اريد فسخ عقدي والاستقالة وكفيلي يرفض

[mahroos]

السلام عليكم

انا مصري مقيم بالسعودية منذ خمسة اشهر لقلة راتبي بالنسبة لمجالي والعملية مش جايبة همها قررت الاستقالة والرجوع لمصر

صراحة الواحد يغرى بالمرتب لما يحسبه بالمصري ثم يأتي هنا للواقع الاليم

بلغت كفيلي بالموضوع فرفض بشدة وتمسك بي لأني من اكفأ من يوجد عنده وراتبي الاقل ايضا

وانه بدأ يتوسع جدا مؤخرا وميقدرش يخسرني في الوقت الحساس ده

المشكلة اني تعبان نفسيا ومش قادر اكمل رغم ان الناس اللي معايا محترمين وكويسين ... لكن من حيث الماليات يهود

الذي اعرفه من خلال قراءتي في منتداكم انه اذا تم الفسخ من جهتي ورحلت ترجع الفيزا له مرة اخرى لكن هو قالي ..لأ مبيحصلش وقالي انه مكلف علي اد كده عشان يجيبيني ولو مشيت هخسره كتير عشان يجيب غيري

لما جت سيرة المرتب قالي انت معايا حسب عقدك بالمرتب ده لمدة سنتين وحاول يأملني انه "لو زاد دخل المؤسسة" انه هيزودني لكن قالي "اللي جاي على اد اللي رايح" وشحت عليه شويتين

يعني لا هيزودني ولا عايز يسيبني اسافر .. وحتى لو زودني مش هيديني نص اللي بيعرض عليه كل يوم من هنا وهناك

وقالي فكر تاني ولو قررت مرة تانية نتكلم قانونيا بأة

انا عايز اعرف اللي ليه واللي عليه ؟ والمفروض اعمل ايه ؟

انا غلطان من الاول اي نعم اني قبلت بمرتب زي ده بس مش عارف اعمل ايه دلوقت ؟

ارجو من جميع الاخوة الذين لديهم تجارب وخبرة الرد خصوصا الاخ سي السيد

[se_ Elsyed]

قدم إستقالتك بشكل رسمي وخد توقيع إستلام عليها ... وإن رفض يبقى إبعتها له بالبريد المُسجل بعلم الوصول .. لوما توصل وما تسمعش حاجه منه .. يبقى تقدم بشكوى لمكتب العمل تقول فيها إنك تريد الإستقالة عشان تمشي نهائي وكفيلك بيرفض .. ساعتها هايجيبوا الكفيل ويخلوه يخرج لك نهائي غصبٍ عنه .. وهو مافيش في إيده إلا إنه يشتكيك ويرجع عليك بتعويض مادي .. لكن يبله ويشرب من ميته لإنه مش هايقدر يثبت حاجه .. خصوصاً لما أستقالتك تبقى مسببة لظروف أسرية في بلدك مثلاً .. وخصوصاً إنه لم يعطيك أي تدريب ولا صرف عليك حاجه ..

[عندى أمل]

طيب ينفع أنا كمان أقدم استقالتى لو كانت الفيز بتاعتى سائق خاص؟؟؟

مع إنى بأشتغل فى مجال الكومبيوتر و الانترنت

[mahroos]

قدم إستقالتك بشكل رسمي وخد توقيع إستلام عليها ... وإن رفض يبقى إبعتها له بالبريد المُسجل بعلم الوصول .. لوما توصل وما تسمعش حاجه منه

ممكن نص مناسب للاستقالة بحيث يمضى انه اخلى طرفي

يبقى تقدم بشكوى لمكتب العمل تقول فيها إنك تريد الإستقالة عشان تمشي نهائي وكفيلك بيرفض .. ساعتها هايجيبوا الكفيل ويخلوه يخرج لك نهائي غصبٍ عنه .. وهو مافيش في إيده إلا إنه يشتكيك ويرجع عليك بتعويض مادي .. لكن يبله ويشرب من ميته لإنه مش هايقدر يثبت حاجه .. خصوصاً لما أستقالتك تبقى مسببة لظروف أسرية في بلدك مثلاً .. وخصوصاً إنه لم يعطيك أي تدريب ولا صرف عليك حاجه ..

انا معنديش ظروف اسرية انا مش متزوج ولي اخوة اكبر مني يعني هقولهم ايه ؟

وهو لم يعطيني تدريب ولا صرف عليه ريال ... هو اخره صرف تذكرة الطيارة اللي جاي بيها

ولو قفلت وعايزها ممكن اديهاله واريحه واريح نفسي

بس لو معنديش ظروف اسرية ورغبت في انهاء التعاقد .. المفترض اني حسب ما قرأت في القانون العمل السعودي انه ممكن وعادي

شكرا على المعلومات الضرورية جدا بالنسبة لي

بس المعلومة التي لم اصل لها هل سترجع له فيزته ام ستضيع عليه ؟

بحيث اتكلم معه وديا مرة اخرى واخلص بدل البهدلة ...طبعا لو الفيزا مش هتضيع عليه

[mahroos]

طيب ينفع أنا كمان أقدم استقالتى لو كانت الفيز بتاعتى سائق خاص؟؟؟

مع إنى بأشتغل فى مجال الكومبيوتر و الانترنت

بص طالما انت في الثلاث شهور الاولى يتهيألي ممكن تفسخ العقد وترجع فورا

ده لو مش منصوص في عقدك انه لا يحق لك انهاء العقد

لكن طالما مش منصوص يبأ حقك تلغي العقد وتاخد خروج نهائي

ده حسب قرائتي النظرية للقانون بسبب مشكلتي

لكن عمليا الاخوة يفيدوك اكثر

تم تعديل 31 يناير 2009 بواسطة mahroos

[mahroos]

لو كانت الفيز بتاعتى سائق خاص؟؟؟

مع إنى بأشتغل فى مجال الكومبيوتر و الانترنت

معظم الناس بتشتغل شغلانات غير الموجودة بالفيز

الموضوع ميفرقش

[abukarim]

قدم استقالتك بس ولو مرضيش وقفلت روح مكتب العمل وهتمشى بس شوف لو معاه العقد فيه شرط جزائى للنهائى ولا لا

[isa]

الاخ الكريم

انا راي غير راي الاخوة الذين سبقوني

ارجو ان تصلي صلاة استخارة قبل اتخاذ اي قرار ،ولا تستعجل في اتخاذ القرار الان ...وانت شايف الازمة المالية وشايف الشركات التى تصرح الموظفين في العالم .... وان لا تنظر لمن سبق واخذ مرتبات اكثر منك ..... وهو فى الاول والاخير رزقك هاتخذوه بدون جميل من احد ....حاول ان تصبر وعساى ان يكون خير لك على المدي الطويل...

هذه وجهة نظر

[isa]

تكملة

الافضل لتدخل مكتب العمل السعودي ولا السفارة المصرية في شي

حل مشاكلك بالراحة وبدون مشاكل وبالود بينك وبين كفيلك

و لاننى اخوف عليك من اي دسائس الكفلاء ومن شرروهم معاذ الله

[mahroos]

قدم استقالتك بس ولو مرضيش وقفلت روح مكتب العمل وهتمشى بس شوف لو معاه العقد فيه شرط جزائى للنهائى ولا لا

العقد معايا منه نسخة

مفيش شرط جزائي ..الحمد لله

تكملة

الافضل لتدخل مكتب العمل السعودي ولا السفارة المصرية في شي

حل مشاكلك بالراحة وبدون مشاكل وبالود بينك وبين كفيلك

و لاننى اخوف عليك من اي دسائس الكفلاء ومن شرروهم معاذ الله

انا خايف من كده عشان بدأت المعاملة تتغير

ربنا يسهل انا بفكر كام يوم بعيد محاول عزل الضغط خارجي واشوف الحل المناسب للمشكلة قبل ما اروح مكتب العمل وربنا يسهل

[mahroos]

هو حل المشكلة بالنسبة له ودي اني اقعد على الاقل اكمل سنة بمرتبي الحالي وبعد الاجازة السنوية نتكلم

تم تعديل 2 فبراير 2009 بواسطة mahroos