خريطة مدينة بدر

[هشام عباس]

السلام عليكم

ياريت لو حد راح مدينة بدر يصورلنا الحي المتميز فيلات على الطبيعه ويحاول ينزلنا الصور

ويبقى ربنا يكرمه

[ziad]

للاسف مش هعرف أنزل قبل أجازه الصيف ،هنزل ف شهر سبتمبر،هابعت ناس من العيله يتفرجو،يا ريت لو حد عنده نصائح عن أفضل الأحياء ،القطع ،السعر بشكل عام ،أدور فين عشان أخد حاجه متميزه ،أفضل السماسره أو مكاتب البيع هناك ،يفدني

و جزاك الله خيرا

[هشام عباس]

للاسف مش هعرف أنزل قبل أجازه الصيف ،هنزل ف شهر سبتمبر،هابعت ناس من العيله يتفرجو،يا ريت لو حد عنده نصائح عن أفضل الأحياء ،القطع ،السعر بشكل عام ،أدور فين عشان أخد حاجه متميزه ،أفضل السماسره أو مكاتب البيع هناك ،يفدني

و جزاك الله خيرا

شوف يا سيدي الحي المتميز فيلات في بدر بالطبع هو افضل الأحياء في المدينه وده فيه المناطق a - b - k - l - ومحدش يعرف يقلك افضلهم ايه! لأن ديه حاجه بتختلف من فرد لفرد يعني مثلا ناس تفضل a لأنها قريبه من المنطقه الترفيهيه وناس لا تفضلها لأنها ممكن تكون مع الوقت دوشه شويه بحكم قربها من المنطقه الترفيهيه وناس تفضل k - l لقربهم اكثر من العمار وناس لا تفضلهم لقربهم من الأحياء الأقل في المستوى.............. وهكذا فأن نظرة كل انسان تختلف عن غيره في تميز المكان ولكن

مالا يختلف عليه احد هو الأتي

1- ان تكون مساحتها كبيره

2- ان تطل على حدائق او مساحات فارغه

3- ان تكون ناصيه وعلى شارع واسع

اعتقد ان هذه الأشياء لا يختلف عليها احد ونسيت اقول كمان تكون الواجهه بحري

اما عن مكاتب السمسره فهي منتشره في المدينه بكثره ويمكن العثور عليها بمجرد التواجد بجوار جهاز المدينه

اما عن السعر بشكل عام فأخر ما سمعته ان الأسعار بتتراوح بين 150 الف و 180 الف لكن ده كان من فتره كبيره حوالي 4 شهور تقريبا اما عن الأن فالعلم عند الله

تمنياتي لك بالتوفيق

[mamieid]

السلام عليكم

اولا ارض حضرتك 600 م فممكن تبني لغاية 240 م وهي ال 40 %

وافضل قرار حضرتك اتخذته هو عمل بدروم لانك هتكسب دور زيادة وفي نفس الوقت الفرق بسيط جدا

اما بالنسبة للتعديل فحضرتك تذهب الي ادارة التراخيص في جهاز بدر الدور الثاني عند المهندس محمد عمارة او أ/ هشام وقول لهم عاوز طلب تعديل رخصة هيعطيك ورقة مطبوعة بها طلباتهم للتعديل والمرفقات وهي هتشتمل علي الرسومات الجديدة للبدروم من اساسات والاعمدة وسقف البدروم والمتكرر وتكون معتمدة من المكتب الهندسي والاستشاري وتقدم طبعا التوكيل ال حضرتك اشتريت به ( التوكيل الاداري ) وليس توكيل البيع لان الارض ال حضرتك اشتريتها ارض قرعة لازم فيها توكيلين ولو معاك توكيل واحد فقط بلغني والحل موجود ان شاء الله

تتسلم الاوراق وتاخد رقم والموضوع المفروض هيستغرق 10 ايام لكن عندهم هيستغرق شهرين لانهم بيشتغلوا بسرعة شوية لكن انصحك اعمل الرخصة ب ال 40 % يعني 240 م حقك والبني المساحة ال تعجبك مثلا ال 160 م واسئلهم للتأكيد

اما عن التكلفة ف المهندس هياخد منك من 1500 الي 2000 لانها رسومات جديدة والجهاز رسوم التعديل هتدفع الفرق بين المدفوع سابقا والمفروض تدفعة الان المهم لا تتعدي 1500ج لكن ادفع ودة لمصلحتك وانصح اي حد انة يعمل بدروم خاصاً في الاراضي المنخفضة

اما عن الاسعار هناك المتر ( المكعب ) 130 ج اجرة فقط والمونة عليك اما مونة واجرة 900 ج بعد تعديل الرسومات ممكن نحسب التكلفة التقريبية

ومش هتقدر تعمل اي شيئ في الارض قبل ما تضبط الرخصة في الجهاز وتستلم الرخصة بعد التعديل

اما عن الحفر حسب نوع الارض لكن ياريت لو حضرتك تقول لي الارض في اي حي A B L K

وبالنسبة للمقاول عندي مقاول ومهندس ممكن ارسل لك تليفوناتهم علخاص وعندي خريطة الحي المتميز B سوف ارفعها علي المنتدي قريبا فور الانتهاء من رسمها خلال يوم او اثنين ارجوا ان تكون قطعتك في B

السلام عليكم ورحمة الله وبركاته

أحب أن أبدأ كلامي بتقديم جزيل الشكر ليك يا أستاذ أبو أدهم.

فعلاً كلامك على المنتدى ده أثر فيا جداً ودفعني اني اشتري قطعة أرض في الحي المتميز B- مساحتها ٦٠٠ م مربع الإسبوع اللي فات عشان اتشرف وأكون جارك.

أنا عندي كام إستفسار وأتمنى إن حضرتك ترد عليا:

١- الأرض بتاعتي لسة مطلعلهاش ترخيص بناء وأنا سمعت إن أخر معاد للتقديم على التراخيص هو أخر شهر يونيو إللي جاي. وسمعت برده اني لازم أقدم الرسومات قبل تقديم التراخيص عشان مادفعش رسوم التعديل اللي بتكون أكتر من ألف جنيه للجهاز. فأنا كنت عايز أتأكد من الكلام ده وكنت عايز أعرف الرسومات دي ممكن تكلفني كام وياريت تبعتلي رقم المهندس إبن الحلال اللي قلت عليه لو فعلاً يقدر يخدمني في الموضوع ده بأقل التكاليف عشان زنقة الوقت اللي أنا فيها وزنقة الفلوس بعد مادفعت كل اللي معايا في ثمن الأرض.

٢- أنا سمعت برده اني خلال سنة لازم أكون خلصت الهيكل الخرساني و بعد سنة كمان أكون خلصت تشطيب الوجهة وده الكلام اللي مكتوب في عقد ملكية الأرض. أنا كنت عايز أعرف إيه الحد الأدنى إلي أعمله خلال السنتين دول عشان الأرض متتسحبش مني. يعني لو عملت القواعد الخرسانية و أعمدة الدور الأرضي في أول سنة و بنيت الطوب الخارجي للدور ده وعملتله محارة ودهان في السنة التانية هاكون حققت شروط الجهاز وبقيت في السليم ولا إيه؟ و إيه تكلفة الحد الأدنى للبناء في السنتين دول؟

٣- هل لازم يكون في مكتب أو مهندس معتمد هو اللي يخلص التراخيص مع الجهاز ؟

٤- ياريت تفيدني بإسم شركة مقاولات مضمونة تقوم بعملية البناء.

معلش أنا عارف اني صدعتك بس ده من العشم برده وأتمنى تكون دي بداية معرفة خير و جيرة صالحة بإذن الله.

أخوك وجارك

م/ محمد إبراهيم

[هشام عباس]

السلام عليكم ورحمة الله وبركاته

انا كنت في بدر من ايام وصورت الحي المتميز فيلات b بالموبايل وحقيقي اتفاجأت بكم البناء الي موجود هناك

[هشام عباس]

هحاول انزل بعض الصور الي صورتها من هناك

[طه بدر]

هحاول انزل بعض الصور الي صورتها من هناك

مازلنا فى انتظار الصور يا اخ هشام

بعد المقدمة الجميلة منك لا تخلى بنا :rolleyes:

وبالمناسبة هل ممكن معلومات عن الاراضى ابعادها ونظام الردود كام متر من الجانب والامام يمكن نتشجع ونبقى جيران

شكرا مقدما

[طه بدر]

هحاول انزل بعض الصور الي صورتها من هناك

مازلنا فى انتظار الصور يا اخ هشام

بعد المقدمة الجميلة منك لا تخلى بنا :blink:

وبالمناسبة هل ممكن معلومات عن الاراضى ابعادها ونظام الردود كام متر من الجانب والامام يمكن نتشجع ونبقى جيران

شكرا مقدما

مازالنا فى الانتظار حد يتفضل علينا باى معلومات عن الحى المتميز ببدر وله الاجر والثواب :lol:

[هشام عباس]

السلام علييكم جميعا

اسف على التأخير لكن فعلا انا مش عارف انزل الصور وياريت حد يتفضل ويقلي بالتفصيل الممل انزل الصور على المحاورات ازاي!!!!!!!!!!!!

وبالنسبه لمساحة الأراضي في الحي المميز فيلات بتبدأ مساحتها من 550م ولغاية 1200م والردود كالتالي

الأرتداد الأمامي لا يقل عن 3م

الأرتداد الخلفي لا يقل عن 4م

الأرتداد الجانبي لا يقل عن 3م

النسبه البنائيه 40%

انا كنت هناك من كام يوم والبناء على قدم وساق هناك تقريبا 50% من الأراضي ما بين شروع في البناء واعمده ودور اول وفيه فيلات اتشطبت وانتهى بنائها تماما والمكان بدأ تدب فيه الحياه

ياريت حد يقلي ارفع الصور ازاي

[طه بدر]

شكرا اخى العزيز على ردك

من الواضح ان المشكلة فى الموقع فهناك موضوع كامل يتحدث عن نفس المشكلة

http://www.egyptiantalks.org/invb/?showtopic=78991

ونتمنى من الادارة سرعة حل المشكلة لنستمتع بالصور

تحياتى

[misry]

لو ارسلت الصور علي اميلي و سوف اقوم برفعهم علي الموقع

bahibakawi@hotmail.com

[misry]

فعلا زي ماقال ا.هشام

فيه مشكلة في رفع الصور

حاولت مع shared

و لضيق الوقت قد تكون هناك مشكلة في ظهور الصور

ان شاء الله سوف اقوم برفع الصور في و قت قريب

شكرا جزيلا

http://www.BLOCKED77/file/124711585/5355553c/__3.html

http://www.BLOCKED77/file/124711599/43f8...rified=840accb6

http://www.BLOCKED77/file/124711591/4d23...rified=840accb6

http://www.BLOCKED77/file/124711632/2c83...rified=840accb6

http://www.BLOCKED77/file/124711632/2c83a70d/__2.html

http://www.BLOCKED77/file/124711632/2c83a70d/__2.html

[khalid]

السلام عليكم انا عندي قطعة علي حديقة و طريق السويس مباشرة اي يفصلهل عن طريق السويس حديقة موقع حصري مطلوب 220 الف جنيه مصري بالرخصة بدرو و ارضي و اول و ثاني

يمكن التوصل k_mokhtar@hotmail.com

[mshaker]

ممكن تلاقوا كل الخرايط إلى إنتوا عاوزينها من الموقع

http://www.sakankom.com/maps.php

[عطر الجنة]

دول فيلتين ساكنين فى بدر

:sad:

[Mohamed Zwiel]

اخوانى انا بقالى فترة بدور على ارض فى حدود 500 متر فى مدينة بدر وللاسف كل التليفونات الدولية اللى عملتها مع المعلنين سواء فى الوسيط او فى النت لاقيت ان معظم البائعين اصلا اشتروا بدون نيه البناء بس هو اشترى غلاسة وحشر نفسه بين الجهاز وبين اللى عايز يشترى الارض فعلا عشان يطلع له بضعف تمن الارض عموله وكمان ان البيع يتم بتوكيل اى ليس بيع فعلى ولايمكن نقل الارض باسمك الا بعد اتمام البناء و سداد جميع الاقساط المستحقة - واحد من اللى طلبتهم طلب 150000 بالاضافة الى انى اقوم بسداد الاقساط 19000 كل سنة لمدة 7 سنوات بالله عليكم يبقى هو دفع ايه ؟؟ اعتقد ان ده هو الصعود على اكتاف الاخرين بعينه.

[khalid]

وزير النقل: ٤ مليارات جنيه لتنفيذ «الدائرى الإقليمى» بطول ٤٠٠ كيلومتر.. وتسليم المرحلة الأولى فى ٢٠١١

كتب خير راغب ٢٠/ ١٠/ ٢٠٠٩

شدد المهندس محمد منصور، وزير النقل، على ضرورة الالتزام بالجداول الزمنية المقررة لإنهاء المرحلة الأولى للطريق الدائرى الإقليمى، والتى تبدأ من مدينة بدر مروراً ببلبيس وحتى مدينة العاشر من رمضان، والمقرر الانتهاء منها عام ٢٠١١، مؤكداً أهمية هذا الطريق فى تحقيق التنمية المستهدفة خلال المرحلة المقبلة.

وقال الوزير ـ عقب جولته التفقدية أمس للأعمال الإنشائية للطريق، بمرافقة قيادات الهيئة العامة للطرق والكبارى ـ: «إن رفع كفاءة شبكة الطرق السريعة التى تربط المحافظات، وضمان عوامل الأمان والسلامة المرورية عليها، يأتيان كإحدى أولويات استراتيجية الوزارة فى إنشاء شبكة الطرق الجديدة».

وأضاف «أن الطريق الدائرى الإقليمى الجديد يمثل حلقة دائرية أكبر حول إقليم القاهرة الكبرى بطول ٤٠٠ كم، حيث يتمتع بمواصفات الطرق الحرة العالمية، وذلك بعد أن زادت الكثافة المرورية على الطريق الدائرى الحالى، والذى يبلغ طوله ٩٠ كم»، مؤكداً أن هذا المشروع العملاق سيربط مدن الدلتا بصعيد مصر وشبه جزيرة سيناء، وسيساهم فى زيادة حركة التجارة بين جميع المحافظات والمدن المصرية،

فضلاً عن تقليل حجم الكثافة المرورية وخفض نسبة مرور سيارات النقل الثقيل داخل قلب القاهرة الكبرى، مما يساعد على تقليل تلوث البيئة الناتج عن هذا الحجم الكبير من الحركة المرورية».

وأوضح منصور أن الطريق الدائرى الإقليمى يتكون من «قوسين»، شمالى وجنوبى، وتختص وزارة النقل بتنفيذ القوس الشمالى بطول ١٦٤كم، للربط بين مدن بدر وبلبيس والعاشر من رمضان وبنها ومنوف وكفر داود وحتى السادات، ليتقاطع مع طريق القاهرة ـ الإسكندرية الصحراوى.

وقال: «تم تقسيم العمل فى القوس الشمالى إلى مرحلتين، يصل إجمالى طول المرحلة الأولى إلى ٤٨ كم بتكلفة إنشائية تصل إلى ٩٥٠ مليون جنيه، بينما يصل طول المرحلة الثانية إلى ١١٦كم، وتكلفة تقديرية تبلغ ٢.٨ مليار جنيه، ليبلغ إجمالى تنفيذ المشروع نحو ٤ مليارات جنيه، وسيتم طرح هذه القطاعات تباعاً بعد الانتهاء من أعمال نزع الملكية».

http://www.almasry-alyoum.com/article2.asp...mp;IssueID=1564

[abuAdham]

السلام عليكم

هذا الرابط يمكن ان يساعد على حساب تكلفة البناء عن طريق ادخال المساحة وسعر اليوم بالنسبة لمواد البناء

http://www.sakankom.com/cost.php

[اغابي]

هى بعيد مش كده

طب ايه المواصلات

[abuAdham]

بعد الشروق وهليوبلس الجديدة

فيه ميكوباصات من رمسيس وباص من الكيلو4.5 نفس مواصلات الشروق تقريبا

ميزتها انها لم تتعمر بعد مثل الشروق فتصبح بذلك مناخ مناسب للاستثمارات المتواضعة