دستة عيال .. وليخسأ الحاقدون!

[سهل جدا]

هو انت طول عمرك كده يا سين سين .. مهولاتى :blush2:

يا ريس ماهو انت حتجوز البنات وهم عندهم ست سنين .. يعنى مش حتحتاج تعمل لهم مضاجع فى بيتك .. المضاجع حتبقى فى بيت الزوجية

والله يا أبو محمد كنا نتمنى نسمع رأيك

عشان نستفيد منه

معليش سؤال شخصي:

هو حضرتك عندك كم دستة ؟

[سهل جدا]

السلام عليكم

الاخت الكريمه لولا

و هو الراجل اللى بيجوز

.بيه و من غيره ..رقم خمسه هاتتجوز و سبوع بنته رقم اربعه هايتعمل و خطوبه ابنه الثانى هاتتم و كتاب السادس هايتكتب

بإذن الله ...كل ما سبق رزق قدره الرازق ..

صعب جدا يا لولا الحكم على الواقع من تلك النماذج الهزليه التى تجيئ فى سياق حمله تحديد النسل التى تكلمنا عنها

و سبحان الله كلما زادت ضراوه الحمله زاد النسل ..........و الله خير الماكرين

صدقى يا ابو عمر ليس الخلاف هنا على الرزق ذاته .. الله سبحانه وتعالى خلق عباده و يرزقهم ولا نقاش فى ذلك ابدا ما يكفل لهم العيش .. لقمة العيش

وليس مصاريف العلاج والأدويه الحفلات والسبوع والشقق والتجهيزات لأثنا عشر طفلا والأب موظف محدود الراتب !!.

يا أخت لولا ,

أنا ما كتبت الموضوع كي أنكر وجود الفقر

أنا فقط أنكر ارتباط الفقر بكثرة العيال

هذا مخالف لاعتقاد المسلم في سعة رزق الله وتكفله بالعباد

فهو سبحانه: {الرزاق ذو القوة المتين}

وهو القائل: {وما من دابة في الأرض إلا على الله رزقها}

وبعدين مين قال إن الموظف اللي راتبه محدود يكتفي براتبه

ما يسعى ويشتغل ويتاجر و......... عشان يصرف على عياله

مش في ناس كثير جدا في مصر بدأوا من الصفر لحد ما أصبحوا من أكبر المليونرات

طيب , ما هو ممكن كثرة الأولاد ديه تكون سبب في سعي الأب المستمر في طلب الرزق

يعني كثرة الأولاد دافع للعامل , وليس استسلام للواقع

وياما أعرف ناس كسالى , اللي دفعهم للعمل هو أولادهم

وبعد كده ربنا يفتح عليه

روحي يا شيخة , إلهي يا رب يزرقك بدستة عيال :blush2:

 

[أحمد سيف]

لا , اللي يكتفي بولد واحد أو ولدين مثلا من أجل الخوف من الفقر فهذا يكون آثما

يعني ولا دي كمان عاجباك ... الراجل قالك كل واحد عارف شمس داره بتطلع منين ويعرف يحسب حسبته ويشوف هوا قادر على تربية كام عيل

تيجي انتا تقوله لأ حرام ... لازم تفضل تخلف طول ما فيك نفس ... والرزق هايجيلك هايجيلك

يعني لو خلف وبعدين الرزق اللي انتا وعدته بيه ما جاش ... هاتتكفل انتا بتربية عياله

طيب ممكن بس سعادتك تعرفنا ايه هيا مؤهلاتك علشان تطلع فتاوي زي دي

معظم الناس اللي بتكتب هنا داخله بأسمائها وعارفين خلفياتهم الثقافية والعلمية والاجتماعية ما عدا حضرتك ... فيا ريت تتكرم علينا وتقولنا ايه اللي مخليك عمال تفتي في كل المواضيع عمال على بطال وزعلت أوي لما حسبوك من الجاهلين في موضوع ثاني

معليش احنا هنا فضوليين شويه وبنحب نعرف احنا بنتكلم مع مين ... مش زي المنتدى الثاني

تم تعديل 5 فبراير 2009 بواسطة أحمد سيف

[سهل جدا]

يا أهلا وسهلا بالأستاذ أحمد سيف

لا , اللي يكتفي بولد واحد أو ولدين مثلا من أجل الخوف من الفقر فهذا يكون آثما

يعني ولا دي كمان عاجباك ... الراجل قالك كل واحد عارف شمس داره بتطلع منين ويعرف يحسب حسبته ويشوف هوا قادر على تربية كام عيل

تيجي انتا تقوله لأ حرام ... لازم تفضل تخلف طول ما فيك نفس ... والرزق هايجيلك هايجيلك

يعني لو خلف وبعدين الرزق اللي انتا وعدته بيه ما جاش ... هاتتكفل انتا بتربية عياله

لا , معليش استغفر ربك من الجملة الأخيرة ديه

وهو أنا اللي وعدت بالرزق ولا رب العالمين

إيه يا عم أحمد ما تصحصح معانا كده

مش ربنا سبحانه وتعالى بيقول:

{وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا}

ويقول تعالى: {وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ}

والكفار لما كانوا بيقتلوا أولادهم خشية من الفقر, أنكر الله عليهم ذلك

وقال: {وَلَا تَقْتُلُوا أَوْلَادَكُمْ مِنْ إِمْلَاقٍ نَحْنُ نَرْزُقُكُمْ وَإِيَّاهُمْ}

وقال أيضا في سورة أخرى: {وَلَا تَقْتُلُوا أَوْلَادَكُمْ خَشْيَةَ إِمْلَاقٍ نَحْنُ نَرْزُقُهُمْ وَإِيَّاكُمْ إِنَّ قَتْلَهُمْ كَانَ خِطْئًا كَبِيرًا}

يعني مش أنا اللي بفتي يا أحمد بيه

طيب ممكن بس سعادتك تعرفنا ايه هيا مؤهلاتك علشان تطلع فتاوي زي دي

معظم الناس اللي بتكتب هنا داخله بأسمائها وعارفين خلفياتهم الثقافية والعلمية والاجتماعية ما عدا حضرتك ... فيا ريت تتكرم علينا وتقولنا ايه ايه اللي مخليك عمال تفتي في كل المواضيع عمال على بطال وزعلت أوي لما حسبوك من الجاهلين في موضوع ثاني

معليش احنا هنا فضوليين شويه وبنحب نعرف احنا بنتكلم مع مين ... مش زي المنتدى الثاني

ما أذكره دائما يكون استنادا على أقوال المفسرين والعلماء (ولا أدعي أبدا أني واحد منهم )

ولا دخل لمؤهلاتي بالموضوع

وبعدين يا سيدي أنا أعرض بضاعتي (الفكرية)

فما تراه مناسبا فخذه , وما لا تراه كذلك فدعه ولا تكثر عليه التأسفا

لكن احذر أن تتكلم بدون علم

خصوصا في الأشياء التي تتعلق بربوبية رب العالمين

تحياتي لك :blush2:

[أحمد سيف]

نحن يا سهل بيه جدا لا ندعو لقتل الأطفال كما تدّعي ... فلا تقولني مالم أقله

نحن ندعو لقليل من المسؤولية الشخصية والوطنية والأخلاقية في اتخاذ قرارات الإنجاب ... حتى لا يصبحوا عبئا على المجتمع

عموما بما إنك ما زلت مصّر على حكاية إني باشكك في ربوبية الله ... فاعتقد إن دوري في هذا الحوار قد انتهى ... وأنا باعتذر إني دخلت في موضوع بالعنوان ده من الأساس

بالمناسبه هل الكنيسه المصريه تدعم تحديد النسل ام تشجع على زيادته و تدعم تلك الاسر ؟ قليل من العدل .......

دلوقتي فهمت السر واء تلك الحملة الملتهبة لزيادة النسل التي يقف وراءها السلفيين

الموضوع كله سباق مع الطرف الآخر ... والمهم نفضل أكثر منهم ونقلل نسبتهم في التركيبة السكانية وليذهب الوطن الى الجحيم

فوتكم بعافيه

تم تعديل 5 فبراير 2009 بواسطة أحمد سيف

[Virus]

يا سهل بيه

يا أحمد بيه

بلاش عشان خاطري موضوع التصنيفات ده..سلفي وعلماني والذي منه..مش هيوصلنا لأي حاجة

إيه رأيكوا نخرج من النقطة الجدلية دي ..أقصد..ربط عدم استطاعة انجاب الدستة بخشية محدودية الرزق

لأن دي فعلا نقطة شائكة..

ودعونا نحصرها في خشية عدم تنشئتهم تنشئة صحيحة

يعني لو انت غني ده مش مبرر إنك تخلف براحتك طالما الخير كتير

ولو انت فقير ده مش مبرر إنك متخلفش خالص..تخلف بقى واحد اتنين دستة..انت وجهدك في التربية..

وأنا مسمعتش إن في دراسات تحدد الدخل الكافي لإنجاب عدد س من الأطفال ..يعني لو انا باخد ألف جنيه أبقى فقير ولا غني؟؟..مسموحلي أخلف كام بالألف دول؟؟..المسألة كلها نسبية بحتة..وبترجعنا لنقطة.."كل واحد أدرى بشمس داره"

المهم إن مفيش حد يستسهل ويقول إيه..أنا لسه هاوجع دماغي مع 4 عيال...أنا راجل صاحب مزاج (زي زهيري كده) وعايز أسمع أم كلثوم برواقة من غير دوشة وأغوص في بحر النغم..فكفاية علي حتتين بس أمزمز فيهم على رواقة!

وده اللي ينعترض عليه...لأ..استنفر جهدك وطاقتك عشان تخرج ناس كويسة تساعد بيهم البلد دي اللي ليها حقوق عليك..بقول تساعدها مش يبقوا عالة عليها

ينفع كده..مش احنا برضو بنتكلم حوالين الطرح ده ولا أنا بيتهيألي..الموافق يرفع إيده

تم تعديل 5 فبراير 2009 بواسطة Virus

[فــيــروز]

مش فاهم يعني هاخض التجربة ازاي وأنا لسه شاب في أوائل الثلاثينات

يعني هاخلف دستة إمتى وازاي

لكن النية موجودة , وربنا يسهل

وبعدين أنا لما طرحت الموضوع ما كنتش أقصد تجارب شخصية

أنا أتكلم بشكل عام

إن زيادة الأعداد أمر مرغوب فيه شرعا وعقلا

بشكل عام .. :blush2:

آه ..

طيب ..

جزاكم الله خيرا ..

تم تعديل 5 فبراير 2009 بواسطة فــيــروز

[tarek hassan]

أنا فكرت في الموضوع من وجهة نظر أوامر الرسول الكريم لنا ..

على سبيل المثال ..

التفريق بين الأولاد في المضاجع ..

يعني لو أنا فيت قوي وراجل مقتدر وعندي شقة كبيييييييييييييرة وفيها غرفتين نوم أطفال ... وأساساً أساساً صحتي مسعداني ... وروحت متوكل على الله وجايب الدستة ... يبقى هافرق بينهم في المضاجع إزاي ؟

إيه هارص كل 6 حتت في أوضة فوق بعض ؟

ولا هاعمل السراير بالطول ؟

النقطة الأخرى ... ربنا بيقول في سورة الأحقاف

" وَوَصَّيْنَا الإِنسَانَ بِوَالِدَيْهِ إِحْسَاناً حَمَلَتْهُ أُمُّهُ كُرْهاً وَوَضَعَتْهُ كُرْهاً وَحَمْلُهُ وَفِصَالُهُ ثَلاثُونَ شَهْراً "

وقول هاتجوز واحده عندها 25 سنة ... وقعدنا في الأول كده وقصدنا باب كريم وقلنا هانحقق الكوتا ونجيب 12 عيل ..

طب .. كل عيل لازم ياخد حقه .. يعني حمل ورضاعة 30 شهر ... وبما إننا عندنا هدف يبقى مش هانون ومافيش فترة راحة بين العيال

يبقى 12 عيل * 30 شهر ( سنتين ونص يعني ) = 30 سنة ..

يبقى الحاجه شلبية مُطالبه إنها تقعد تخلف وتُنتج لمدة 30 سنة على ودنه ويا ويلها لو قالت أخد نفسي بين العيال ..

وهي أساساً كان عندها 25 .. يبقى يفضل خط الأنتاج شغال إلى أن يكون عندها 55 سنة ...

ماليش دعوة باللي بيقوله الطب وإن الست صحتها وجنينها بيتأثر بعد سنة الـ 35 وكثير جداً جداً نرى حالات حمل وولادة متعثرة بعد سن الثلاثين .. سمعت قبل ذلك إن كل حمل بيكبر الست سنتين ....... واساساً فرصتها في الحمل بتضعف كثيراً بعد الـ 40 ...

وبرضوا أولاً وأخيراً .. أتفق مع الإخوة اللي ذكرونا بالحديث الشريف " كلكم راع وكلكم مسئولٌ عن رعيته "

فخلف يا عم إن شالله تجيب فريقين كورة ... لكن خلي بالك هاتُسأل عن كل شيء خاص بتنشأتهم ..

وشد حيلك عشان لما يبقى عندك 12 عيل وكلهم في دراسة وهاتقعد مع كل واحد نصف ساعة يومياً تذاكر له ... ( يعني يادوب تفتح الكتاب وتقفله ) يبقى محتاج 6 ساعات يومياً بدون ثواني راحه ...

ولما تبقى ساكن في شقة بها حمام واحد زي معظم مستوياتنا في مصر ( ماليش دعوة بالأرستقراط اللي ولاد الذين عندهم حمامين في نفس الشقة )

يبقى إعمل حسابك الصبح وإنت رايح شغلك .. والعيال رايحه المدرسة ... يعني بنتكلم في 14 راس ... وكل واحد مسموح له يستخدم الحمام 10 دقايق فقط وإلا نقطع عنه الميه والكهربا .. يبقى عايزين ساعتين كل صباح حمام بس .. يعني الواحد يحجز قبلها بيومين عشان يدخل يزور معالي الوزير .. ويا ويله يا سواد ليله اللي يفكر ياخد دش الصبح .. دُش ؟ خسئت وثكلتك مامتك ... بتاع الدُش اللي غاوي نضافة ده كده ممكن ينطرد بره نطاق العائلة ..... أو يملا حله ويجيب كوز وياخد شاور في البلكونة ...

وقِس على ذلك بقى الحاجه شلبية اللي هاتعمل أكل لـ 14 حته 3 مرات في اليوم ...

وتكوي هدوم لـ 14 راس ...

انا مش صعبان عليه غير اللي هايقف في الفرن يشتري عيش اليوم بيومه لـ 14 نفر ... نقول في 4 أرغفة يومياً .. يعني 48 رغيف عيش بلدي غير الفينو .. أهو ده هاياكل ضرب !!!

إلا بقى لو كنا بنتكلم عن عيله عندها 3 شغالات بالإضافة لوجود الأم ..

ان في واحده سعودية بتدرس مع زوجتي في دار تحفيظ القرآن هنا وبتسألها عن شغالتين بس يكونوا مؤتمنتين .. فجايه زوجتي بتسألني .. فقلت لها : لا والله أنا بطلت شغلانت المخدماتي من زمان :blush2: ... بس إيه يعني الدنيا ضاقت في وشها ومش لاقيه خدامات ؟ فقالت لي : اصل الست دي عندها ييجي 9 عيال .. وكل ما تجيب شغالة تطفش أو تعمل في نفسها حاجه من خدمة هذا العدد غير الأب والأم

أنا كنت بقول يا أخي الحبيب : سي السيد

ربنا يعطيلك الصحة والعافية أنت صعبت علينا عملية إنجاب الدستة خالص مع إن الموضوع سهل جدا ( مع الاعتذار لاخويا سهل جدا)

- بالنسبة للزواج سهل تجيب الدستة من زوجتين أو من زوجة واحده تكون في حدود تناشر سنة ( على أحد الأقول ) تبقى العملية حسابيا اتظبطت

أما مشكلة المضاجع عندنا نجار كويس قوي بيعمل سراير أدوار وكل واجد هينام لوحده

ومشكلة تكدس العيال في المنزل والمذاكرة لهم احنا مش هنخلف العيال دفعة واحدة ووارد جدا

- بنات يجوزوا بدري ويوسعن للباقي

- أو عيال تتخرج وتتعين وتساعدك

- أو واحد يتجوز ويسيب البيت

- والكبار يعلموا الصغيرين مع إنه وارد جدا إن المدام ( أو المدامين إن أمكن ) يساعدوك في المذاكرة للعيال

- وممكن تشغل الصالة وتقفل البلكونة

- ووارد إن ربنا يوسع رزقك وتبني لك عمارة أو برج ما شاء الله رزق العيال

وفي الحال دي الفكر هيتغير وهينخفض سن الزواج وحاجات كتيرة

تحياتي

تم تعديل 5 فبراير 2009 بواسطة tarek hassan

[MZohairy]

اللهم لك الحمد

حسستوني اننا عايشين في دولة السويد

الفلوس كتير

و العلم غزير

و الصحه وفيره

و كله تمام

ماعدا

عدد البشر

فهو قليل للأسف و يجب زيادته ليحصل على كل هذه المزايا الجباره

هنيئا لكم يا شعب السويد

انار الله لكم كل العتمات

[أحمد سيف]

يا سهل بيه

يا أحمد بيه

بلاش عشان خاطري موضوع التصنيفات ده..سلفي وعلماني والذي منه..مش هيوصلنا لأي حاجة

إيه رأيكوا نخرج من النقطة الجدلية دي ..أقصد..ربط عدم استطاعة انجاب الدستة بخشية محدودية الرزق

لأن دي فعلا نقطة شائكة..

ودعونا نحصرها في خشية عدم تنشئتهم تنشئة صحيحة

يعني لو انت غني ده مش مبرر إنك تخلف براحتك طالما الخير كتير

ولو انت فقير ده مش مبرر إنك متخلفش خالص..تخلف بقى واحد اتنين دستة..انت وجهدك في التربية..

وأنا مسمعتش إن في دراسات تحدد الدخل الكافي لإنجاب عدد س من الأطفال ..يعني لو انا باخد ألف جنيه أبقى فقير ولا غني؟؟..مسموحلي أخلف كام بالألف دول؟؟..المسألة كلها نسبية بحتة..وبترجعنا لنقطة.."كل واحد أدرى بشمس داره"

المهم إن مفيش حد يستسهل ويقول إيه..أنا لسه هاوجع دماغي مع 4 عيال...أنا راجل صاحب مزاج (زي زهيري كده) وعايز أسمع أم كلثوم برواقة من غير دوشة وأغوص في بحر النغم..فكفاية علي حتتين بس أمزمز فيهم على رواقة!

وده اللي ينعترض عليه...لأ..استنفر جهدك وطاقتك عشان تخرج ناس كويسة تساعد بيهم البلد دي اللي ليها حقوق عليك..بقول تساعدها مش يبقوا عالة عليها

ينفع كده..مش احنا برضو بنتكلم حوالين الطرح ده ولا أنا بيتهيألي..الموافق يرفع إيده

تم تحرير المشاركة بواسطة Virus: اليوم, 10:50 AM

طيب أنا هاقترح عليك حل ثاني

اللي عاوز يخلف كثير براحته

واللي عاوز يخلف شويه براحته

واللي مش عاوز يخلف خالص برضه براحته

اللي عاوز يدعو بالذوق والأدب لزيادة النسل براحته

واللي عاوز يدعو بالذوق والأدب لتنظيم النسل براحته

واللي مش عاوز يدعو خالص برضه براحته

واللي عاوز يشيل مسؤوليات كبيرة براحته

واللي عاوز يستسهل ويريح دماغه ويقعد يسمع أم كلثوم برضه براحته

بدون تصنيفات ولا اتهامات ولا استفزازات ولا محاولة لإجبار الناس على انتهاج طريق معين

وكل واحد أدرى بشمس داره

أعتقد ده حل يرضي جميع الأطراف باستثناء تلك اللي عاوزه تفرض منهجها على غيرها

بالمناسبة فيه دراسات اجتماعية قرأتها تربط بين عدد الأطفال وقدرة الأسرة على الخروج من دائرة الفقر، والعلاقة عكسية تماما

أنا ها أدور على الدراسه دي وها أجيبهالك بس يا ريت ساعتها ما نسمعش ردود من ماركة أبو عمر زي إن اللي عامل الدراسة "علماني قذر"

وده إن شاء الله هايكون في موضوع ثاني ... لإني كما أوضحت كان دخولي في هذا الموضوع خطأ منذ البداية ... وكان ينبغي أن أستنتج مستواه ومنهجيته وهدفه من العنوان.

تحياتي لك

[MZohairy]

مش عارف ليه افتكرت اعلانات اوائل الثمانينات

حسنين و محمدين

و

شغلي عقلك يام حسين ياللي عيالك ماليه الحته

و القرش اللي يكفي اتنين ازاي يتقسم على سته

[Virus]

ياجماعة ليه مصرين تحسسوني إنه مفيش فايدة..

مفيش فايدة نتناقش بس في القضية المطروحة ونقول رأينا من غير مهاترات المذاهب والانتماءات

أمال إيه فايدة المحاورات..

إن كل تيار يعمل مواضيعه لنفسه يكلم فيها بعضيه ويتجنب الناس التانية الوحشة وشكرا !!

إن احنا نتريق على اللي مش عاجبنا كلامهم..

أو نوزع عليهم التهم جزافا..

أو نزايد عليهم في دينهم أو وطنيتهم..

أمال ازاي عمالين نقول حوار الآخر لما احنا مش عارفين نحاور بعض بالحسنى..

أنا مش بلوم حد معين ولا أستثني نفسي لكن والله بحزن بجد من التعصب اللي بشوفه ده.

[لولا]

أضم صوتى للفاضل فايرس فى دعواه الى نقاش منطقى بعيد عن اى تصنيف ..

وعليه وبما انى كتبت مداخله واثنان وثلاثه واستنفذت وقتى حتى الفجر لكتابه الخلاصه فى المداخله الأخيره

فهل اطمع فى نقاش موضوعى حول ما طرحته فيها ؟؟!!

اعتقد المواضيع تفتح للنقاش المنطقى وليس الردود المستقطعه لجزء بسيط جدا من المدخلات ليكون الرد موافق للهوى ولنصرة الرأى وتجاهل بقيه الكلام.

دعونا نتناقش بهدوء وعقل ومنطق وواقع ............... هذا اذا كانت الرغبة صادقه فى النقاش وليس مجرد الإنتصار الفكرى الشخصى .

ممكن ؟؟

السلام عليكم

الاخت الكريمه لولا

و هو الراجل اللى بيجوز

.بيه و من غيره ..رقم خمسه هاتتجوز و سبوع بنته رقم اربعه هايتعمل و خطوبه ابنه الثانى هاتتم و كتاب السادس هايتكتب

بإذن الله ...كل ما سبق رزق قدره الرازق ..

