بعد ثلاثين عام في الغربة....هل حان وقت العودة !

[yosef]

السلام عليكم ورحمة الله وبركاة..

كيف حالكم يااخواني..

في هذه الايام اعيش في حيرة من امري فبعد غربة طويلة منذ عام 1980م في المملكة العربية السعودية تسألت الى متى وانا بعيد عن وطني واهلي واحبابي الى متى وانا في الغربة فمهما طالت الغربة ومهما بلغت الراحة النفسية ورغد العيش بحمد الله فهذه البلاد ليست بلدي ولابد ان يوم سوف يأتي ابن هذا البلد ويأخذ مكاني...حقيقة انا في حيرة من امري فمن جهة ارى اني قد عشقت السعودية ومن الصعب تركها فقد قضيت فيها اجمل الايام فسبل الراحة موفرة لي ولا اجد شئ يدفعني الى الرحيل...ومن جهة اخرى ارى ان مصر بلدي وان جار علي..ولكن لأجد شئ مشجع يدعوني الى الرجوع الى مصر نهائيا. اعود واقول الى متى وانا في السعودية لقد دخلت هذا البلد وانا في ريعان الشباب وها انا اتخطف 55عاما.. اريد ان اعود ولكن لاجد شئ يدفعني العودة...هذا السؤال اشغل بالي ولم ابوح به الى احد سواكم..فأفيدوني

تم تعديل 1 فبراير 2009 بواسطة yosef

[سهل جدا]

قلبت علينا المواجع يا أستاذ يوسف

لكن نصيحة من أخيك الصغير

((إمسك العصاية من النص))

يعني خذ أجازة مثلا لمدة 6 شهور

وبعد 6 شهور ستتضح الرؤية لك تماما

وستتخذ القرار الصحيح , وأنت هناك

لكن احذر من اتخاذ القرار وأنت في السعودية

لأن حبك وحنينك لبلدنا الغالية مصر ممكن يؤثر على اتخاذك للقرار الصحيح

وما تنساش صلاة الاستخارة

((اللهم اقدر لأخينا يوسف الخير حيث كان ثم رضه به))

[doodydrhazem]

احسن حاجة القناعة لازم يجي يوم الغريب يرجع دارة.

المهم امتا هتستمتع بالفلوس اللي جبتها؟

هنا حياتك زي مصر؟

رد على نفسك مش عايز الاجابة؟

هل شقتك هنا وفرشك وعربيتك ولبسك ز ي لما تكون في مصر؟

انت عشت هنا احسن ايام عمرك يا ترى مفيش حد كمان له حق عليك هناك؟ اهل ام اخت زوجة ابن بنت اي حد تهتم بيه؟

يا اخي الى متى تجري وراء الفلوس.الغربة لابد ان يكون لهخا حدود.انا معك في السعودية ولكن اهم شيء كل شويا اعمل موازنه بين الارباح والخسائر.اكيد فيه ارباح واكيد فيه خسائر.لكن الوقت اللي تحس فيه انالاخسائر زادت عن الارباح لازم ترجع.

اتمنى ان ربنا يوفقك للصواب وتتاكد ان حياتك هنا مش هتكون لما لا نهاية.من غير راحة نفسية من راحة بال من غير اطمئنان.

سلام.

DR.AHMED

[yosef]

قلبت علينا المواجع يا أستاذ يوسف

لكن نصيحة من أخيك الصغير

((إمسك العصاية من النص))

يعني خذ أجازة مثلا لمدة 6 شهور

وبعد 6 شهور ستتضح الرؤية لك تماما

وستتخذ القرار الصحيح , وأنت هناك

لكن احذر من اتخاذ القرار وأنت في السعودية

لأن حبك وحنينك لبلدنا الغالية مصر ممكن يؤثر على اتخاذك للقرار الصحيح

وما تنساش صلاة الاستخارة

((اللهم اقدر لأخينا يوسف الخير حيث كان ثم رضه به))

والله بتمنى لو كان عندي اجازة لمدة 6 شهور ولكن مجال عملي لايسمح..اقتراحك جيد واعتقد ان في الاجازة الصيفية في مصر حتحدد القرار النهائي..

تحياتي

[yosef]

احسن حاجة القناعة لازم يجي يوم الغريب يرجع دارة.

