الوقائع الكندية

[د هشام ابراهيم]

في خطاب العرش بمناسبة افتتاح الدورة البرلمانية الحاكم العام تحذر من عدة سنين صعبة للكنديين

الحاكم العام لكندا ميشيل جين افتتحت الدورة الحالية للبرلمان في أوتاوا بخطاب قصير استمر ٨ دقايق و حذرت فيه الكنديين من تداعيات الأزمة المالية العالمية و قالت "امامنا سنة صعبة .... قد تكون عدة سنين صعبة "

جاء الخطاب بعد تقارير صحفية عن خطة ستيفن هاربر رئيس الوزراء للنهوض بالاقتصاد عن طريق ضخ فلوس كاش في مجالات الزراعة و البنية التحتية و السكن الأقتصادي .... الخطة مفروض تحسن الوضع الأقتصادي لكن سينتج عنها عجز في الميزانية لاول مرة من ١٢ سنة

احزاب المعارضة اتخذت موقف حذر بعد المواجهة الأخيرة مع هاربر و المحافظين .... الليبراليين بعد أنتخاب رئيسهم الجديد شكلهم مش ناوي يسعي لمواجهة مفتوحة مع المحافظين .... الديمقراطيين و كتلة كوبيك لسه علي موقفهم المتشدد

الملخص أزمة اقتصادية عالمية بشايرها ابتديت توصل لكندا .... الحكومة عندها خطة بس لازم تعديها من البرلمان الاول ....احزاب المعارضة متربصة بسبب سياسات هاربر و لو إن حزب المعارضة الرئيسي موقفه غير واضح ....لما نشوف

الصورة اللي فوق من داخل البرلمان و اللي تحت الحاكم العام و رئيس الوزراء .... طبعا مش أنا اللي مصورهم

العبد الفقير لله ....من تورنتو ....محاورات المصريين (وش مراسل محاورات المصريين في تورنتو )

[Spanish Eyes]

لا حول ولا قوة إلا بالله يعني يا دكتور هشام ملكش كلمة على الناس دول يشدوا حيلهم شوية ازاي يتجراء ويقول "سنة صعبة او عدة سنوات صعبة" هو معرفش اني حشرفهم في كندا عما قريب انشاءالله (قولوا آمين).

انا في راي المتواضع ان 2009 هي الفيصل لو عدت يبقى عدينا من عنق الزجاجة وحتبتدي التداعيات دي تنتهي بالتدريج ....

عموما ادينا مرابطين متابعين ....

[أبو نور]

السلام عليكم دكتور هشام

والله بأمانة إنت تستاهل كل خير على وقتك ومجهودك

ربنا يجازيك كل خير

ويرزقك بالذرية الصالحة ويوفقك لما يحبه ويرضاه

:)

[Gimie]

د.هشام باشا ...... تسجيل متابعة يافندم ....

و مبروك على البيت الجديد (معلش قلت اكتبها هنا برضه ..:) زي "كوهين لما ابنه مات و كتب في الجرنان : كوهين يعني ولده و يصلح راديوهات " .................ههههههههه)

[ابن الصعيد]

رفع الموضوع للحاكم العام لكندا (ممثلة الملكة .... منصب شرفي لكن ليه صلاحيات دستورية زاي تعطيل الدورة البرلمانية لعدة اسابيع لمنع أي قرار ممكن يسبب أزمة ...بالمناسبة الحاكم العام لكندا حاليا سيدة مهاجرة من هايتي ... داكنة البشرة و كانت تعمل كصحفية و مذيعة )

يعني الواد ابني ممكن يكون حاكم عام لكندا وانا مثلا عمدة تورونتوا بعد الحصول علي الباسبور الكندي .....دة انا محلمش اكون عمدة عزبة الزرزور ...... وعمار ياكندا

[qenawy]

النمس هاربر ده باصص علي ايه بالضبط

[torontobanker]

Manitoba lesbian couple says doctor refused them because of sexual orientation

http://ca.news.yahoo.com/s/capress/090127/...n_couple_doctor

By Chinta Puxley, The Canadian Press

WINNIPEG - A Manitoba lesbian couple rejected by a family doctor from Egypt for religious reasons says Canada must better educate foreign-trained physicians.

Andrea Markowski said she and her partner Ginette were stunned when the Winnipeg doctor told them during a "meet-and-greet" appointment she was uncomfortable accepting them as patients and had never treated "people like you" before.

Dr. Kamelia Elias

http://www.lakewoodmedical.ca/profile.cfm?pid=22

تم تعديل 27 يناير 2009 بواسطة torontobanker

[د هشام ابراهيم]

لا حول ولا قوة إلا بالله يعني يا دكتور هشام ملكش كلمة على الناس دول يشدوا حيلهم شوية ازاي يتجراء ويقول "سنة صعبة او عدة سنوات صعبة" هو معرفش اني حشرفهم في كندا عما قريب انشاءالله (قولوا آمين).

انا في راي المتواضع ان 2009 هي الفيصل لو عدت يبقى عدينا من عنق الزجاجة وحتبتدي التداعيات دي تنتهي بالتدريج ....

عموما ادينا مرابطين متابعين ....

cof)::)

في الواقع يا سيدتي الفاضلة أنا أفضل المصارحة و المكاشفة و الشفافية من الحكومة .....و مش عايز حكومة تقولي كله تمام و ما فيش في الأمكان أحسن من اللي كان cof):

عند حضرتك حق تماما ...أغلب خبراء الأقتصاد بيقولوا إن ٢٠٠٩ سنة حاسمة في تحديد مسار الازمة الأقتصادية حتتفك و لا حتتعقد ربنا يستر علي الجميع ..... تحياتي و امتناني لشخصك الكريم

تم تعديل 27 يناير 2009 بواسطة د هشام ابراهيم

[د هشام ابراهيم]

السلام عليكم دكتور هشام

والله بأمانة إنت تستاهل كل خير على وقتك ومجهودك

ربنا يجازيك كل خير

ويرزقك بالذرية الصالحة ويوفقك لما يحبه ويرضاه

cof): cof): smk:

جزاك الله كل خير يا أخي الفاضل و في انتظار مشاركاتك إن شاء الله :quest: :quest:

[د هشام ابراهيم]

د.هشام باشا ...... تسجيل متابعة يافندم smk: ....

و مبروك على البيت الجديد (معلش قلت اكتبها هنا برضه .. زي "كوهين لما ابنه مات و كتب في الجرنان : كوهين يعني ولده و يصلح راديوهات " .................ههههههههه)

cof):

:quest:

العفو يا باشا ... و بعدين الأخ كوهين كان ساعاتي :quest:

الله يبارك في حضرتك و متابعة حضرتك تشرفني cof):

[د هشام ابراهيم]

رفع الموضوع للحاكم العام لكندا (ممثلة الملكة .... منصب شرفي لكن ليه صلاحيات دستورية زاي تعطيل الدورة البرلمانية لعدة اسابيع لمنع أي قرار ممكن يسبب أزمة ...بالمناسبة الحاكم العام لكندا حاليا سيدة مهاجرة من هايتي ... داكنة البشرة و كانت تعمل كصحفية و مذيعة )

يعني الواد ابني ممكن يكون حاكم عام لكندا وانا مثلا عمدة تورونتوا بعد الحصول علي الباسبور الكندي .....دة انا محلمش اكون عمدة عزبة الزرزور ...... وعمار ياكندا

ممكن جدا .....و مطلوب و ضروري كمان ..... احنا وضعنا كعرب في الغرب مش أوحش من السود في أمريكا و رغم كل الظروف و الاحداث انما رئيس أمريكا الحالي أسود من أصل أفريقي

كلمة كانت مرة قالتهالي استاذة دكتورة كندية لما كنا بنتناقش عن أحادية و انحاز نظرة الاعلام ...كان رأيها إن احنا نوجه ولادنا ناحية ممارسة الصحافة و الأعلام و السياسة مش لازم كلهم يبقوا دكاترة و مهندسين ....يا مسهل يا رب cof):

[د هشام ابراهيم]

النمس هاربر ده باصص علي ايه بالضبط

ما تظلمش الراجل يا دكترة عنيه الاتنين علي كباية المياه cof):

[د هشام ابراهيم]

Manitoba lesbian couple says doctor refused them because of sexual orientation

http://ca.news.yahoo.com/s/capress/090127/...n_couple_doctor

By Chinta Puxley, The Canadian Press

خبر مهم و يستاهل .... طبعا مليان توابل صحفية بس مشكلة التعامل مع مثلي الجنس ديه موضوع مهم و حساس جدا ....بما إن حضرتك ما علقتش علي الخبر فاسمحلي أعلق أنا عليه cof):

- مثلي الجنس في الغرب كله مش كندا بس وراهم جماعات ضغط و ألة إعلامية قوية ما بيصدقوا خبر زاي ده علشان يصطادوا في المياه العكرة

- الموضوع في الغرب كله بيتشاف علي إنه حرية شخصية و ساعات كمان فرض جبري صاحبه ما لوش دخل بيه !!

