خريطة مدينة بدر

[abuAdham]

استاذي الفاضل اتفضل سافر بالسلامة وانت في مأمن من الجهاز وموضوع 31 / 8 هيتمدد ومتقلقش وانت باني وصابب سقف اكرر متقلقش وبالنسبة لتأخير القسط ايضا متقلقش المهم متجبش قسط علي الاخر وتأخرك هيتحسب بفائدة كل 10000ج هتدفعهم 11200 دة اولا

ثانيا احنا هنا في المنتدي لانقدم فتاوي نلعب بها بمصائر الناس يعني اي كلام بيقدموا اي واحد مننا بيكون من واقع خبر ة او تجربة مر بها وبعضنا مر بتجارب عديدة مع ارض التخصيص او القرعة وطبعا بيقدم نصيحتة لوجة الله لأخ ميعرفوش

وكلامنا بخصوص الاراضي القرعة لان طبعا اخر تخصيص كان في شهر 9 / 2005 واصحاب التخصيص في بدر مر عليهم 5 سنوات وكانت اخر قطع تخصيص في الحي الاول والمتميز A فهذه الاراضي ليست محور حديثنا

وأما بخصوص القرعة الرابعة فبعمل سقف البدروم هيخليك في اما ن الي ان تأتي في فبراير وتكمل ومتقلقش سحب الاراضي مش بالساهل

بالنسبة لشروط التقديم في القرعة : فهناك جملة مكتوبة بالخط الواضح في رخصة اي قطعة وهي انه في حالة عدم البدء في البناء خلال 3 شهور من صدور الترخيص يعتبر تخصيص الارض لاغي ( سواء ارض قرعة او تخصيص ) وطبعا نادراً ما نجد اي واحد بداأ خلال 3 شهور

فهناك العديد من الشروط سواء علي الرخصة او التصاريح الجهاز نفسة لايطبقها

وبالنسبة للطابق الاضافي فسامحني علي النسيان بالرغم من تواجدي في الجهاز يوميا لكن ان شاء الله سوف اسئل في الموضوع والله الموفق

تم تعديل 12 يوليو 2010 بواسطة abuAdham

[اغابي]

ممكن سؤال سريع - هو مش بعيد عن الموضوع اوى

انتم بتجيبوا - الثقة دى منين ؟؟؟؟؟؟ انكم تشترو فى مدينة بدر او الشروق او 6 اكتوبر او مدينتى او ابنى بيتك - وتدفعو فلوس شقى سنين الغربة كله بسهولة

انا مش قادرة ابدا اثق ولو للحظات . . فى مدن زى كدا او ادفع فيها فلوسي - ايه الضمانات ؟؟

مش عارفة - لو حد يقدر يساعدنى - يبقى كتر خيره

اغابي

:lol:

[مهندس ابو يوسف]

ممكن سؤال سريع - هو مش بعيد عن الموضوع اوى

انتم بتجيبوا - الثقة دى منين ؟؟؟؟؟؟ انكم تشترو فى مدينة بدر او الشروق او 6 اكتوبر او مدينتى او ابنى بيتك - وتدفعو فلوس شقى سنين الغربة كله بسهولة

انا مش قادرة ابدا اثق ولو للحظات . . فى مدن زى كدا او ادفع فيها فلوسي - ايه الضمانات ؟؟

مش عارفة - لو حد يقدر يساعدنى - يبقى كتر خيره

اغابي

:rolleyes:

ضمانات ايه اللي عايزاها ياسيدتى

هل السؤال ان ليه بنشتري فيها والا عشان ايه ؟؟؟

لو سؤال كده اجاوبك عليه ؟؟؟؟

ياسيدتى عشان وسط البلد ضاقت بسكانها

عشان الهدوء والهواء النقى

عشان اسعارها اللي نوعا ما ارخص من داخل مصر ووسط البلد

عشان بتتخطط كويس

عشان مافيها زحمه

عشان مرتبطه بالدائري توصلي الى اي حته في مصر

عايزه اسباب اخرى والا نكتفي بهدا القدر

تحياتي

مهندس ابو يوسف

[sarmar]

الاسناذة الفاضلة اغابى ازيك وازى صحتك يارب تكونى بخير

اما بخصوص اننا ممكن نجيب الثقة فى اننا نحط شقا العمر فى مدن جديدة زى دى سواء الشروق او بدر او عيرة فذلك لان استثمار فلوسك فى شىء مضمون الا وهو العقار فهذا الضمان الذى يتمثل فى ان المبلغ المدفوع فية قيمتى السوقية والنقديى تزداد يوما بعد اخر هذا شىء الى جانب اة يعتبر استثمار لاولادك وثرة كبيرة لهم ثم ان مستقبل هذة المدن مستقبل واعد على اساس ان هذة المدن خارجة عن الاطار التقليدى داخل القاهرة من حيث التخطبط فان تخطيط هذة المدن تم بصورة جيدة جدا وبها مرافق جيدة ايضا وتشعرى بالادمية اقصد ان السكن بهذة المناطق سكن بنى ادمين ويحترم الخصوصية وصحى وتتوافر فية الشروط الكاملة للسكن الجيد كحد ادنى واذا انتى نازلة اجازة لمصر قريب ارجوكى تاخدى البية والاولاد وتروحوا زيارة للشروق او 6 اكتوبر او العبور او اى مدينة فاننى متاكد انك سوف تشاهدى بنفسك وهذا افضل من الكلام وسوف تسعى لامتلاك فيلا او مسكن بها وربنا يقويكى وتشترى قصر ان شاء الله

[هشام عباس]

ممكن سؤال سريع - هو مش بعيد عن الموضوع اوى

انتم بتجيبوا - الثقة دى منين ؟؟؟؟؟؟ انكم تشترو فى مدينة بدر او الشروق او 6 اكتوبر او مدينتى او ابنى بيتك - وتدفعو فلوس شقى سنين الغربة كله بسهولة

انا مش قادرة ابدا اثق ولو للحظات . . فى مدن زى كدا او ادفع فيها فلوسي - ايه الضمانات ؟؟

مش عارفة - لو حد يقدر يساعدنى - يبقى كتر خيره

اغابي

:rolleyes:

انتوا بتجيبوا الثقه ديه منين!!!!!!!!!!!!!!! بصراحه سؤالك حيرني جدا جدا جدا

وخصوصا اني عندي فكره ولو بسيطه عن تركيبة شخصيتك من قرأتي لمداخلات كتيره ليكي

شوفي يا ستي

طالما بتسألي السؤال ده يبقى احتمال كبير انك مروحتيش المدن ديه خالص

ولا لفيتي فيها ومشيتي في شوارعها

انا متفق تماما مع المهندس ابو يوسف في كل كلمه قالها

بس احب اضيف حاجه

لو حضرتك جربتي كده واخدتي يوم من اوله لأخره ورحتي مدينه من المدن الجديده هتشوفي ملامح من مصر بتاعت زمان

الشوارع واسعه ونضيفه ومتخططه صح

الشكل الجمالي للمدن الجديده محسوب جدا

طيب اقولك على حاجه

انا لما بنزل اجازه مصر بحب اوي اخد العربيه وافضل الف في القاهره الجديده وبحس ساعتها اني في الزمالك او جاردن سيتي بتاعت زمان طبعا مش بتاعت دلوقتي

الجمال المعماري هناك بجد حاجه تفرح

كل فيلا وليها طابع خاص وفي نفس الوقت الكل في تناغم وتألف كبير

شوارع واسعه وميادين مزروعه وهوا نضيف

طيب تعالي نقول انك بتسألي علشان لو الواحد حابب يستثمر فلوسه؟؟؟؟

ازاي يحط شقى عمره هناك؟؟؟؟؟؟

اقولك

لأنك كل سنه بتلاقي الأسعار بتتضاعف مرات ومرات

تصدقي ان قطعة ارض في التجمع كانت بتتباع ب 40 الف من 6 سنين والنهارده نفس القطعه او مثيلتها طبعا بتتباع ب 600 الف؟؟؟؟؟؟؟؟؟؟؟؟

ها؟؟؟؟؟

لسه عندك عدم ثقه برضه في المدن الجديده؟؟؟؟؟

طيب بجد بجد ياريت في اقرب فرصه تزوري اقرب مدينه جديده ليكي وتيجي تحكيلنا عن مشاهداتك

[samehmagdy]

السلام عليكم

اكيد كل الاخوة اللى فى الموضوع دى ليهم علاقه بمدينه بدر

فانا هقدم ان شاء الله فى القرعه فى مدينه بدر

فياريت حد يقولى مستوى الحى الرابع ايه هناك

لانى ناوى لو ربنا اكرمنى وكان ليه نصيب انى ابدا فى البناء على طول

ولو مكنش ليه نصيب فى القرعه فايه رايكم تنصحونى باى حى فى بدر اشترى فيه

[nightmare]

السلام عليكم

اكيد كل الاخوة اللى فى الموضوع دى ليهم علاقه بمدينه بدر

فانا هقدم ان شاء الله فى القرعه فى مدينه بدر

فياريت حد يقولى مستوى الحى الرابع ايه هناك

لانى ناوى لو ربنا اكرمنى وكان ليه نصيب انى ابدا فى البناء على طول

ولو مكنش ليه نصيب فى القرعه فايه رايكم تنصحونى باى حى فى بدر اشترى فيه

اخدت السؤال ده من على لساني ؟؟؟؟ ياريت حد من الإخوة الأفاضل يجاوبنا عليه

وايضاً اتمني من اى احد من الاخوة يشرحلنا يعني ايه نظام المشاركة , وبتتحسب ازاى في حالة لو انا صاحب قطعة الأرض واستخرجت التراخيص بس مش قادر ابنى.

وشكرا

[المبرمج]

استاذي الفاضل اتفضل سافر بالسلامة وانت في مأمن من الجهاز وموضوع 31 / 8 هيتمدد ومتقلقش وانت باني وصابب سقف اكرر متقلقش وبالنسبة لتأخير القسط ايضا متقلقش المهم متجبش قسط علي الاخر وتأخرك هيتحسب بفائدة كل 10000ج هتدفعهم 11200 دة اولا

ثانيا احنا هنا في المنتدي لانقدم فتاوي نلعب بها بمصائر الناس يعني اي كلام بيقدموا اي واحد مننا بيكون من واقع خبر ة او تجربة مر بها وبعضنا مر بتجارب عديدة مع ارض التخصيص او القرعة وطبعا بيقدم نصيحتة لوجة الله لأخ ميعرفوش

وكلامنا بخصوص الاراضي القرعة لان طبعا اخر تخصيص كان في شهر 9 / 2005 واصحاب التخصيص في بدر مر عليهم 5 سنوات وكانت اخر قطع تخصيص في الحي الاول والمتميز A فهذه الاراضي ليست محور حديثنا

وأما بخصوص القرعة الرابعة فبعمل سقف البدروم هيخليك في اما ن الي ان تأتي في فبراير وتكمل ومتقلقش سحب الاراضي مش بالساهل

بالنسبة لشروط التقديم في القرعة : فهناك جملة مكتوبة بالخط الواضح في رخصة اي قطعة وهي انه في حالة عدم البدء في البناء خلال 3 شهور من صدور الترخيص يعتبر تخصيص الارض لاغي ( سواء ارض قرعة او تخصيص ) وطبعا نادراً ما نجد اي واحد بداأ خلال 3 شهور

فهناك العديد من الشروط سواء علي الرخصة او التصاريح الجهاز نفسة لايطبقها

وبالنسبة للطابق الاضافي فسامحني علي النسيان بالرغم من تواجدي في الجهاز يوميا لكن ان شاء الله سوف اسئل في الموضوع والله الموفق

السلام عليكم

أخي الفاضل لأبو أدهم اود ان اشكرك على اهتمامك بطلبي و باجاباتك على اسئلتي وكمان احب اقولك اني اثق في كل واحد في الموقع يعطيني معلومة علشان المفروض زي ما حضرتك تفضلت اللى ميعرفشي ميجاوبشي علشان ميأذييش حد بإجابه تكون غلط. أود ان اشكرك مرة تانية و هانتظر منك الرد على موضوع الدور الاضافي - هو بصراحه موضوع الدور ده سمعت قبل ما اسافر كلام كتير واحد يقولك فيه و التاني يقول لا وواحد يقول فيه بس هتدفع 25% من تمن الارض فالكلام كتير ولو طلع فيه هاقدم عليه ازاى و المفروض اكون مخلص اد ايه في البناء و لك جزيل الشكر

[abuAdham]

السلام عليكم جميعا

امس صبيت الصبة العادية ( مدينة بدر الحي المتميز

وحبيت اصف لكم التجربة اكيد معظم الاخوة مرو بها

اولا تخيلو الشارع كلة بيبني في وقت واحد وانا تقريبا اخر واحد فكر يبني في هذا الشارع يعني البعض بيصب سقف البدروم والاخر سقف الاول والبعض يبعمل التشطيبات الخارجية

تشعر ان الجميع بيسابق الزمن ذي خلية النحل ( طبعا خوفا من المهلة )

عملت سمك الصبة 30سم لاني عارف انها ممكن تصفي علي 25 سم في بعض اجزاء الارض استخدمت اسمنت طرة سعر 535 للطن وسمعت انة ب 530 اشتريت طبعا من الغفير هو عامل مستودع لتجارة مواد البناء في القطعة المجاورة لي متر الزلط 47ج متر الرمل 11ج

طبعا اسوء من تعاملت معه موظفي الماء في الخزان طبعا البية تقدم لة طلب تركيب العداد يقولك تعالي لي يوم الاحد مثلا ولو تأخرت يوم الاحد تعالي الاحد ال بعدة وبعد ما تروح في الموعد يخلص لك الورق ويطلع معاك عامل لتركيب العداد العامل يقولك فية مشكلة في الوصلة بتاعة البريزة ولك خيارين الاول تقدم طلب للشركة لاتخاذ الازم الحل الثاني 250 ج ويخلص موضوعك ويركب عدادك بعد ساعة حسيت اني بادفع رشوة قلت لا هقدم طلب للشركة وعملت فيها عنتر اتاري العامل بيقاسم مع الموظف بتاع يوم الاحد ولقيت الامور اتعقدت وهيتحول موضع الما الي حلم المهم رجعت بعد 4 ايام كعب داير للعامل قال لي يابية كان من الاول وخرج معي وركب العداد في ساعتها وانا فقط حبيت ابتعد عن الرشوة لكن لقيت نفسي هتسوح هذا نموذج للفساد ممكن اي حد مننا يقابلة لكن متقفش قدام القطار

لكن بصراحة ياجمعاة والله الجو هناك وفي اي مدينة جديدة الجو رائع لدرجة اني بأشعر ان صدري بيوجعني من الهواء النظيف دعواتكم

[هشام عباس]

الف الف مبروك يا ابو ادهم

وبالتوفيق يا رب وعقبال صبة اخر سقف بأذن الله

والله ضحكتني جدا لما قلت صدرك وجعك من الهوا النضيف ههههههههههههههههههههههههه

ربنا يباركلك يارب ويوفقك ان شاء الله وتكمل مباني وتشطب وتفرش وتتهنى فيها بأذن الله

[Hisham]

مطلوب قطعه ارض بغرض البناء في المدن الجديده في موقع متميز فيلات للاتصال ايميل شكرا علي المساعده

[خالد التهامى]

السلام عليكم جميعا

تحياتى الى السيد ابو ادهم والسيد هشام عباس ولجميع المشاركين المحترمين

دى اول مشاركة لى

اسمى خالد التهامى

مصرى مقيم بالسعودية

اشتريت العام الماضى اثنا اجازتى ارض فيلة رقم 142 b وانشاء اللة سوف اقوم حاليا باستخراج الرخصةوالبدء فورا فى البناء لان لااعرف عن المهلة الا من ايام قليلة

لو سمحت يا ابو ادهم لو تدينى فكرة عن تكلفة الصبة الاولى والخطوات التالية

[abuAdham]

السلام عليكم

أ / خالد البناء شغال في بدر علي قدم وساق لان الجهاز اعطي مهلة لغاية 31/ 8 لأنهاء الهيكل الخرساني والموظفين بتوع الجهاز بيمروا كل اسبوع ومعاهم دفتر وتقريبا بيحصروا القطع التي لم يبدأ اصحابها في البناء ولي صديق كان مسافر هولندا ونزل من 15 يوم يعمل التراخيص قالوا له في الجهاز الارض اتسحبت وروح قدم طلب لرئيس الجهاز لينظر في امرك

انا مش عاوز اقلقك لكن حضرتك متأخر كثير لازم تكون انتهيت من الرخصة وتكون بدأت شغل حاول تاخد اجازة او تعمل توكيل لمهندس يخلصهالك دة اولا

ثانيا البناء

تركيب العداد 660 ج + 250 ج شاي والا مش هيركب العداد

حفر من 1000 الي 2000ج حسب الارض مساحتها وال بي معظمة ارض رملية

عادية لمساحة 600 م مصنعيتها 4000 اسمنت ورمل وسن 12000

مسلحة 26000 حديد 12000 اسمنت ورمل وسن + مصنعية 9100

سعر الحديد 3570 تركي بالتوصيل + سعر الرمل 11.5ج للمتر + السن 47.5 ج الاسمنت طرة 525 ج واغفير هينزلك كل المون وبيحرسها كمان

شهرية الغفير 450 ج اثناء فترة البناء فقط هتشتري لفة خرطوم 90 ج لفو سلك رباط 90 ج ومعي مهندس اخذ 2000ج اشراف علي الحفر والعادية والمسلحة وكنت شارط علية التواجد اليومي اثناء العمل وبصراحة الراجل مسبنيش لحظة واحدة لدرجة اني كنت القيت علية كل المسئوليات وهو ساكن في الشروق وهو ال كان عامل الرخصة والرسومات وبيتعامل مع الجهاز بتوكيل مني وانا بأتابع واشتري المون واحاسب العمال يعني المهندس ملوش علاقة بالحسابات هو فقط متابع العمال والمقاول ولازق لهم من الصبح لغاية ما يمشوا

ثالثا الاعمدة 3000 اسمنت ورمل والسن كان عندي و و 9000 ج حديد و تقريبا 4000 مصنعية

ومتر العزل 9 ج بتومين مؤكسد

تم تعديل 2 أغسطس 2010 بواسطة abuAdham

[pharoan]

السلام عليكم

اكيد كل الاخوة اللى فى الموضوع دى ليهم علاقه بمدينه بدر

فانا هقدم ان شاء الله فى القرعه فى مدينه بدر

فياريت حد يقولى مستوى الحى الرابع ايه هناك

لانى ناوى لو ربنا اكرمنى وكان ليه نصيب انى ابدا فى البناء على طول

ولو مكنش ليه نصيب فى القرعه فايه رايكم تنصحونى باى حى فى بدر اشترى فيه

سؤال مهم جداااا

يا ريت اللى عنده خلفية يفيدنا بالرد

[خالد التهامى]

عناية السيد ابو ادهم

بعد التحية

الرخصة خلصت وسيتم استلامها يوم الاحد ان شاء اللةمعلهش انا اخطلت على الامر ارجو التوضيح اكثر الارض 600 متر المبانى 230 متر بدون بدروم ارضى واول فقط

اجمالى سعر الصبة العادية

اجمالى سعر اساس الدور الارضى ( اساس + اعمدة )لانى مش عامل بدروم

اجمالى سقف الدور الارضى

انا متاسف انى تقلت عليك

شاكر ومقدر تعبك معى

[abuAdham]

السلام عيكم أ / خالد

الصبة العادية 20 الف صبة مسلحة 60 الف

اعمدة 20 الف سقف 50 الف مساحة 238 م

شامل مونة ومصنعيات وطبعا ممكن الفين زيادة او الفين نقصان حسب الظروف

وانا في بدر ممكن حضرتك تشرفني تشوف الشغل وتاخد فكرة قبل ما تبدأ علي فكرة انا عامل اجندة للمصروفات بأسجل فيها كل مبلغ باصرفة في البناء حتى لو بسيطودي حاجة مهمة لان حضرتك هتلاقي ان البناء استنزاف مادي جامد فلازم تعرف صرفت في اية

والله المعين

[خالد التهامى]

السيد ابو ادهم المحترم

بعد التحية

بعد قرائتى للمشاركات التى فى المنتدى بسبب مشاركتك ومشاركات الاخوة ساكنى بدر وجدت نفسى اعرف كل شئ عن مدينة بدر ولم اكن اعرف شياء عن المهلة الا منكم فلكم جميل عندى اولا شكرا لدعوتك الكريمة ولكنى لااسطيع تلبيتها حاليا فانا اقيم بالسعودية ولاكن ان شاء اللة عند زيارتى القادمة الى مصر ساتشرف بالتعرف عليك ولكن لى طلب اتمنى ان تلبية كلما امكنك الوقت وهو الا تبخل بمشاركتك اليومية وارجو ان تتبنى انت موضوع جديد تحت اشرافك ويكون اسمة يوميات مدينة بدر ليشارك بة ساكنى المدينة ليستفيد منة كل من ساكن المدين او ينوى السكن بها

ارجو الشرح اكثر انا عرفت الصبة العادية وهى عبارة عن 30 سنتمتر من الخرسانة العادية بعد حفر الارض وبعد كدة حضرتك كتبت عن صبة مسلحة ارجو الشرح ماهى

وهل دة تكلفة الدور الارضى فقط ولا الاول معة ارجو التوضيح

شاكرا مجهودك الكبير معى

[abuAdham]

السلام عليكم أ/ خالد

بخصوص موضوع يوميات بدر مش هقدر افتح موضوع جديد فنعتبر ان خريطة بدر فية كل ما يخص المدينة عارف حضرتك لو نزلت المدينة هتلاقيها اتغيرت تخيل ناس بنت وكمان سكنت في المتميز بجد الموضوع مبشر بالخير جدا واثناء وقوفي لمتابعة البناء ناس بتمر تسئلنا علي اراضي فيلات للبيع وفية ناس بتبني اكثر من فيلا بهدف الاستثمار

بخصوص البناء اول خطوة حضرتك تعملها تركب عداد الماء وهذا الموضوع هياخد 4 أيام

ثم تتفق مع لودر يضبط الارض حفر او يساوي وساعة اللودر ب 70 ج وافضل تتفق معاة مقاولة يعني هتاخد حفر يوم اليوم ب 420 ج او يومين مثلا لانة لو بالساعة هيستهبل جدا والعداد بيعد

بعد الحفر تسيب الماء فيها وتخلي الغفير ينقل الخرطوم كل شوية من مكان لآخر ثم تتفق مع دكاك يدكها ب 200 ج دكاك صغير لو حفرت لكن فية ناس ارضها منخفضة فردمتها ليكون مستواها مناسب دة طبعا هيجيب دكاك كبير ب 600 ج في اليوم

الخطوة الثالثة تعمل الصبة العادية وهي تتكون من اسمنت ورمل وسن أو زلط طبعا السن ارخص

الخطوة الرابعة تشتري 7 طن حديد و 20 طن اسمنت والرمل والزلط أو السن وتعمل الصبة المسلحة فوق العادية وهي عبارة عن قواعد وسميلات والسميلات هي روابط بين القواعد

ثم تعمل الاعمدة كل قاعدة هيخرج من وسطها عمود وانا عندي بدروم فطبع بعد عمل العمدة اتفقت مع بنا بيبني الاف طوبة ب 110ج واشتريت 20 الف طوبة سعر الاف 230 ج وحاليا البنا شغال هو بيبني محيط المبني فقط بدون تقسيم داخلي لكي ينزل علية السقف فيكون اكثر تماسكا

وهستلم منة الشغل غدا إن شاء الله

[ziad mohamed]

السلام عليكم ورحمة الله وبركاتة

ما شاء الله جزاك الله خير يا ابو ادهم متابع معكم ان شاء الله

بفضل الله تم صب السميلات عندي والله المستعان والمهندس يشد حيله شوي

وما شاء الله كل ما أنزل المدينة اجد جديد ومبشر

وبشكر الله انه رزقني هذه الرزقه بهذه المدينه الهادئة

وان شاء الله متابع معكم الموضوع باستمرار وشكرا للإفادة

[خالد التهامى]

السلام عليكم السيد / ابو ادهم المحترم

بعد التحية لك وللسيد ZIAD

مشاء اللة انا متابع المدخلات كل وقت حتى اثناء وقت الغذاء اذا كان هناك فرصة انى اقراء المنتدى لااتردد والحمدللة

ان بداء البناء فى المدينة يدخل المراحل النهائية تهنئاتى لكل ساكنى الحى المتميز المحترمين الذين اتمو البناء او الذين فى مراحلة الاولى

فادعو اللة عز وجل فى هذة الايام المباركة ان نتم البناء جميعا ونحقق كل مانتمناة

فشكرا لك السيد ابو ادهم لانك عندما تشارك يبداء الاخوة المحترمين بالمداخلات القيمة التى نريدها نحن المقيمين خارج مصرنا الحبيبة دائمة ويومية فجزاكم اللة خير جزاء على ما قدمتموة لنا فانتم الذين تنقلون لنا الذى يحدث فى المدينة من تطور والاخبار التى لايمكن لنا ان

نعرفها عن تعليمات جهاز المدينة وكيفة متابعتة اثناء مراحل البناء

فشكرا لكم جميعا