تخاريف ابو محمد المصري

[ابو محمد المصري]

اسمحول لي الاخوه الافاضل ان اقتبس هذا الاسم تخاريف وسابدا في سرد مجموعه من التخاريف

التخريفه الاولي

قمت من نومي الصبح وفتحت الشباك لقيت الشارع ماشي زي الحلاوه لا فيه خنقه وصوت الكلكسات زي الموسيقي والاشارات ماليه كل الشوارع والكبير قبل الصغير واقف في الاشاره مستني دوره وعسكري المرور واقف زي الاسد لاحد بيزعق ولا حد بيقول انت بش عارف انا مين او انا ابن مين نزلت من البيت ركبت العربيه من الجراج اللي تحت البيت فكل بيت تحته جراج وخرجت بمنتهي اليسر فلا حد قافل عليه وكالعاده مفيش حد واقف في الممنوع قدام باب الجراج وقفت في اول اشاره لقيت العربيه اللي جنبي بتاعه الدكتور نظيف راكب في حاله ومعاه السواق وبس لا موكب ولا خنقه ولا تعطيل فتحت القزاز الكهربا ورميت عليه السلام رد عليا اهلا يامواطن فيه عندك مشكله ولا حاجه انا بابي مفتوح ومكتبي زي القسم فاتح كل يوم ومديري مكتبي عملناها ورديات 24 ساعه وزهقوا من قله الشغل كل حاجه ماشيه زي السكينه في الجاتوه وبفكر اقلل عددهم طالما ما فيش شغل

الاشاره فتحت مشيت وحودت علي اول بنزينه كالعاده لقتها فاضيه حطيت صفيحه بنزين 80 وخرجت في دقيقه مشيت شويه لا ميكربوباص بيحود عليا والاتوبيسات كالعاده فاضيه والناس قاعده ومتعنتظزه والابتسامه علي وش كل اللي في الشارع وطول مانت ماشي يتسمع واحد بيرمي عليك السلام او واحد بيضحك في وشك وصلت شغلي كالعاده برضه في نص ساعه لقيت مكاني قدام الشغل ركنت عربيتي وطلعت لمكتبي وهدومي زي الفل لاخنقه ولا ريحه عرق ولامؤخذه جزمتي زي المرايه ماهو مفيش تراب في الشوارع وبكده انتهت التخريفه الاولي واللي اللقاء في باقي التخاريف