الصحافة في مصر-أسئلة مسكوت عنها!

[Sherief AbdelWahab]

ما هو حجم نفوذ كل مؤسسة صحفية حكومية في مصر ؟...من الأهرام لدار التحرير لروزا اليوسف لأخبار اليوم و حتى دار الشعب؟

ما هي قصة ظهور الدستور؟ هل كان من أحد يصدق أن جريدة تصف نفسها بأنها "مديونة" تطبع طباعة فاخرة في أكبر مطابع صحفية في مصر؟...و ما دامت الحكومة تعرف أن إبراهيم عيسى "غاوي مشاكل"...فلم سمحت له بالبقاء على رأس صحيفة الدستور لمدة عامين؟

كيف طبع عبد العال صحيفته "الأيام الجديدة" في أكبر المطابع الصحفية المصرية رغم أن الحزب الذي كان يرأسه آنذاك مجمد؟...و كيف أعاد "الوطن العربي " للصدور؟

ما هو حجم النفوذ "الشخصي" لأسماء مثل عادل حمودة و سمير رجب و إبراهيم سعدة؟...هل كان لنفوذ هؤلاء دور فعال في انتخابات النقابة الأخيرة؟

و أخيرا...ما هو سر الهجوم المبرمج من قبل صحف حزبية و مستقلة مثل صحيفة أحد المذكورين أعلاه على الحكومة؟...هل لذلك علاقة بـ"أشياء تحدث في المستقبل"...و الحدق يفهم؟

خلص الكلام

[Katamando]

يا عم شريف مش محتاجة حدافة علشان نفهم, لكن محتاجة مرارة متينة علشان ما تفرقعش وكل الموضوع سيناريو سابق الإعداد زي موضوع الحرب في العراق كده وأهه كله تسليك وتوليع

مش كده ولا ايه؟

[optimistic]

لا مش أوي كده يا جماعة

فيه كده و فيه كده

الصحفيين مش كلهم فراخ بتكاكي

فيهم اللي عايز الحرق

و فيهم ناس بتحارب و بتتسجن

و لا ايه

[Sherief AbdelWahab]

عموما...لم أجد حتى الآن جوابا شافيا لما طرحت من أسئلة بريئة و بسيطة للغاية...و لن يمنعني هذا من اضافة سؤال جديد..

في عدد صوت الأمة نشرت أمس خطاب شكر من شيخ مشايخ الطرق الصوفية تشكر فيه "الكاتب""الصحفي""الكبير" على "اتباعه" "لنهج" "اسلامي" "مستنير" -أي لترويج صحيفته للفكر الصوفي...

أليس غريبا على صحيفة تدعي الليبرالية أن تروج للفكر الصوفي بما سببه من ضعف و تخلف لمصر طوال أربع قرون؟

خلص الكلام

[ابو خليل]

بص يا عم شريف

انا هاحكي لك حكاية انا شفتها بعيني

انا اصلا مدرس .. كويس

ومعانا واحد مدرس عربي في المدرسة وفي نفس الوقت صحفي في جريدة معارضة .. (صحفي صغير ) يعني بينقل اخبار المحافظة للجريدةو كده .. مش مشهور لا حاجة ..

كان لي طلب في المحافظة .. الطلب ده اساسا كان حقي و اتاخد مني وكنت بحاول ارجعه ...

حاولت مع اعضاء مجلس الشعب .. المحافظ رافض

حاولت بوسايط من اصدقاء للمحافظ ... الباشا متمنع ..

تعرف مين اللي خلص لي الموضوع بمكالمة تليفون ؟؟؟

زميلي مراسل صحيفة المعارضة !!

و رح معايا لمبني الوزارة كمان .. و كل اللي يشوفه يقف و يضرب له تعظيم سلام ..

تعرف واحنا خارجين بعد ما الموضوع خلص .. انا قلت له ايه ؟

قلت له : ما تشوف لي اي شغلانة في الجريدة معاك ؟؟؟