- وجود طبيب مهاجر في الخبر فرصة لليمين المتطرف إنه يهاجم المهاجرين اللي ما بيحترموش تقاليدنا و قيمنا إلي أخر الأسطوانة المشروخة الكريهة .... المضحك في الموضوع إن اليمين المتطرف موقفه من قضايا ذي مثلي الجنس أو الاجهاض أو العلاقات الجنسية خارج اطار الزواج هو نفس موقف الشرقيين المتدينين

- ما فيش في كندا حد يقدر يجبرك تعمل حاجة إنت مش عايزه بشرط إن موقفك ده ما يعرضش حياة حد للخطر و بشرط انك تتبع اللوائح و القوانين المنظمة .... يعني لو الدكتورة كانت في الطوارئ و جالها المريض في حادثة ما ينفعش ترفضه (بديهي ) ... في الخبر المنشور و الرابط المرفق الدكتورة طبيبة عائلة و مش شكل حالة المرضي كانت خطيرة .... طبعا أنا مش متأكد هي تصرفت ازاي انما التصرف الصحيح هو تحويلهم لطبيب تاني من غير إعلان إن سبب التحويل مبني علي أي تمييز بسبب اللون أو الجنس أو الدين أو التوجه الجنسي أو الشكل الخارجي.. إلخ (ده نص اللائحة من محاضرة طويلة عريضة عن كيفية تعامل الطبيب المهاجر مع موقف زاي ده )

- مواقف زاي ده لازم الواحد ياخد باله منها جدا و يتصرف صح و ديه أهم حاجة نستخلصها من الخبر كله

مراسلكم في تورنتو العبد الفقير لله (وش سانجاي جوبتا بتاع ال-CNN )

[pharaon]

النمس هاربر ده باصص علي ايه بالضبط

cof):

[SoSo R]

أنا عندى سؤال يا دكتور......بخصوص موضوع مثلىى الجنس ,طبعا أنت عارف إن الموضوع دة كبير جدا و تقسيماته و تصنيفاته كتيرة جدا

يا ترى الناس الموجودة فى كندا من أى فئة ؟؟

هل شكلهم و لبسهم عادى و ما يفرقوش حاجة عن الناس الطبيعيين ولا هما من المتشبهين بالنساء اللى بيئذوا عبنينا بمناظرهم كل يوم ..و فى كل حتة هنا فى الخليج؟؟؟

[د هشام ابراهيم]

أنا عندى سؤال يا دكتور......بخصوص موضوع مثلىى الجنس ,طبعا أنت عارف إن الموضوع دة كبير جدا و تقسيماته و تصنيفاته كتيرة جدا

يا ترى الناس الموجودة فى كندا من أى فئة ؟؟

هل شكلهم و لبسهم عادى و ما يفرقوش حاجة عن الناس الطبيعيين ولا هما من المتشبهين بالنساء اللى بيئذوا عبنينا بمناظرهم كل يوم ..و فى كل حتة هنا فى الخليج؟؟؟

مش في الخليج بس يا سيدتي الفاضلة ...كل مكان شرق العالم و غربه و علي مر الأزمنة ...حتي في مصر اليوم ..... قريب لي في مصر كان بيأكد لي إن فيه طلبة في الجامعة الخاصة اللي بيدرس فيها بيجاهروا باعلان المصيبة ديه !!!

الثقافة الجمعية للكنديين و سياسة كندا المعلنة بتفخر بالتسامح و قبول الأخر مهما كان .... مثلي الجنس مستفيدين من الحكاية ديه جدا و بالنسبة لهم كندا جنة ... مساواة و عدم تمييز و حوادث عنف و كراهية أقل من أي مكان تاني ....كل "الأنواع" موجودة في تورنتو

و مع ذلك المناظر اللي حضرتك بتسألي عنها من لبس هدوم الجنس الأخر و وضع مساحيق و التحدث و التحرك بطريقة معينة موجودة علي نطاق ضيق جدا .... مثلي الجنس في الأغلب الأعم غير ظاهرين .....ما عدا في منطقة في تورنتو تسمي ال-Boys Village تقع شرق شارع يانج تقاطع شيرش و ولسلي ديه معقل مثلي الجنس في تورنتو و بتزيد فيها المناظر المؤذية عن بقية المدينة .... خصوصا وقت الأستعراض السنوي اللي بيقام في يوليو و بيسموه أستعراض الفخر Pride parade!!!!!

كلما تحركت حضرتك بعيدا عن وسط المدينة إلي الضواحي بتختفي المناظر ديه تماما

[د هشام ابراهيم]

كندا أول دولة أجنبية يزورها اوباما في أول رحلة خارجية ليه

أعلن البيت الأبيض النهارده إن الرئيس الامريكي الجديد اختار كندا لتكون أول ما يزور خارج الولايات المتحدة تحديد في ١٩ فبراير القادم .... برنامج الزيارة لم يعلن و إن كان غالبا سيقتصر علي أوتاوا بس

علاقة أمريكا بكندا غريبة شوية ..... أكبر شريك تجاري و حليف سياسي و مع ذلك مختلفين في حاجات كتير .... رئيس الوزراء الحالي ستيفن هاربر ينتمي لليمين المحافظ زاي الغير مأسوف علي شبابه بوش و عصابته .... مواقف هاربر كانت دايما مؤيدة لبوش علي طول الخط و كتير من المراقبين في انتظار مشاهدة كيف سيتصرف مع اوباما اللي ناوي يغير كل حاجة كان بيعملها بوش .... أول أسبوع لاوباما في الحكم قرر إغلاق معتقل جوانتانامو و أدلي بحديث تلفزيوني لقناة العربية (أول حديث بعد توليه الرئاسة رسميا) حاول يتقرب فيه من العرب و المسلمين بحذر و كمان أعلن إنه مصمم علي حل مشكلة فلسطين (أفلح إن صدق طبعا )

لما نشوف :rolleyes:

مراسل محاورات المصريين ...تورنتو ...كندا :blush2:

[newcomer]

شغل ز ى الفل هنا يا دكتور :rolleyes:

بس ملاحظة ان المحطة الاساسية

الشغل فيها.....مش واخد حقه ...شوية :blink:

كان معكم....

مراقب عام المحطات.......( محاورات المصريين)

[د هشام ابراهيم]

شغل ز ى الفل هنا يا دكتور :rolleyes:

بس ملاحظة ان المحطة الاساسية

الشغل فيها.....مش واخد حقه ...شوية :wub:

كان معكم....

مراقب عام المحطات.......( محاورات المصريين)

سعادة المنسق العام و المراقب العام و المتابع الأكرم :blink: ...طب أعمل إيه .... الطلبات قلت هناك يا سيدتي الفاضلة ....... فيه طلبين بس اللي فاضلين

١- التسوق و ديه ما ليش فيها قوي .... منهجي في التسوق بسيط ....أدخل أول محل تلاقيه و اشتري كل اللي إنت عايزه و أوعي تلف أو حتي تبص علي المحل اللي بعده :unsure:

٢- طباع الكنديين و ديه بنقنق فيها .... و عمنا الزعيم التهامي متألق فيها أصلا فمش حاسس إن عندي جديد

دبرونا يا أدارة :blink:

[moheltohamy]

شغل ز ى الفل هنا يا دكتور :wub:

بس ملاحظة ان المحطة الاساسية

الشغل فيها.....مش واخد حقه ...شوية wst::

كان معكم....

مراقب عام المحطات.......( محاورات المصريين)

سعادة المنسق العام و المراقب العام و المتابع الأكرم :unsure: ...طب أعمل إيه .... الطلبات قلت هناك يا سيدتي الفاضلة ....... فيه طلبين بس اللي فاضلين

١- التسوق و ديه ما ليش فيها قوي .... منهجي في التسوق بسيط ....أدخل أول محل تلاقيه و اشتري كل اللي إنت عايزه و أوعي تلف أو حتي تبص علي المحل اللي بعده :)

٢- طباع الكنديين و ديه بنقنق فيها .... و عمنا الزعيم التهامي متألق فيها أصلا فمش حاسس إن عندي جديد

دبرونا يا أدارة :)

هاهاهاهاهاها :rolleyes:

مانتا يا باشا ضربتلي الشوبنج بالكلام بتاعك اللي ما سابش ولا خلّى... ما بقاش عندي كلام تاني اقوله!

يعني المفروض كل أهوة يكون ليها مشاريبها المخصوصة ، عشان ما نلطشّي الزباين من بعض! :blink:

بس ارجع وائول... ما هي المشاريب سخن وبارد... هنجيب منين يعني احنا؟!!! :blink:

وحكاية منهجك التسوّقي... إسمحلي أقولهالك بصراحة...

إنتا كده إنسان مش أد المسئولية ، ومش حاسس بإيمة الفلوس ، ومش حريص ، ولا بتفكر في بكره!

زيّي بالظبط :lol: