كل واحد فيهم عاوز التاني يعمل حاجة مش صح علشان يتكتب في الجدول

ربنا يهدي

[tarek hassan]

فيه حاجة بسيطة جدا إضاقة لما تفضل به الأخوة

1- وهي العدل بين الأبناء

- في العطاء المادي

- في العطاء المعنوي

وعدم العدل يوجد العداوة بينهم لا قدر الله

وأحيانا قد يكون ظاهر الأمر بين الأبناء بخلاف الباطن

[se_ Elsyed]

بركاتك يا سي السيد

الخطة نجحت مع الكبير قوي يعني في يومين اثتين بقى عامل عشرتاشر صح كل ما يدخل الاوضة ويخرج يقول بابا ان علمت صح اقوله روح اكتب بنفسك في الجدول صح المهم الموضوع نجح وبقى فرحان بيه ومستني اخر الاسبوع

بس الصغير ( الارهابي الصغير ) لا حياة لمن تنادي

وفي حاجة تانية الموضوع ده خلى كل واحد فيهم عاوز التاني يعمل حاجة مش صح علشان يتكتب في الجدول

ربنا يهدي

خليك ماشي على العلاج وأشوفك يوم الإتنين الجاي بس ما تاكلش لا سمك ولا بيض :rolleyes:

إنزل يا بو حوده هات تورتايه وأمرك لله واعمل حفل التخرج قصدي توزيع الجوايز .. وشوف رد فعل الصغير لما يشوف أخوه الكبير اللي سلوكه كويس أخد الجايزة وهو طلع من المولد بلا حمص .. هاتلاقيه يغير منه ويصلح من نفسه الأسبوع القادم ...

( إوعى تكون طبعت الجدول ومكتوب عليه عُمر وعلي .. وولادك إسمهم محمود ومحمد :blush2: :blink: )

[ابو حودة]

ولادي اسمهم كريم ومحمود

[عبير يونس]

موضوع قيّم جدا

و خبر ات الحقيقة :closedeyes:

ابني الكابتن المبجل الخديوي روقة

حيتم 11سنة الاسبوع الجاي بعون الله

و بجد خنقني بمراهقته المبكرة

اللي ابتدت من السنة اللي فاتت

و تعمقت اوي السنة دي

عيد ميلاده 30 نوفمبر

و من اول الشهر لازم كل يوم يكلمني على هدية عيد ميلاده

( عايز بلاك بيري أصلي) كنت جبت له من سنة واحد صيني من ابو 250 ريال

و زي الفل والله

بس هو عايزه عشان يعمل تشات مع اصحابه

حاولت اقنعه اجيب له لاب توب احسن ( طبعا عشان يعتق اللاب توب بتاعي :blush2:)

شوية يقول طيب

و شوية يقول لي لا بلاك بيري

و وقت يقول لي الاتنين :blink:

الوقت ازف و باقي من الزمن اسبوع

و انا بصراحة باتلكك له عشان مجيبش حاجة هههههههههههههه

الجديد فيه السنة دي انه مزودها اوي مع المدرسين

و بيضرب زمايله

الكل بيشتكي لباباه منه

و باباه واخدها مسألة إحراج

و انا شايفة غير كده

فيها ايه يعني انه بيقوم من مكانه؟؟؟

ابني قائد بطبعه

و ما ينفعش يتقال له اقعد يقعد

لازم يتم تكليفه بمهام

بس مدرسينه من جيل عفا عليه الزمن

من اللي عايزين الولد يقعد ما يتحركش لحد ما يقولوا الكلمتين و يمشوا

و للأسف باباه ضده

و كتير باختلف معاه

ان الولد اهم من زمايله المدرسين

و مفيش فايدة

بجد الحمل تقيل اوي على الولد

اذا سكت باباه يقوله خرع

و اذا خد حقه يقول له حتجيب لي مشاكل

أريد حلا

وش أمينة رزق في فيلم أريد حلا

:sad:

[عماد حمدي]

موضوع قيّم جدا

و خبر ات الحقيقة :closedeyes:

ابني الكابتن المبجل الخديوي روقة

حيتم 11سنة الاسبوع الجاي بعون الله

و بجد خنقني بمراهقته المبكرة

اللي ابتدت من السنة اللي فاتت

و تعمقت اوي السنة دي

عيد ميلاده 30 نوفمبر

و من اول الشهر لازم كل يوم يكلمني على هدية عيد ميلاده

( عايز بلاك بيري أصلي) كنت جبت له من سنة واحد صيني من ابو 250 ريال

و زي الفل والله

بس هو عايزه عشان يعمل تشات مع اصحابه

حاولت اقنعه اجيب له لاب توب احسن ( طبعا عشان يعتق اللاب توب بتاعي :blush2:)

شوية يقول طيب

و شوية يقول لي لا بلاك بيري

و وقت يقول لي الاتنين :blink:

الوقت ازف و باقي من الزمن اسبوع

و انا بصراحة باتلكك له عشان مجيبش حاجة هههههههههههههه

الجديد فيه السنة دي انه مزودها اوي مع المدرسين

و بيضرب زمايله

الكل بيشتكي لباباه منه

و باباه واخدها مسألة إحراج

و انا شايفة غير كده

فيها ايه يعني انه بيقوم من مكانه؟؟؟

ابني قائد بطبعه

و ما ينفعش يتقال له اقعد يقعد

لازم يتم تكليفه بمهام

بس مدرسينه من جيل عفا عليه الزمن

من اللي عايزين الولد يقعد ما يتحركش لحد ما يقولوا الكلمتين و يمشوا

و للأسف باباه ضده

و كتير باختلف معاه

ان الولد اهم من زمايله المدرسين

و مفيش فايدة

بجد الحمل تقيل اوي على الولد

اذا سكت باباه يقوله خرع

و اذا خد حقه يقول له حتجيب لي مشاكل

أريد حلا

وش أمينة رزق في فيلم أريد حلا

:sad:

ربنا يخليهولك يا مدام عبير و ما يحرمك منه أبداً و لا من شقاوته ..

