فــيــروز بتاريخ: 1 أغسطس 2003 تقديم بلاغ مشاركة بتاريخ: 1 أغسطس 2003 كانت هذه الاغنيه الجميله لصباح تذاع من دقائق قليله ودفعتنى ان اسال نفسى وانا اسمعها تعدد من خلال الغنوه ما تفتقده فى مصر سلموا لى عالشوارع .. سلموا لى عالحوارى .. والسما و الفجر طالع .. و الهوا ساعة العصارى سالت نفسى يا ترى اذا تركت مصر فى يوم من الايام ما الذى سافتقده بشده اكثر من غيره .. وفكرت ان اسال كل من اغترب عن مصر سواء بسفر مؤقت او هجره دائمه عما يفتقده بشده فى مصر .. واذا كان ما يفتقده فى مصر لازال موجود بها ويثير الحنين اليه ام انه ضاع مع اشياء كثيره اختفت من مصر ولم يعد باق سوى ذكرى جميله منه .. "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
wa7d بتاريخ: 2 أغسطس 2003 تقديم بلاغ مشاركة بتاريخ: 2 أغسطس 2003 ام انه ضاع مع اشياء كثيره اختفت من مصر ولم يعد باق سوى ذكرى جميله منه .. بس فيه أمل تعود الأيام الجميله إيدك فى إيدى وفى إيديكوا كلكم لكى نجد مصر ثم نعيد لها حياتها . هل تعلموا أن مصر كانت مشهوره بأنها أجمل بلد يعيش فيها الإنسان ، حريه ، أمن ، نظافه الشوارع ، وأهم من ده كله الناس بتحب بعض ويكفى أن أقول ده إبن حتتى علشان يعطى حق الجار كما أوصى به الرسول . والله فيه أمل كتير إن مصر تنتصر على كل عوامي التخريب التى ظهرت وخربت الشعب من الداخل مثل الناصرية والتعصب الدينى . ومش عارف ليه حاسس بإيد إسرائيل القذرة فى الموضوع ده . وإنشاء الله نخلص من كله ونعود لمصر وجو مصر الرائع ورجالة مصر الجدعان وبنات مصر الأممير . أنصر أخاك ظالما أو مظلوما رابط هذا التعليق شارك المزيد من خيارات المشاركة
فــيــروز بتاريخ: 2 أغسطس 2003 كاتب الموضوع تقديم بلاغ مشاركة بتاريخ: 2 أغسطس 2003 يا ريت يا اخ واحد يتحقق هذا الامل الجميل طيب مش تقول لنا مفتقد ايه بالاضافه للفول و الطعميه اللى كلنا بنعزهم؟ ولا ممكن نعتبر ما قلته عن مصر من شهرتها بالامن و الحريه و نظافة الشوارع هو ما تفتقده فيها الآن؟ "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
amir بتاريخ: 2 أغسطس 2003 تقديم بلاغ مشاركة بتاريخ: 2 أغسطس 2003 ليه بس كـده ؟ أول مره سافرت فيها كنت لما أفتكر الشله و التهريج و التمشيه على الكورنيش ... كانت الدموع هى التعبير عن شوقى للعوده لدفء الصداقه و شمس أسكندريه فى يوم ممطر و خصوصا أنى كنت فى مدينة الضباب وفى عز الشتا . دلوقتى بعد عشرين سنه سفر و عدم استقرار لم يبقى لى سوى ذكريات و لكن للأسف فى كل مره أزور فيها مصر برجع و أنا حزين أن كل اللى كان موجود فى خيالى اتبخر، لا الناس هى الناس ولا الشوارع هى هى ، و بقيت بنزل مصر كأنى سايح غريب و لولا الأولاد بيحبوا مصر كنت فضلت عدم أعيش بعيد علشان لا اصدم فى ذكرياتى كل مره . سلموا لى عالشوارع .. سلموا لى عالحوارى .. والسما و الفجر طالع .. و الهوا ساعة العصارى يا وطنى : كل العصافير لها منازل الا العصافير التى تحترف الحريه فهى تموت خارج الأوطان ـ نزار قبانى ـ رابط هذا التعليق شارك المزيد من خيارات المشاركة
yasser6666 بتاريخ: 2 أغسطس 2003 تقديم بلاغ مشاركة بتاريخ: 2 أغسطس 2003 والله موضوع حلو يا اختنا فيروز . اقولك بقي انا مفتقد ايه في غربتي .اولا لمة الاصدقاء والضحك والسمر والاحاديث التي لاتنقطع عن اي شئ وكل شئ واحيانأ تستمر للفجر والكلام لاينتهي ..ثانيأ بالنسبة للفول والطعمية مش مشكلة لان مافيش بلد في العالم دلوقتي مافيهاش الفول المصري قها المعلب والفلافل اشكال والوان ايشي بودرة وايشي عجينة مجمدة ولكن الاكل من ايدين الست الوالدة له طعم تاني خالص طبعأ وخصوصأ لمة الاهل علي السفرة في رمضان وغير رمضان ........ بس ليا تعليق صغير شخصي جدأ لا أعرف هل يصادف المغتربن امثالي والا انا بس ...وهو الامان في مصر ....بصراحة من لحظة هبوط الطائرة في مصر وانا ابدأ الشعور بالخوف وعدم الامان واتوقع ان اي حاجة ممكن تحصل مع اي ضابط في الشارع او حتي صول ونروح في خبر كان في بلد ليس فيها قانون كبلدنا او اتمسك تحري لاي سبب تافه من حته عسكري وضابط معووج علي الفاضي لاني بصراحة بعتبر مصر دي غابة لايطبق فيها قانون ولايلتزم فيها برادع وجهاز الشرطة هو الألة الاعلي دون حسيب او رقيب ويظل هذا الاحساس يلازمني حتي اركب الطائرة مرة ثانية في طريق العودة وحينها اعرف ان الحق والعدل سوف يطبق بحذافيره واصبحت في الأمان !!!!!!!! أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر رابط هذا التعليق شارك المزيد من خيارات المشاركة
ابو خليل بتاريخ: 2 أغسطس 2003 تقديم بلاغ مشاركة بتاريخ: 2 أغسطس 2003 وحشني في مصر . كل حاجة حتي الحاجات اللي كنت بكرها في مصر وحشتني وحشني اني نفسي اشرب شربةمن مية النيل وحشني اني اروح بلدنا واقعد في الغيط تحت تكعبيبة العنب واعمل شاي بالحطب و الم اصحابي حواليا و نقعد بالليل نحكي في حكايات للصبح وحشني اخواتي واولادهم .. وحشني .. بيتنا .. ومكتبتي و سريري و جيراني .. وكل الناس اللي في الحنة حتي عم محمد بتاع الفول واحشني .. وهوه كل يوم الصبح بيسلم عليه .. وحشني .. .. كل حاجة .. كل حاجة . .. حتي روحي حاسس اني سايبها في مصر :!: رابط هذا التعليق شارك المزيد من خيارات المشاركة
wa7d بتاريخ: 2 أغسطس 2003 تقديم بلاغ مشاركة بتاريخ: 2 أغسطس 2003 طيب مش تقول لنا مفتقد ايه بالاضافه للفول و الطعميه اللى كلنا بنعزهمآآآآآآآآه فكرتينى بمصيف رأس البر وأحلى سندوتشات فول وطعميه ، بعد اللعب على الشاطئ وفى المساء نروح على كرنيش النيل حيث أحلى وأجمل مكان فى العالم ، وكان فيه كل المحلات والكازينوهات لكن طبعا أهم حاجه بالنسبه لى كان محل الماتش لصاحبه السباح حسن عبد الرحيم ، ومحل القط حيث أجمل وألذ سندوتشات الفول والطعميه . وهذا طبعا بجانب ذكريات الشباب فى أجمل شواطئ العالم - وده مش مبالغة أننى شفت شواطئ عالميه لكن أجمل من رأس البر مفيش - وإن شاء الله فى تخطيطى قضاء صيف طويل فى "الهوم" برأس البر ، بس ياريت تكون زى ماهيه -على الأقل - ولا يكون يد التخريب طالتها أنصر أخاك ظالما أو مظلوما رابط هذا التعليق شارك المزيد من خيارات المشاركة
elbana بتاريخ: 3 أغسطس 2003 تقديم بلاغ مشاركة بتاريخ: 3 أغسطس 2003 طيب إيه رأيكم لو تقرأوا الموضوع ده http://www.egyptiantalks.org/bforums/viewt...der=asc&start=0 رابط هذا التعليق شارك المزيد من خيارات المشاركة
Set_Amina بتاريخ: 3 أغسطس 2003 تقديم بلاغ مشاركة بتاريخ: 3 أغسطس 2003 كانت هذه الاغنيه الجميله لصباح تذاع من دقائق قليله ودفعتنى ان اسال نفسى وانا اسمعها تعدد من خلال الغنوه ما تفتقده فى مصر سلموا لى عالشوارع .. سلموا لى عالحوارى .. والسما و الفجر طالع .. و الهوا ساعة العصارى سالت نفسى يا ترى اذا تركت مصر فى يوم من الايام ما الذى سافتقده بشده اكثر من غيره .. وفكرت ان اسال كل من اغترب عن مصر سواء بسفر مؤقت او هجره دائمه عما يفتقده بشده فى مصر .. واذا كان ما يفتقده فى مصر لازال موجود بها ويثير الحنين اليه ام انه ضاع مع اشياء كثيره اختفت من مصر ولم يعد باق سوى ذكرى جميله منه .. فعلا ما يفتقده المصري عندما يغادر مصر هو بالتمام ما قالته كلمات الغنوة.. الشوارع ... الحواري.. السما الصافية؟؟ الفجر وهو طالع.. والهوا ساعة العصاري.. انا جيالك يامصر بعد كام ساعة واتمنى من الله ان استمتع بكل ما افتقده فيها عندما أغادرها... دعواتكم واشوفكم على خير إن خوفت ماتقولشي وإن قولت ما تخافشي رابط هذا التعليق شارك المزيد من خيارات المشاركة
amir بتاريخ: 3 أغسطس 2003 تقديم بلاغ مشاركة بتاريخ: 3 أغسطس 2003 ["Set_Amina"][quote دعواتكم واشوفكم على خير أتمنى لك أجازه سعيده تحياتى لسعاااااد يا وطنى : كل العصافير لها منازل الا العصافير التى تحترف الحريه فهى تموت خارج الأوطان ـ نزار قبانى ـ رابط هذا التعليق شارك المزيد من خيارات المشاركة
freefreer بتاريخ: 4 أغسطس 2003 تقديم بلاغ مشاركة بتاريخ: 4 أغسطس 2003 ["Set_Amina"][quoteدعواتكم واشوفكم على خير أتمنى لك أجازه سعيده تحياتى لسعاااااد محلات السوبيا فى مصر تعلن الطوارئ بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 ) رابط هذا التعليق شارك المزيد من خيارات المشاركة
الباشمهندس ياسر بتاريخ: 17 فبراير 2009 تقديم بلاغ مشاركة بتاريخ: 17 فبراير 2009 افتقد كل ما تم ذكره ف الاغنية كذلك افتقد الان صورة البنت ف الملاية اللف بتاعت زماااااااان و مش هكمل عشان ماقعدش اعيط تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
عصام بتاريخ: 17 فبراير 2009 تقديم بلاغ مشاركة بتاريخ: 17 فبراير 2009 ترجع بالسلامة يا معلمى [وسط]!Question everything [/وسط] رابط هذا التعليق شارك المزيد من خيارات المشاركة
الباشمهندس ياسر بتاريخ: 17 فبراير 2009 تقديم بلاغ مشاركة بتاريخ: 17 فبراير 2009 الله يسلم عمرك يا كبييييييييييير بس برده انا وحشانى الملاية اللف اوى يا عصام زمان كنت بروح الشرابية عشان اقعد على قهوة بلدى الشاى بتاعها بيجيب مغص ... اه مغص صدقنى عشان اتفرج ع البنات اللى بتلبس الملاية اللف و شفتها مرة ف باب الشعرية حاجة فوتوجينيك خاااااااااااااالص لدرجة انى كنت عاوز اوقف بنت واستاذنها اصورها و زميلى ف الجامعه ... اللى كان بيلعب دور الدليل قالى يبقى انت ناوى اننا ننضرب لغاية ما يبانلنا اصحاب و لما يجى اصحابنا دول مش هيلاقوا حاجة فينا تنفع اصلا فصرفت نظر عن انى اصورها دلوقتى بقى مبقتش بشوف الموضوع ده خالص قولولى يا ناس الاقى حد بالملاية اللف تانى فين تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
عصام بتاريخ: 17 فبراير 2009 تقديم بلاغ مشاركة بتاريخ: 17 فبراير 2009 بولاق الدكرور - شارع همفرس وهناك برضه قهاوى بلدى الشاى بتاعها مش بيجيب مغض بس .. بيجيب كوليرا لو حبيت (إن شالله العدوين لولولولوىي ي ي ي ) [وسط]!Question everything [/وسط] رابط هذا التعليق شارك المزيد من خيارات المشاركة
لولا بتاريخ: 17 فبراير 2009 تقديم بلاغ مشاركة بتاريخ: 17 فبراير 2009 (معدل) الله يسلم عمرك يا كبيييييييييييربس برده انا وحشانى الملاية اللف اوى يا عصام زمان كنت بروح الشرابية عشان اقعد على قهوة بلدى الشاى بتاعها بيجيب مغص ... اه مغص صدقنى عشان اتفرج ع البنات اللى بتلبس الملاية اللف و شفتها مرة ف باب الشعرية حاجة فوتوجينيك خاااااااااااااالص لدرجة انى كنت عاوز اوقف بنت واستاذنها اصورها و زميلى ف الجامعه ... اللى كان بيلعب دور الدليل قالى يبقى انت ناوى اننا ننضرب لغاية ما يبانلنا اصحاب و لما يجى اصحابنا دول مش هيلاقوا حاجة فينا تنفع اصلا فصرفت نظر عن انى اصورها دلوقتى بقى مبقتش بشوف الموضوع ده خالص قولولى يا ناس الاقى حد بالملاية اللف تانى فين انتا ذوقك غريب جدا يا باش مهندس عليك وع الوحده الصحيه .. هناك حيعملولك كل اللازم ... اصل دا من مفعول كوبايه الشاى الأولانيه اللى انتا شربتها هناك :D تم تعديل 17 فبراير 2009 بواسطة لولا طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 عصام باشا يا كبيييييييير اول مشوار بعد ما ارجع المرة الجاية ان شاء الله هيبقى ع بولاق الدكرور لولا هانم والله يا اختشى مش عارف اقولك ايه بصراحة فاكرة الاغنية بتاعت عبد المطلب الله يرحمه انا اصلى بلدى وبحب بلدى و بدوب ف بلدى وبنت بلدى هنعمل ايه بقى تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
سماسعد بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 (معدل) اكتر حاجه وحشاني في مصر ونفسي انزل من دلوقت علشانها هيا والدتي واحشتني ضحكتها وحنانها وخوفها علينا (كل حاجه فيها) وطبعا اكلها واحشتني لمة الاهل والاصحاب والدفء اللي مش بتحس فيه غير في مصر ربنا يصبرنا ويجمعنا مع حبايبنا عن قريب ان شاء الله تم تعديل 19 فبراير 2009 بواسطة سماسعد رابط هذا التعليق شارك المزيد من خيارات المشاركة
أبو محمد بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 فاكرة الاغنية بتاعت عبد المطلب الله يرحمهانا اصلى بلدى وبحب بلدى و بدوب ف بلدى وبنت بلدى قصدك اللى بيقول فيها : قالولى بلدى أنـا قلت مـالها دى بنت بلدى مفيش مثالها أنا أصلى بلدى وأهلى بلدى واحــب بـلــدى وبـنت بـلـدى جـوه مـلايتهـا الـعين شـافـتها وزاد حـنـينى البان فى عوده بيكيد حسوده ويقول أدينى الـخـفـة هــى واكـتـر شـويـه وحـيـاة عـينيـه إذا كانت هى .. قول وماتتكسفش وانا أنزلهالك فى موضوع كنوز غنائية فى باب الفنون .. انت تؤمر ياباشمهندس نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
الباشمهندس ياسر بتاريخ: 21 فبراير 2009 تقديم بلاغ مشاركة بتاريخ: 21 فبراير 2009 فاكرة الاغنية بتاعت عبد المطلب الله يرحمهانا اصلى بلدى وبحب بلدى و بدوب ف بلدى وبنت بلدى قصدك اللى بيقول فيها : قالولى بلدى أنـا قلت مـالها دى بنت بلدى مفيش مثالها أنا أصلى بلدى وأهلى بلدى واحــب بـلــدى وبـنت بـلـدى جـوه مـلايتهـا الـعين شـافـتها وزاد حـنـينى البان فى عوده بيكيد حسوده ويقول أدينى الـخـفـة هــى واكـتـر شـويـه وحـيـاة عـينيـه إذا كانت هى .. قول وماتتكسفش :protest: وانا أنزلهالك فى موضوع كنوز غنائية فى باب الفنون .. انت تؤمر ياباشمهندس الله ينور عليك حضرتك يا باشمهندس والله هى هى هى بعينها الاغنية و الامورة اللى هتعرف تلف الملايه اللف تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان