هل انت مع او ضد شراء سيارة واصطحابها معك الي مصر؟

[مصري اسكندراني]

بسم الله الرحمن الرحيم

الاخوة والاخوات اعضاء وعضوات منتدانا الجميل

ايه رايكم؟

من ضمن الحاجات الي بيفكر فيها كتير من المغتربين المصريين هي شراء سيارة من الخليج والرجوع بيها في نهاية غربته لمصر .

حبيت اطرح الموضوع للنقاش ما بينا لعل يكون فيه استفادة للجميع .يا ريت نتبادل خبراتنا ومعلوماتنا عن مزايا وعيوب الموضوع دا.

هل فعلا السيارات الموجودة في مصر عفشتها اقوي من السيارات الخليجي عشان تتحمل الطرق المصرية؟ولا دي مجرد اشاعات بروجها تجار السيارات في مصر للحفاظ علي سوق السيارات الداخلي.

[lyly]

السلام عليكم ورحمة الله وبركاتة

موضوع مهم فعلا علشان نعرف احنا المصريين بنرمى فلوسنا فى الارض لما بنشترى عربية جديدة ونروح ونيجى بيها والاخر منقدرش ننزل بيها نهائى علشان قوانين بلادنا وجماركها اللى تقطم الوسط ولا لما نيجى نبيعها فى الخليج علشان احنا خلاص هنرجع مصر بنبعها برخص التراب لان اساسا الخليج عنده احدث الموديلات يعنى مش مستنى عربية سيادتنا بصراحة راى الخاص هو

احنا طبعا محتاجين عربية نقضى بيها مشاورينا فى الغربة وطبعا هتكون ارخص من التكاسى بس برضة حرام لما نجبها على الزيرو ومنقدرش ننزل بيها مصر بشكل نهائى يبقى الحل الوسط انه نجبها مستعملة ونسيبها واحنا راجعين مصرونشترى من بلادنا من غير ما ندفع جمارك تكفى لشراء عربية تانية :) ا

[مصري اسكندراني]

وينكو يا شباب؟

انا لسة عندي امل اننا نتشارك الخبرات في الموضوع دا

شكرا

[herohero]

انا عندي تجربه زميلي جاب سياره من الكويت وكانت ميتسوبيشي لانسر وانا عندي نفسها من مصر وبصراحه مفيش ملاحظات لقيتها تفرق بينهم هو جابها لان كان جايبها جديده وكان مش عاوز يبيعها هناك ويخسر فيها وانا جيبت من مصر عشان اريح دماغي الفرق ان انا معايا ضمان وللعلم فيه موديلات كتير بيباع منها المواصفات الخليجي يعني فيه مواصفات خليجي وفيه العاديه يعني بيقولوا فيه فرق ف العفشه او التكييف لكن محدش لاحظ ده بوضوح لان الطرق عندنا ف بعض الاماكن محتاجه هامر فمش هيفرق العفشه عامله ازاي والتكييف بيقولوا بيفرق بس معرفش عرفه ازاي انا جربت نفس العربيه وجايه من الكويت نفس قوة التبريد ففرقها لو انت عندك سياره فبدل ماتبعها ف الخليج وتخسر هاتها معاك