نشرة أخبار العقارات

[الأقصرى]

السلام عليكم

الاخ الفاضل مصرى

نحن متفقين بنسبة 90% فالاسعار التى اتكلم عليها فى مدينة بدر هى اسعار الاوفر هناك ,

غير الاوفر بتدفع المدفوع وهو عباره عن 20 الف المقدم + الرخصة تقريبا 5 الاف يعنى المجموع 90+25= 115 الف

فبالتالى اللى طالب 130 الف فى الوسيط يخلص على الترابيزه ب 110 الف وبالذات مع مرور الوقت فى بدر وتناقص فترة المهله لتلك الاراضى.

اما الاعلانات العشوائيه فى جريدة الوسيط فهى الشطه اللى بيحاول بيها التجار يولعو السوق فمثلا ينزل قطعه ثمنها 130 الف وينزل اعلان ثانى بتليفونات ثانيه لقطعه مجاوره لها ب 180 الف جنيه عشان يبيين ان ام 130 الف دى لقطه والقصه اعلان ب 125جم

غير كده فيه ناس عايشه فى الوهم زى اللى طالب 275 الف جنيه صدقنى انا متاكد انه ما جالوش اى اتصال.

مثلا فى نفس العدد السابق للوسيط واحد عارض ارض من مجلس الدفاع الوطنى ب 1700جم /م لمساحة 505 وفى نفس الصفحه واحد عارض ارض 349 متر فى نفس المكان وعند الاتصال به قال ان السعر نهائى 2200متر, ومش بعيد يكونوا القطعتين لنفس المصدر. يعنى فيه خبط فى الوسيط يجب الحذر منه وزالافضل اللجوء الى سماسرة المنطقة مع الاسترشاد بالوسيط فقط.

طبعا ربنا يوفقك فى القرعه القادمه او حتى تشترى بره القرعه بمكسب بمعقول مش كل من دفع 20 الف عايزهم 150 الف

صبراُُ السوق حيزبط نفسه خلال هذا العام والعام القادم وان شاء الله حتلاقى الاوفر 50 الف خلال سنه.

تحياتى للجميع

[عاشق]

أعتقد انه ما زال هناك بعض الوقت على القرعة الخامسة

((وهذا مجرد وجهة نظر))

واعتقد انه حين تم الاعلان القرعة الرابعة كان هناك اعلان رسمي واضح وليست تصريحات صحفية على موقع هيئة المجتمعات العمرانية

وواتذكر حينها ... إن لم تخنى الذاكرة كان الاعلان قبل موعد القرعة بأسبوعين

وموعد التقدم للقرعة حينها كان في حدود الشهر

مع التمنيات للجميع بالتوفيق

بس فعلا واضح ان هناك تخبط شديد جدا في المعلومات والتصريحات ((وللاسف تكاد تكون مقصوده))

[أشرف محمد]

باشمهندس اشرف

بتكون مدة الحجز قد ايه بعد فتح باب الحجز ؟

وتعتقد المرة ديه بجد ولا زى كل مرة ؟

خالص التحية والتقدير

بسم الله الرحمن الرحيم

الأخ الكريم / Amr Elgbaly

تحية طيبة وبعد 000

1- طبقاً للمعتاد في القرعات السابقة تكون مدة الحجز شهر 0

2- المفروض أن هذه المرة بجد لأننا الآن في الموسم العقاري المعروف بأنه مضروب هذا العام و هم بيحاولوا بقدر الإمكان إشعال السوق بأي طريقة 0

خالص تحياتي

مهندس / أشرف محمد

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

قال إن أراضي القرعة الجديدة 000 أواخر الشهر الجاري

م / دمرداش : طرح قطع أراضي بمساحات 250 م2

أعلن المهندس / محمد دمرداش مساعد أول وزير الإسكان( نفس المسئول الذي صرح مسبقاً أن الطرح سيكون اليوم ثم بعد ذلك قال أوائل الأسبو ع القادم ) أنه سيتم طرح أراضي القرعة الجديدة للإسكان العائلي أواخر شهر يوليو الجاري بعد الإنتهاء من إعداد الأرض التي سيتم طرحها في القرعة !!!!!

