الغيرة

[نورسين]

عجبتنى صيغه جمله قرأتها عن الغيره حبيت اذكرها

إذا ضبطت نفسك متلبساً بالغيرة "على " إنسان ما

فتفقّد أحاسيسك جيداً، فقد تكون في حالة " حب " وأنت "لا تعلم"..

وإذا ضبطت نفسك متلبساً بالغيرة "من" إنسان ما

فطهّر أحاسيسك جيداً فقد تكون في حالة "إثم" وأنت "تعلم".

جميل قوى الكلام ده بس من الواضح انه فى الحاله التانيه لازم نلغى الغيره لانها اثم لكن فى الحاله الاولى نعمل ايييه "نخليها مظبوطه"بس دى بترجع للفروق الفرديه بين الناس وبعضها " فى التفكير والتربيه والمووروث الثقافى "فما يراه البعض يستحق الغيره قد يراه اخر شئ عادى جدا

[الباشمهندس ياسر]

لا يمكن لا يمكن لا يمكن

بس خلاص

ما تجيب م الاخر و تقول انك صعيدي اصلا

مش ممكن يا ابني اللي انت فيه ده

بس عاوز الحق ...؟؟؟

احنا مش بنتغير

الذهب عمره ما يتغير يا صاحبي

ازي حضرتك يا باشمهندس ياسر فعلا موضوع الغيرة اللى حضرتك طرحته جاامد جدا 000000 والغيرة ليها انواع كتيرة ومن ناحية تانية هى سلاح ذو حدين فى كل اشكالها وانواعها فمثلا فى غيرة التميز يعنى الشخص بيحب انه يكون متميز في شغله او متفوق في دراسته ومافيش حد احسن منه والغيرةلما بتكون معقولة بتكون مفيدة فبتخلى الشخص يجتهد الي ان يتميز ويتفوق على غيره بس لو الغيرة كانت زيادة قوى دى ممكن توصل لمرحلة الحقد والكره للآخرين 0000000000000

كمان فى الغيرة فى الحب زى ما قالت ذهبية تعتبر ترمومتر الحب والحب هنا بكل انواعه حب الابنة لأبوها او الحب بين الازواج او الحب بين افراد الاسرة او الحب بين الأصدقاء والغيرة في الحب معناها انى بكون طماعة عايزة كل الاهتمام والحب ليا انا ومحدش يشاركنى فيه فمثلا غيرة الزوجة على زوجها بتبقى عايزة تاخد كل الحب والاهتمام من جوزها ومش عايزاه يهتم بحد تانى غيرها كما لو ان الزوج لو اهتم بالآخرين يبقى فى حبة اهتمام اللى مخصصين ليها هينقص كمان غيرة الزوج على زوجته شئ مهم لاننا في مجتمع شرقى فالغيرة هنا دليل عالحب والرجولة والخوف عالعرض والشرف ولو اختفت الغيرة دى تبقى مصيبة ولو زادت عن حدها تبقى كارثة لانها ممكن توصل لكره الاشخاص اللى بيتعامل معهم الشخص المغار عليه وممكن توصل لمرحلة الشك وسوء الظن وساعتها بيضيع الحب وشط زحام الشكوك والظنون 0000000

وفى الغيرة على الدين والوطن ودى غيرة ايجابية لاننا بنرفض اى اساءة ليهم ودى فى وجهة نظرى غيرة ايجابية00**00

عشان كده بنقول ان الغيرة مهمة بس فى حدود معينة بتكون الغيرة ايجابية ولو زادت عن حدها بتكون سلبية يعنى خير الامور الوسط000000

اهلا و سهلا بحضرتك

كلامك معقول و مفيد

طب نحل مشكلة الغيرة سكر زيادة ازاي؟؟

الزوج بيغير علي جوزه يا اسماعيل بيه.....عشان هو لازم يشعر انها انثاه هو فقط

طيب الحل ايه يا استاذه

نجيب حبوب من الصيدلية و لا نشرب بردقوش ولا نعمل ايه؟

[jasmin hamed]

السلام عليكو .............. اللى انا هقولوا ده راى شخصى محض ........ يعنى تقريبا معظم الناس مش معاه

الغيره اكره احساس على قلبى خنقه و ضيق و ملل وعدم ثقه و لا ارى فيها اى تعبير عن الحب الصافى انما حب التملك و الانانيه و الدليل انوا الانسان ممكن يشعر بالغيره من غير حب ولا حاجه ............. يعنى الشعور فى حد ذاته هو دليل عن عدم الثقه بالنفس و النعبير عنه يقيد الشريك و اهانه له كانوا اتهام ان ممكن يستبدله

الانسان لما بيحب ما بيشوفش غير الى بيحبه بس يعنى اصلا كل الناس بعده بيبقوا شخوص كلهم ذى بعض .

