مستر "أوباما" .. م الآخر : انسى

[Sherief AbdelWahab]

خدعوك فقالوا أن أمريكا تريد الانسحاب من العراق لله في لله.. فأمريكا إن تركت العراق الآن فستكون الساحة مفتوحة للعسكر الإيرانيين وأذنابهم ، وستدخل تركيا في العملية إن تعرض التركمان لسوء ، وسيتحول العراق إلى دوري لأبطال الإرهاب.. وهو ما سيقلق جيران العراق الخليجيين..

ولأن أمريكا ستقنع الخليجيين حتماً بأن بناء جيش عراقي سيستغرق وقتاً طويلاً ، فإن الحل هو أن تملأ قوات "عربية إسلامية" الفراغ الذي سيتركه الأمريكان ، وفي هذه الحالة ستتجه أمريكا إلى مصر مطالبةً إياها بإرسال قوات إلى العراق!

حاول "بوش" جس النبض .. وسيحاول "أوباما" بالتأكيد..

هل تقبلون أن ترسل مصر قوات إلى العراق لتحل محل القوات الأمريكية؟ أم أن السيد "أوباما" يجب أن يبحث عن سذج ومغفلين آخرين لتصديقه؟

خلص الكلام

[NavigatorEg]

طبعا مرفوضه شكلا و موضوعا ..

بس ده طبعا رائ شخصي و اللي أعتقد انه ممكن يكون بيعبر عن الرأي الشعبي ..

اما الموقف الرسمي فحقيقه لا اعرف .. بس مش هتبقي مفاجأه اذا حصلت ..

[dawn walker]

مرفوض...بالتلاتة

[moslemah]

السلام عليكم ورحمه الله وبركاته

على فكره حضرتك جاوبت على السؤال فى صيغته"ولا مش لاقيين حد تانى ساذج"...

طيب تفتكروا هم ليه هيختاروا مصر بالذات علشان المهمه دى؟!!!!!!!!!

على اساس القدره الفائقه فى تنويم الشعب و الهائه عما يحدث و يدور بالسلطه و الاداره....

و عامه يعنى هى الفكره مرفوضه..

ده راى..

واخر كلامى..سلامى..

[محمد دغيدى]

السلام عليكم

لدى فكرة جيدة ..وهى أرسال مجموعة من الوطنيين المصريين ألى العراق تحت غطاء كونهم مجندين فى الجيش المصرى ...وحينما يصلوا ألى العراق ..ينضمون ألى أخوانهم فى المقاومة العراقية الباسلة لينالوا شرف النصر أو الشهادة على أرض الأبطال أرض الرافدين جمجمة العرب ورمح الله فى الأرض

[قائد المدفعيه الهولنديه]

فى حاله خروج القوات الامريكيه من العراق ستكون فعلا مطمع من معظم جيرانها .. بس ده مش معناه اننا نبقى احنى اللى فى وش المدفع و ندخل فى الحوارات دى و احنا اساسا مش مستحملين اقتصاديا

[الجدار]

الموضوع مش محتاج استفتاء

اكيد كلنا رافضين

بس من امتى حكومتنا بتسمع اصواتنا

احنا بنرفض وهما بينفذوا اللي عايزينه

بجد حتبقى مهزلة والله لو رحنا العراق علشان نقتل في أخواننا

ربنا ما يجيب ده يوم

[الباشمهندس ياسر]

لو مخدناش العراق احنا... مين هياخده

لو ملحقناش اللى لسه فاضل ف العراق .... مين هيلحقه

ده دور مصر اللى اتكتب لينا

و بغير الدور ده عمر مصر ما هترجع مصر تانى ابدا

كفاية نوم بقى ... عايزين البلد ترجع تلعب دورها تانى

بالنسبة للتكاليف .. و الاقتصاد اللى مش مستحمل

النقطة دى انا شايف انها بسيطة جدا ... لان الخيرات اللى طالعه م العراق هتكفى الكلام ده كله

فى شغلى انا

الشركة بتعرض 1000 دولار بونس يومى للى يروح العراق .. ده لينا احنا العرب

عايزكم تتخيلوا الامريكى او الكندى او الاوروبى عموما بياخد كام؟؟؟

المهم

المرتبات اللى بياخدها الظباط و العسكر الامريكان او المرتزقة

يبقى ياخدها جماعتنا .. مع انى واثق انهم هيرضوا بالنص ان مكنش اقل

اخيرا

العراق نحت العسكر المصرى .. هيختلف تماما عن العراق تحت العسكر الامريكان

نقطة بفى قبل ما نمشى

يا ترى الدولة عندنا تقدر تفكر كده او تحلم بكده اصلا

صباح الخير

[MoHaMMeD EgYpT]

الله اعلم باللي هيجري و فعلا ده احتمال كبير يحصل و ساعاتها نبقي نفكر في اللي هنعمله :blush2:

[آرش]

يعنى أنا أعتقد انه ارسال قوات من مصر الى عراق يكون من صالح مصر لأن القوات هناك لن تكون تستهلك من اقتصاد مصر ولكن هذه قوات ستكون من مسؤليه مجلس الأمن وهو يكون المسؤول عنها ماليا

ايضا سيكون فى صالح مصر ان تكون لها قوات فى منطقه مثل منطقه عراق حيث كما قال البعض ان عراق فيه كثير من خيرات ومنافع

[شاب مصري]

NO

أنا نفسي الأمريكان يفضلوا أكتر وأكتر في العراق ولا يتم اسبدالهم بقوات عراقية أو أي قوات اسلامية

لكي يذوقوا الذل على أيدي اخواننا المجاهدين هناك

حتى الجنود الأمريكيين في العراق معدل نتحارهم بيزيد .. واللي رجعوا لأمريكا معدل انتحارهم كبير بردو

لانهم عرفوا أنهم لا يقاتلون من أجل قضية عادلة .. وأن مجموعة من المتعصبين المجانين كذبوا عليهم وعلى الرأي العام الأمريكي و العالمي ودفعوا بهم الى الهلاك والى اهلاك وتدمير بلد آمن

ربنا ينتقم من كل ظالم :blush2: