نشرة أخبار العقارات

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد000

مكاتب التسويق العقاري :

بيع الأراضي بالمزاد للأفراد

سلاح ذو حدين

حذر مسئولو مكاتب التسويق العقاري من عواقب نظام بيع قطع الأراضي الصغيرة بالمزاد عن طريق وزارة الإسكان لأنه سيؤدي إلى رفع الأسعار بشكل مبالغ فيه و لن يحقق أي فائدة للأفراد 0

و أكدو أن المستفيد الأول من هذه المزادات في حال تنظيمها سيكون التجار ، حيث تتوافر لديهم السيولة اللازمة للشراء ، كما أنهم سيقومون بالزج بأعوانهم في المزاد لرفع أسعار الأراضي حتى يتمكنوا إذا لم يحصلوا على الأراضي المطروحة من بيع ما لديهم بأسعار مرتفعة 0

و أشاروا أن فكرة البيع بالمزاد سلاح ذو حدين لأنها ستوفر الأراضي أمام جميع الأفراد و من لديه القدرة سيشتريها و لكنها من أنظمة البيع 0

و أشاروا أن فكرة البيع بالمزاد سلاح ذو حدين لأنه قد يلقي إقبالاً من الأفراد في حالة تقديم أسعار مناسبة و الإعلان عنه بشكل جيد ، كما أنه سيفتح الباب أمام التجار ، موضحاً أن التجار يعرفون المواقع المميزة و يستطيعون التلاعب بالأسعار ، و أعرب عن تخوفه من إستخدام التجار لعملاء يعملون لحسابهم للحصول على أكثر من قطعة بهذا المزاد ، مشيرا إلى أنه في النهاية إذا لم تتوافر السيولة للأفراد فإن التجار سيسطرون على المزاد دون شك 0

و يرى عنتر الأسيوطي 000 مكتب الفرسان أن فكرة بيع الأراضي للأفراد بنظام المزاد ستؤدى إلى ظلم فئات كثيرة من المواطنين لأنه ليس بإمكان أي مواطن عادي دخول المزاد لعدم توافر الخبرة الكافيه لديه ، مما يتيح فرصة أكبر للتجار لدخول المزاد 0

و أعرب عن تخوفه من قيام التجار بالإتفاق على الأسعار قبل بدء المزايدة للحصول على الأراضي بسعر أقل من سعر السوق لتحقيق ربح أكبر جراء الفارق في الأسعار بين سعر المزاد و سعر السوق 0

و من جانبه أكد وهيب السيد 000 مكتب الملكة أن هذه التجربة ستكون جيدة إذا كانت الأسعار مناسبة و تؤدي لتقليل أسعار الأراضي المعروضة في السوق 0

و قال إن الفائدة من هذا النظام ستعود على هيئة المجتمعات العمرانية و ليس الأفراد و ذلك في حالة زيادة الأسعار بالمزايدة حيث أن آخر سعر طرحته هيئة المجتمعات العمرانية كان 870 جنيهاً بينما السعر قد يصل في المزايدة إلى 1500 أو 2000 جنيه حسب الموقع 0

و للحديث بقية 0000

مهندس / أشرف محمد

تم تعديل 5 أغسطس 2009 بواسطة أشرف محمد

[عاشق]

بالطبع هذا الكلام عن بيع الاراضي بالمزاد

لن يكون في صالح المواطن .. وليه احنا نتوقع اي قرار من الحكومة لصالح المواطن

وقد اعلنها المهندس المغربي اكثر من مرة

ليه نبيع بالقرعة باسعار متدنية والاراضي التي بجوار اراضي القرعة تباع باسعار عالية وليه يضيع على الدولة اموال يمكن ان تستفاد منها

يعنى في الاول والاخر المغربي يفكر بعقلية التاجر المهم الحكومة تكسب

يجي المكسب من جيب المواطن

يجى من مضاربة الاسعار

يجى من سماسرة

المهم والاكيد مكسب الدولة

يعنى مشروع ابني بيتك مديين للناس 60 او 70 متر بالذمة دي مساحة لاسرة

وبالتاكيد خلال عشر سنوات سيكون مشروع ابنى بيتك مثل اي مساكن شعبية

بعد الترخيص واحد ممكن يطلع ببلكونة غير طبعا السطح يتم استغلاله وكل واحد فارش قدام بيته عامل نصبه وكشك سجاير

يعنى الحكومة تخططها سيئ للاسف يعنى ايه 70 متر لناس شعبيين

وان لم يجد فرصة المسكين في مشروع ابنى بيتك ليس له اي خيار

على المواطن الشريف ان يتجه لحل اوحد

ان يجلس هو واولاده في شقة ايجار قديم لحد ما ينهد البيت على الي فيه

وسعتها تكون الامور اسهل للحكومة

تعويض للمتوفي 5000 جنية وللمصاب 1000 جنية وبس

لا عفوا وبطنيه انتاج مصري

[الأقصرى]

السلام عليكم ورحمة الله وبركاته

الاخ الكريم الخلوق/اشرف

الأخ الفاضل المحترم / عاشق

الساده اعضاء المنتدى

بعد فشل القرعة الخامسه فى ارتفاع او عدم هبوط سوق العقارات لجاءت الحكومهالى افتكاس فكرة بيع الاراضى للمواطنين وهى من افتكاسات الحكومه وذلك لمساعدة طبقه معينه والهدف من تنشيط السوق العقارى اللى قالقهم انه فى ركود هو اشعال السوق لخدمة طبقة المستفيدين اللى هى بالفعل قريبه جدا جدا من متخذى القرار فى مصر.

ظاهرة الركود العقارى ظاهره صحية جدا وهى زى ما قلت قبل كده بتخلى السوق يظبط نفسه, فى الظروف العاديه المستثمر العقارى مش حيبيع الا لما يكسب والمشترى عايز يشترى بس ما يتسرقش ولا يتنهب يبقى فى منطقة التقاء بين الاثنين دى اللى لو الحكومه سابوا السوق حنصل اليها انشاء الله.

قمنا بدراسة انا واصدقائى المهندسين لتحديد سعر المتر التجارى فى منطقة التجمع الخامس اسكان عائلى على اساس طريقة محاسبة السوق (تحميل نسبة من الخدمات والفراغات) وكانت سعر المتر تكلفة مقاولين باطن هى 1050جم ( مبانى وارض) ولو قلنا ان المكسب 25% وتمويل 10% يكون سعر المتر شامل المكسب والتمويل مفروض لا يتعدى 1400جم

المتر بيتباع من 2000 الى 2200جم يعنى مش مكسب ده نهب وسرقه وجشع وده اللى مخلى سوق الاراضى يشتعل لان مش فارقه مع المستثمر العقارى يدفع فى الحاجه اللى ثمنها 400 الف جم , مبلغ 700 الف جم طالما ان مكسبه مليون جم

لو الحكومه سابت السوق من غير تدخل السوق حيظبط نفسه ويكون سعر البيع 1400جم

وقتها اسعار الاراضى حتنخفض لان المالك حيهتم بسعر الارض عشان يحافظ على مكسبوا المعقول

وبالمثل باقى المدن سعر المتر تكلفه من 500 الى 600جم بدون ارض ليه الاسعار بتضاعف فعلا حاجه شاذه

فى المقابل تجد ان

طن الاسمنت اللى تكلفته 170 جم بيتباع بكام ؟؟؟؟

الشقه ال 63 متر مفروض سعرها لا يزيد عن 75 الف بتتباع ب 175 الف ؟؟؟؟؟

والحديد ماغليش عشان احمد عز مشغول فى الانتخابات مش شطاره من الحكومه طبعا هو بيخزن حديد وحيدى درس للمستوردين قريب وحيعلى الحديد ثانى لما يغرق لحديد السوق بسعر مضروب لخسارة الاخرين بس يفضى من الانتخابات والكل فاهم والحكومه فاهمه بس عامله نفسها مش واخده بالها

والحكومه الموضوع مش قالقها اه حاجه اهم شىء ننفذ ال 800 الف شقه عشان الربنامج الانتخابى مين اللى يسكن مش مهم

و الطبقه المطحونه تسكن ازاى مش مهم

بالرغم ن ان الاسعار بتنخفض وحركة البيع والشراء شبه متوقفه فى انتظار المزيد من الانخفاض الا اننى مش متفاءل من استمرار اتجاه نحو تظبيط السوق لنفسه لان طبعا اللى قاعدين على الكراسى لن يسمحو بخساره انفسهم واصحابهم واقاربهم ومش ناويين يسبوا السوق يظبط نفسه وحيفضلوا يفتكسوا لغاية ما يعلو سوق العقارات , لانهم رابطين انتعاش سوق العقارات بارتفاع اسعار العقارات, بس ان شاء الله ربنا حيفشل عمايلهم

ربنا يتولانا برحمته

تحياتى للجميع

[عاشق]

موضوع ان الحكومة عوزة انها تشعل السوق العقاري وترجع الاسعار والحركة للسوق

ده يمكن شيئ تستهدفه الحكومة ولكن مع الاسف قرار غير ذكي من الحكومة

لان مفيش حاجة اسمها انشط السوق بطرح اراضي قرعة مبالغ في سعرها

يمكن الحال ده كان ماشي من سنتين ولكن الان الوضع تغير

في اي منطقة بالعالم بعد الصعود المطرد لاي سوق ومنها العقار

يجب ان تكون هناك فترة توقف ومن الممكن ان تكون فترة هبوط

وهذا بدورة يحدث الان بمصر

وخاصة في ضوء الازمة المالية العالمية

للاسف ان تصريحات الحكومة تتناقض مع طرح الحكومة لتلك القرعة بهذه الاسعار

لان القرعة والاسعار المطروحة تدل على نوعية معينة من المستثمرين (صغار المستثمرين)

وبعض السماسرة وتجار الاراضي لا اعتقد ان اي شخص يريد ان يسكن هو واولادة ويبني بيت

يتقدم الى القرعة عشان يتكلف حدود مليون جنيه

هو طبعا هناك افراد بمصر معاهم الرقم ده

بس يمكن صعب انه يحطه كله في بيت

وعلى فكرة اعتقد ان السوق العقاري سيستمر في هدوءه هذا فترة

وذلك لان هناك مجموعة من المواطنين قد فازو في قرعات سابقة ولم يستلموا الارض

حتى الان وهذا يجعلهم يحتفظو باموالهم بالبنوك لحين استلام الاراضي

وسبب اخر طرح الحكوم لمشروع ابني بيتك الذي سحب طبقة معينة الى البناء

وده بدوره هيخفف حدة الطلب على شقق التمليك

اعتقد فعلا بالفترة القادمة سيستمر الركود لزيادة العرض والازمة العالمية ايضا

[اليوم السابع]

اعضاء المنتدى الكرام

تحية طيبة

لم اتقدم للقرعة الى الان ومن خلال كلام بعض الاعضاء الكرام لا اتحمس للتقدم للقرعة حيث انها ستلتهم كل ما امللك الان وما يتم ادخاره خلال ثلاث سنوات بفرض استمرار عملى بالسعودية وبيكون البيض كله في سلة واحدة وهي منزل دور ارضي وبدروم فقط بدون تشطيب نهائي بمساحة لا تزيد عن 400م هل هذا يستحق فعلا؟

ومتى استطيع اكمال المبنى وتشطيبه اعتقد ليس أقل من 5 سنوات اخرى من الغربة مع الامساك عن الرفاهية خلال تلك السنوات وعدم النظر لاى استثمار اخر

شاركوني بجد شيىء يعقد ومالبدائل من وجهة نظركم

مع تحياتي

[عاشق]

اعضاء المنتدى الكرام

تحية طيبة

لم اتقدم للقرعة الى الان ومن خلال كلام بعض الاعضاء الكرام لا اتحمس للتقدم للقرعة حيث انها ستلتهم كل ما امللك الان وما يتم ادخاره خلال ثلاث سنوات بفرض استمرار عملى بالسعودية وبيكون البيض كله في سلة واحدة وهي منزل دور ارضي وبدروم فقط بدون تشطيب نهائي بمساحة لا تزيد عن 400م هل هذا يستحق فعلا؟

ومتى استطيع اكمال المبنى وتشطيبه اعتقد ليس أقل من 5 سنوات اخرى من الغربة مع الامساك عن الرفاهية خلال تلك السنوات وعدم النظر لاى استثمار اخر

شاركوني بجد شيىء يعقد ومالبدائل من وجهة نظركم

مع تحياتي

ألاخ الكريم

تحياتي

انا عن نفسي كنت ناوي ادخل بالقرعة الخامسة ولكن بأرض أكتوبر

ومع الاسف اكتوبر غير مطروحة في هذه القرعة

ولكن بعد الاسعار المبالغ فيها في هذه القرعة

اعتقد هفكر الف الف مرة قبل الدخول في القرعة القادمة (لو طرحوها اصلا)

انا كذلك بالخليج

وكان نفسي اعمل عمارة اهي حاجة للاولاد وكمان استثمار

انا عن نفسي عندي فيلا دوبلكس ولله الحمد

لكن كنت حابب ان يكون لابني شقة احجزها له من الان وكنت بفكر بالقرعة

ولكن بعد هذه الاسعار اعتقد الامر مطروح للنقاش والتفكير اكثر من مرة

طبعا اول سبب ارتفاع الاسعار تاني سبب الي بشوفة مهم

ان لو ربنا كرمني وخلصت بناء العمارة بالكامل

موضوع ان الشقق تتباع معتقدش هيكون حركتها سريعة وخاصة في ظل السوق الحالي للعقار

وطبعا انا مأجل التفكير في الامر برمته لحين طرح القرعة الي بها اكتوبر وزايد

ولكن بجد ابتديت افكر اني اشتري شقة للولد وبس من الان ((وبلاش وجع دماغ))

ولا بناء ولا مشاكل مع الجهاز وتراخيص وخلافة وخاصة اني بالغربة

[هشام عباس]

اعضاء المنتدى الكرام

تحية طيبة

لم اتقدم للقرعة الى الان ومن خلال كلام بعض الاعضاء الكرام لا اتحمس للتقدم للقرعة حيث انها ستلتهم كل ما امللك الان وما يتم ادخاره خلال ثلاث سنوات بفرض استمرار عملى بالسعودية وبيكون البيض كله في سلة واحدة وهي منزل دور ارضي وبدروم فقط بدون تشطيب نهائي بمساحة لا تزيد عن 400م هل هذا يستحق فعلا؟

