الوقائع الكندية

[moheltohamy]

خبر ع السريع نكتبه في الجريدة الكندية الرسمية اللي شطبت ، وقاعدة بتنش! :blink:

فاز اليوم فريق Calgary Flames الكندي على فريق Columbus Blue Jacket الأمريكي من مدينة Columbus, Ohio هزيمة ساحقة 6 - 2

طبعاً أنا ماليش في الكورة أصلاً ، هيبقى لي في الهوكي؟ بس كنت في مكتب الكونصالتانت هنا في البريمة ، ولقيته متنح ومتابع الماتش ، قلت لما نشوف حكاية الهوكي ده مع الكنادوة...

العيال الكنادوة تحفة بأمانة ، وبالذات الواد الجول كيبر بتاعهم معلّم كبير. الماتش بدأ يسخن مع نهاية الشوط التاني (المباراة 3 أشواط) ، وبدأ العنف من الطرفين الأمريكي والكندي ، كالمُعتاد في الماتشات بينهم. حتى في إحدى المرات لاعبين أمريكي وكندي طقشوا في بعض ، وشاطوا الحكم في النُص... حاجة عسل بصراحة! الألذ إنهم بيقوموا يكمّلوا لعب ، ولا كإن حاجة حصلت! wst::

وآدي لينك نتيجة المباراة من موقع الفريق الأمريكي:

http://bluejackets.nhl.com/club/recap.htm?id=2010020093&navid=DL|CBJ|home

وموقع الفريق الكندي ، وممكن تشوفوا الأهداف عليه:

http://flames.nhl.com/

ومش محتاج أضيف طبعاً إن بعد نهاية المباراة بدأت الأغاني المعتادة زي أغنية: الكنديين أهمه ، حيوية وعزم وهمّة... جيل بعد جيل متقدّمين... الكنديين الكنديين الكنديين! قلبي وياكوا يا كنديين فين ما تكونوا... إلى آخر الأغنية المعروفة للست جاسمين إجلو :lol:

[Rock]

اية دة يا دكتور تو انت بتشتغلنا ولا اية ؟؟؟ md2: انا دخلت اللنكين اللي انت حاططهم و قعدت مستني الاهداف وما شفتش الواد احمد متعب wst::

بجد مفتقدينك يا كبير

مستنيين تنزل مشاريب في قهوتك و يجعلة عامر :)

[alaashabana]

للرفع