المهم امتا هتستمتع بالفلوس اللي جبتها؟

هنا حياتك زي مصر؟

رد على نفسك مش عايز الاجابة؟

هل شقتك هنا وفرشك وعربيتك ولبسك ز ي لما تكون في مصر؟

انت عشت هنا احسن ايام عمرك يا ترى مفيش حد كمان له حق عليك هناك؟ اهل ام اخت زوجة ابن بنت اي حد تهتم بيه؟

يا اخي الى متى تجري وراء الفلوس.الغربة لابد ان يكون لهخا حدود.انا معك في السعودية ولكن اهم شيء كل شويا اعمل موازنه بين الارباح والخسائر.اكيد فيه ارباح واكيد فيه خسائر.لكن الوقت اللي تحس فيه انالاخسائر زادت عن الارباح لازم ترجع.

اتمنى ان ربنا يوفقك للصواب وتتاكد ان حياتك هنا مش هتكون لما لا نهاية.من غير راحة نفسية من راحة بال من غير اطمئنان.

سلام.

DR.AHMED

لا انا لااجري خلف الفلوس اخي العزيز وانت لاتعرف ضروفي العائلية جيدا...انا هنا بالسعودية وبعد مامات ابويه وامي الله يرحمهم اصبحت اصرف على اختين واخ بالجامعة بالاضافة الى مصاريف العيال عندي...لو نزلت لمصر نهائيا حتكون الاوضاع مريحية لي ولأخواني ؟ حتكون خسارتي كبيرة لو رجعت لمصر وتأثر مستوى دخلي..

[شرف الدين]

بسم الله الرحمن الرحيم

الأخ العزيز / يوسف

أنا مثلك مغترب في المملكة منذ ست سنوات ... نزلت مصر فيهم حوالي خمس شهور على أربع مرات ..

انا معاك أن الحياة هنا سهلة وبسيطة ومريحة ... لكنها بلا حياة ... قديما قالوا ( الجنة من غير ناس ... ما تنداس )

نصيحتي ليك يا أخي الفاضل ... وأنت تخطيت ال 55 عاما ... أن تقول كفى ... كفى لحياة بلا حياة ..

مصر برغم كل مساوئها إلا إن فيها حاجة عمرها ما تتعوض ... أنها بلدنا وأهلنا ودارنا

نصيحتي لك أخي يوسف ... لا تربط نفسك بمدى معين ... يعني متقولش أنا هنزل لما أعمل كذا ...

لأنك بتعمل حاجة ... تخلصها تطلع في دماغك حاجة تانية ... وهكذا تجري السنين وراء السنين ..

المفروض أنك تعمل مدة زمنية محددة ... عندها تقول كفاية ... سوا عملت أو ما عملتش ... كفاية

والسلام عليكم ورحمة الله وبركاته

[herohero]

الاخ الفاضل بعد التحيه قد يكون ماتسرده ف حديثك هو مشابه لما مر به ابي فانا نشات ف الكويت ووالدي عمل هناك حتى سن 60 يعني لحد المعاش وبصراحه مكناش حاسين بغربه لان والدي مقطوع من شجره يعني مكنش له حد ف مصر لكن كنا بننزل كل سنه ولكن كان هناك شيئ اساسي بيواجه ابويا هو انا هعمل ايه ف مصر فكرة المشاريع والكلام ده فكره فاشله لان ناس كتير جربت كده وفشلت الا اذاكنت فاهم كويس فاللي انت بتعمله وما اظنش ان العيشه ف اي دوله خليجيه غربه لانك عايش ف بلد عربي ولا اوروبيه بتبقى صعبه لكن بصراحه ما واجه والدي هو صعوبه التكيف اه فعلا التكيف سلوكيات الناس اتغيرت عن زمان للاسف مابقاش فيه العلاقات زي زمان جايز ده النصيب غربه وطن وبعدين غربه اهل للاسف

فخلاصة القول مادام انت مرتاح ف مكانك وبتنتج ومبسوط من الجو المحيط واسرتك الصغيره ككويسه يبقى خلاص لاسف هتنزل هتلاقي محدش فاضي لحد وبصراحه هتحس انك غريب ف مصر ده الواقع واللي محدش ينكره بعد فتره من السفر علاقاتك بالاصدقاء بتقل وعلاقتك باهلك ع مستوى العيله الكبيره بتقل فيبقى خليها غربه بجد ع الاقل فيه شغل بدل ماتقعد ف مصر

[kingsabry]

يا أستاذ شرف الدين حضرتك كلامك صحيح 100 %

لازم الانسان مايربطش نفسه بحاجه لازم يعملها وانما بوقت لازم يرجع فيه لأن الغربه بتخليك تقطع علاقتك بالناس في مصر وممكن توصل للوحده في بعض الاحيان .أنا لسه صغير بس ده رأيي وعلى قد سني .

[ابو محمد المصري]

السلام عليكم ورحمه الله وبركاته

اخواني واخواتي الافاضل

الغربه شئ مؤلم وصعب حتي لو كنت تعيش في احسن مكان في الدنيا ومعك اسرتك المقربه ولكن قرار العوده صعب ويحتاج الي شجاعه قبل اتخاذه تعايشت مع الكثيرين في الغربه وكان الشغل الشاغل في اغلب الجلسات الخاصه هذه الاسئله : -

متي الوقت المناسب للعوده ؟

ماذا افعل بعد عودتي ؟

كيف استطيع تحقيق ما كان متاح لاسرتي وباقي اهلي بعد عودتي ؟

كيف استطيع العيش مع من كنت انزل عليهم كمجرد ضيف ؟

وكانت الاجابات في اغلب الاوقات دعونا نستمر مادام الرزق موصلا

دعونا نستمر مادام ان هناك من لايمس كرامتنا من قريب او من بعيد

الوضع في بلدنا صعب ويزداد صعوبه

التعايش في مجتمع مقفول في الغربه اسهل بكثير مع التعايش في مجتمع بلدنا المفتوح

ولكن مع كل تلك الاجابات قررت ان اعود في نهايه العام القادم ان شاء الله الي بلدي بعد ان تنتهي ابنتي من دراستها الثانويه ساعيش مع العايشين ساتحمل مع المتحملين

احلي سنين عمري ضاعت في الغربه اولادي لايعرفون باقي العائله معرفه وثيقه ومن حقهم علي ان يبدأوا حيث سينتهون

الغربه وان طالت لابد لها من نهايه اخواني نحن مغتربون ولسنا مهاجرون سنعود سنعود والافضل ان نعود ونحن قادرون علي العيش بدلا من العوده ونحن محملين بالامراض والالام

اعذروني علي الاطاله ولكن الموضوع جد مهم جدا

[مغتربة]

بصراحه الموضوع صعب الله يعينك عليه

و لكن اهم حاجه هل لو رجعت مصر دلوقتى فى عمل معين انت ضامنه لان عند الرجوع ستواجهك عقبتين

الاولى انقطاع دخل مادى اذا لم يعوض باخر و ان كان اقل منه ستجد نفسك واحده واحده بتصرف فى اللى حوشته لغايه ما يتبخر تماما لان كل يوم مصاريف الاولاد و البيت بيزيد عن اللى قبله

و ثانيا هيكون عندك وقت فراغ جامد جدا و ده بيكون صعب خصوصا للى اتعود على العمل لفتره طويله

لكن من ناحيه تانيه هتكون مع اولادك و اهلك و ده شيىء مهم جدا ليهم و ليك

فعلا الغربه زى ما بتديلك زى ما بتاخد منك

انصحك بشده بصلاه الاستخاة كذا مره

و ان شاء الله ربنا سييسرك للخير

[HDarwish]

إنت لسه بتسأل ...؟

معليشي إسمحلي ما عاد في العمر قد اللي راح

المفروض إنك كده قضيت رسالتك طالما وصلت للسن ده وآن الآوان لإنك تفرح بثمرة كفاحك ونجاحك

بس كمان في الأول والآخر كل واحد يعرف ظروفه أكثر من الآخرين

أنا لو مكانك مهما كانت الظروف ومهما كانت الحالة المادية في الغربة ممتازة وعلى أسوأ الفروض هتبقى صعبه قوي في مصر برده هرجع

تحياتي وتمنياتي بالتوفيق

[osaimi]

آآآه ، زي ماقال أخونا سهل جدا قلبت علينا المواجع يا أستاذ يوسف .... أنا شخصيا بحلم بالرجوع لمصر ، بستني شهر الأجازة من السنة للسنة وباعيش فى الأجازه أحلي لحظات حياتي أنا وأولادي مع أخواتي و أهلي وبنرجع تاني بعد كده للحياة التي ليس فيها حياه ، وده علشان نأمن الحياه الكريمة لينا ولأولادنا وعشان مش عارفين لو نزلنا مصر نهائي هنعمل ايه وهنشتغل ايه خاصة ان بعد سنوات الغربة الطويلة ماقدرناش نشيل فلوس نقدر نعمل بيها مشروع لو نزلنا مصر لأننا عايشين والحمد لله عيشة طيبة وبنجيب كل اللي نفسنا فيه عشان نعوض فراغ الحياه هنا فى الغربة..