ومتى استطيع اكمال المبنى وتشطيبه اعتقد ليس أقل من 5 سنوات اخرى من الغربة مع الامساك عن الرفاهية خلال تلك السنوات وعدم النظر لاى استثمار اخر

شاركوني بجد شيىء يعقد ومالبدائل من وجهة نظركم

مع تحياتي

اخي الفاضل

المهم الي يحدد اذا كنت ناوي تدخل القرعه من عدمه هو المدينه الي انت ناوي تسكن فيها

فمثلا لو كنت بتفكر في القاهره الجديده فنصيحه لا تدخل القرعه واشتري من المعروض في السوق حاليا لأن السعر اقل من القرعه فعلا

انما مثلا لو ممكن تسكن في مدينه زي بدر تبقى القرعه مناسبه لأن الأسعار معقوله

واي سؤال انا تحت امرك

وربنا يوفقك للي فيه الخير

[سكر]

سوال الى اهل الخبرة

كنت عامل امل مبير على القرعة فى 6 اكتوبر

لكن منزلتش اصلا قرعة

السوال الان

ايهما افضل من ناحية السكن العائلى والاستثمار المستقبلى

التقديم فى التجمع الاول منطقة المستثمرين بها 86 قطعة مساحات صغيرة وسعر عالى جدا

ام التقدم فى العبور الحى التاسع حيث بها 39 قطعة مساحات كبيرة وسعر فى المتوسط

بالمناسبة انا عمرى ما رحت العبور ولا حتى التجمع انا خارج مصر

سوال لليعرف عن المنطقتين ياريت يقول

[prince]

قرعة أراضي الدولة هذه المرة .. لم يتقدم أحد

المصريون : بتاريخ 10 - 8 - 2009

بسبب مغالاة وزارة الإسكان في أسعار أراضي الدولة "المترامية الأطراف" ، والشروط الصارمة بل والتعجيزية التي وضعتها الوزارة .. تواترت الأخبار الواردة المدن الجديدة أن نسب الإقبال على التقدم للقرعة الحالية لم يتعدى 1 % من المعروض ، في حين أن المعروض لم يتعد 15 % من الأراضي التي طرحت في نفس الفترة من السنة الماضية .. وعجبي

[اليوم السابع]

ورد الخبر ده بجريدة المساء بتارخ الاثنين 19 شعبان 1430هـ - 10 من أغسطس 2009م

ا

نخفاض عدد المتقدمين.. لحجز الأراضي بالمدن الجديدة

خبراء الإسكان: ارتفاع الأسعار وخروج السماسرة.. وراء ضعف الإقبال

كتب جمال العليمي:

تم سحب 32 ألف كراسة شروط حتي الآن من جانب الراغبين في حجز الأراضي المطروحة من وزارة الإسكان ضمن القرعة الخامسة بالمدن الجديدة ومع ذلك.. لم يتقدم للحجز وسداد المقدم مع انتهاء الاسبوع الثاني منذ فتح باب الحجز سوي ثلاثة آلاف و500 حاجز فقط..!!

أكد عدد من خبراء الإسكان أن عدم الاقبال علي هذه القرعة يرجع إلي ارتفاع أسعار الأراضي والشروط الصارمة والتعجيزية التي وضعتها الوزارة.

أكد رؤساء المدن الجديدة أن انخفاض الاقبال سببه خروج السماسرة من هذه القرعة نتيجة الشروط الموضوعة من قبل وزارة الإسكان.

قال المهندس كمال فهمي رئيس جهاز مدينة القاهرة الجديدة إنه خلال الاسبوع الأول تم سحب 2500 كراسة شروط ولكن المتقدمين للحجز بلغ عددهم 50 فقط وفي الاسبوع الثاني تم سحب 1200 كراسة شروط وقام بالحجز 140 حاجزاً..

أضاف المهندس محمد نبيه رئيس جهاز مدينة السادات أنه تم سحب 1900 كراسة شروط بينما قام بسداد المقدم 450 مواطنا فقط.

أشار المهندس هلباوي عمر رئيس جهاز مدينة أسيوط الجديدة إلي أن المطروح من الأراضي خمس قطع فقط يتنافس عليها حتي الآن 80 مواطنا فقط بينما تم سحب 800 كراسة شروط

والسؤال هل عزوف المواطنين عن التقدم للقرعة فارق مع الوزارة ؟ بمعنى هل ممكن تتعدل شروط السدادا ومهل البناء والاسعار مستقبلا؟

تم تعديل 11 أغسطس 2009 بواسطة اليوم السابع

[pocy]

أخواني اولا جزاكم الله خيرا على الموضوع القيم

لدي أرض مساحتها 200 م .

أرغب عمل بدروم ولا اعرف كم المساحه التى ممكن ان استغلها فيه مع العلم ان الارض بتاعتى وجهه وليست ناصيه.ولكن ماهي مدى الاستفاده من البدروم. خصوصاً مع غلاء الاسعار

بصراحه لم يسبق لي السكن في منزل به بدروم .

هل تتوقعون الاستفاده منه واستخدامه الاستخدام الامثل . وماهي تكاليف هذا البدروم وهل لازم يكون ليه حاجات معينه زياده غير باقي الادوار .

أتمنى أن تكون الردود من خبره للإهميه.

ولله يحفظكم

[هشام عباس]

سوال الى اهل الخبرة

كنت عامل امل مبير على القرعة فى 6 اكتوبر

لكن منزلتش اصلا قرعة

السوال الان

ايهما افضل من ناحية السكن العائلى والاستثمار المستقبلى

التقديم فى التجمع الاول منطقة المستثمرين بها 86 قطعة مساحات صغيرة وسعر عالى جدا

ام التقدم فى العبور الحى التاسع حيث بها 39 قطعة مساحات كبيرة وسعر فى المتوسط

بالمناسبة انا عمرى ما رحت العبور ولا حتى التجمع انا خارج مصر

سوال لليعرف عن المنطقتين ياريت يقول

شوف يا سيدي القاهره الجديده طبعا مستوى المعيشه هناك راقي جدا جدا جدا لأن معظم المدينه فيلات وقصور ومستوى الرفاهيه عالي بشكل كبير انما اسعار القرعه مبالغ فيها والي حابب يشتري هناك يقدر يشتري من السماسره بأسعار اقل من القرعه

العبور كمان مدينه جميله وبها عدد كبير ايضا من الفيلات والقصور الفخمه جدا لكن اراضي العمارات ملاصقه لأسكان الشباب واسكان المحافظه

طبعا العبور اقل في المستوى من القاهره الجديده انما هي ايضا مدينه راقيه وجميله

وربنا يوفقك للي فيه الخير ان شاء الله

[هشام عباس]

أخواني اولا جزاكم الله خيرا على الموضوع القيم

لدي أرض مساحتها 200 م .

أرغب عمل بدروم ولا اعرف كم المساحه التى ممكن ان استغلها فيه مع العلم ان الارض بتاعتى وجهه وليست ناصيه.ولكن ماهي مدى الاستفاده من البدروم. خصوصاً مع غلاء الاسعار

بصراحه لم يسبق لي السكن في منزل به بدروم .

هل تتوقعون الاستفاده منه واستخدامه الاستخدام الامثل . وماهي تكاليف هذا البدروم وهل لازم يكون ليه حاجات معينه زياده غير باقي الادوار .

أتمنى أن تكون الردود من خبره للإهميه.

ولله يحفظكم

اخي الفاضل اولا انت لم تذكر في مدينه هي ارضك!! لأن لو كلنت في المدن الجديده فلكل منطقه اشتراطاتها في البناء والمفروض انك تكون عارف النسبه البنائيه لقطعة الأرض التي تتحدث عنها

اما بالنسبه للبدروم فقد رأيت في التجمع الخامس ناس ساكنين في الدور الأرضي والبدروم دوبلكس وكانت فيلا في منتهى الجمال

يعني ممكن جدا استخدام البدروم في السكن بشرط انك تنزل بمنسوب الأرض بتاعت الردود كلها لمستوى البدروم

[ziad]

أنا نزلت مصر إسبوع عارض كده

قضيت أكتر من نصه بدور و أبس علي أراضي

عايز أحكي تجربتي عشان نشف لو فيه حاجه نستفيد

فيه سماسره عايشين في الوهم ،و سب الوهم ده هو القرعه

رحت شفت كذا قطعه في الشروق بنظام الافر

كل قطعه يقولي سعر مرتفع

يعني كان فيه قطعه فوق ٦٠٠ متر موقع كويس

مهلتها سنه و نص

قلي 425 ألف بدون كلام

طنشته ٤ ساعات كلمني و قلي ٤٠٠

كلمني تاني توم قلتله ٣٠٠

قلي مش هينفع

نص ساعه و إتصل بيه و قال طيب نتكلم ،نقسم البلد نصين ،متجش علينا قوي كده ،قلتله أكلمك بعد القرعه بقي و أجي أخذ منك الحته ديه ب- ٢٥٠ لم تقعد عندك للعيد الكبير كده

كلمني امبارح و قالي صاحب الأرض عايز يتكلم معاك قلثله أنا مسافر السبت لو هو فاضي الجمعه بليل أنا معنديش مشاكل

شفت حته تانيه و كنت عايزها بس مرتحتش

كانت أرض ٧٠٠ و شويه ،ورا الجامعه البرطانيه شايفه طريق السويس

كومبند مزعوم ،السمسار قالي بتاعت جمعيه إسكان موظفي هيئه الطاقه الذريه ،قلت ماشي تمام ،تمنها ٣٧٥ و السمسار قالي بالنص إنت بتشتري في ظروف متكررتش من ٥ سنين و أكتر الأسعار ديه أوكازيون خرافي ،المهم قلت لسمسار أنزل معاك أشوف ورق الأرض و موقع الجمعيه ،الرجل غير المعاد ٣-٤ مرات ،ديه كانت بدايه غير مطمئنه ،رحت شقه دور أرضي ورا نادي اسكو ولا عليها إسم جمعيه ولا عليها إعلان أي حاجه ،قابلت صاحب الشركه صاحبة الارض كلها معه ورق التخصيص مضي من المغربي باين ،قالي أنا أصلا معرفش مين هيبيع أنا عندي الناس مش عايزه تبيع ،بس السمسار بيقول إن فيه واحد عايز يبيع ،السمسار قال ده أكل عيش و أنا مش مطلوب مني أقول مين عايز يبيع ،كنت هدفع الفلوس إلي صاحب الارض دفعها لشركه + أفر بسيط أقل من ١٠٠ ألف ليه ،و صاحب الأرض هيكتب تنازل علي الارض ليا و أنا أروح أحط تمن الارض في البنك بعد ما صاحبها السابق أخد الاوفر و أرجع أخد عقد الأرض بأسمي من الشركه ديه ، السمسار بيحلف إن السنه إلي فاتت كان أفر الأرض ديه فوق ال- ٥٠٠ ألف و الناس مش عايزه تبيع ،دلوقتي صاحب الارض ده موافق بأي حاجه عشان عنده حته في النرجس مهلتها هتخلس كمان ٣ شهور و تسحب و لازم يبني ،طلبت من صاحب الشركه ديه ( إلي هي مش جمعيه إسكان ولا طاقه ذريه ولا حاجه) صوره من الورق عشان أسأل في الجهاز ،قال لا ديه كانت عندي أهم نقطه ،لازلت بفكر في الأرض ديه بس قصه إن أنا مليش وجود أصلا و هو بيعمل كل حاجه و تسجيل الأرض عنده هو بس بدون أي تسجيل في جهاز الشروق أو السجل العقاري مش مريحاني أصلا ،يعني ادفع فلوس لطرف تالت و العقد بني و بين الشركه ديه و مفيش جهه رقابيه أقدر أوثق فيها ملكيتي لارض ديه ،أمر غير مريح

طنشت و نزلت اسكندريه ليليتين و أنا راجع رحت معرض عقاري ١٦ إلي في سميراميس

انصح كل الناس تروحه ،بيفتح من ١٠ الصبح لحد ١١ بليل هيخلص السبت

هتكلم عن كل العروض إلي شفتها لم أرجع اوستراليا ،بجد مفيش ناس بتشتري و الشركات إلي عايزه تبيع مستعده تكلم في سعر المتر و نوع التشطيب و لون عتبة الباب لو عايز

تم تعديل 14 أغسطس 2009 بواسطة ziad

[المصمم]

الاخ الفاضل Ziadشكرا لموضوعك وتجربتك

وارجوا منك ان تقص علينا ما دار بمعرض عقاري في سميراميس بالتفصيل

حيث اننا فى الغربة لا نستطيع متابعه المعارض وهو تعكس حالة السوق وحالة الشركات بالسوق

تحياتى

[abu youssef]

إقبال كبير من المواطنين للحجز فى القرعة الخامسة لأراضى المدن الجديدة

تاريخ النشر: 15 اغسطس 2009

أكد المهندس محمد دمرداش مساعد أول وزير الإسكان والمرافق أن نحو 25700 مواطن قد تقدموا حتى الآن للحجز فى قرعة الأراضى الخامسة التى أعلنت عنها الوزارة مؤخرا وذلك على مدى الأسبوعين الماضيين فقط .

وقال دمرداش - فى تصريحات له - إن مدينة برج العرب الجديدة قد حققت مفاجأة حيث جاءت على رأس المدن التى تم الحجز بها حيث تقدم لها حتى الآن أكثر من 13 ألف حاجز .

وأضاف أن مدينة العبور جاءت فى المرتبة الثانية بإجمالى عدد حاجزين يزيد على 3 آلاف مواطن ، تليها مدينة القاهرة الجديدة بعدد حاجزين بلغ 2274 مواطنا ، ثم مدينة بدر بإجمالى 2170 حاجزا ، ثم الشروق 1915 حاجزا ، تليها العاشر من رمضان بإجمالى 1400 حاجز ، بينما جاءت مدينة النوبارية الجديدة أقل المدن إقبالا حيث لم يتقدم للحجز بها سوى 9 مواطنين حتى الآن نظرا لقلة عدد الأراضى المطروحة بها .

وأوضح أن الإقبال الكبير من المواطنين على الحجز يؤكد أن أسعار الأراضى مناسبة ، مشيرا إلى أن جميع الأراضى المطروحة تقل أسعارها بنسبة 20 % عن سعر السوق .

وأشار دمرداش إلى عدم قدرة الوزارة على دعم تلك الأراضى بأكثر من ذلك فهذه القطع ليست مخصصة لمحدودى الدخل وأن الأموال التى يتم تحصيلها من بيع أراضى القرعة يتم توجيهها لتوصيل المرافق للأراضى المدعمة التى يحصل عليها محدودو الدخل بأسعار تقل عن تكلفة توصيل المرافق .

وأضاف المهندس محمد دمرداش مساعد أول وزير الإسكان والمرافق أن الدولة وفرت للشباب من محدودى الدخل أراض بأسعار قليلة جدا ومدعمة فى مشروع "ابنى بيتك" الذى يستفيد منه نحو 92 ألف شاب حيث حصلوا على متر الأرض بسعر 70 جنيها ، أما أراضى القرعة فتطرحها الوزارة للقادرين على بناء عمارات أو فيلات سواء من متوسطى الدخل أو من الميسورين.

وأشار إلى أن الوزارة مستمرة فى سياستها بتوفير الأراضى لمختلف المستويات ويتم حاليا توصيل المرافق لعدد كبير من قطع الأراضى التى سيتم طرحها للمواطنين بالوسائل التى تحقق العدالة والشفافية .

ولفت دمرداش إلى أن الوزارة وفرت فى مشرع ابنى بيتك نحو 60 % من إجمالى عدد قطع الأراضى التى وفرتها هيئة المجتمعات العمرانية منذ إنشائها هذا بخلاف ما يقرب من 45 ألف قطعة أرض من خلال القرعات الخمس التى أقامتها الوزارة بالإضافة إلى عدد كبير من قطع الأراضى التى وفرتها الوزارة للنقابات والجميعات التعاونية بأسعار مدعمة .

[ نقلاً عن وكالة أنباء الشرق الأوسط ]

ما راى الاخوة الاعضاء فى الخبر ده انتظر تعليقتكم

[khaledzaid]

الأخوة الأفاضل/ أرجو المساعدة أنا أقبم وأعمل بالسعودية وموعد إجازتي قريباً وأبحث عن شقة تمليك

بمدينة الشيخ زايد (كمبوند) أو مدينة الخمائل مع إمكانية الدفع كاش او 50% من الإجمالي والمواصفات:

1- المساحة من 180م2 تقريباً

2- الموقع هادىء ومتميز

3- متشطبة او غير متشطبة

4-الوجهة بحرية

5- داخل كمبوند أن امكن

وجزاكم الله خيراً

k_abouzaid@hotmail.com

00966509547934

خالد أبوزيد

[سكر]

كنت ببحث فى النت عن اخبار القرعة

ووجدت هذه المسرحيه فى المنتدى اخر

وحبيت ان انقلها لمنتدنا لطرفة المسرحية بغض النظر عن الاتفاق او الاختلاف معها

المشهد الاول

اجتماع في دوار العمدة بين كل من نون شيخ الغفر وميم خفير الاراضي

نون : ايه ياميم عملت ايه

ميم : مفيش الدنيا حالها واقف ومش لاقيين فلوس

نون : طب متشوف فدان ولا اتنين نلم بيهم فلوس الناس ونخليها عندنا كام شهر اهو نصرف امورنا

ميم : فكرة ممتازة ياكبير طول عمرك انضف عقل فينا - طب والاسعار انت عارف انها في النازل

نون : نازل ايه وطالع ايه هما تجار الاراضي احسن مننا ولا ايه ولا احنا مش هنعرف نشعللها لا دا احنا كبار اوي وبعدين انت لما تحط اسعار قليلة المقدم هيبقي قليل طب نشتغل بيه ازاي دا احنا عايزين يجي كام مليون ارنب بامهاتهم يقعدوا عندنا في العشة اربع خمس شهور

ميم : صح ياكبير خلاص اللي تقول عليه سيادتك نولعها نولعها

quote]

المشهد الثانى

بعد عرض الاراضي للبيع

اعتراضات من الكادحين امام مكتب نون

كادح 1 : ايه ياعالم ده حرام عليكو نجيب فلوس منين علشان نبني بيت

كادح 2 : نسرق ولا نبيع عيالنا دا حتي لو بعناهم مش هيجيبوا تمن الصحرا اللي عايزين نشتري فيها

كادح 3 : ما تخرج لنا يا نون فهمنا ايه الحكاية

نووووون : ايه ده 00 ايه الهيصة دي 000 اخرس انت وهو 00 واحد بس يتكلم

كادح : انا هتكلم قولنا بقي نعمل ايه في الاسعار اللي انتو كاتبينها دي

نون : مالها الاسعار مش عاجباكو في ايه

كادح : غالية اوي يانون نجيب منين فلوس لكل ده

نون : ومين طلب منك تجيب فلوس وتحجز اصلا

كادح : امال ابني بيت اقعد فيه انا والعيال ازاي بس فهمني

نون : ايه ده انت اتجننت انت عايز تبني بيت وفي المكان ده كمان لييييييييييييييه 000 المنطقة دي مش ليكوا

كادح : امال لمين بس انا عندي ست عيال كلهم في الجامعة والمدارس اروح بيهم فين

نون : امال احنا طورنا العشوائيات ليه وعمالين نصرف عليها فلوس روح ابنيلك بيت تحت سلك الكهربا واهو ديتها غرامه وازالة وتبقي زي الفل ساكن

كادح : بس ولادي نفسهم يعيشوا في حته كويسه

نون : هتفضلوا كده طول عمركم متقولوش شكرا علي حاجة مش كفاية ان ولادك في الجامعة والمدارس دانتم تبوسوا اديكم وش وضهر وتروحوا تسكنو في عشه في العشوائيات واوعدكم اننا هنطورها في الخطة الخمسينية الجاية يالا ياولد منك له امشي من هنا

كادح : يانون دا انا حتي اخويا شغال بره بقاله 10 سنين ومش هيقدر برضه ياخد في الحتت دي غير بكل الفلوس اللي معاه ومش هيلاقي حاجة يعمل بيها مشروع يعيش منه

نون : مش كفاية انه شغال بره وبيقبض فلوس مبناخدش منها حاجة يجي يحط الفلوس بقي في الارض دي ويثبت انه قلبه علي بلده 0000 دا بدل ما ينزل يتبرع بفلوسه كلها للخفر وشيخ الغفر اللي قاعدين ليل نهار بيفكروا في مستقبل القرية فين الانتماء وفين الولاء

كادح : يعني هو اتغرب بره وطلع عينه لغاية ما جاب قرشين وكمان عايزة يتبرع بيهم مش حرام كده

نون : حرام في عينك ياولد امشي من هنا امشي

quote]

المشهد الاخير

اجتماع مافيا الاراضي

حرامي 1 : انا هاخد 20 حته ومحدش يقولي كتير

حرامي 2 : يعني ايه بقي لا كده بجد كتير امال انا هاخد كام وباقي العصابة هتاخد ايه

حرامي 3 : ياجماعة مينفعش كده لازم نقسم بالعدل

حرامي 4 : عدل ايه انت مش شايف بيتكلموا ازاي

حرامي 5 : ياجماعة بالعقل شوية الاول لازم نتفق نبعت جواب شكر لشيخ الغفر اللي ولعها

الحرامية في صوت واحد : موافقين

حرامي 6 : طب احنا بقي نعمل قرعة بيننا علشان كل واحد ياخد حقه بس ايييييييييه مش زي قرعة شيخ الغفر اتفقنا

اتفقنااااااااااااااااااااااااااااااااااااااااااااا اااااااااا

__________________

عبد الفتاح نصار

مستشار قانوني

[mshaker]

مسرحية حقيقية مية فى المية وربنا يستر علينا

بس من واقع تجربتى فعلا فى إقبال أينعم بسيط مش زى قبل كده بس فى إقبال و كل الناس إلى شايفها بتشترى واثق مليون فى المية إن معهمش غير ثمن المقدم فاكرين إن بعد ما ترسى القرعة عليهم هيعرفوا يبيعوها بتمن أعلى و إلى مش عارفينة الناس دية إنهم هيفشلوا فشل ذريع لإن بعد إجراء القرعة مش هيشترى إلا إلى عاوز فعلا و دول قليليين قوى بدليل الركود فى المعروض و بالتالى دا معناه إن بعد القرعة لو عرضوا الأراضى للبيع

هياخدوا إلى دفعوه ياإما هيخسروا فيها لإنها أغلى من السوق ياإما هيقدر يكسب و دا إحتمال ضعيف قوى نظرا للركود الشديد

سننتظر و نرى ماذا سيحدث

سؤالى المهم قوى للناس إلى كسبت القرعة حضروا القرعة فى الإستاد ولا محضروهاش عشان سمعت إن السحب بيتم على إلى حضر بس وسمعت برضك إن القرعة فيها واسطة عشان تخش السحب أنا بنبه سمعت و معرفش الحقيقة فيين ياريت إلى عنده خبرة و اخبار موثقة يقوللى

[newshare]

أنا أشتركت فى اراضى القرعة الخامسة

بس المهم ما هى تكلفة البناء ؟

لو ممكن حد من الاخوة الافاضل أن يخبرنى بتكلفة المتر المكعب خرسانة مسلحة بمعنى متوسط التكلفة سواءا كانت خرسانة قواعد مسلحة أو أعمدة أو أسقف حيث اننى بعيد الان عن اسعار البناء فى مصر

ولكم جزيل الشكر