و انا اتصور انوا اكثر الرجال غيره هما اكثرهم عيون زايغه

[jasmin hamed]

الحل و الله اعلم هو تعزيز الثقه بالنفس يعنى تاكد انك فى عين شريكك الاحلى و الاذكى و الاوسم و ان صنف الرجال فى اعين من تحب بعدك هياكل

[pocy]

عجبتنى صيغه جمله قرأتها عن الغيره حبيت اذكرها

إذا ضبطت نفسك متلبساً بالغيرة "على " إنسان ما

فتفقّد أحاسيسك جيداً، فقد تكون في حالة " حب " وأنت "لا تعلم"..

وإذا ضبطت نفسك متلبساً بالغيرة "من" إنسان ما

فطهّر أحاسيسك جيداً فقد تكون في حالة "إثم" وأنت "تعلم".

بصراحه الرد ده عجبنى جدا لانه بكل بساطه بيقولك على النوعين بتوع الغيره الغيره المحموده والغيره المذمومه

وبصراحه اكتر انا وانا مخطوبه كنت بغير جدا على جوزى والله كنت بغير عليه من هدومه لانها كانت اقرب منى ليه وكنت بغر من اخواته ومامته لانهم قاعدين معاه ليل نهار وعارفين عنه كل حاجه وحتى اصحابه فى الشغل كنت بغير منهم (توضيح ايام الخطوبه كان هو فى القاهره وانا طبعا فى السويس وبشوفه كل اسبوع او اسبوعين على حسب ظروف الشغل )

اما بعد الزواج فالواحد نضج شويه وبقيت بغير من اى حد بيسلم عليه راجل او ست هههههههههههههههههههه بس والحمد لله

واعتقد انها فعلا الملح للسعاده عارفين ليه يعنى مثلا لما بيكلمنى من الشغل سمعت صوت رجل عماله تتكتك وهى ماشيه استحاله تكون راجل بسأله مين اللى بيتكتك بيقلي عادى دى نانسي طبعا جه فى بالى نانسي عجرم ماشيه قدامه لما جه طبعا كنت مستياه مين نانسي دى قالى دى أد كده هههههههههههههههههههه

المهم وباختصار الغيره بتبقي حلوه ساعات واوقات تانيه تبقي الله يعين بصراحه

والغيره في كل الاوقات يا ما محموده يامذمومه

وتحياتى على الموضوع الرائع ده

[الباشمهندس ياسر]

و انا اتصور انوا اكثر الرجال غيره هما اكثرهم عيون زايغه

ربنا يكرمك من عنده يا جاسمين

صباحك فل و ياسمين

هقول ايه

لنا الله

[jasmin hamed]

و انا اتصور انوا اكثر الرجال غيره هما اكثرهم عيون زايغه

ربنا يكرمك من عنده يا جاسمين

صباحك فل و ياسمين

هقول ايه

لنا الله

و الله يا فندم انا مش قصدى اي حاجه ديه نظريه شخصية و ذى ما قلت اغلب الناس مش بتتفق معها ........ ارجو ان كلامى مايسببش اى ضيق لحضرتك

[الباشمهندس ياسر]

لا ضيق ولا حاجة يا اختي

انما الفكرة ان هبدأ احس ان الموضوع بيتفهم كده عند كتير من بناتنا

يعني مرة بنتناقش و سمعت راي مشابه لده جدا

الموضوع هيبدأ ياخد شكل ظاهرة بقي :closedeyes:

الفكرة

ان تقريبا بيحصل خلط بين الغيرة و الشك

و شتان بين الاتنين

[مغتربة]

بين الغيره و غريزة التملك

خيط رفيع

[engtaha]

الغيرة نار تحرق كل المشاعر وتدمرها

[الباشمهندس ياسر]