ده بالإضافة إلي اني كل ما اتكلم مع حد عايش فى مصر عن النزول يقوللي خليك أحسن عايش برة مصر ، دي البلد بقت زي الزفت والناس كلها تعبانه وقرفانه ومحدش بسأل عن حد وانت بس شايف الدنيا حلوه وجميلة علشان انت فى أجازه و الخ الخ ... مع اني شايف غير كده شايف الناس معاها فلوس وبتصرف اكتر مننا ، شايفهم عندهم شقق وأراضي وعربيات ، شايف ولادهم كمان بيتعلموا فى مدارس أجنبية أحسن الف مرة من اللي هنا حتي اصحابي اللي اتخرجوا معايا وصلوا لمراكز كويسة جدا والفقير فيهم عنده ميتسوبيشي لانسر ! (مش قر ولا حاجه ، ربنا يديهم ويرزقهم كمان وكمان)

ويا أستاذ يوسف أنا أرى أنك إذا كنت تمتلك القدرة المادية التي تجعلك تعيش أنت وأولادك بشكل طيب فى مصر فيجب هنا إتخاذ القرار والنزول فورا مع التفكير المسبق فى عمل مشروع أو شراء عقار يدر لك علي الأقل دخل شهرى مناسب

إذا لم تكن عندك القدرة المادية للعيش فى مصر ووصلت لسن 55 (ربنا يمتعك بالصحة والعافية) يجب إعادة التفكير وسيكون قرار الإستمرار فى العمل والغربة هو الأقرب إليك مع الأخذ فى الحسبان عمل خطة قصيرة الأمد (من سنتين إلي ثلاثة) تضغط علي نفسك شوية وتعمل حاجه تساعدك علي إتخاذ قرار النزول

وعليك بالإستخارة مرات ومرات وربنا يوفقك ويوفقنا لما فيه الخير

ونتمني من الإخوة أن لو فيه اي حد كان فى السعودية أو أي من دول الخليج تحديدا أخد القرار ونزل نهائي يقولنا أخباره ايييييييه ؟؟؟؟

[herohero]

آآآه ، زي ماقال أخونا سهل جدا قلبت علينا المواجع يا أستاذ يوسف .... أنا شخصيا بحلم بالرجوع لمصر ، بستني شهر الأجازة من السنة للسنة وباعيش فى الأجازه أحلي لحظات حياتي أنا وأولادي مع أخواتي و أهلي وبنرجع تاني بعد كده للحياة التي ليس فيها حياه ، وده علشان نأمن الحياه الكريمة لينا ولأولادنا وعشان مش عارفين لو نزلنا مصر نهائي هنعمل ايه وهنشتغل ايه خاصة ان بعد سنوات الغربة الطويلة ماقدرناش نشيل فلوس نقدر نعمل بيها مشروع لو نزلنا مصر لأننا عايشين والحمد لله عيشة طيبة وبنجيب كل اللي نفسنا فيه عشان نعوض فراغ الحياه هنا فى الغربة..

ده بالإضافة إلي اني كل ما اتكلم مع حد عايش فى مصر عن النزول يقوللي خليك أحسن عايش برة مصر ، دي البلد بقت زي الزفت والناس كلها تعبانه وقرفانه ومحدش بسأل عن حد وانت بس شايف الدنيا حلوه وجميلة علشان انت فى أجازه و الخ الخ ... مع اني شايف غير كده شايف الناس معاها فلوس وبتصرف اكتر مننا ، شايفهم عندهم شقق وأراضي وعربيات ، شايف ولادهم كمان بيتعلموا فى مدارس أجنبية أحسن الف مرة من اللي هنا حتي اصحابي اللي اتخرجوا معايا وصلوا لمراكز كويسة جدا والفقير فيهم عنده ميتسوبيشي لانسر ! (مش قر ولا حاجه ، ربنا يديهم ويرزقهم كمان وكمان)

ويا أستاذ يوسف أنا أرى أنك إذا كنت تمتلك القدرة المادية التي تجعلك تعيش أنت وأولادك بشكل طيب فى مصر فيجب هنا إتخاذ القرار والنزول فورا مع التفكير المسبق فى عمل مشروع أو شراء عقار يدر لك علي الأقل دخل شهرى مناسب