و قال إنه سيتم قريباً طرح مشروع ( إبني شقتك ) و هو عبارة عن قطعة أرض مساحتها 250 م2 سيتم البناء على 50 % منها و يمكن مشاركة أربعة أفراد في قطعة واحدة 0

و أكد أن هذا المشروع سيؤدى إلى تنشيط السوق العقاري و سيعود بفائدة كبيرة على المستفيدين منه لأن تكلفة الوحدة ستكون أقل بكثير من البناء عن طريق الغير و الذي يحصل على هامش ربح يضيفه على تكلفة البناء 0

في الوقت نفسه أكد المهندس محمد دمرداش أن السوق العقاري بدأ يتحرك في الفترة الأخيرة و هو ما إنعكس في تزايد حركة الإنشاءات مشيراً إلى أن سوق العقار مثل القاطرة حيث أنه يجر وراءه السوق كله 0

التعليق على الخبر :-

يا جماعة حرام عليكوا هذا التخبط إرحمونا و إصدقوا في تصريحاتكم ولو لمرة واحدة فقط !!!

مهندس / أشرف محمد

تم تعديل 15 يوليو 2009 بواسطة أشرف محمد

[Amr Elgbaly]

اشكرك عاشث اشكرك باشمنهدس اشرف

سؤال اخر واسف لاسئلتى الكتير

ايه الحد الادنى للمساحة اللى اقدر ابنى عليها

يعنى مثلا الارض لو 500 متر اقل حاجة ابنيها لازم يكون كام فى المية من مساحة الارض ؟ ولا مفيش تحديد ؟

خالص التحية والتقدير

[أشرف محمد]

اشكرك عاشث اشكرك باشمنهدس اشرف

سؤال اخر واسف لاسئلتى الكتير

ايه الحد الادنى للمساحة اللى اقدر ابنى عليها

يعنى مثلا الارض لو 500 متر اقل حاجة ابنيها لازم يكون كام فى المية من مساحة الارض ؟ ولا مفيش تحديد ؟

خالص التحية والتقدير

بسم الله الرحمن الرحيم

الأخ الكريم / Amr Elgbaly

تحية طيبة وبعد 000

ليس هناك حد أدنى لنسبة البناء و لكن هناك حد أقصى لا تستطيع تجاوزه و يتوقف ذلك على الإشتراطات البنائية للمنطقة التي تقع فيها الأرض فهناك أماكن تشترط 40 % و اماكن تشترط 50 % و أماكن 60 % 0

و من الحكمة أن تستفيد بكل متر مسموح لك بالبناء عليه 0

خالص تحياتي

مهندس / أشرف محمد

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

وصلتني رسائل كثيرة على الخاص تطلب مني تقدير سعر عادل لبعض الأراضي المعروضة الآن للبيع بالمدن الجديدة وقد نصحت الكثير بعدم التسرع في الشراء و عليهم التريث الكامل فالوقت الآن مازال غير مناسب للبدء في الإستثمار العقاري و لكن مع إصرارهم على معرفة سعر عادل يقوموا بالبدء على أساسه بالتفاوض مع البائع من أجل الشراء فقد قمت اليوم بتصفح العديد و العديد من المواقع الإلكترونية التي تتناول موضوع التسويق العقاري وكذلك جريدة الوسيط و السوق العقاري بأهرام اليوم و قد توصلت و تأكدت من سبب الركود العقاري الموجود الأن بالسوق 000 فالبائع يكاد يكون مازال عايش في الوهم يطلب أسعار فلكية غير منطقية أما المشتري اليوم الموجود في السوق أصبح مشتري حقيقي يريد البناء بعيداً عن المضاربة والتسقيع وبالتالي أصبح لديه الوعي الكامل عن وضع السوق و لذلك لا نجد صفقات تتم 0

الأخوة الكرام :-

و على سبيل المثال هناك قطع أراضي معروضة الآن للبيع وعندما تقوم بالإتصال بصاحبها لتعرف السعر المطلوب فيها تجده لم يدفع سوى 10 % من قيمة الأرض و هناك 90 % من قيمة الأرض مؤجلة بعد عام ونصف و سيتم تسديدها على 7 سنوات وفي نفس الوقت يطلب عشرة أضعاف ما قام بدفعة منذ عامين تتخيلوا 000!!! يعني لو دفع مقدم 40 ألف جنيه منذ عامين يطلب الآن ربعمائة ألف جنيه وهنا أسئل نفسي و أسئلكم كيف وصلت الأمور لهذا الحد الصارخ من الإستغلال و الجشع ؟

