دراسة جدوى لفكرة شراء تاكسي

[الجدار]

السلام عليكم

اخواني الأعزاء.. يشغلني كثيراً كما يشغل المغتربين حنعمل ايه لما ننزل مصر وكان بالفعل في موضوع في المنتدى بيناقش الموضوع ده ومع اهميته لقيت الردود عبارة عن هزار وضحك الا من ثلاثة او اربعة اعضاء فقط.

بجد الموضوع ده مهم ولازم نحدد احنا عايزين ايه .. طبعاً ناس مغتربة مش عايزة تتعب نفسها وتخاطر او تحاول تحط هدف ليها وتنفذه.

الناس دول بتوع حتزل تعمل ايه؟؟ وأعقل ؟؟ وحد طايل !!

انا بقالي حوالي 3 سنين في الغربة ولقيت ان فكرة التاكسي فكرة عملية فيها فايده ليا ولحد يبقى محتاج يشتغل في مصر يعني انا مش عايز افضل اكتر من 5 سنين برا مصر فأدامي سنتين ان شاء الله (طبعاً نشيل منهم الأجازات) المهم طلبي من اللي ليهم خبرة في موضوع التاكسيات

عايز اعرف ابعاد الموضوع ده يعني احتمالات النجاح والفشل

يعني انا ان شاء الله ناوي اجيب التاكسي بالتقسيط واشوف واحد ابن حلال يشتغل عليه لغاية ما ربنا يكرم واحدة واحدة ونوسع الموضوع يعني اجيب عربية تانيه او كده.

سؤالي بالتحديد

مقدم وقسط التاكسي كام ؟؟

مصاريف التاكسي في الشهر (بنزين وصيانة وأجرة السائق)؟؟

ومن الآخر هل مشروع مربح ولا لأ (طبعاً بإذن الله)؟

ارجو المساعدة.

تم تعديل 25 يناير 2009 بواسطة الجدار