الوقائع الكندية

[SoSo R]

بصراحة قصة مؤثرة جدا

الواحد ما يملكش غير إن يدعيلهم بالشفاء و يصبر أههلهم

القصص اللى من النوع دة تخلى الواحد يسرح و يتأمل فى نعم ربنا عليه اللى بتتنسى فى زحمة الدنيا

تحياتى

سوسورانى

[د هشام ابراهيم]

حمدالله علي السلامه يا د هشام

المكان مكنش منور من غيرك

وربنا يشفي الطفلتين او احداهما ويصبر واليهم

بس الواحد مش عارف ازاي ابوين يستحملوا خبر زي ده

وكمان يتبرعوا بقلب ابنهم

هو ده ايمان ولا واقعيه ولا حاله من الاحباط ولا الصح والا الغلط

بصراحه مش عارف

الله يسلم حضرتك يا سيدي الفاضل ...و إن شاء الله المنتدي يفضل منور علي طول ما دام فيه ناس محترمة زاي حضرتك و الفاضل د قناوي و الفاضلة مدام سمية و كل من يحاول مساعدة الاخرين

بالنسبة للموقف الدرامي الحياتي ده ...ربنا ما يكتب علي حد أصلا ...أنا عقلي مش جايب أصلا شعور أهالي الطفلتين .... ربنا معاهم

[د هشام ابراهيم]

طبعا لازم يمنعوه بعد مافهموا اغراضه واهدافه من وراء تأييده للعرب ومنظمات مثل حماس ...هذا الشخص غاوى شهرةفقط لا غير.بعد اقالته من البرلمان البريطاني وبعدت عنه الاضواء لم يجد سوى هذا الطريق لكي يعيد امجاده ..نظام خالف تعرف بضم التاء...او بالبلدي اسلمي يا....بس اللي في القلب في القلب..وشكرا

العفو يا سيدي الفاضل ....بس الله أعلم بالنوايا يا ميتغ :blink:

الصراحة أنا ما عنديش معلومات كافية عن مواقف جالواي السابقة ...انما أكيد كأي سياسي حايبقي فيه اختلاف حوالينها

[د هشام ابراهيم]

بصراحة قصة مؤثرة جدا

الواحد ما يملكش غير إن يدعيلهم بالشفاء و يصبر أههلهم

القصص اللى من النوع دة تخلى الواحد يسرح و يتأمل فى نعم ربنا عليه اللى بتتنسى فى زحمة الدنيا

تحياتى

سوسورانى

ده كان احساسي بالظبط يا دكتورة :blink: .... قصص زاي ديه اللي بتخلي الواحد يتكسف من الشكوي ....اشاركك الدعاء للطفلتين و أهلهم

[torontoz]

http://ca.news.yahoo.com/s/capress/090408/...alth_baby_heart

[newcomer]

حكاية مسيطرة علي كلام الوسط الطبي في تورنتو حاليا

قادر ....سبحانه و تعالى يشفيهم

ربنا يشفيهم و يشفى كل مريض.....أمين

خبر درامى ....و غريب فعلا يا دكتور

بس ده ما يمنعش ان الخصم برضه ....هايتنفذ :lol:

حضرتك ...هاتسأل ....خصمم ايه

انا ارد ( بصفتى المنسق العام :rolleyes: للجمعية المزمع إنشأها)

خصم الفترة اللى مافيهاش اخبار فى الوقائع

و لا مشاركات فى " قصتى مع كندا "

معلش .....الحساب ...حساب ...

(وش الباشكاتب اللى بيقول تعالى يا ديسمبر...روح يا نوفمبر)

[د هشام ابراهيم]

حكاية مسيطرة علي كلام الوسط الطبي في تورنتو حاليا

قادر ....سبحانه و تعالى يشفيهم

ربنا يشفيهم و يشفى كل مريض.....أمين

خبر درامى ....و غريب فعلا يا دكتور

بس ده ما يمنعش ان الخصم برضه ....هايتنفذ :lol:

حضرتك ...هاتسأل ....خصمم ايه

انا ارد ( بصفتى المنسق العام :rolleyes: للجمعية المزمع إنشأها)

خصم الفترة اللى مافيهاش اخبار فى الوقائع

و لا مشاركات فى " قصتى مع كندا "

معلش .....الحساب ...حساب ...

(وش الباشكاتب اللى بيقول تعالى يا ديسمبر...روح يا نوفمبر)

:rolleyes: :rolleyes:

أضحك الله سنك يا سيدتي الفاضلة

يا أفندم أنا تحت أمرك و باذن الله ربنا يسهل الأمور و أسرتك الكريمة كلها تنور كندا و اعوض الخصم ده

تحياتي يا سعادة المنسق العام

[Spanish Eyes]

د.هشام الف حمدالله على السلامة امانةعليك يا شيخ متبقى تغيب كدة تاني دحنا مش قادرين على غياب د.شامي ربنا ييسرله امره تقوم حضرتك كمان تختفي كدة لالالالالا مكنش العشم يا دكتره.

بالنسبة للخبر اللي حضرتك قلته مبقتش عارفه فعلا افرح ان البنت بقت تتنفس بدون مساعدة الأجهزة وفي امل انها تعيش ولا ازعل عشان البنوته التانية اللي مستنيه القلب مفارقة غريبة قادر ربنا يشفيهم هما الأتنين ويصبر اهليهم.

تحياتي

[د هشام ابراهيم]

د.هشام الف حمدالله على السلامة امانةعليك يا شيخ متبقى تغيب كدة تاني دحنا مش قادرين على غياب د.شامي ربنا ييسرله امره تقوم حضرتك كمان تختفي كدة لالالالالا مكنش العشم يا دكتره.

بالنسبة للخبر اللي حضرتك قلته مبقتش عارفه فعلا افرح ان البنت بقت تتنفس بدون مساعدة الأجهزة وفي امل انها تعيش ولا ازعل عشان البنوته التانية اللي مستنيه القلب مفارقة غريبة قادر ربنا يشفيهم هما الأتنين ويصبر اهليهم.

تحياتي

الله يسلم حضرتك .... رد حضرتك أسعدني فعلا و حسسني إن فيه معني لللي أنا باكتبه هنا .....ساعات باحس إن الكلام مش مهم أو مش مفيد للناس ...جزاك الله كل خير يا أفندم :P :lol:

------------------------------------------------------------------------------

آخر الاخبار إن حالة كيلي ابتديت تدهور .... زيادة في الميلودراما الحياتية ديه إن الأطباء بقوا يشكوا إن قلب كيلي دلوقتي حيبقى صالح للنقل لليليان

فيه مناقشات كتير دلوقتي حولين القصة كلها ...أكتر ما لفت انتباهي انتقادات ابتدت تظهر من حكاية التبرع الموجه ..... بمعني إن والدي كيلي قرروا التبرع لليليان بالذات مش لاي حد محتاج (عادة المتبرع بيبقى لمجهول و فيه لسته مرضي محتاجين لنقل أعضاء و اللي علي رأس القائمة هو اللي بيبقى عليه الدور )

أهالي كيلي و أهالي ليليان ما كانوش يعرفوا بعض و أتقابلوا صدفة في المستشفي و أهالي كيلي تأثروا بحالة ليليان و حسوا إن حياة بنتهم ممكن يبقى ليها معني و امتداد إذا تبرعوا بقلبها بعد وفاتها

الكلام كله إن حكاية التبرع الموجه ، و لو انها نبيلة و كريمة في الحالة الحالية ، انما ممكن يساء استخدامها بعد كده و يبقى التبرع محكوم بالعرق أو العنصر أو الدين ...إلخ .....و ديه حكاية غير متوافقة مع قيم المساواة المسيطرة علي قيم المجتمع الكندي