و كل سنه و هو طيب .. أول واحد يقولهالك في المحاورات أهو

[عبير يونس]

موضوع قيّم جدا

و خبر ات الحقيقة :closedeyes:

ابني الكابتن المبجل الخديوي روقة

حيتم 11سنة الاسبوع الجاي بعون الله

و بجد خنقني بمراهقته المبكرة

اللي ابتدت من السنة اللي فاتت

و تعمقت اوي السنة دي

عيد ميلاده 30 نوفمبر

و من اول الشهر لازم كل يوم يكلمني على هدية عيد ميلاده

( عايز بلاك بيري أصلي) كنت جبت له من سنة واحد صيني من ابو 250 ريال

و زي الفل والله

بس هو عايزه عشان يعمل تشات مع اصحابه

حاولت اقنعه اجيب له لاب توب احسن ( طبعا عشان يعتق اللاب توب بتاعي :blush2:)

شوية يقول طيب

و شوية يقول لي لا بلاك بيري

و وقت يقول لي الاتنين :blink:

الوقت ازف و باقي من الزمن اسبوع

و انا بصراحة باتلكك له عشان مجيبش حاجة هههههههههههههه

الجديد فيه السنة دي انه مزودها اوي مع المدرسين

و بيضرب زمايله

الكل بيشتكي لباباه منه

و باباه واخدها مسألة إحراج

و انا شايفة غير كده

فيها ايه يعني انه بيقوم من مكانه؟؟؟

ابني قائد بطبعه

و ما ينفعش يتقال له اقعد يقعد

لازم يتم تكليفه بمهام

بس مدرسينه من جيل عفا عليه الزمن

من اللي عايزين الولد يقعد ما يتحركش لحد ما يقولوا الكلمتين و يمشوا

و للأسف باباه ضده

و كتير باختلف معاه

ان الولد اهم من زمايله المدرسين

و مفيش فايدة

بجد الحمل تقيل اوي على الولد

اذا سكت باباه يقوله خرع

و اذا خد حقه يقول له حتجيب لي مشاكل

أريد حلا

وش أمينة رزق في فيلم أريد حلا

:sad:

ربنا يخليهولك يا مدام عبير و ما يحرمك منه أبداً و لا من شقاوته ..

و كل سنه و هو طيب .. أول واحد يقولهالك في المحاورات أهو

ميرسي يا عمدة باشا

و عقبال ما تتجوز و تخلف ولد زيه كده

[محمد حامد الغنام]

موضوع قيّم جدا

و خبر ات الحقيقة :closedeyes:

ابني الكابتن المبجل الخديوي روقة

حيتم 11سنة الاسبوع الجاي بعون الله

و بجد خنقني بمراهقته المبكرة

اللي ابتدت من السنة اللي فاتت

و تعمقت اوي السنة دي

عيد ميلاده 30 نوفمبر

و من اول الشهر لازم كل يوم يكلمني على هدية عيد ميلاده

( عايز بلاك بيري أصلي) كنت جبت له من سنة واحد صيني من ابو 250 ريال

و زي الفل والله

بس هو عايزه عشان يعمل تشات مع اصحابه

حاولت اقنعه اجيب له لاب توب احسن ( طبعا عشان يعتق اللاب توب بتاعي :blush2:)

شوية يقول طيب

و شوية يقول لي لا بلاك بيري

و وقت يقول لي الاتنين :blink:

الوقت ازف و باقي من الزمن اسبوع

و انا بصراحة باتلكك له عشان مجيبش حاجة هههههههههههههه

الجديد فيه السنة دي انه مزودها اوي مع المدرسين

و بيضرب زمايله

الكل بيشتكي لباباه منه

و باباه واخدها مسألة إحراج

و انا شايفة غير كده

فيها ايه يعني انه بيقوم من مكانه؟؟؟

ابني قائد بطبعه

و ما ينفعش يتقال له اقعد يقعد

لازم يتم تكليفه بمهام

بس مدرسينه من جيل عفا عليه الزمن

من اللي عايزين الولد يقعد ما يتحركش لحد ما يقولوا الكلمتين و يمشوا

و للأسف باباه ضده

و كتير باختلف معاه

ان الولد اهم من زمايله المدرسين

و مفيش فايدة

بجد الحمل تقيل اوي على الولد

اذا سكت باباه يقوله خرع

و اذا خد حقه يقول له حتجيب لي مشاكل

أريد حلا

وش أمينة رزق في فيلم أريد حلا

:sad:

ربناااااااااااا يخلهولك يارب

بس اهم حاجة ابعدية عن البناااااااااااااااات خالص

ميعدتشى فى حتة فيها بنااات

:)

مش عاوزين حد يبا زينا :)

[عماد حمدي]

روميو معانا في المنتدي يا ولاد .. زغرتي يا أم أحمد :110: ..

بتقولك 11 سنة و تقول بنات ألطم علي وشي