إذا لم تكن عندك القدرة المادية للعيش فى مصر ووصلت لسن 55 (ربنا يمتعك بالصحة والعافية) يجب إعادة التفكير وسيكون قرار الإستمرار فى العمل والغربة هو الأقرب إليك مع الأخذ فى الحسبان عمل خطة قصيرة الأمد (من سنتين إلي ثلاثة) تضغط علي نفسك شوية وتعمل حاجه تساعدك علي إتخاذ قرار النزول

وعليك بالإستخارة مرات ومرات وربنا يوفقك ويوفقنا لما فيه الخير

ونتمني من الإخوة أن لو فيه اي حد كان فى السعودية أو أي من دول الخليج تحديدا أخد القرار ونزل نهائي يقولنا أخباره ايييييييه ؟؟؟؟

قد يكون كثير من زملاء حضرتك وغيرهم وضعهم احسن بكتير من اللي مسافرين وده شيئ مفروغ منه لكن عن تجربه هم اتعودوا ع نمط حياه مختلف حضرتك شوف شعورك وانت سايق ف مصر عربيتك هل قادر تتكيف ع التعامل مع الطرق ف مصر هل انت قادر تتكيف بسهوله ع تفتيح المخ والرشاوي اللي للاسف منتشر ف كل مكان هل حضرتك فكرت لو عملت عمل خاص ليك هتمشيه ازاي الاداره المصريه للاسف ليست جيده بتعتمد ع الاهواء الشخصيه يعني مش مشكله العوده لمصر الفلوس الاهم هو القدره ع التكيف هل بعد الانغلاق اللي ف الخليج تقدر بسهوله تتعامل مع السلزكيات اللي موجوده ف مصر اللي للاسف الشديد بتزداد سوء الاجازة حضرتك بتنزلها كاجازة انا مجربتش لما يكون حضرتك بتروح شغلك بعربيتك الفخمه جدا وشغلك بيديك مرتب ممتاز جدا لكن عشان توصل لشغلك هتحتك بسواقين ميكروباص وناس راكبه عربيات فخمه جدا لكن غير متعلمين وغير محترمين سيدي كفايه بس انك تروح شغلك بعربيتك ومدى المعاناه مع سوكيات الشارع

القصه مش بالبساطه ده بلدنا وبنحبها بس فيه سلبيات كتير بتنغص علينا

قرارالعوده اصعب ما فيه التكيف ع طبيعه الحياه اللي صحيح فيه روح وتجديد بعيدا عن ملل ورتابه الحياه ف الخليج لكن فيها مشاكل تانيه

واهم شيئ هتنزل تعمل ايه لو الواحد اتعود ع شغل مع اداره اجنبيه وراجل بيعطي فجاه ينزل يقعد ف البيت شيئ مش سهل وكمان يبقى مش عارف يتحرك بعربيته ف الشارع

[osaimi]

أخي HEROHERO شكرا لك علي تعقيبك وانا معاك ان فيه سلبيات كتييييير جدا جدا فى مصر لكن أعتقد ان بعد شويه من العيشه فى مصر هتلاقي نفسك اتكيفت واتأقلمت علي الوضع وبالنسبة لأزمة المرور فيه ناس بتريح نفسها وتعيش فى المدن الجديدة زى 6 أكتوبر والتجمع وإلي حد كبير بتستريح من مشاكل المرور ، أنا شخصيا أعرف واحد صاحبي بيشتغل وساكن فى 6 أكتوبر ومش بينزل القاهرة أو الجيزة إلا للضرورة القصوى مرة او اتنين فى السنه

أعتقد جزء كبير جدا من المشاكل ممكن يتحل فى وجود القدرة المادية ، اللي معاه فلوس فى مصر عايش ومبسوط وفيه ناس كتيير جدا فى مصر محترمين ومأقلمين نفسهم علي العيشة ومحافظين علي ولادهم وبيعلموهم كويس ، طبعا الموضوع مش سهل لكن كل حاجه ليها مميزات وعيوب

تم تعديل 2 فبراير 2009 بواسطة osaimi

[doodydrhazem]

استاذي الفاضل اذا ما عرفتش تعم لحاجة في ثلثين سنه تقدر تعتمد عليها بعد ما ترجع مش هتقدر تعمل حاجة في سنتين اوثلاثة.

نصيحتي لك وبكل وضوح مش تسمع كلام الاناس في مصر.