مراسلكم من بلاد الشمال الحقيقي :sad:

[الجدار]

صديقي العزيز د هشام مش عارف ليه عمري ما فكرت أقرا الموضوع ده يمكن علشان يخص كندا وانا مش مهتم بيها قوي

وبرضو مش عارف ليه لقيت عندي فضول النهاردة بالذات أدخل اشوف ايه الحياة

بجد حسيت اني خسرت كتير بجد

أنا بسجل متابعتي وإعجابي بالتوبيك

ومعاك من النهاردة

تقبل مروري brth)

[د هشام ابراهيم]

صديقي العزيز د هشام مش عارف ليه عمري ما فكرت أقرا الموضوع ده يمكن علشان يخص كندا وانا مش مهتم بيها قوي

وبرضو مش عارف ليه لقيت عندي فضول النهاردة بالذات أدخل اشوف ايه الحياة

بجد حسيت اني خسرت كتير بجد

أنا بسجل متابعتي وإعجابي بالتوبيك

ومعاك من النهاردة

تقبل مروري brth)

يا باشا الله يكرمك و يخليك ... دايما أسرني بذوقك و أدبك الجم ... منور الموضوع طبعا ... أهلا و سهلا بيك يا صديقي العزيز brth) :)

[torontoz]

لآول مرة في كندا/ امرأة تقود سفينة حربية كندية

تسلمت اول امرأة تتولى قيادة سفينة حربية في كندا مهامها الثلاثاء، لتتوجه بالفرقاطة «اتش.ام.سي.اس-هاليفاكسْ» الى البحر في مهمة

تدريب. وتولت كابتن الفرقاطة جوزيه كورتس القيادة خلال حفل نظام في مرفأ هاليفاكس على الساحل الاطلسي الكندي، وقالت كورتس التي تقاعد زوجها وهو ضابط في البحرية ايضا، ليهتم بابنتهما «قد يكون هذا اليوم الاجمل في حياتي». والكابتن كورتس عضو في القوات الكندية منذ عام 1988. وقد ساهمت هذه السفينة الحربية في مهمات مراقبة سفن تقوم بتسليم مساعدة انسانية للصومال، بهدف حمايتها من القراصنة

وعمار ياكندا

[د هشام ابراهيم]

لآول مرة في كندا/ امرأة تقود سفينة حربية كندية

.................... تقاعد زوجها وهو ضابط في البحرية ايضا، ليهتم بابنتهما

وعمار ياكندا

:)

خبر مثير للاهتمام ....مغسي مسيو brth) ..... بس إيه حكاية تقاعد الزوج علشان يهتم بالاطفال ديه ؟ .... الواحد سمع عنها قبل كده في العالم الغربي بس مش في جيش brth)

تم تعديل 11 أبريل 2009 بواسطة د هشام ابراهيم

[ايناس احمد]

شكرا يادكتور هشام على اهتمامك ونقلك الأخبارلينا بالتفصيل

بصراحه قصه الطفلتين مؤثره جدا ربنا يشفيهم الاثنين يارب مش كبيره على ربنا ابدا

ربنا يكون فى عون اهاليهم

بس هما الاتنين اتأثرو بحاله بعض وحاسين ان قلب بنتهم لو انتقل للطفله دى يمكن يحسو ان بنتهم عايشه وماماتتش ويفضلو على اتصال بيها يمكن دا السبب انهم مصرين على نقل قلب بنتهم للطفله دى بالذات

ربنا يكرمك يادكتور هشام ويجازيك خير

[SoSo R]

صباح الخير يا دكتور هشام:

أنا مصدومة...

مخنوقة...

مذهولة...

كل الصفات اللى ممكن تقولها

تخيل فى ظل خبر زى اللى حدرتك كتبته عن البنتين و الأهتمام الأعلامى بالموضوع يعرض إمبارح فى برنامج شوبير على قناة الحياة قصة ولد أسمه عبدالله

طفل عادى عنده 8 سنين...كان رياضى بيلعب كراتيه و كرة قدم تحس بإقباله على الحياة

الولد تعب فى المدرسة ..إتنقل على المستشفى...إتشخصت إلتهاب فى الزايدة

قعد فى العمليات 5 ساعات...مش فاهمة ليه؟؟!!!

أنا عملتها فى أقل من ساعة زمان

للأسف الولد خرج جثة...يعنى الوردة المفتحة ..دبلت

ودة كله بسبب جرعة زيادة فى التخدير

بصراحة لما شفت شكله قبل و بعد...قلبى وجعنى

فعلا قلبى وجعنى و أى إنسان عنده ذرة إحساس قلبه هيوجعه

أنا مش بكتب عشان أقول حلقة جديدة فى مسلسل الأهمال الطبى فى مصر

ولا هاقول أهه الحمد لله ..ربنا تاب علينا و هنروح كندا قريب

أنا عايزة أفهم بس حاجة طبية

إزاى جرعة زيادة تدمره بالشكل دة؟؟؟

الطفل أصبح زى الأطفال المينتال...غير مدرك لأى شىء

يعنى صاحى و مش مدرك

السينترز للسمع و النظر فى المخ إتدمروا

و الحاجة اللى فعلا عايزاك تشرحهالى لأنى عارفة إن تخصصك تخدير

إزاى يعنى يجيلوه تشوهات فى العظام...دة أصبح زى اللى عندهم شلل أطفال أو لين عظام فى شكل أطرافه

يارب يشفيه...يارب يبرد قلب أمه و يصبرها...يارب أعف عنا و أرحمنا

الأم مكلومة بكل ما تحمل الكلمة من معان ولا حياة لمن تنادى

يعنى عدى 4 شهور و لسة بيفكروا يكونوا لجنة لتقصى الحقائق و معرفة سبب الخطأ

و الولد مرمى فى المستشفى عادى جدا

رحمتك يارب

تحياتى

سوسورانى

[torontoz]

لآول مرة في كندا/ امرأة تقود سفينة حربية كندية

.................... تقاعد زوجها وهو ضابط في البحرية ايضا، ليهتم بابنتهما

وعمار ياكندا

B)

خبر مثير للاهتمام ....مغسي مسيو ..... بس إيه حكاية تقاعد الزوج علشان يهتم بالاطفال ديه ؟ .... الواحد سمع عنها قبل كده في العالم الغربي بس مش في جيش :blink:

:lol:

حدرتك مش واخد بالك ان الخبر كندي.اورفوار smk:

[د هشام ابراهيم]

شكرا يادكتور هشام على اهتمامك ونقلك الأخبارلينا بالتفصيل ..........

العفو يا سيدتي الفاضلة ..... كلام حضرتك صحيح تماما ....و قالوه والدي الطفلة بالحرف ...." عايزين نحس إن بنتنا لسه عايشة حتي بعد وفاتها " ....ربنا ما يكتب علي حد فعلا و يشفي مرضانا جميعا

[د هشام ابراهيم]

أنا عايزة أفهم بس حاجة طبية

إزاى جرعة زيادة تدمره بالشكل دة؟؟؟

الطفل أصبح زى الأطفال المينتال...غير مدرك لأى شىء

يعنى صاحى و مش مدرك

السينترز للسمع و النظر فى المخ إتدمروا

و الحاجة اللى فعلا عايزاك تشرحهالى لأنى عارفة إن تخصصك تخدير

إزاى يعنى يجيلوه تشوهات فى العظام...دة أصبح زى اللى عندهم شلل أطفال أو لين عظام فى شكل أطرافه

لا حول و لا قوة إلا بالله العلي العظيم

حلقة جديدة في مسلسل الاهمال الطبي و للاسف لن تكون الأخيرة طول ما حياتنا كلها مغلفة بالفوضي و الاهمال ....

حدوث مشاكل أو أثار جانبية أو مضاعفات وارد في مجال الطب و ليه نسب معروفة ..... ديه حاجة..... انما الكوارث الناتجة عن الاهمال حاجة تانية خالص

أنا ما عنديش أي معلومات عن الحادثة ديه بالذات فمش حاقدر أعلق عليها انما فيه نقط عامة ممكن أذكرها

- جملة " جرعة بنج زائدة " ديه كليشيه محفوظ عند الاخوة وكلاء النيابة و ما لوش أي علاقة باللي بيحصل فعلا .....الجملة ديه مفروض تختفي من قاموس الفلكلور المصري لأنها بصراحة لا معني لها في الأغلب الأعم

- معظم المشاكل اللي بنسمع عنها بسبب التخدير ليها علاقة بالتنفس الصناعي ....سواء أنبوبة التنفس الصناعي (Endotracheal tube ) أو جهاز التنفس الصناعي اللي هو جزء لا يتجزأ من جهاز التخدير (Anesthesia Delivery Unit )

- كخطوة أساسية في معظم حالات التخدير الكلي بيتم وضع أنبوبة التنفس الصناعي في القصبة الهوائية للمريض ....الحكاية ديه لازم تتعمل بسرعة و طريقة صحيحة و يتم التأكد من صحة مكان الأنبوبة بعدة وسائل .....بعد كده يتم توصيل المريض بجهاز التخدير

- لو حصلت مشكلة في عملية وضع الأنبوبة ... أو ابقائها في مكانها .... أو مشكلة في جهاز التخدير .إلخ ..... يتم حرمان المريض من الأوكسجين ....لو الموضوع ده طال عن عدة دقائق بيحصل ضرر مباشر للمخ

- المخ لما بيتعرض لنقص الأوكسجين بينتج عنه اصابة (Hypoxic brain insult) الأصابة ديه أعراضها بتختلف حسب درجة النقص و مدي تأثر المخ منها .....بتتراوح من مشاكل بسيطة في الذاكرة أو التفكير مرورا بضمور المخ و الشلل و الغيبوبة و تصل حتي الوفاة

- بسبب اصابة المخ خاصة إذا كانت منطقة الاصابة قريبة من مراكز الحركة المخية ..... المريض بيجيله مشاكل في العضلات من تشنج مستمر و أعراض تانية ده اللي بيخلي أطرافه تبان في أوضاع غير طبيعية

- أغلب الحالات ديه ما دامت وصلت لمراحل متقدمة بيبقى الأمل في شفائها شبه معدوم

لتجنب المشاكل ديه انها تحصل فيه لستة طويلة من الأجراءات اللي لازم تتعمل قبل و أثناء و بعد التخدير ......لو الطبيب إتبع كل الأجراءات ديه و حصلت مشكلة خارج نطاق سيطرته يبقى لا ذنب عليه .....لو فيه خرق أو تجاهل لخطوة أو أكتر من اللستة ديه يبقى إهمال طبي .....

ربنا يقينا جميعا شرور الاهمال ...طبي و غير طبي

[د هشام ابراهيم]

حدرتك مش واخد بالك ان الخبر كندي.اورفوار :blink:

الصراحة مش فاهم قصد حضرتك إيه يا ميتر ...أوضح أي افصح

[الجدار]

لا حول و لا قوة إلا بالله العلي العظيم

حلقة جديدة في مسلسل الاهمال الطبي و للاسف لن تكون الأخيرة طول ما حياتنا كلها مغلفة بالفوضي و الاهمال ....

حدوث مشاكل أو أثار جانبية أو مضاعفات وارد في مجال الطب و ليه نسب معروفة ..... ديه حاجة..... انما الكوارث الناتجة عن الاهمال حاجة تانية خالص

أنا ما عنديش أي معلومات عن الحادثة ديه بالذات فمش حاقدر أعلق عليها انما فيه نقط عامة ممكن أذكرها

- جملة " جرعة بنج زائدة " ديه كليشيه محفوظ عند الاخوة وكلاء النيابة و ما لوش أي علاقة باللي بيحصل فعلا .....الجملة ديه مفروض تختفي من قاموس الفلكلور المصري لأنها بصراحة لا معني لها في الأغلب الأعم

- معظم المشاكل اللي بنسمع عنها بسبب التخدير ليها علاقة بالتنفس الصناعي ....سواء أنبوبة التنفس الصناعي (Endotracheal tube ) أو جهاز التنفس الصناعي اللي هو جزء لا يتجزأ من جهاز التخدير (Anesthesia Delivery Unit )

- كخطوة أساسية في معظم حالات التخدير الكلي بيتم وضع أنبوبة التنفس الصناعي في القصبة الهوائية للمريض ....الحكاية ديه لازم تتعمل بسرعة و طريقة صحيحة و يتم التأكد من صحة مكان الأنبوبة بعدة وسائل .....بعد كده يتم توصيل المريض بجهاز التخدير

- لو حصلت مشكلة في عملية وضع الأنبوبة ... أو ابقائها في مكانها .... أو مشكلة في جهاز التخدير .إلخ ..... يتم حرمان المريض من الأوكسجين ....لو الموضوع ده طال عن عدة دقائق بيحصل ضرر مباشر للمخ

- المخ لما بيتعرض لنقص الأوكسجين بينتج عنه اصابة (Hypoxic brain insult) الأصابة ديه أعراضها بتختلف حسب درجة النقص و مدي تأثر المخ منها .....بتتراوح من مشاكل بسيطة في الذاكرة أو التفكير مرورا بضمور المخ و الشلل و الغيبوبة و تصل حتي الوفاة

- بسبب اصابة المخ خاصة إذا كانت منطقة الاصابة قريبة من مراكز الحركة المخية ..... المريض بيجيله مشاكل في العضلات من تشنج مستمر و أعراض تانية ده اللي بيخلي أطرافه تبان في أوضاع غير طبيعية

- أغلب الحالات ديه ما دامت وصلت لمراحل متقدمة بيبقى الأمل في شفائها شبه معدوم

لتجنب المشاكل ديه انها تحصل فيه لستة طويلة من الأجراءات اللي لازم تتعمل قبل و أثناء و بعد التخدير ......لو الطبيب إتبع كل الأجراءات ديه و حصلت مشكلة خارج نطاق سيطرته يبقى لا ذنب عليه .....لو فيه خرق أو تجاهل لخطوة أو أكتر من اللستة ديه يبقى إهمال طبي .....

ربنا يقينا جميعا شرور الاهمال ...طبي و غير طبي

بجد معلومات قيمة يا دكترة

اول مرة اعرف ان جرعة بنج زيادة دي اشتغالة

عارف في حاجات كتير الواحد بيسمعها وبجد من كتر تداولها بين الناس بدون علم بترسخ مفهوم غلط

يعني مثلاً انا سمعت ان البنج النصفي ممكن يجيب شلل لأن الحقنه ممكن تدخل في الحبل الشوكي وطبعاً الكلام ده يتهيألي انه نادر قوي

بس بيخوف وكذلك مثلاً اللي بيبقى عنده التهاب سحائي (السحايا) اللي اعرفه لازم ياخدوا عينه من الحبل الشوكي برضو الناس بتخاف من كده

فياريت حضرتك تفتح لنا توبيك بما انك بسم الله ما شاء الله ممتاز في مجالك وتحاول تصحح مفاهيمنا الخاطئة

واللي يكون عنده سؤال محيره أو خايف من حاجه معينه يسيب سؤالة وحضرتك مشكور تقدم التفسير العلمي

طبعاً انا عارف ان وقت حضرتك مش فاضي بس عشمي فيك كبير

أسف لخروجي عن الموضوع

اشوفك في رزع الحلل يا صديقي