في الخليج، نعيش أمواتا - هل تفكر في العودة لمصر؟

[أبو زياد]

اهلا بك يا أخى ( نصف مصرى ) أخا و صديقا عزيزا لنا ..

وبالفعل هناك الكثير من النماذج المشرفة للتعامل مع نظام الكفالة من الطرفين بما يرضى الله

واحسب أنك من هؤلاء الناس .. جزاك الله خيرا

أهلا بك و مرحبا مرة أخرى

[hendawi]

بغض النظر عن نظم الكفيل والمكفول والاقامة فالشخص وحده هو الذى بيده أن يحدد الاطار الذى يراه ملائما له ليتكيف معه ويستطيع أن يفرض نفسه بكفاءته وأخلاقه فيحظى بحب واحترام من حوله من زملاء العمل بل ومن صاحب العمل والذى هو فى الغالب ليس له وجود الا فى المؤسسات الفردية الصغيرة .. فأنا أعيش بالسعودية ولى صداقات عديدة مع اخوة سعوديين وبصفة عامة ورغم ما يوجد من سلبيات فلا تقارن بما هو موجود بمصر ويكفينا أن نقوم بأداء العمرة وقتما نشاء ويعيش أبناؤنا بعيدا عن الأجواء التى تلوثت بالبانجو والحشيش والبودرة والزواج العرفى مما طال القاصى والدانى - وقانا الله واياكم منها - ناهيك عن فساد أجهزة الشرطة بل وقولوا الفساد فى كل أجهزة الدولة .. فى الخليج من يحترم نفسه يحترمه الجميع ..

تم تعديل 2 فبراير 2007 بواسطة hendawi

[ابو رامي]

السلام عليكم ورحمة الله وبركاته

اريد في البداية ان أوجه سؤال مباشر لكل الاخوة الساخطين

هل أجبرك احد ان تعيش في الخليج

هل يمنعك احد من الذهاب الى بلدك

اذن اللي مش عاجبه يروح بلده دي وجهة نظري

بدلا من ان تسخط وتسب البلد الذي انت به وتعيش به عيشة كريمة وحياة كريمة وتمتلك سيارة ووظيفة براتب جيد بدلا من ان تسخط عليه وتسبه اذهب الى بلد افضل لك

الاخ رمضان

كفيت ووفيت وجبت الخلاصة زي مابيقولوا

بئرا شربت منه لاترمي فيه حجراً

[ابن الصعيد]

"انا ممكن افهم ان يرضى الناس بالكفيل

لكن مش ممكن اتفهم انهم يدافعوا عن النظام ده"

اللي بيحط نفسه مكان الناس اللي بيتعامل معاهم (اللي هما الخليجيين حكومة وأفراد في الحالة اللي بنتكلم عليها) هيدافع عن نظام الكفيل لأنه هم فعلا لازم يعملوا كده في ظروف أن 90 % من القوى العاملة من خارج البلاد.

ومن لم يتعرض لظروف سيئة نتيجة لوجوده تحت الكفالة هيدافع عن نظام الكفالة

أنا شغال في شركة وهي الكفيل بتاعي ومش حاسس بادنى ضرر كنتيجة لنظام الكفالة. وأنا شفت المقاولين في القاهرة بياخدوا بطايق العمال الصعايدة علشان مايسافروش في اي وقت وكمان بيأخروا لهم الرواتب شهرين وأكتر علشان نفس السبب. وشفت شركات بتاخد شيكات على بعض الموظفين وايصالات أمانة أو يمضوهم على أستمارة 6 قبل ما يشغلوهم. وده طبعا في بلدك اللي راس المواطن فيها براس رئيس الجمهورية.

ده ردي على سؤال الأخ أوتاكا

بالنسبة للمعيشة أمواتا في الخليج أنا مش شايف كده خالص أنت هنا مدرس ولا دكتور ولا مهندس ولا موظف بتحقق دخل عالي مش ممكن تحققه في مصر والناس كلها بتحترمك والمعيشة ميسرة جدا جدا وبالنسبة للشعور بالغربة فدا كان زمان لكن وسائل الإتصال الحديثة والأنترنت ورخص تذاكر السفر مخليك كأنك بتشتغل في الغردقة أو شرم الشيخ.

الاخ احمد انا اتفق معاك تماما انا بالخليج منذ 5 سنوات ولم احس باي شئ ولا تخلوا الدنيا من بعض المضايقات التي تحدث في كل مكان

وشوفوا في مصر صراع الطبقات واستعباد اصحاب العمل الخاص للعمال

[دودوي ماندو]

اكيد بنحن ننزل لبلدنا ونعيش على ارضها وسط ناسها وجوها بس تقدر تقولي هاتعيش ازاي وولادك هايتعلموا ازاي بنتكلم عن الكفيل طيب صحيح في مصر مافيش كفيل بس في اللي اصعب من الكفيل في الكوسه ودي لوحدها مصيييييييييييييييييبه يارب اصلح حال بلدنا ورجعنا ليها على خير

[مونتى]

سأرد علي السؤال فقط

طبعا بعد إذن أخي متسائل

نعيش بدون أهل أو سند تأتي علينا المواسم والأعياد..لا يتذكرنا أحد إلا الأهل في الوطن

ونتشدق بكلام كثير..وأغلبنا غير مقتنع به..ولكن لنصبر أنفسنا

لا تهمني قوانين البلد فهي تحمي نفسها وهذا من حقها حينما يكون تعدادها قليل

وحسبي الله ونعم الوكيل..حينما نكون مشردين ونحن أبناء أعرق حضارة وجدت علي الأرض

وبلدنا مليئه بالخيرات ومليئه باللصوص..الذين أستباحوا خيراتها...بقوة النفوذ والسلطه...ولازالت حتي الأن رغم النهب والسرقه..تقف شامخه....نعم نعيش كالأموات...ولسنا ميتين

ولكن المكان الذي يحفظ لي كرامتي وأجد فيه الحياة الكريمه والدخل الجيد لي ولأسرتي...يصبح وطن ثاني لي

أردت أو لم ارد

...وأسأل أخي الكريم أي مصري الأن ويعيش في المحروسه هل تقبل بالحياة تحت نظام الكفيل؟؟ أكاد أجزم بموافقه 80%منهم

وحسبي الله مرة ثانيه

ومره أخري أذكر نفسي بهذين البيتين

بلدي وإن جارت عليَّ عزيزةٌ

أهلي وإن ضنّوا عليَّ كرام

شكرا ناش مداخله جميلة

واحب ان ازيد ان بكل بلد حلوها ومرها فانا بالسعوديه وكفيلى شركه وليس شخص ولكن المتحكم الرئيسى فينا مدير المشاريع المصرى ولااريد ان اسرد ما يفعله بنا من اجل عيون مدير عام الشركه

بس الوضع هنا افضل من الوضع بمصر من ناحيه

الدخل المادى

الوضع الاجتماعى المتميز (سيارة & خدمات معاوله الناس الجيدة ببعض الاحيان ) مش كل السعوديين كويسيين ومش كلهم عكس ذلك

عاشق بلدى :blush2:

[kokomen]

نظام الكفيل كأي نظام وضعه الإنسان ..له ما له ... وعليه ما عليه

وهو نظام قابل للتعديل فهو من وضع البشر ..وبطبيعة الحال لا ترضى أي

دولة أن تطبق نظام يشوبه شائبة ظلم للطرف الآخر ..فهو نظام ينظم العلاقة

بين العاملين وأصحاب العمل وليس للسخرة .. وكثير من دول الخليج تطبق

هذا النظام ..بطرق مختلفة بحيث لايؤدي الي ظلم لأصحاب العمل ولا العاملين

فإذا أدى هذا النظام الي ظلم ..وجب علي الدولة تغيره وإلا إتهمت بمخالفةحقوق

الإنسان ..وقبلها حقوقه التي ذكرت في الحديث النبوي الشريف لسيد الخلق صلى

الله عليه وسلم : أعطي الأجير حقه قبل أن يجف عرقه ...وليس أكل حقوق الناس ..؟؟؟

يحتاج النظام الي تعديل يحقق مصلحة جميع الأطراف ويحقق العدل للجميع وليس

بعيدا عنا وضع الكفيل في الإمارات أو قطر أو الكويت وهي دول خليجية إيضا

وفيها الأوضاع مرنة وغير متعسفة الي حد كبير .. الكفيل في السعودية علي نوعين

وأقصد القطاع الخاص أما ملتزم ومقدر دور العمالة وهي تؤدي واجبها فيتعامل

معها بكل إحترام ويعطيها حقوقها والعاملين يؤدون واجبهم وتكون العلاقة طيبة بينهما

النوع الآخر من الكفلاء يتعاملون بشكل سيئ مع العاملين فيفرضوا عليهم أعباء كثيرة

ولا يؤدوا ما عليهم من حقوق للعماله ..بل تصل الي الظلم وأكل الحقوق وإجبارهم

علي العمل القهري في ظروف سيئه ..؟؟؟ وعندما تشتكي لمكاتب العمل ستدخل في

متاهات وستوقف عن عملك وسيوقف مرتبك ولن تجد من يعينك .. والإجراءات بطيئة

وغالبا ما يضغط عليك الكفيل لتوقع علي التنازل عن كل حقوقك ..وإلا ..يقلب عليك

أمور كثيرة ..لا داعي لذكرها ...لابد أن يكون للنظام مرونة بطريقة ما ..حتى تستقيم الأمور

بين جميع الأطراف .. ومن ضمنها أن لايحجز جواز السفر كنوع من القهر ..وأن لايكون

الكفيل هو القاضي والجلاد في نفس الوقت .. هذا يكون بتطبيق القوانين بحذافيرها علي الجميع

والله ولي التوفيق

[processor]

اكيد بنحن ننزل لبلدنا ونعيش على ارضها وسط ناسها وجوها بس تقدر تقولي هاتعيش ازاي وولادك هايتعلموا ازاي

طب يعني الناس اللي عايشة في مصر ديه عايشة ازاي وأهالينا اللي في مصر عايشين ازاي ماتوا من الجوع يعني في أي مكان في العالم في طبقة الفقراء وطبقة الأغنياء ... والله يكون في عون الجميع

[MZohairy]

فضل الخليج عليا و على الكثير من امثالي لا يعد ولا يحصى

فلقد عشت طوال الخمسة عشر عاما الماضيه بفضل الله افضل عيشه ولفيت فيهم العالم ولم اكن لأحصل على مثل هذه الحياه و مثل هذا الدخل و المميزات في مصر ابدا

[se_ Elsyed]

فضل الخليج عليا و على الكثير من امثالي لا يعد ولا يحصى

فلقد عشت طوال الخمسة عشر عاما الماضيه بفضل الله افضل عيشه ولفيت فيهم العالم ولم اكن لأحصل على مثل هذه الحياه و مثل هذا الدخل و المميزات في مصر ابدا

بص يا زُهيري ..

يُمكنك أن تشكر وتمدح في دول الخليج كما تشاء وتُعدد كمان أفضالها بعد الله عليك

لكن لا يُمكنك أن تهيل التراب على بلدك وتستخدم أدوات جزم ونفي وأنت أساساً إنسان زيك زينا ولا تعلم الغيب ولا الرزق اللي كان ممكن يجيلك لو فضلت في مصر زي السبعين مليون مصري اللي هناك ... وبكلماتك البسيطة صورت لنا وكأن الموضوع مُسلم به وإن الـ 70 مليون اللي عايشين في مصر أقصى أمانيهم إنهم يسافروا إسكندرية وما فيش فيهم يا ولداه حد شاف المطار حتى أو راح دوله من دول العالم اللي إنت لفيته بفضل دول الخليج ودراهمهم وبترولهم

هذا كلام غير صحيح بالمرة

فإذا كانت في فرصة جيدة جائتك في الخليج .. فهذا جيد ومن حقك تتمسك بها .

لكن خلي بالك .... بالتأكيد إنت تعرف ناس كتتتير وكتييير قوي كمان في مصر ممكن يكونوا في نفس درجتك الوظيفية وشهاداتك العلمية وبيتحصلوا على اضعاف ما تحصل عليه ... أنا شخصياً أعرف منهم الكثير

واللي يسمعك كده يقول إن ما شاء الله إذا كان الأجنبي - خلي بالك اللي هو إحنا يعني .. أنا وإنت وغيرنا واللي دي بتفضل صفه لازقه فيك لحد ما تموت هنا - بيلف العالم من مجرد مرتبه الوظيفي .. اومال الخليجي نفسه بقى بيعمل إيه ؟ ده أكيد العالم بيأتيه إلى بين يديه مش هو اللي بيروح يلف ويدوخ نفسه .... في حين إن كثير من الخليجيين وإنت عارف يعانون من البطالة وكثير منهم يكاد بيقضي يومه بالعافية وبيكمل بقيت عشاه نوم .

بإختصار .. كل إنسان حُر ... عايز تعيش لحد ما تموت في الخليج .. يا أهلاً وسهلاً ... ولكن لا داعي لا أن تقذف بلدك بالطوب وتنكر عليها كل ميزة وتلصق بها كل العيوب ...

الكلام مش موجه لك بشكل شخصي يا زُهيري ولكن موجه لك واحد ساب بلده وهاجر سعياً وراء الرزق وبيصور بلده على إنها دجولة تعيش في العصور الوسطى وشعبها يموت فيه الألاف من المجاعات وإن كل حلم المصري دلوقت إنه يشتغل في الخليج ويرفل في نعيم الخليج أو إن 80 % منهم ممكن يقبل بنظام الكفيل ......

[MZohairy]

بص يا زُهيري ..

يُمكنك أن تشكر وتمدح في دول الخليج كما تشاء وتُعدد كمان أفضالها بعد الله عليك

لكن لا يُمكنك أن تهيل التراب على بلدك وتستخدم أدوات جزم ونفي وأنت أساساً إنسان زيك زينا ولا تعلم الغيب ولا الرزق اللي كان ممكن يجيلك لو فضلت في مصر زي السبعين مليون مصري اللي هناك ... وبكلماتك البسيطة صورت لنا وكأن الموضوع مُسلم به وإن الـ 70 مليون اللي عايشين في مصر أقصى أمانيهم إنهم يسافروا إسكندرية وما فيش فيهم يا ولداه حد شاف المطار حتى أو راح دوله من دول العالم اللي إنت لفيته بفضل دول الخليج ودراهمهم وبترولهم

هذا كلام غير صحيح بالمرة

فإذا كانت في فرصة جيدة جائتك في الخليج .. فهذا جيد ومن حقك تتمسك بها .

لكن خلي بالك .... بالتأكيد إنت تعرف ناس كتتتير وكتييير قوي كمان في مصر ممكن يكونوا في نفس درجتك الوظيفية وشهاداتك العلمية وبيتحصلوا على اضعاف ما تحصل عليه ... أنا شخصياً أعرف منهم الكثير

واللي يسمعك كده يقول إن ما شاء الله إذا كان الأجنبي - خلي بالك اللي هو إحنا يعني .. أنا وإنت وغيرنا واللي دي بتفضل صفه لازقه فيك لحد ما تموت هنا - بيلف العالم من مجرد مرتبه الوظيفي .. اومال الخليجي نفسه بقى بيعمل إيه ؟ ده أكيد العالم بيأتيه إلى بين يديه مش هو اللي بيروح يلف ويدوخ نفسه .... في حين إن كثير من الخليجيين وإنت عارف يعانون من البطالة وكثير منهم يكاد بيقضي يومه بالعافية وبيكمل بقيت عشاه نوم .

بإختصار .. كل إنسان حُر ... عايز تعيش لحد ما تموت في الخليج .. يا أهلاً وسهلاً ... ولكن لا داعي لا أن تقذف بلدك بالطوب وتنكر عليها كل ميزة وتلصق بها كل العيوب ...

الكلام مش موجه لك بشكل شخصي يا زُهيري ولكن موجه لك واحد ساب بلده وهاجر سعياً وراء الرزق وبيصور بلده على إنها دجولة تعيش في العصور الوسطى وشعبها يموت فيه الألاف من المجاعات وإن كل حلم المصري دلوقت إنه يشتغل في الخليج ويرفل في نعيم الخليج أو إن 80 % منهم ممكن يقبل بنظام الكفيل ......

فين التراب يابني اللي بنهيله ده؟؟؟

كححتنا على الصبح

لا يا سي السيد المسأله بالورقه و القلم

و انا بتكلم عن وضعي انا فقط مش وضع كل اللي جه يشتغل في الخليج لأن كتير من اللي جم يشتغلوا هنا لم يحالفهم التوفيق

أما بالنسبه لكلامي عن وضعي فأنا عارف كويس اللي انا قلته و بالمقارنه مع مئات من زمايلي ومن نفس الدفعه ولا يعني اطلاقا عدم وجود فرص جيده في مصر

انما قمة عدم العدل كمان اننا نقول ان الفرص في الخليج زي الفرص في مصر كما و كيفا

و هذه المقارنه ليس فيها اي اهانه لمصر ابدا فمصر بلد مش غني و بالتالي عدم وجود فرص عمل طيبه كثيره به لا يعيبه ابدا !!

[دودوي ماندو]

الناس اخدت على كده في مصر لكن واحده زيي اتولدت واتربت هنا تعمل ايه انا لما نزلت اخد الكليه بتاعتي واقعدت اربع سنين رايحه جايه ومصاريف بلهبل عارف بعد كده التعين بكام ده اذا كان في تعين ب150 ج يافرحت قلبي

[se_ Elsyed]

الناس اخدت على كده في مصر لكن واحده زيي اتولدت واتربت هنا تعمل ايه انا لما نزلت اخد الكليه بتاعتي واقعدت اربع سنين رايحه جايه ومصاريف بلهبل عارف بعد كده التعين بكام ده اذا كان في تعين ب150 ج يافرحت قلبي

حضترك بالتأكيد سمعتي عن مُطصلح إسمه Stereo Type

أهو الـ 150 ج دي كده ؟

يا دودي ده لا مؤخذه عامل النظافة مرتبه بيوصل 800 ج في أول تعيين

ولو واحده بياعه في محل بيوصل مرتبها 500 ج

أما الـ 150 ج دي فكانت تُطلق على مرتبات الوظائف الحكومية اللي أساساً ما بقتش موجودة ... وحتى عمر المرتب ما كان بيبقى كده لإن في بدلات وخلافه ....

أنا باتكلم عن إنسان حاصل على مؤهل عالي وسوق العمل يطلبه ...

يبقى ما نجيش نقول 150 ج وإحنا في القرن الواحد والعشرين من غير حتى ما نجرب ونشوف بنفسنا .

سنة 98 .. كنا بنعين سكرتيرة في فرع مصر ... فتقدمت فتاة خريجة جامعة أمريكية يعني لُغة وكمبيوتر وخلافه وأجتازت الإختبار وطلبت 1500 ج مرتب مبدئي ....ولإن التعيين كان بيتم من الشركة الأم بالسعودية وكنت وقتها أعمل مع المدير التنفيذي للشركة قال لي نفس اللي قلتيه بالظبط : "بس أنا بأسمع إن المرتبات في مصر 150 ج " فلما وضحت له الأمور وإن ده كلام مُستهلك وغير حقيقي وينطبق على بعض الوظائف الحكومية فقط وبيبقى إسمه راتب أساسي كمان ... تم تعيين البنت والامور مشيت بشكل جيد .

[Ebn Sina]

هذا الموضوع هام بالفعل واريد ان اقول رايى المتواضع بناء على تجربتى من خلال عملى فى السعودية منذ عام تقريبا

نظام الكفيل استعباد بالفعل واى شخص ينكر هذا هو مكابر مكابر مكابر............ وانا هنا اتحدث عن الكفيل المباشر والذى يكون شخصا بعينه وليس شركة او مؤسسة ما

فلا يعقل ان تعيش بلا حقوق او كرامة او احترام من قبل هذا المتورم ذاتيا بحكم سلطاته المسمى الكفيل واجد احدا يبرر وجود الكفيل ويعتبره شيئا عاديا....هل لانك تعمل خارج بلدك وتاخذ راتبا جيدا -انت تستحقه بكل تاكيد- ان تكون مقيدا فى تحركاتك واذا حدثت مشكلة بينك وبين كفيلك او بينك وبين اى سعودى ان يكون انحيازا كاملا من السلطات للسعودى.....اى امتهان وقلة قيمة هذه....وقبل ما حد يقول وايه اللى غصبك ما ترجع.....اقول ان هذا خلطا للامور لان ليس معنى اضطرارى للعمل ببلد اخر بحثا عن تامين مستقبلى ان ابرر الجليطة وقلة القيمة وضياع الحقوق بان هذا شانا خاصا باهل البلد

انت تعمل وتاخذ اجرا على عملك اذن فهذا الكفيل لا يمن عليك بشىء.....انت تاخذ مقابلا لعملك فانت ما بتشحتش من حد

يا جماعة ان كنت شاهدا على بعض الحالات لمصريين هنا حاجة تخليك تشعر بالدونية واحتقار الذات على ما ال اليه وضع المصريين وكرامتهم فى الخارج

والى الاخوة الذين تنعموا وغرقوا باموال النفط .....بلاش والنبى تجملوا من الصورة وخصوصا الاخ زهيرى الذى يبدوا متيما بما حققه فى فترة عمله فى الخليج ببساطة لانه اخذ مقابلا لعمله وليس منا من احد

واخيرا هاقول ايه .....هاقول لمصر .....ليه يا مصر تعملى فينا كده؟......ليه يا مصر تجبيرنا نعمل فى نفسنا كده...................ليه؟؟؟؟؟؟؟؟؟؟؟؟!!!!!!!!