ما ذنب المشتري في أنه لم يفوز بالقرعة ؟ بل ما ذنبه في أن يدفع كل هذا المبلغ من أمواله و أموال أولاده ؟ وفي نفس الوقت لماذا دخل البائع القرعة من أساسه وهو في نيته عدم البناء ؟ هل ليستغل ويبتز من لم يحالفه الحظ في الفوز بإحدى هذه القرعات؟ و أخيرا هل هذا حلال دينياً ؟؟

و هنا أنصح المشتري بعدم الإقدام على مثل هذه الحالات و عليه الصبر و أنصحه بالتريث فمعظم من فاز بالقرعات السابقة ليس لديه المقدرة المالية على البناء و معظم هذه الأراضي موعد سحبها نهاية العام القادم وستهبط الأسعار ولن نسمع وقتها ان الأوفر وصل لأكثر من عشرة أضعاف المدفوع من منطلق أن أي ربح يستطيع البائع الحصول عليه أفضل من سحب الأرض بمعرفة الجهاز مع تحميله المصاريف الإدارية 0 و أنا أعرف صديق لي قام بشراء أرض بمدينة العبور بدون أن يدفع مليم أوفر عن سعر الجهاز لإقتراب موعد سحب الأرض 0

الأخوة الكرام

أنا لا أريد الخسارة للبائع لا و الله و لكن أطلب منه أن يتقي الله و يحصل على مكسب يتناسب مع مادفعه من أموال مبتعداً عن الإستغلال لأن هذا لا يرضي الله 0

تحياتي للجميع

مهندس / أشرف محمد

تم تعديل 17 يوليو 2009 بواسطة أشرف محمد

[misry]

و على سبيل المثال هناك قطع أراضي معروضة الآن للبيع وعندما تقوم بالإتصال بصاحبها لتعرف السعر المطلوب فيها تجده لم يدفع سوى 10 % من قيمة الأرض و هناك 90 % من قيمة الأرض مؤجلة بعد عام ونصف و سيتم تسديدها على 7 سنوات وفي نفس الوقت يطلب عشرة أضعاف ما قام بدفعة منذ عامين تتخيلوا 000!!! يعني لو دفع مقدم 40 ألف جنيه منذ عامين يطلب الآن ربعمائة ألف جنيه وهنا أسئل نفسي و أسئلكم كيف وصلت الأمور لهذا الحد الصارخ من الإستغلال و الجشع ؟

ما ذنب المشتري في أنه لم يفوز بالقرعة ؟ بل ما ذنبه في أن يدفع كل هذا المبلغ من أمواله و أموال أولاده ؟ وفي نفس الوقت لماذا دخل البائع القرعة من أساسه وهو في نيته عدم البناء ؟ هل ليستغل ويبتز من لم يحالفه الحظ في الفوز بإحدى هذه القرعات؟ و أخيرا هل هذا حلال دينياً ؟؟

و هنا أنصح المشتري بعدم الإقدام على مثل هذه الحالات و عليه الصبر و أنصحه بالتريث فمعظم من فاز بالقرعات السابقة ليس لديه المقدرة المالية على البناء و معظم هذه الأراضي موعد سحبها نهاية العام القادم وستهبط الأسعار ولن نسمع وقتها ان الأوفر وصل لأكثر من عشرة أضعاف المدفوع من منطلق أن أي ربح يستطيع البائع الحصول عليه أفضل من سحب الأرض بمعرفة الجهاز مع تحميله المصاريف الإدارية 0 و أنا أعرف صديق لي قام بشراء أرض بمدينة العبور بدون أن يدفع مليم أوفر عن سعر الجهاز لإقتراب موعد سحب الأرض 0

الأخوة الكرام

أنا لا أريد الخسارة للبائع لا و الله و لكن أطلب منه أن يتقي الله و يحصل على مكسب يتناسب مع مادفعه من أموال مبتعداً عن الإستغلال لأن هذا لا يرضي الله 0

تحياتي للجميع

مهندس / أشرف محمد

بارك الله فيك يا بشمهندس و فعلا الطمع و الجشع هما اساس المشكلة , لكن فيه ناس ربنا يبارك لهم متمسكين بالفضيلة و الاخلاق الكريمة مثل الاستاذ هشام عباس و ده نص اعلانه عن بيع ارضه

لكن المشكله اني مستحيل اقدر ابني بدر والتجمع في نفس الوقت ولازم اختار

علشان كده انا مضطر اني ابيع بدر وبجد وانا اسف جدا جدا على بيعها لأن مساحتها كبيره الى حد ما وكمان موقعها كويس جدا قريب اوي من طريق مصر السويس وغير مجروحه بالمره لأنها على شارع كبير وامامها مفترق طرق

المهم الي حابب يشتري بجديه يبعتلي على الخاص

و الراجل صراحة ماجبش سيرة الاوفر و الكلام و اديني منتظر رده علي عرضي بشراء الارض او قل بمعني ادق شراء ال 10% من تمن الارض و ربنا يكثر من امثاله تقبل تحياتي و ارجو ان يكون هناك موضوع حاص بالاوفر و حرمانيته واباحته و الاخوة الاعضاء يشاركوا فيه شكرا جزيلا

تم تعديل 17 يوليو 2009 بواسطة misry

[سكر]

لماذا لا تصدر دار الافتاء

افتاء بحرمنيه الاوفر

ولا هى الحياة صلاة وصوم فقط

الاوفر خلق طبقة من المرتزقة والمنتفعين

الاوفر استغل شفط جيوب المحتاج للسكن

الاوفر هو السبب فى الرغبة فى الشراء والتسقيع ثم البيع

الاوفر هو النظام الغير طبيعى لاستغلال

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

إلغاء قرعة الأراضي و إستبدالها بالمزاد العلني

لجنة لحصر الأراضي الصغيرة بالمدن الجديدة تمهيداً لطرحها بالمزاد العلني للأفراد

الإسكان تسعى إلى تحريك السوق بعد التأكد من وجود القوة الشرائية :-

تبحث وزارة الإسكان طرح قطع أراضي للأفراد بالمزاد العلني في عدد من المدن الجديدة في مقدمتها القاهرة الجديدة والشروق و العبور و الشيخ زايد و 6 أكتوبر 0

و نعكف حالياً لجنة عليا بالوزارة على حصر الأراضي الصغيرة بجميع المدن الجديدة خاصة التي توصيل المرافق لها و دراسة آخر سعر تم بيع أراضي القرعة به و السعر الحالي في السوق العقاري و ذلك لوضع السعر المستهدف لبيع تلك الأراضي بالمزاد العلني للأفراد و ذلك لتحقيق السعر العادل للوزارة من جانب و تنشيط حركة سوق العقارات من جانب آخر 0

كما تبحث الوزارة الشروط الواجب توافرها في الأفراد الراغبين في المزايدة على هذه الأراضي و من المتوقع أن تقوم الوزارة نفسها بإجراء تلك المزايدة بكل مدينة على حدة مع وضع تاريخ محدد لكل مدينة 0

وعلم أن دوافع وزارة الإسكان لطرح أراضي الإسكان بالمزايدة تكمن وراء رغبة الوزارة في إنعاش السوق 0

و من جانب آخر رحب الخبراء المثمنون بتطبيق نظام المزاد العلني على بيع الأراضي للأفراد بدلاً من القرعة حيث أكدوا أن المزاد يحقق العديد من الفوائد و يأتي في مقدمتها ضمان النزاهة و الشفافية و إتاحة الفرصة للجميع 0

مع خالص تحياتي

مهندس / أشرف محمد

[ziad]

الفتوه مش بالسهوله ديه يا باشا

مش أي حد في دار الإفتاء يطلع يقول قده الحاجه الفلانيه حرام ,لازم حد يقدم علي فتوى تندرس ويتاخد رأي علماء

علي الرغم من إني من الناس اللي ناويه تشتري وعارف إن الاوفر هيحرقني قريبا

بس مش لاقي أي غلط شرعي في مبدأ الاوفر ,طبعا التطبيق حاجه تانيه

لكن كمبدأ مش شايف مشكله

شخص يملك حق الاستغلال بتاع قطعه أرض ,عشان يتنازل عن الحق ده بيطلب مقابل وده مفيهوش مشاكل شرعيه علي الاطلاق

التقدير بتاع المقابل ده بيحدده البائع والشاري

مفيش أي ضغط علي الاتنين ويمكن بصراحه يكون في ضغط علي البائع أكتر من ناحيه مهله البناء والترخيص وكده

طبعا اللي بيحصل عندنا ده داخل في عامل الطمع ,الناس بتطلب أوفر مش منطقي بس للاسف في ناس تقدر وبتدفع ولو كانوا كله في الظروف الحاليه لكن في ناس تقدر ودول من اهم أسباب المشكله

أظن لو حضرتك بعت أو رتسلت بدر الافتاء وجبت الفتوه ونشرتها تاخد جزء عظيم

[عاشق]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

إلغاء قرعة الأراضي و إستبدالها بالمزاد العلني

لجنة لحصر الأراضي الصغيرة بالمدن الجديدة تمهيداً لطرحها بالمزاد العلني للأفراد

الإسكان تسعى إلى تحريك السوق بعد التأكد من وجود القوة الشرائية :-

تبحث وزارة الإسكان طرح قطع أراضي للأفراد بالمزاد العلني في عدد من المدن الجديدة في مقدمتها القاهرة الجديدة والشروق و العبور و الشيخ زايد و 6 أكتوبر 0

و نعكف حالياً لجنة عليا بالوزارة على حصر الأراضي الصغيرة بجميع المدن الجديدة خاصة التي توصيل المرافق لها و دراسة آخر سعر تم بيع أراضي القرعة به و السعر الحالي في السوق العقاري و ذلك لوضع السعر المستهدف لبيع تلك الأراضي بالمزاد العلني للأفراد و ذلك لتحقيق السعر العادل للوزارة من جانب و تنشيط حركة سوق العقارات من جانب آخر 0

كما تبحث الوزارة الشروط الواجب توافرها في الأفراد الراغبين في المزايدة على هذه الأراضي و من المتوقع أن تقوم الوزارة نفسها بإجراء تلك المزايدة بكل مدينة على حدة مع وضع تاريخ محدد لكل مدينة 0

وعلم أن دوافع وزارة الإسكان لطرح أراضي الإسكان بالمزايدة تكمن وراء رغبة الوزارة في إنعاش السوق 0

و من جانب آخر رحب الخبراء المثمنون بتطبيق نظام المزاد العلني على بيع الأراضي للأفراد بدلاً من القرعة حيث أكدوا أن المزاد يحقق العديد من الفوائد و يأتي في مقدمتها ضمان النزاهة و الشفافية و إتاحة الفرصة للجميع 0

مع خالص تحياتي

مهندس / أشرف محمد

الاخ الكريم مهندس أشرف

هل هذا الخبر صدر بالصحف الرسمية ام بجريدة العقارية

بجد خبر جديد جدا وغير متوقع

وتقبل تحياتي وشكر خاص لمجهودك الرائع

[سكر]

الاخ العزيز ziad

اولا انا هتكلم من ناحية المشترى ومش عارف موقفى هيكون اية لو كنت فى حاله البائع عشان اكون صريح معاك

ثانيا عند استلام صاحب القرعة الارض كان هناك عقد وشروط فى الاستلام والدفع والبناء وحظر البيع وخالى باك كويس قوى من حظر البيع للغير

لانك حتى هذة اللحظة لم تمتلك هذة القطعة وبناء على ذلك عند تطبيق

القاعدة الشرعية

1-المسلمين على شروطهم

والقاعدة القانونية

2-العقد شريعة المتعاقدين ما لم يخالف الشرع

فان اى تغير للشروط هو من باب التدليس مادام احد الطرفين غير راضى

وزارة الاسكان مصدعة دماغنا بانها غير موافقه نهائى على البيع بالتوكيلات

وبالتى فان بنود العقد بين صاحب القرعة ووزارة الاسكان حدث فيها خلل

يمكن اخذ راى دار الفتاء فى ذلك وراى القضاء حيث ان

جميع القوانين وفي كل دول العالم توكد أن

العقد هو شريعة المتعاقدين وله الكلمة الفصل في أي خلاف ينشب بين الطرفين المتعاقدين ، والقضاء لابد أن يتقيد ببنود هذا العقد الموقع بين أي طرفبن

فما بالك بمن يبيع شى ليس هو مالك له من غير رضى الطرف الاخر (من وراء يانى ) التنازل بعد دفع كامل المبلغ موضوع اخر

اما من ناحية صاحب القرعة والمشترى الى هيدفع الاوفر

انا شايف ياخذ راى دار الافتاء فى كل حالة على حده وصاحب القرعة هو المسئول عن السير فى هذا الاتجاة

لان حضرتك عارف ان الفتوة بتتغير بتغير الزمان والمكان

وبالتالى لو صاحب القرعة الى داخل يزاحم عشان ياخد ارض بعد كدة يسعقها وياخد عليها الاوفر (يعنى سبق الاصرار والترصد) دة بقة عليه كذة علامة استفهام ؟؟؟؟

