معلومه مهمه جدا لمريض السكر والضغط العالى

[ام جمانه]

مش عارفه ابدا الموضوع ازاى اقوللكو على المعلومه ولا احكي حكايتى الاول

طيب هاقوللك على المعلومه الاول

لو حد مريض سكر وضغط عالى والضغط عنده غير منتظم بيطلع وينزل بصوره غريبه فى وقت قصير يبقى ياريت يعمل تحاليل الغده الكظريه وبالتحديد تحليل vma وهى هرمونتها كتير ممكن يعمل هرمون وهرمون ويتاكد ان مش هى السبب فى ارتفاع الضغط والسكر وبذات لو واحد سنه صغير تحت 30 سنه

ليه انا بقول كده هاقوللك على تجربتى الشخصيه

من حوالى 3سنين بدايظهر عندى عرق شديد وحر لدرجه ان وصلت الشتاءالى فات انى ملبس شتوى خالص من الحر وبعدينا اتجوزت فى نفس السنه الى ظهر فيها موضوع الحر والعرق وبعدينا حملت واثناء الحمل ارتفع عندى الضغط بصوره عاليه جدا بعد الولاده استمر الضغط العالى بس بصوره اقل وبعد 6 شهور روحت اعمل تحاليل اكتشفت انى اصبحت مريض سكر وانا عمرى 24 سنه قلنا يمكن وراثى لان امى عندهاوروحت للدكتورما اهتمش طبعا لكلامى وقلىالسكر هو السبب فى كل حاجه اقوله انا لسه السكر جيه من حوالى 4 شهور يقولى لا كل حاجه عندك من السكر وادينا دواء سكر للمريض السكر السمين وانا رفيعه واتسبب ان انقص من وزنى 15 كيلو فى شهرينواستمر ارتفاع الضغط عندى والسكر والحر والعرق والحمد لله بدات اعمل تحاليل الغده الكظريه واكتشفت ان هرمون vmaوده تحليل بول عالى جدا وبعد كده عملتالحليل ده فى الدم واكتشفت ان هرمون النور ادرينالين واكتشفت ان الهرمون عندى مرتفع جدا كان 12100 والطبيعى 420 والهرمون ده هو المسئولعن ارتفاع السكر والضغط فى الدم والبنكرياس سليم ومفيش اى امراض مسببه للضغط

وبعد كده عملت اشعه رنين على الغده كظريه واكتشفت ان فى ورم على الغده اسمه(الفيوكروماسيتوما)هو السبب فى الضغط على الهرمون ومسبب الخلل والحمد لله عملت العمليه وتم استئصال الورم وشفيت تماما من السكر والضغط ورجعت اكل فول وشكولاته وجبنه قديمه

نصيحه منى

ان الهرمون ده ممكن يكون السبب فى الاصابه بمرض السكر والبنكرياس سليم ومش لازم يكون فى ورم زى ممكن يكون الهرمونات بس فيها خلل وعايز يتظبط عند دكتر غدد صماء وسكر وتنبيه الضغط العالى بسبب الهرمون ده بيكون مش عالى على طول ده بيقى طالع ونازل بشكل منحنى لكن بيفضل عالى

ديه تجربتى مع مرض السكر والضغط

ولو حد عايز يعرف اى حاجهاو عنده الاعراض ديه انا ممكن افيده واقوله يعمل ايه بالضبط لان تحاليل الغده الكظريع غاليه فى سعرها وليها شروط معين ولازم تتعمل فى معامل كبيره زى البرج

ويارب يشفى كل مريض و بعيدكوعن الدكاتره الى بيضلو المريض اكتر ويزيدو تعب

انا عارف انكو هتقول انا عرفت اوصل لحالتى ازاى انا عرفت من واحده صاحبتى لسه فى السنه السادسه فى طب بس هى بتفهم كانت اشطر من الاستشارى الى روحتله وكان السبب فى انقاص وزنى واخى طبيب تحاليل

هو الى اشار عليه برده انه يعملى تحاليل الغده الكظريه والحمد لله ان ربنا اكرمنا بجراح مممتاز عملى العمليه لانها كانت عميله خطيره ونادره ويارب يشفى كل مريض

[tantrum]

ألأخت الفاضلة

فى البداية حمدا لله على سلامتك.. , و ربنا يتم الشفاء على خير.

لى تعليقين فقط:

حالة حضرتك (pheochromocytoma) نادرة جدا و لا يجوز عمل هذه التحاليل لكل من يشكو ارتفاع الضغط و السكر و لكن الشك يكون مع تجمع لأعراض معينة مثل حالة حضرتك و أهما التوتر الشديد و زيادة النشاط و عدم تحمل الحر و نقص الوزن..وهذا هو التعليق الثانى حيث أن نقص الوزن غالبا لم يكن من أدوية السكر و لكنه جزء من الحالة.

و دمتى بعافية..و بخير

تم تعديل 26 يناير 2009 بواسطة tantrum

[ام جمانه]

انا عارفه ان حالتى نادره وانا قصدى ان الى عنده جميع اعراضى يعمل تحاليل الغده مش كل مريض سكر وضغط وبذات الى سنه صغير وليه انا كتبت الموضوع لان بعض الاطباء مش بيحبو يتعبو نفسهم بيحبو يحكمو بالظ اهر لان انا روحت لكذا دكتور وكبار ومحدش اهتم باللى انا بقوله وكلو بعالج على الظاهر عندك ضغط وسكر خلاص وانتهى وانا متاكده ان انا خسيت من الدواء الى كان خلط لانى مخستش الى بعد ما خته وعرفت بعد كده ان مجموعته مجموعه علاج مريض السكر السمين وليس النحيف وعلى فكره الدكتور الى عملى العميله كان بيشكر اخويه كتير وصاحبتى لانهم عرفو حالتى ودايما يقولى كانو السبب بعد ربنا فى انقاذك وده قصدى من الموضوع

[عادل أبوزيد]

للرفع لعل فيه فائدة

[باهى الطائر الحزين]

200غرام من النبيذ يوميا تفيد السكريين

16 تشرين الأول 2015 

  

توصل أطباء إلى أن تناول نحو 200 غرام يوميا من الكحول المز يؤثر إيجابا على حالة المنظومة الدموية للمصابين بالسكري بتقويتها قلوبهم وحمايتها أوعيتهم من بقع الكولستيرول.

ومن المعروف أن تطور السكري ترافقه اختلالات عديدة في جسم الإنسان بما فيها الاختلال في عمل القلب والأوعية الدموية.

ولاحظ علماء غربيون أن كثيرا من الأعراض السلبية من الممكن التغلب عليها أو تفاديها، عن طريق تناول نحو 200 غرام من الكحول يوميا، بعدما راقب الباحثون الحالات الصحية لنحو 200 متطوع مصاب بالسكري وافقوا على المشاركة في التجربة.

وطلب الأطباء من المشاركين في التجربة شرب كوب يوميا من المياه المعدنية والنبيذ الأبيض والنبيذ الأحمر أثناء تناول وجبة الغداء مدى سنتين، فتقيد جميع المتطوعين بهذه الحمية أثناء التجربة بغية الحفاظ على سلامة البحث.

وأظهرت الفحوص الطبية، التي أجريت للمشاركين، أن تناول النبيذ الأبيض والنبيذ الأحمر باعتدال يؤثر إيجابا على عمل منظومة القلب والأوعية لدى المصابين بالسكري، علما أن تأثير النبيذ الأحمر كان أفضل من تأثير النبيذ الأبيض إذ تم تحقيق تخفيض لنسبة الكولستيرول في جهازهم الدموي بـنسبة 27%، إضافة إلى تخفيض شدة الأعراض الجانبية الأخرى.

(نوفوستي )

(https://alamassukari.com/rebounds-sugary/6332-200-grams-of-wine-a-day-benefit-diabetics)

 

...