الوقائع الكندية

[د هشام ابراهيم]

د هشام

حتي يوم 27 /4

لايوجد اي حالات انفلونزا الخنازير في كيبيك والحمد لله

ده حسب الخبر المنشور في http://www.infodimanche.com

27 avril 2009 à 16h00

<H1 class=titreInfos>Aucun cas de grippe porcine au Québec</H1>

بالفعل يا أخي الفاضل حتي الان حالات كندا ال-١٣ كانوا في أونتاريو و بريتش كولمبيا و ألبرتا ..... و الحالات ال-١٣ كلها بسيطة ما فيهاش خطورة علي حياة المرضي .....تحياتي لكبير مراسلي كيبيك

[د هشام ابراهيم]

د هشام

حتي يوم 27 /4

لايوجد اي حالات انفلونزا الخنازير في كيبيك والحمد لله

:lol: :blush2:

!!!!!

الصراحة مش فاهم المشاركة ديه يا سيدي الفاضل

[Nassarlink]

د هشام

حتي يوم 27 /4

لايوجد اي حالات انفلونزا الخنازير في كيبيك والحمد لله

ده حسب الخبر المنشور في http://www.infodimanche.com

27 avril 2009 à 16h00

<H1 class=titreInfos>Aucun cas de grippe porcine au Québec</H1>

بالفعل يا أخي الفاضل حتي الان حالات كندا ال-١٣ كانوا في أونتاريو و بريتش كولمبيا و ألبرتا ..... و الحالات ال-١٣ كلها بسيطة ما فيهاش خطورة علي حياة المرضي .....تحياتي لكبير مراسلي كيبيك

طب انا لي سؤال

الحالات ال 13 دول منقولين من المكسيك يعني عدوي منقوله

ولا سببها عدوي مباشره من خنازير كندا

يعني فيرس مستورد جاهز ولا تفصيل محلي كندي

[د هشام ابراهيم]

طب انا لي سؤال

الحالات ال 13 دول منقولين من المكسيك يعني عدوي منقوله

ولا سببها عدوي مباشره من خنازير كندا

يعني فيرس مستورد جاهز ولا تفصيل محلي كندي

التفاصيل مش واضحة يا نصار باشا ....لكن الفيروس عدي مرحلة الأنتقال من الخنزير للانسان و بقي بينتقل من الأنسان للانسان مباشرة .....علي حسب علمي ما فيش أي اجراءات اتخذتها كندا ضد الخنازير ...علي شاكلة الطيور اللي كانت بتعدم و علي نطاق واسع ...مما يرجح ان مصدر العدوي خارج كندا .... كل الكلام علي الوقاية من الأنتقال من شخص لاخر

آخر الأخبار ....وفاة أول حالة بره المكسيك طفل عنده سنتين في تكساس ......الفيروس وصل ألمانيا و النمسا (المكسيك - أمريكا - كندا - أسبانيا - نيوزيلندا - اسرائيل - بريطانيا ) حالات ألمانيا و بريطانيا كانوا لسه راجعين من المكسيك ....... و منظمة الصحة العالمية بتدرس رفع مستوي الخطر إلي خمسة ( ستة أعلي حاجة و معناه وباء عالمي )

[drbeso]

ربنا يستر على مصر :lol:

[د هشام ابراهيم]

ربنا يستر على مصر :lol:

بالظبط يا دكتور هو ده اللي الواحد بيفكر فيه ...احنا مش حمل وباء خالص

[د هشام ابراهيم]

أخر خبر ...منظمة الصحة العالمية رفعت درجة التحذير للمستوي الخامس .... المرض دخل في أقرب مرحلة قبل ما يصبح وباء عالمي

الطفل ضحية المرض اللي توفي في الولايات المتحدة و يعتبر أول حالة وفاة خارج المكسيك تم الكشف علي إنه طفل مكسيكي يعيش في الولايات المتحدة و كان في المكسيك قريب

[د هشام ابراهيم]

آخر الأخبار ارتفاع عدد الحالات المصابة في كندا إلي ٣٤ حالة ...كلهم حالات خفيفة

المقاطعات المصابة هي بريتش كولمبيا ، أونتاريو ، ألبرتا ،نوفا سكوتشيا ، كوبيك

ستيفين هاربر ، رئيس الوزراء ، ابتدي يستخدم مصطلح "الأنفلونزا المكسيكية" لوصف المرض بدلا من انفلونزا الخنازير ....الأحساس العام خصوصا في أمريكا إن مصطلح انفلونزا الخنازير ممكن يضلل الناس لأن المرض دلوقتي ما لوش علاقة بالخنازير خالص (ده كلامهم مش كلامي :wub:)

جهات متعددة ابتدت تتهم وسائل الاعلام بالتهويل و اثارة الذعر و إن الموضوع مش مرعب بالطريقة ديه ...الحكاية ديه جت بعد ذعر العديد من الأهالي و تخوفهم من إرسال ولادهم للمدارس ....... جدير بالذكر إن كندا كانت من الدول اللي عانت جامد أيام ال-SARS

من ناحية تانية مسئولي المكسيك هاجموا تصريح منظمة الصحة العالمية إن الوباء دلوقتي بقي تحت السيطرة

عندنا في الجامعة و المستشفيات لسه درجة الأستعداد عالية و الدوريات علي الايميل عن أخر التطورات شغالة

[MZohairy]

يعني نعمل ايه يا هشام اتقاء للعدوى؟

ايه اهم النصايح يا دكتور؟

[د هشام ابراهيم]

ما فيش حاجة معينة زيادة عن العادي مع أي انفلونزا

تجنب الأختلاط مع المصابين ... تجنب الأماكن المزدحمة خصوصا لو سيئة التهوية....الألتزام باستخدام الادوات الشخصية لكل واحد .....أدوات المائدة ....فرش الأسنان ...إلخ ..... التغذية السليمة و النوم الصحي .....غسل اليدين بصفة دورية .....العطس و الكحة في منديل ... كلها حاجات عامة جدا

لحد دلوقتي ما فيش مصل لفصيلة الفيروس ديه ....و الأدوية المضادة للفيروسات ليها أثار جانبية كتير

[د هشام ابراهيم]

آخر الأخبار

وزير الصحة المكسيكي يصرح : الأنفلونزا في طريقها للانحسار

منظمة الصحة العالمية في طريقها لرفع مستوي الخطر للمستوي السادس و إعلان الأنفلونزا وباء عالمي

مسئولي الصحة الامريكيين : الأنفلونزا الحالية (اسمها رسمي بقي H1N1 ) تفتقد المقومات الجينية التي قد تسبب الوفاة (بالمقارنة بانفلونزا ١٩١٨ )

آسيا تعلن أول اصابات فيها ...هونج كونج .....حالات غير مؤكدة في الصين و الفلبين

في كندا ....مانيتوبا المقاطعة السادسة التي تعلن عن اصابات ..... مزرعة خنازير في ألبرتا تعلن إن اصابة خنازير بالانفلونزا ....وزارة الصحة تعزل المزرعة صحيا و تقوم بتعقيم و معالجة الخنازير

[bent misr]

آخر الأخبار

وزير الصحة المكسيكي يصرح : الأنفلونزا في طريقها للانحسار

منظمة الصحة العالمية في طريقها لرفع مستوي الخطر للمستوي السادس و إعلان الأنفلونزا وباء عالمي

مسئولي الصحة الامريكيين : الأنفلونزا الحالية (اسمها رسمي بقي H1N1 ) تفتقد المقومات الجينية التي قد تسبب الوفاة (بالمقارنة بانفلونزا ١٩١٨ )

آسيا تعلن أول اصابات فيها ...هونج كونج .....حالات غير مؤكدة في الصين و الفلبين

في كندا ....مانيتوبا المقاطعة السادسة التي تعلن عن اصابات ..... مزرعة خنازير في ألبرتا تعلن إن اصابة خنازير بالانفلونزا ....وزارة الصحة تعزل المزرعة صحيا و تقوم بتعقيم و معالجة الخنازير

والله يا دكتور كندا دي عليها حاجات

همه لسه هايعلجوا الخنازير مايخلصوا عليها وخلاص

ولا هما أدرى برضوا دي كندا يا عم :happy:

كلي أذان صاغيه للمستر هشام

[د هشام ابراهيم]

والله يا دكتور كندا دي عليها حاجات

همه لسه هايعلجوا الخنازير مايخلصوا عليها وخلاص :wub:

ولا هما أدرى برضوا دي كندا يا عم wst::

كلي أذان صاغيه للمستر هشام :happy:

الله يخلي حضرتك يا دكتورة :lol:

بصراحة مش عارف ليه الأخوة الكنادوة ما خلصوش علي الخنازير المصابة ..... يعني اصابات مؤكدة .....و برضه ما قتلوهاش .....بس الحق يتقال الظروف مختلفة ....المزرعة أصلا من أنضف ما يمكن .... الاكل و المرعي مختلف تماما ...امكانيات التشخيص و العلاج و العزل الصحي موجودة ...... يعني الحاجة الملحة لقتل الخنازير غير موجودة

[د هشام ابراهيم]

نواصل تغطية أخبار انفلونزا H1N1

سبق علمي يحسب لكندا و تطور مهم يعتبر أول خطوة في سبيل دراسة الفيروس المتحور و ايجاد مصل له .....

(خدوا بالكم من الجزء المظلل بالاحمر ده :rolleyes: )

علماء كنديون ينجحون بفك الشفرة الوراثية لإنفلونزا الخنازير

نجح علماء كنديون لأول مرة في فك الرموز الكاملة للشفرة الوراثية الخاصة بالفيروسات المسببة لإنفلونزا الخنازير من خلال عينات أخذت من دول مختلفة. ويعتبر فك الشفرة الوراثية على درجة كبيرة من الأهمية للتوصل إلى إنتاج مصل واق من الإصابة بالمرض.

وقالت وزيرة الصحة الكندية ليونا أكلوكاك الأربعاء في بيان صادر من أوتاوا "إن هذه الأبحاث ستقفز بالمعرفة البشرية بفيروس (إتش 1 إن 1) قفزة هائلة إلى الأمام".

ويتيح البناء الجيني فحص السلالات الفيروسية -التي تصيب الإنسان أو الطيور أو الخنازير– المسؤولة عن تكوين فيروس (إتش 1 إن 1) كما تتيح معرفة ما إن كان الفيروس المسبب للمرض يتحور بسرعة أم لا؟

وتعتزم كندا إيداع تفاصيل الشفرة الوراثية للفيروس التي توصل إليها علماؤها في بنك معلومات مفتوح بالمعهد الأميركي للصحة (إن آي إتش) ليكون تحت تصرف الباحثين في جميع أنحاء العالم.

[ahmed_saleh]

نواصل تغطية أخبار انفلونزا H1N1

سبق علمي يحسب لكندا و تطور مهم يعتبر أول خطوة في سبيل دراسة الفيروس المتحور و ايجاد مصل له .....

(خدوا بالكم من الجزء المظلل بالاحمر ده :lol: )

علماء كنديون ينجحون بفك الشفرة الوراثية لإنفلونزا الخنازير

نجح علماء كنديون لأول مرة في فك الرموز الكاملة للشفرة الوراثية الخاصة بالفيروسات المسببة لإنفلونزا الخنازير من خلال عينات أخذت من دول مختلفة. ويعتبر فك الشفرة الوراثية على درجة كبيرة من الأهمية للتوصل إلى إنتاج مصل واق من الإصابة بالمرض.

وقالت وزيرة الصحة الكندية ليونا أكلوكاك الأربعاء في بيان صادر من أوتاوا "إن هذه الأبحاث ستقفز بالمعرفة البشرية بفيروس (إتش 1 إن 1) قفزة هائلة إلى الأمام".

ويتيح البناء الجيني فحص السلالات الفيروسية -التي تصيب الإنسان أو الطيور أو الخنازير– المسؤولة عن تكوين فيروس (إتش 1 إن 1) كما تتيح معرفة ما إن كان الفيروس المسبب للمرض يتحور بسرعة أم لا؟

وتعتزم كندا إيداع تفاصيل الشفرة الوراثية للفيروس التي توصل إليها علماؤها في بنك معلومات مفتوح بالمعهد الأميركي للصحة (إن آي إتش) ليكون تحت تصرف الباحثين في جميع أنحاء العالم.

عمار يا كندا ... شوف الناس مش بتخبي العلم و لا بتحتكره و لا عايزه تستخدم الطب في التجارة بارواح الناس و لا و لا ولا و لا ........

بس يا دكتور ليه المعهد الامريكي للصحة بالذات !!!!!! :rolleyes:

و يا ترى ايه تأثير الموضوع ده على اعداد المهاجرين في الوقت الحالي خاصة بعد وفاة اول مصاب بكندا

تم تعديل 9 مايو 2009 بواسطة ahmed_saleh

[SoSo R]

يعنى نفهم من كدة يا دكتور إنهم فى الطريق لعمل مصل...ولا لسة الخطوة دى قدامها شوية؟؟

تحياتى

سوسورانى

[Lunalola]

الاخ الفاضل دكتور هشام

اتمنى انك تكون بصحة جيدة , ياريت تنقلنا اول باول التطورات على ارض الواقع في كندا عن انفلونزا الخنازير وهل فعلا في ناس بتتعالج منه لو تم اكتشافه فورا ولا المصاب بيموت على طول مش عايزة اقولك الموضوع دا قالقني اد ايه خصوصا ان احنا رايحين كندا يوم 20 مايو على اقصى تقدير ان شاء الله وبقول لنفسي ايه الحظ دا , ربنا يستر

[د هشام ابراهيم]

عمار يا كندا ... شوف الناس مش بتخبي العلم و لا بتحتكره و لا عايزه تستخدم الطب في التجارة بارواح الناس و لا و لا ولا و لا ........

بس يا دكتور ليه المعهد الامريكي للصحة بالذات !!!!!! :winner:

و يا ترى ايه تأثير الموضوع ده على اعداد المهاجرين في الوقت الحالي خاصة بعد وفاة اول مصاب بكندا

عاش من شافك يا باشا ...منور الموضوع يا أفندم :wub:

الصراحة مش عارف ليه المركز الأمريكي تحديدا ......تفسيري المتواضع إن الأمريكان هم الأقرب لتصنيع المصل أو إن المركز الأمريكي علي إتصال مباشر بامثاله خارج قارة أمريكا الشمالية

علي فكرة الأنفلونزا عادة بيبقى ليها ضحايا كل سنة ...سواء ال-H1N1 و لا غيرها .....حالة الوفاة المشار إليها كان عندها مشاكل صحية كتير و مش متأكدين إذا كانت الأنفلونزا كانت السبب في الوفاة و لا مجرد عامل ثانوي ...... علي حد علمي ما فيش تأثير علي أعداد المهاجرين و ما فيش قيود اضافية علي المهاجرين لكندا ....فيه اجراءات اضافية في المطارات و المواني انما علي الكل

[د هشام ابراهيم]

يعنى نفهم من كدة يا دكتور إنهم فى الطريق لعمل مصل...ولا لسة الخطوة دى قدامها شوية؟؟

بالفعل يا دكتورة ...الامريكان علي بعد اسابيع قليلة من تصنيع مصل ....أعتقد إن إكتشاف الكود الجيني للفيروس ممكن كمان يسرع العملية .....ربنا يسهل

[د هشام ابراهيم]

الاخ الفاضل دكتور هشام

اتمنى انك تكون بصحة جيدة , ياريت تنقلنا اول باول التطورات على ارض الواقع في كندا عن انفلونزا الخنازير وهل فعلا في ناس بتتعالج منه لو تم اكتشافه فورا ولا المصاب بيموت على طول مش عايزة اقولك الموضوع دا قالقني اد ايه خصوصا ان احنا رايحين كندا يوم 20 مايو على اقصى تقدير ان شاء الله وبقول لنفسي ايه الحظ دا , ربنا يستر

الله يخلي حضرتك يا سيدتي الفاضلة الحمد لله أنا أحسن كتير

لا الموضوع مش بالخطورة ديه .......أغلب حالات الانفلونزا خارج المكسيك كانت غير خطيرة ..... حالة الوفاة الوحيدة اللي حصلت في كندا لغاية دلوقتي كانت لسيدة بتعاني أمراض مزمنة كتيرة

الانفلونزا عامة كل سنة بتسبب وفيات ...عادة في كبار السن و المرضي اللي عندهم مشاكل في جهاز المناعة بتاعهم

كل حالات كندا المعلنة لحد النهارده كانت حالات بسيطة و ما فيش و لا واحدة احتاجت علاج في المستشفي

الحذر واجب بالطبع انما ما فيش داعي للخوف .....علي الأقل لحد دلوقتي