انت اصبحت الان يا دكتور بنك بس يعني لما بتنز لمش قادر تعيش معاهم وهم كمان مش قادرين يعيشوا معاك بس منتظرين امتا تسافر.هنقعد طول عمرنا نجري ورا الفلوس؟ طالما نك الحمد لله الامور المادية كويسة او حتى لو مش كويسا. انزل وابدا ارتاح واسمع وشوف ايه اللي ماشي وايه اللي مش ماشي بلاش تاخد مشروع وانت هنا وبلاش تسال حد.انا خايف انك نكون واخد قرار انك تستمر هنا ب سمحتاج حد يدعمك في كلامة.زي الواحد لما يكون نفسه في فتوا معينه وبيسال الشيخ عشان يأيدة في كلامة ويدور على فتوى مناسبة لقرارة.انا اصغر منك مش كثير واخد القرار السنة دي ان شاء الله لو فيه نصيب انزل نهائي.لازم نستمتع بحياتنا في بلدنا انت عارف يعني ايه انك تعيش من غير وطن؟ مهدد.غير امن.قلقان على اللي هنا واللي هناك.توتر.قلق داخلي.ربنا يوفقك ويطول عمرك كفاية كدا غربة.السف رمش هيبطل كل شويا بلد هتفتح وبلد هتقفل وولادنا وولاد ولادنا هيسافروا وهنما وهنا.قرار نهائي انزل قبل ما يفوت الاوان .من غير اي مبررات لنفسك.

انزل يا اخي اتمنى اني اراك في مصر.هل شكلك هنا نفس شكلك هناك؟

انا اخدت صورة عشان تصريح العمل وجبتها هنا لواحد زميلي يعملها اسكانر بيقولي من دا.الصورة دي ملعوب فيها فوتو شوب قولتله يا بني الاكتئاب هنا بيبان على الوجه علطول.انزل يا اخي وتوكل على الله.

احمد

[yosef]

اولا: اشكر كل من ادلى بدلوه هنا....

ثانيا:وبعد ماسمعت اراء كل الطرفين ارى اني مع الرأي الذي يؤيد وضع حد لهذه الغربة الطويلة...وانا هنا قد اتخذت القرار بالرجوع الى مصر بعد اخذ الاراء من معارفي ولكن بعد ما اتأكد واضبط امور السكن والمعيشة وحتى لو المعيشة في مصر صعبة اعتقد اني ذهبت للسعودية عشان ارجع وارتاح في بلدي وحان الوقت المناسب للرجوع الى مصر...بأذن الله راجع لمصر خلاص ايام الغربة لازم تنتهي مابقى من العمر قد اللي راح..

تحياتي

[Torontotruk]

بلدك اولي بيك...ارجع ومش حتندم ان شاء الله..

[ghallab]

متهيالى ان كل واحد و هو بيحط رجله بره البلد عامل حسابه انه راجع تانى فالمفروض كل واحد من اول يوم فى الغربه يحاول يرتب حاله فى مصر علشان لما يرجع يبقى مستريح

[ابو حودة]

طالما يسأل المغتربون هذا السؤال متى يعودون الى مصر

وقد مررت بهذه التجربة وقد عدت الى مصر نهائيا لظروف قبل حوالي العام

واعمل بوظيفة جيدة بمصر بمرتب جيد يغطي تكاليف المعيشة بشكل جيد

وتسمح لي بالحفاظ عليها في حالة السفر

وعمري حاليا في بداية الاربعينيات

ولكن عند عودي بعد غربة حوالي 6 سنوات وحالتي المالية جيدة والحمد لله اشعر بانه لا اصدقاء

والاهل مشغولين كل بحياته بدأت افكر ثانية في العودة الى الخليج

فهل هذا قرار صائب ام لا

ارجو النصيحة

[حسام الغرباوي]

هقول لحضرتك حاجة بسيطة جدا

اذا كان ليك اصدقاء كتير ومعارف واهل ...يعني هتنزل مصر هتحس فعلا انك رجعت لبلدك

يبقي بدون تفكير ترجع

انما لو هترجع تلاقي نفسك في غربة اكتر ..يعني مفيش اصدقاء تزورهم ويزوروك مفيش اهل وود بينهم ...الخ

يبقي هنا افضلك

انا بقلك كدا لان في ناس زيك نزلت مصر ...قعدو 5 شهور وبعد كدا رجعو السعودية تاني ولغو فكرة الاستقرار

لانة رجع مصر لقي نفسة في غربة اكتر من كتر القاعدة برة مصر