الغيرة نار تحرق كل المشاعر وتدمرها

اهلا يا هندسة

نورت المنتدي

اي بقي

مالك يا عم طه؟

الغيرة زي الشطه كده

ينفع تأكل من غير شطه

طب ينفع تاكل و الاكل يبقي عادم

ياراجل

هتفضل مقضيها رومانسية بس

طب الحياة هتبقي ملزقة

لازم شوية مناغشة كده

[رضوي]

السلام عليكم ورحمة الله وبركاته

الغيرة ................ كغيرها من المشاعر الانسانية ........ طبيعة وهبة

وهي دليل علي الحب

وليس حب الامتلاك

شتان بينهما

مش معني اني بغير علي اختي او اخويا او زوجي ........... يبقي انا عايزة امتلكه

اعتقد ان الغيرة هي دليل الحب

وطبيعي جدا ان الرجل يكون بغير علي شريكة حياتة ......... لأن اللي مش بيغير عنده حاجة غلط ........ م الآخر مش رجل شرقي

وهناك فاصل بسيط غبر مرئي بين الغيرة والشك ...................... فطالما وجدت الثقة بين الطرفين فالغيرة تبدو بملامحها الايجابية المعبرة عن الحب ونتفادي اي معني سلبي لها

دة من وجهة نظري المتواضعة جداً

تحياتي

[Alrefaey]

الغيرة سلوك طبيعى وغريزى ولكنه نسبى وبتختلف درجاتة نتيجة الى عدة عوامل

اللامبلاة فى المشاعر اتجاة الطرف الأخر ليس بالطبيعى والغيرة التملكية سلوك مرضى

لذا خير الامور الوسط

وليتفضل الجميع دى :ninja:

[الباشمهندس ياسر]

قال: ـ

أغارُ

مِن العيد لأنّكِ تنتظرينه

مِن ثياب أفراحك

مِن اشتهائك لها

مِن اقتنائك ما سيراك فيه

غيري

مِنْ غيري

لأنّه لا يدري كم أغار

مِن غريب يراكِ

***

أغارُ

مِن بهجة في نهاية السنة

تُزيّنُ بابكِ

مِن بابكِ

لأنّه يحرسُ سرّكِ

مِن مفاتيح بيتك

لأنّي قفلك ومفتاحك

***

أغارُ

مِن الشجرة المقابلة لبيتك

لا أحد يسألها

مَن منحها حق العيش

بمحاذاتك

من جرس بابك

لأنّه يُنبُّهكِ أنّ أحدهم جاء

ولأنّ الذي يأتي

لن يكون يوماً أنا

***

قالت:ـ

أغار

مِن حبل غسيلٍ ينفردُ بثوبك

من الشمس التي تتلصص عليه

فتكشف سرّك

مِن ملاقط الغسيل

التي تطبق عليه ذراعيها

مِن الريح التي تهزُّه

فينتفضُ قلبي في بلاد أُخرى

خوفاً عليك

***

في نومي

أغارُ مِن نومك

أستيقظ لأتفقّد أحلامك

أُحدّق طويلاً فيك

كلّما خلدت للنوم

باشر قلبي نوبة حراستك

خشية أن تُغري الموتَ وسامتُك

فيطيلَ نومك

احلام

[عاشق الترحال]

الغـــــــــــــــــــــــــــــــــــــــــــــــــيره

روى البخاري عن أبي هريرة ان رسول الله صلى الله عليه وسلم قال: “ان الله يغار، وإن المؤمن يغار وغيرة الله ان يأتي العبد ما حرم عليه”.

روي ان سعد بن عبادة قال: لو رأيت رجلاً مع امرأتي لضربته بالسيف غير مصفح. فقال الرسول: “اتعجبون من غيرة سعد، لأنا أغير منه، والله أغير مني، ومن أجل غيرة الله، حرم الفواحش ما ظهر منها وما بطن”.

أنا عن نفسي كلمة بغـــــــــــــــــــــــــــير دي قليله أوي عن أنها توصف مشاعر الغيره عندي أد أيه ودي فطره كده من عند ربنا والحمد لله ربنا رزقني بإبني وفيه نفس الخصله دي :D

وعن نفسي يكفيني أن اسمع قول رسول الله صلى الله عليه وسلم

{ لا يدخل الجنة ديوث. قالوا: ومن الديوث يا رسول الله؟ قال: الذي لا يغار على محارمه }

والشاعر بيقول

ما كانت العذراءُ تُبدي سترها *** لو كان في هذه الجموع رجال

تحياتي :rolleyes:

تم تعديل 24 فبراير 2010 بواسطة عاشق الترحال

[shiko]

الغـــــــــــــــــــــــــــــــــــــــــــــــــيره

روى البخاري عن أبي هريرة ان رسول الله صلى الله عليه وسلم قال: "ان الله يغار، وإن المؤمن يغار وغيرة الله ان يأتي العبد ما حرم عليه".

روي ان سعد بن عبادة قال: لو رأيت رجلاً مع امرأتي لضربته بالسيف غير مصفح. فقال الرسول: "اتعجبون من غيرة سعد، لأنا أغير منه، والله أغير مني، ومن أجل غيرة الله، حرم الفواحش ما ظهر منها وما بطن".

أنا عن نفسي كلمة بغـــــــــــــــــــــــــــير دي قليله أوي عن أنها توصف مشاعر الغيره عندي أد أيه ودي فطره كده من عند ربنا والحمد لله ربنا رزقني بإبني وفيه نفس الخصله دي :D

وعن نفسي يكفيني أن اسمع قول رسول الله صلى الله عليه وسلم

{ لا يدخل الجنة ديوث. قالوا: ومن الديوث يا رسول الله؟ قال: الذي لا يغار على محارمه }

والشاعر بيقول

ما كانت العذراءُ تُبدي سترها *** لو كان في هذه الجموع رجال

تحياتي :rolleyes:

عاجبنى اوى تناول حضرتك للموضوع بالوجهة دى...طرحك للموضوع يستحق الاشادة

[MZohairy]

بالمناسبه

الغيره ليس لها علاقه شرطيه بالدين او بالجنسية

بمعنى ان الرجل الملحد قد يغير على حبيبته او زوجته اكثر من رجل متدين و العكس صحيح ايضا

و امرأه كافرة قد تغير على زوجها او حبيبها أكثر من امرأة متدينة

نفس الشيئ ينطبق على الانسان الغربي و الشرقي و المتعلم و الجاهل ..........

الغيره شعور فطري يزيد او ينقص حسب الظروف و النشأه و عوامل كثيرة أخرى

تحياتي

[عاشق الترحال]

بالمناسبه

الغيره ليس لها علاقه شرطيه بالدين او بالجنسية

بمعنى ان الرجل الملحد قد يغير على حبيبته او زوجته اكثر من رجل متدين و العكس صحيح ايضا

و امرأه كافرة قد تغير على زوجها او حبيبها أكثر من امرأة متدينة

نفس الشيئ ينطبق على الانسان الغربي و الشرقي و المتعلم و الجاهل ..........

الغيره شعور فطري يزيد او ينقص حسب الظروف و النشأه و عوامل كثيرة أخرى

تحياتي

تمام يا زهيري باشا كلامك مظبوط ميه في الميه .

لكن أنا كمسلم الأولى والأجدر بي أني يبقى عندي غيره أكتر من أي حد وخصوصا لما أسمع كلام رسول الله صلى الله عليه وسلم يحثني ويحفزني على اني أغار علي محارمي .

تحياتي :rolleyes:

[الغريب]

بالمناسبه

الغيره ليس لها علاقه شرطيه بالدين او بالجنسية

بمعنى ان الرجل الملحد قد يغير على حبيبته او زوجته اكثر من رجل متدين و العكس صحيح ايضا

و امرأه كافرة قد تغير على زوجها او حبيبها أكثر من امرأة متدينة

نفس الشيئ ينطبق على الانسان الغربي و الشرقي و المتعلم و الجاهل ..........

الغيره شعور فطري يزيد او ينقص حسب الظروف و النشأه و عوامل كثيرة أخرى

تحياتي

ممكن نقول مش كل غيور متدين إنما كل متدين غيور .. حلوة

أنا عندي إعتقاد كامل بأن من أروع الصفات الشخصية والتي للأسف أشعر بأنها معرضة للإنقراض "الغيرة" و "الحياء"

[عاشق الترحال]

عاجبنى اوى تناول حضرتك للموضوع بالوجهة دى...طرحك للموضوع يستحق الاشادة

متشكر لحضرتك ده بس من ذوقك يا شيكو :rolleyes:

تحياتي :D :wub: