المشورة الله يخليكم

[nodey]

السلام عليكم

لدي مشكلة تكاد تهدم بيتي

انا عم

عمري 32 جامعي اعمل بوظيفة كويسه بالمملكة السعودية متزوج من ابنة عمي تصغرني ب 8 سنوات

رزقنا الله بطفل جميل خفيف الدم ولطن مشكلته ايضا انه يعانس من ضعف عام ربما العامل الرواثي تتدخل

المهم انا ناري الطبع شديد الانفعال وهي بارده لابعد الحدود

امس قامت خناقه بيني وبينها ومديت يدي عليها للمرة الثانية بسبب انها اعطت الولد رضعه بع الاولي بساعة مما ادي الي انه رجع كل اللي في جوفه وحالته تصعب علي اللي يشوفه وهي في ثلاجه

المه تطلبة طلباتها وقطع علاقتي مع اهلي كل ما تجي سيرة حد منهم ثور علي وتغضب وتقاطعني

المهم حاولت افهمها انهم اهلي مافيش فايده انا اقر ان اهلي ضروني كتتير وعملوا في بلاوي قبل الزواج وكانو عليزين الجوازه دي ما تمش لكني اصريت وكملت

المهم انا دولقتي محتار اكمل حياتي بهذا الشلك ولاه ننفصل والله يرزق الجميع اللي يصلحله

مش عارف دلوني يا اهل المشورة الله يخليكم

[YUSY]

السلام عليك ورحمة الله وبركاتة يا نودى

الزواج والاستقرار العائلى ,الاولاد,العمل بوظيفة محترمة فى السعودية ,الصحة كلها يا صديقى نعم الله علينا التى لا تعد ولا تحصى .

تذكر كم من مبتلى ممن حرم نعمة الاطفال .. تذكر نعمة واحدة فقط من بها الله عليك وتذكر ان تقيض النعمة بالشكر.تقرب الى الله انت وزوجتك بركعتين قيام الليل وعاهد نفسك الا تمد يدك عليها مجدد فهذا يدمر اواصر الحب والمودة ويورث البغضاء وانصحك بالاستماع الى شرائط الاستاذ عمرو خالد(الجنة فى بيوتنا )..اتقى الله فى ابنك وزوجتك ونفسك وابعد عنك هواجس الشيطان بفكرة الانفصال البغيضة ولا تجعل للشيطان عليك سبيلا .املا بيتك بالمحبة وحاول ان تساعد زوجتك فى الاهتمام بالطفل بدل من انتقادها وابتعد عن العصبية والنرفزة فانها من الشيطان.ربنا يحفظك انت واسرتك الصغيرة ونسمع عنكم كل خيرويجمع الله بينكم على الخير والحب وطاعتة

[drabouzeid]

ااخى الحبيب

استاذ عمرو خالد كان حكا حكاية ان واحد كان مش عايز يطلق مراته مش بس يطلقها ده كان مش طايق يسمع صوتها ولا يشوفها

راح صاحبنا لشيخ كبير رد و قال كلمة واحدة بس اصبر

صاحبنا وزن الموضوع فى دماغه وقال اصبر سنين و اتقى الله فى مراتى و عيالى و ربنا يكافانى بالصبر الجنة ولا اضيع مستقبل عيالى و مراتى تصبح مطلقة

قرر انه يصبر و يستحمل

استاذ عمرو بيحكى انه بعد سنة اصبحت زوجته دى احب مخلوق له على الارض لدرجة انه فى الشغل كان كل ساعة يكلمها

ربنا كافئه فى الدنيا و الاخرة

يعنى اولا اخى انسا الطلاق خالص

ثانيا ممكن حضرتك تبتدى بنفسك بمعنى هدأ طبعك شويه الزوجات من النوع ده تحتاج الرجل التقيل

مش لازم كل حاجة تعلق عليهل او تصلحها مرة فى مرة هى لوحدها هتحس بكدا

عليك اخى بالدعاء ثم الدعاء

[Abu Reem]

سبحان الله

تقول أنك جامعي وتعمل في وظيفة كويسة في المملكة ،، وبعدين 1/2 كلامك أخطاء إملائية ، وبعدين تكتب موضوع عن علاقتك بزوجتك مفروض أنها أشياء خاصة ، وتطلب المشورة من أعضاء المنتدى ،

هل هذا كلام ، يعني لو واحد الله أعلم بعاداته وتقاليده وأخلاقة ، دخل وقال لك طلقها فهل مثلا ستسمع كلامه ،، والأخر عاوز تطلق مراتك ،،وكل ده عشان أعطت الولد رضعتين، وداخل على النت تتكلم في هذ الأشياء المصيرية

معلش لا تزعل من كلامي أخي الفاضل ، ولكن يبدو أنك قليل الخبرة، أو لم تقرأ عن الزواج وحقوق الزوج وحقوق الزوجة وواجبات الزواج ، وأهمية التربية الأسرية ، وكيف يتأثر الأطفال بإنفصال الوالدين ، أو حتى لم تقرأ تعاليم الدين ( سواء الإسلام أو المسيحية ) عن الزواج ورأي الدين في معالجة أخطاء الزوجة وصدقني أن الزوجة ممكن ان تشكلها على طباعك لو أحسنت الكلام إليها ووضعت لها الأسس ولكن بأسلوب جميل وليس بأسلوب الأمر والنهي،،،

أتمنى لكل التوفيق وأرجو أن تكون أكثر صبرا والأيام كفيلة بحل مشاكلك..

[رجب كامل]

ياعم انا مشكلتى شبيه ولكن ذود ان امى لاتطيق مراتى بالمرة وكنت اعامل زوجتى بنفس الطريقة حتى ان الجران اشتكوا من سماع صوتها طبعا من الضرب ولكن الحمد لله بعد مانصحتنى ولدتى ( تتصور امى ) قالت لى : عملت غلط ابعد عنها لا تكلمها واهجرها وفعلا بطلت امد ايدى ورجلى و اشتغلت فى الحنية مع مرور الايام والهزار والترويح عنها حتى تتعود على ذلك !!!! ولماتعمل غلط اسيبها يوم يومين مش اقولك تتعدل . بالنسبة للاطفال مش حاجة بسيطة تشيط امال لما تجيب اتنين هتعمل ايه خد بالك المرض مستمر مع الاطفال لحد مايكبروا خد عندك ( برد . طفيليات السان . التسلخات . السخونية المستمرة) تانى حاجة ودى نصيحة كل ماتتكلم هى عن بيتها قولها نفس الكلام الى بتقوله عن اهلك طبعا هتدايك قولها (انتى زعلتى علشان اهلك مش عوزانى ازعل على اهلى ) يعنى الى تعملوا هى فيك اعملوا انت فيها واخير اتقى الله فيها وهى ليست فى قوتك او جبروتك وخليك واسع الحيلة وعاملها بحنية وحاول تفتكر يوم هى سعدتك او وقفت بجنبك وسيبك من كلام العيال الطلاق وحاول الحلو فيها تظهره والسىء تعدله او تقبله بحدود كفاية انك متغرب ويبقى قلى النتيجة ربنا يهديك انت مش هيا

[ابو حودة]

اضافة لما قاله الاخ ابو ريم ان الاشياء اللي انت ذكرتها هي اشياء خاصة لا يجوز ذكرها لاحد بالعائلة او الاصدقاء المقربون ( حتى لا يتسع الخلاف ) فما بالك بالنت ( على الملأ )

تخيل انه بعد فترة تم التعارف بين رواد المنتدى في الحقيقة وليس على الشبكة فما هي نظرة هؤلاء الاصدقاء لزوجتك ولك وهم عالمون بطريقة تعاملك معها على هذا النحو

ما يحدث بين الرجل وزوجته يجب ان يكون كالقبر لا احد يدري ما يحدث فيه ( خيرا او شرا )

مع العلم بانه لا بيت يخلوا من المشاكل

[nodey]

شكرا لكم ومعلش يبدو اني بس من شدة انفعالي ما وجدت الا المنتدي ونفست فيه غيظي

عموما شكرا للمرة الثانية

واعدكم انني ساكون صبور جدا لابعد الحدود

[tinkerbell]

بص يا سيدي بالنسبة للولد انا رأيي اشتري دماغك في الموضوع ده وهي لازم هتتعلم مرة ورا مرة :blink: كفاية عليك شغلك وسيب لها شغل الاطفال، يعني اكيد هيي مش مبسوطة من شكله هي كمان!! ثانيا دي ميزة انها باردة على فكرة لانه لو انت عصبي وهي عصبية اكيد انت متخيل منظر البيت هيبقى :blink: شكله ايه فإحمد ربنا انها كدة،، دي نعمة

بالنسبة لأهلك انت بتقول ان بينك وبينها 8 سنوات يعني المفروض انت الاعقل يعني مش كل حاجة تعملها مشكلة! ممكن بهدوء وحكمة تبقى على علاقة طيبة مع اهلك بدون موضوع العند والتحدي او تاخد رأي في كل خطوة وخصوصا انك بتقول انهم ماكانوش عايزينها يبقى اكيد هي ليها حق تبقى واخدة على خاطرها منهم بس انت بقى عليك انك ماتخليش المشاكل العائلية تبقى اساس علاقتكم و حياتكم يعني عشان موضوع الاهل تكرهها وتخرب بيتك!! لانك اكيد لما اخترتها كان ليها مميزات اوع تنساها ، ولو فشلت يبقى انت السبب بصراحة لانك ماقلتش اسباب جوهرية للانفصال

حاول تبص لحياتك نظرة ايجابية شوية اكيد هتلاقي حجات حلوة كتييييير صدقني

وبتمنالك حياة سعيدة