والهدف الرئيسى من طرح الاراضى هو اتساع دائرة الملكية وتعمير الصحراء ومساعدة الشباب (معلش كلام انشائى بس هى دة الحقيقة)

اعتقد ان دة هو المحتاج راى الافتاء فى تحليل المال (فى قطع اراضى وصل عدد التوكيلات فيها لحد عشرة واكتر كل دة عشان اية )

اما من عجز عن البناء فهذا ايضا موضوع اخر

انا ليس عالم دين ولكن اطالب الناس بتحرى الحلال و الحرام

وانا ايضا اكرر احاول ان اشترى ولا اعرف ماذا هيكون موقفى فى حاله لو كنت صاحب 7 او 8 اراضى قرعة

هختم بمثال بسيط

http://www.islamweb.net/VER2/Fatwa/ShowFat...g=A&Id=9491

[سكر]

تبحث وزارة الإسكان طرح قطع أراضي للأفراد بالمزاد العلني

والله قلبى انقبض لما سمعت الخبر

التجارب السابقة مع المزاد العلنى على قطع الاراضى اثبت قدرتها الرهيبة على توليع الاسعار وتوصلها الى ارقام فلكية

لان المضاربة فى المزاد بتوكون على اشدها

وسعر اى ارض بجوار ارض بيعت فى المزاد يزيد عن سعر الارض فى المزاد

ومن عبارة العقار ابن بار

الى

عبارة العقار لاياكل اويشرب

يبقى الاسعار هيحصل فيها قفزات من مزاد الى اخر

لان اصحاب الاراضى تجار وليس مواطنين وزارة الاسكان بتحاول تكون شيخ التجار

[أشرف محمد]

بسم الله الرحمن الرحيم

الأخ الكريم / عاشق

هذا الخبر تم نشره اليوم بالجريدة العقارية تحت عنوان ( خبر الموسم )

الأخوة الكرام / أعضاء المنتدى

تحية طيبة وبعد 000

كتبت صفاء لويس :-

مزايدة المغربي :-

ستكون ( ضربة معلم ) من الوزير أحمد المغربي إذا قرر طرح أراضي الأفراد بالمزاد العلني لأن السوق في حاجة إلى مثل هذا القرار الذس سيعيد إلى السوق حركته و حيويته و نشاطه ، بعد أن تأكد و جود قوة شرائية كبيرة لدى المواطنين ، و إذا تحقق مزاد الأفراد - و أعتقد أنه أوشك - فإن أجواء عام 2007 ستعود من جديد و إن العقارات ستدخل مرحلة فارقة عنوانها ( الرواج و النشاط ) و لا شك إن الإسراع في طرح هذه الأراضي سيكون من الصواب و يحقق صالح السوق لأن هذا المزاد سيعيد ترتيب أوضاع السوق العقارية من خلال إعادة تسعير الأراضي في كل منطقة من خلال أسعار حقيقية وواقعية تعكس واقع العرض والطلب الحقيقي 0

ومن المؤكد أن نتائج المزاد سوف تحدد مستقبل العقارات و أحسب أنها لصالح الجميع

خالص تحياتي

مهندس / أشرف محمد

[أحمد سيف]

رأيي أن طرح الأراضي في المزاد هو أفضل البدائل الاقتصادية ... لأن أي زيادة في سعر الأرض عن قيمتها الحقيقية سيذهب الى خزينة الدولة وليس الى جيوب أفراد محظوظين أو فاسدين

يجب أن تستمر الحكومة في طرح مزيد من الأراضي في المزاد طالما أن سعر البيع يزيد عن تكلفة توصيل المرافق الأساسية ... وطالما أن هناك طلب حقيقي في السوق فإن الأراضي المطروحة كفيل بتغطيته ... يا جماعه مساحة مصر مليون كيلومتر مربع يعني ترليون متر مربع ... لا أعتقد أن المضاربين مهما كانت إمكانياتهم قادرين على خنق السوق طالما هناك هذا المخزون الهائل من الأراضي المتاحة للطرح ... خطوة كهذه ستمتص السيولة الفائضة من السوق التي كانت سببا في المضاربات الجنونية في الماضي

ومع تطبيق شروط التعمير بصرامة وسحب الأرض ممن اشترى بهدف الاستثمار وليس البناء فإن السوق سوف يعود الى رشده وستكون هناك مساحات هائلة معروضة للبيع بأسعار منطقية ... وسيتحقق حلم بيت لكل مواطن

هذا والله أعلم

[ziad]

الاخ العزيز ziad

اولا انا هتكلم من ناحية المشترى ومش عارف موقفى هيكون اية لو كنت فى حاله البائع عشان اكون صريح معاك

ثانيا عند استلام صاحب القرعة الارض كان هناك عقد وشروط فى الاستلام والدفع والبناء وحظر البيع وخالى باك كويس قوى من حظر البيع للغير

لانك حتى هذة اللحظة لم تمتلك هذة القطعة وبناء على ذلك عند تطبيق

القاعدة الشرعية

1-المسلمين على شروطهم

والقاعدة القانونية

2-العقد شريعة المتعاقدين ما لم يخالف الشرع

فان اى تغير للشروط هو من باب التدليس مادام احد الطرفين غير راضى

وزارة الاسكان مصدعة دماغنا بانها غير موافقه نهائى على البيع بالتوكيلات

وبالتى فان بنود العقد بين صاحب القرعة ووزارة الاسكان حدث فيها خلل

يمكن اخذ راى دار الفتاء فى ذلك وراى القضاء حيث ان

جميع القوانين وفي كل دول العالم توكد أن

العقد هو شريعة المتعاقدين وله الكلمة الفصل في أي خلاف ينشب بين الطرفين المتعاقدين ، والقضاء لابد أن يتقيد ببنود هذا العقد الموقع بين أي طرفبن

فما بالك بمن يبيع شى ليس هو مالك له من غير رضى الطرف الاخر (من وراء يانى ) التنازل بعد دفع كامل المبلغ موضوع اخر

اما من ناحية صاحب القرعة والمشترى الى هيدفع الاوفر

انا شايف ياخذ راى دار الافتاء فى كل حالة على حده وصاحب القرعة هو المسئول عن السير فى هذا الاتجاة

لان حضرتك عارف ان الفتوة بتتغير بتغير الزمان والمكان

وبالتالى لو صاحب القرعة الى داخل يزاحم عشان ياخد ارض بعد كدة يسعقها وياخد عليها الاوفر (يعنى سبق الاصرار والترصد) دة بقة عليه كذة علامة استفهام ؟؟؟؟

والهدف الرئيسى من طرح الاراضى هو اتساع دائرة الملكية وتعمير الصحراء ومساعدة الشباب (معلش كلام انشائى بس هى دة الحقيقة)

اعتقد ان دة هو المحتاج راى الافتاء فى تحليل المال (فى قطع اراضى وصل عدد التوكيلات فيها لحد عشرة واكتر كل دة عشان اية )

اما من عجز عن البناء فهذا ايضا موضوع اخر

انا ليس عالم دين ولكن اطالب الناس بتحرى الحلال و الحرام

وانا ايضا اكرر احاول ان اشترى ولا اعرف ماذا هيكون موقفى فى حاله لو كنت صاحب 7 او 8 اراضى قرعة

هختم بمثال بسيط

http://www.islamweb.net/VER2/Fatwa/ShowFat...g=A&Id=9491

اعذر جهلي يا باشا ,مكنتش أعرف إن اللي بيكسب في القرعه عليه شرط عدم البيع بالتوكيلات

أنا اصلا كنت بتكلم علي فكره الاوفر بس يا باشا مش علي الموضوع كله

لازلت بقول إن الأوفر نفسه كطريقه بيع مفيهوش مشاكل من الناحيه الشرعيه الا لو كان فيه تطبيق غلط

لكس طبعا إذا كان في شرط عدم البيع وتم البيع عكس ماتم الاتفاق عليه زي ماحضرتك بتقول يبقي الكلام محتاج إن كل واحد داخل قرعه يخلص نيته ولا يتجه إلى أي شيء يخل بالعقد

شكرا جزيلا على التوضيح يا باشا

[misry]

طيب ايه راي حرتك في الكلام ده

و ايه توقعاتك للاسعار الاراصي خلال عام من الان

و شكرا جزيلا

و مازلت منتظر راد االاخ الكريم هشام عباس

و ايه رايكم يا جماعة

انا شايف الاستاذ زايد في نفس موقفي

حضرتك هتعمل ايه و ايه توقعاتك لو صح الخبر عاليه

[طه بدر]

وبناء على ذلك عند تطبيق

القاعدة الشرعية

1-المسلمين على شروطهم

والقاعدة القانونية

2-العقد شريعة المتعاقدين ما لم يخالف الشرع

فان اى تغير للشروط هو من باب التدليس مادام احد الطرفين غير راضى

نعم يا عزيرى كلامك صح الف فى المائة

ولكن

لماذا لا تطبق كل هذا الكلام على مئات الالاف من مستاجرى الشقق بكل مدن مصر الذين يرفضون اعطاءها لاصحابها او تعديل قيمة ايجارها الذى اصبح سبة فى وجه البلد كلها

ولماذا لا تطبق هذا الكلام على مئات الالاف من الشقق المغلقة والتى مات اصحابها واولادهم ويحتفظ بها الاحفاد كمخازن للكراكيب والمخلفات باعتبارها من ريحة جدو

(وهى يعنى الشقة بتكلفنا كام ملطوش كانك دفعتهم لشحات)

بينما صاحب الشقة ربما يتسول عشاءه وهو يرى املاكه يحتلها من لا يستفيد بها وهو عاجز حتى عن مجرد الاعتراض

والمصيبة الاكبر لو كان المستاجر ناصح فقام بايجار الشقة مفروشة او قانون جديد بالالاف ثم يرمى لصاحبه جنيهاته فى المحكمة ولو مش عجبك ارفع قضية

لو التزم الناس بشروطهم وعقودهم لما وجد من يطلب الاوفر من يشترى منه

ولكنه النظام الذى خالف الشرع وحمى الغاصب لاموال الناس ومساكنهم لعشرات السنين دون ان ترجف لهم رمش

وحتى يغير الله ما بالقوم - بعد ان يغيروا ما بانفسهم- سنظل نترك الحمار ونضرب البردعة

نترك المرض لنعالج العرض

وكما قلنا سابقا فى فيلم فيلم ثقافى العيب فى النظام (نظام الفديو الذى لم يشغل الفيلم الثقافى علشان ما حدش يفهم غلط)

العيب فى النظام

تحياتى

تم تعديل 19 يوليو 2009 بواسطة طه بدر

[misry]

السلام عليكم

الاخ الفاضل مصرى

نحن متفقين بنسبة 90% فالاسعار التى اتكلم عليها فى مدينة بدر هى اسعار الاوفر هناك ,

غير الاوفر بتدفع المدفوع وهو عباره عن 20 الف المقدم + الرخصة تقريبا 5 الاف يعنى المجموع 90+25= 115 الف

فبالتالى اللى طالب 130 الف فى الوسيط يخلص على الترابيزه ب 110 الف وبالذات مع مرور الوقت فى بدر وتناقص فترة المهله لتلك الاراضى.

اما الاعلانات العشوائيه فى جريدة الوسيط فهى الشطه اللى بيحاول بيها التجار يولعو السوق فمثلا ينزل قطعه ثمنها 130 الف وينزل اعلان ثانى بتليفونات ثانيه لقطعه مجاوره لها ب 180 الف جنيه عشان يبيين ان ام 130 الف دى لقطه والقصه اعلان ب 125جم

غير كده فيه ناس عايشه فى الوهم زى اللى طالب 275 الف جنيه صدقنى انا متاكد انه ما جالوش اى اتصال.

مثلا فى نفس العدد السابق للوسيط واحد عارض ارض من مجلس الدفاع الوطنى ب 1700جم /م لمساحة 505 وفى نفس الصفحه واحد عارض ارض 349 متر فى نفس المكان وعند الاتصال به قال ان السعر نهائى 2200متر, ومش بعيد يكونوا القطعتين لنفس المصدر. يعنى فيه خبط فى الوسيط يجب الحذر منه وزالافضل اللجوء الى سماسرة المنطقة مع الاسترشاد بالوسيط فقط.

طبعا ربنا يوفقك فى القرعه القادمه او حتى تشترى بره القرعه بمكسب بمعقول مش كل من دفع 20 الف عايزهم 150 الف

صبراُُ السوق حيزبط نفسه خلال هذا العام والعام القادم وان شاء الله حتلاقى الاوفر 50 الف خلال سنه.

تحياتى للجميع

شكرا جزيلا اخي الاقصري

واتمني التوفيق للجميع لكن موضوع المزادادت ده هيولع الدنيا تاني

تقبل تحياتي