صعب جدا يا لولا الحكم على الواقع من تلك النماذج الهزليه التى تجيئ فى سياق حمله تحديد النسل التى تكلمنا عنها

و سبحان الله كلما زادت ضراوه الحمله زاد النسل ..........و الله خير الماكرين

صدقى يا ابو عمر ليس الخلاف هنا على الرزق ذاته .. الله سبحانه وتعالى خلق عباده و يرزقهم ولا نقاش فى ذلك ابدا ما يكفل لهم العيش .. لقمة العيش

وليس مصاريف العلاج والأدويه الحفلات والسبوع والشقق والتجهيزات لأثنا عشر طفلا والأب موظف محدود الراتب !!.

ولكنك تتحدث بمنطق لا افهه من زوايه ترك التفكير والتخطيط والتواكل على الله إن كان الأب فى الفيلم قد زوج اثنتان واقام سبوع ثالثه وعقد قران خامس

فاقول لك ان ذلك قد حدث ليس لأن الله يرزقه .. ولكن لأنه كان فيلم !! ساخر كما قلت !! بعيد عن واقعنا الحالى .. حاليا لا الدنيا رخيصه ولا الشقق ايجار قديم..ولا المواصلات مثل الماضى .. ولا الأسعار مثل الماضى .. ولا احتياجات الأطفال مثل الماضى .. ولا التعليم الحكومى المجانى الممتاز مثل الماضى .. ولا شيئ مثل الماضى .

موظف راتبه بسيط جدا وينجب كل هؤلاء هل ستتوفر له فرصه ان يقوم بتجهيزهم من أساسه من مجرد راتب وبدلات ؟؟

نعم انا لا انظر للفيلم يا ابو عمر ... تعرف لماذا .؟؟؟ لأنه هزلى ..كوميدى ..ضاحك !!

والحياة ليست كذلك يا ابو عمر .. الحياة ليست كذلك .. واظنك تعرف الحياة. تعرف مرارتها وقسوتها وما صارت عليه .

تعرف كم شابا فى مصر تخطى الثلاثين والخامسه والثلاثين ولم يتزوج .. كم شاب لا تظهر له بارقه امل بإمتلاك شقه او القدره على دفع ايجار جديد

او تجهيز اقل القليل أمام رواتب بسيطه وغلاء فاحش وعدم وجود اب يسند الإبن ويساعده ماديا .

هؤلاء يسعون فى الأرض ,, يعملون بأقصى طاقه .. ويرزقهم الله كفاف يومهم .. ولا نقول له اذهب وتزوج بدون شقه وبدون عفش وسوف يرزقك الله لأنك أطعته

وحصنت نفسك وتزوجت ، لا نقول له انجب وانجب فبذلك امرنا الله وسوف يرزقك الله لتدخلهم المدارس والجامعات وتشترى لهم كسوة الصيف والشتاء ومسلتزمات المدارس ومصاريف المرض والعلاج ومبلغ للطواريء ..حادث عمليه جراحيه .. مصيبه !!.

لا اعرف لماذا اشعر من الحديث الدائر هنا وكأننى من كوكب آخر وأتحدث عن أشياء غير موجوده فى مصر وكل شيئ تمام و100% واننى وغيرى نختلق العقبات

ونتخيل المشاكل التى تنشأ من الإندفاع الأهوج فى انجاب عدد لا محدود مع عدم وجود امكانيه جيده لتوفير احتياجاتهم وننكر رزق الله لقلة الإيمان !!.

لا أعرف لماذا لسنا كلنا فى مصر الآن ونتداول الحديث ونعيش الحياة بظروفها وننجب الإثنا عشر هناك والرزق على الله !!

أظننى ارتدى النظارة السوداء ..

فضلا ليعطنى احدهم نظارته الورديه لأرى الواقع من خلالها قليلا وانسى كل الحقائق من حولى !!.

لو طالما هذا هو منطق الأشياء .. فلماذا لم يرزق الله كل هؤلاء الشباب ليتزوجوا ؟؟؟ ولماذا لم يرزق كل هؤلاء المشردين فى الشوارع ؟؟

ولماذا ولماذا ... والف لماذا .... اى رزق تقصدون بالضبط ؟؟ الأكل والشرب للبقاء على قيد الحياة ؟؟ لأن هذا هو الرزق العام الذى اعرفه

ويرزقه الله لعباده ولا نختلف عليه .. ما سواه يحتاج لعمل وتفكير وتخطيط وتقييم للحياة والظروف المحيطه والإمكانيات التى يشترط توفرها قبل انجاب

الدسته والكرتون فى ظروف هذا الزمان .

فقط لكن واضحين جدا ..

كل من تحدث هنا هو مغترب .. اجزم ان مستواه حتما لنقل ميسور .. لا ضرر ربما فى ان ينجب عدد اكبر مما قد ينجبه لوكان يعيش فى مصر بإمكانيات مصر

.. بحبوحه العيش هنا اذا تواقفت مع مقدرته العاطيفه والفكريه للتربيه فهنيئا له وللوطن بما سوف ينجب .

تلك خيارات شخصيه .. لا احد سوف يمنعه .. ما قد ارى انا انه اساسيات اسعى لتوفيرها لأولادى قد يراه الغير ليس ذا اهميه بالتالى سيرتفع سقف عدد الأبناء

الذى سيرغب فى انجابه نظرا لما سوف يوفره لهم . كل حسب مايرى ومقدرته وحريته الشخصيه التى يتحمل نتائجها كراع مسؤول عن رعيته

عدم توفر ظروف مناسبه لإنجاب عدد كبير تقتضى ان نكون من الصراحه مع انفسنا ان نعترف اننا ننجب اولاد نحملهم هموم ومتاعب ونحرمهم من حقوق

كثيره لهم فى الحياه .. احساس الأمومه والأبوه لمن امكانياته ضعيفه تكفيه طفلان لإشباع الغريزة الأساسيه للأمومه والأبوه ..لا داعى للدسته لمجرد ان يخسأ الحاقدون!!

وعليه .. قد ترى الفيلم ساخر يا ابو عمر .. لك الحق ..كان الفيلم قبل ثلاثين عاما ربما يتحدث عن مأساة عائله مصريه يعانى رب اسرتها بشيئ

من السخريه .. ولكن السخريه هى وجه آخر للمراره..

حاليا بعد الثلاثين عاما .. ارى الواقع أشد مراره ..

أراه علقم يا ابو عمر .. علقم مر حتى النخاع !!.

انا من جمهوريه مصر العربيه .. عنها اتحدث .. عن واقعها اتحدث .. عن اى شيء انتم تتحدوثون ؟؟

عن واقع اهل مصر فى مصر .. ام واقع اهل مصر خارج مصر ( مغتربين ) .

عن المستوى المتوسط فما فوق .. ام عن الفقراء .. ام ان المسأله للتعميم للكل ؟؟!!!

على فكرة ..

عندى سؤال .. نفس هذا الموضوع لو كان يتم تدواله حاليا فى منتدى مصرى قاعدته الأساسيه ليست من المغتربين الميسورين الحال

ولكن من اهل مصر ممن يعيشون فيها 100%، هل كان النقاش

سينحى ذات المنحى كما هو هنا وكانت سترفع رايات الدسته والكرتون ؟؟

انتوا بتتفرجوا على تسعين دقيقه والعاشره مساء ؟؟

الناس اللى بتطلع كل يوم فى البرامج دى وحالتها ضنك من الشعب المصرى ولا دول من دول تانيه ؟؟

الفقر اللى فى البلد دا اشاعه ولا تهيؤات ؟؟

هو احنا هنا بنشجع مين بالضبط يخلف دسته ؟؟ معلش بعيد السؤال .. ممكن توضيح اكتر .. اصل دماغى قفلت على الفجر كده .

وبعدين انا كنت قريت موضوع مواقع الزواج !!

وتشجيع التعدد !!

كان من ضمن الأسباب ان الزوجه بتتغير بعد الجواز وبتبقى تخينه ومش بتعجب .. دا من اربعه .. امال بعد كماله العدد دسته ؟؟!!

.. واهلا بالتعدد .. ربنا بيرزق .. فى السماء رزقكم وما توعدون !!

أهلا بفتح الأبواب .. دسته .. تعدد .. نسهل البنات من عشر سنين ونجوزها ... وكله من الإسلام !!

اخ ... كنت حمشي من غير ما اقول ... وليخسأ الحـــــــــــــــــــــــــــــــــــــــــــــــــــــــاقدون :lol:

تحياتى

لولا

[MZohairy]

أضم صوتى للفاضل فايرس فى دعواه الى نقاش منطقى بعيد عن اى تصنيف ..

وعليه وبما انى كتبت مداخله واثنان وثلاثه واستنفذت وقتى حتى الفجر لكتابه الخلاصه فى المداخله الأخيره

فهل اطمع فى نقاش موضوعى حول ما طرحته فيها ؟؟!!

اعتقد المواضيع تفتح للنقاش المنطقى وليس الردود المستقطعه لجزء بسيط جدا من المدخلات ليكون الرد موافق للهوى ولنصرة الرأى وتجاهل بقيه الكلام.

دعونا نتناقش بهدوء وعقل ومنطق وواقع ............... هذا اذا كانت الرغبة صادقه فى النقاش وليس مجرد الإنتصار الفكرى الشخصى .

ممكن ؟؟

متهيألي كل اللي ممكن يتقال اتقال يا لولا هانم

الموضوع باختصار يقسم الكاتبين الى قسمين

قسم فيهم يرى ان كثرة الانجاب لن تخل بمستوى الاطفال التربوي و التعليمي و الصحي كما لن تخل بمستوى الاسرة المادي لأن الله هو الرازق و هو الذي يريدنا ان ننجب اكثر و بالتالي فهو كفيل سبحانه بأي مولود (ايا كان عدد المواليد) و سيرزق ابواه بالرزق الكافي ماديا ليقوما بتربيته كما سيرزقهم الصحه و الوقت و الصبر لرعايتهم من النواحي الأخرى

و القسم الآخر يرى عكس ذلك

و مهما استكملنا النقاش سيظل الفريقين فريقان

تحياتي

[لولا]

أضم صوتى للفاضل فايرس فى دعواه الى نقاش منطقى بعيد عن اى تصنيف ..

وعليه وبما انى كتبت مداخله واثنان وثلاثه واستنفذت وقتى حتى الفجر لكتابه الخلاصه فى المداخله الأخيره

فهل اطمع فى نقاش موضوعى حول ما طرحته فيها ؟؟!!

اعتقد المواضيع تفتح للنقاش المنطقى وليس الردود المستقطعه لجزء بسيط جدا من المدخلات ليكون الرد موافق للهوى ولنصرة الرأى وتجاهل بقيه الكلام.

دعونا نتناقش بهدوء وعقل ومنطق وواقع ............... هذا اذا كانت الرغبة صادقه فى النقاش وليس مجرد الإنتصار الفكرى الشخصى .

ممكن ؟؟

متهيألي كل اللي ممكن يتقال اتقال يا لولا هانم

الموضوع باختصار يقسم الكاتبين الى قسمين

قسم فيهم يرى ان كثرة الانجاب لن تخل بمستوى الاطفال التربوي و التعليمي و الصحي كما لن تخل بمستوى الاسرة المادي لأن الله هو الرازق و هو الذي يريدنا ان ننجب اكثر و بالتالي فهو كفيل سبحانه بأي مولود (ايا كان عدد المواليد) و سيرزق ابواه بالرزق الكافي ماديا ليقوما بتربيته كما سيرزقهم الصحه و الوقت و الصبر لرعايتهم من النواحي الأخرى

و القسم الآخر يرى عكس ذلك

و مهما استكملنا النقاش سيظل الفريقين فريقان

تحياتي

ولكنى ارى يا زهيرى ان الفريق الذى ينادى بالتفكير والتخطيط للإنجاب بما يتوافق مع ما يعرفه من مقدرته الماديه والعاطفيه واحساسه بالمسؤوليه

المتعددة النواحى قد وضح فكره فى نقاط واستند على منطق متعدد وؤيه شامله .

وان الفريق الآخر لم افهم من كلامه سوى عبارة واحده فقط تتردد فى كل المداخلات بمعزل عن اى نقاش آخر او فكر منطقى منظم وواقعى والعبارة هى"ربنا هو اللى بيرزق " وعليه وضحت اننا كفريقين نشترك فى الإيمان ان الرزق من عند الله .. هو حتما وبلا نقاش من عند الله .. رزق اليوم من اكل وشرب ورزق يتوافق مع الواقع والحياة .

ولكن ماذا عن مصاريف ولادة الإثنا عشر ، التعليم ، العلاج ، الدروس الخصوصيه ، الملابس ، احتياجات الطفل اليوميه والمدرسيه والطارئه ، مصاريف المواصلات لكل هؤلاء، مصاريف الفسح والترفيه ، مصاريف التعليم الجامعى ، مصاريف الشبكه ، الخطوبه ، الجهاز ، الشقق التى ستتوفر لهؤلاء للزواج ، ..الخ الخ .

أسأل أسئلة واقعيه جدا .. ما مفهوم الرزق الذى يفترض ان الله سيرزق به صاحب الدسته والكرتون ؟؟

ان يرزقه بكل ما سبق لأنه الدسته وبوجودهم على ظهر الحياة فالله سوف يرزقهم كل ماسبق .. مغارة على بابا يعنى ؟؟

لذلك سألت يا زهيرى ولماذا تأخر جدا جدا سن الزواج فى مصر ، لماذا البعض لا تظهر له بارقه امل بالزواج من اساسه ؟؟

اليس الله قد خلقهم ويفترض ان يرزقهم ؟؟ هم يعملون بأقصى طاقه ممكنه ورغم ذلك لا يستطيعون التغلب على مصاعب الحياة وغلائها ..

لماذا كل قصص الفشل من حولنا ؟؟

لماذا نسمع ن عائلات فقيره اذا حدث وارسلت اولادها لمدارس حكوميه بضع سنوات فإنهم يخرجونهم منها بعد حين بسبب العجز عن مواجهه المصاريف ؟

لماذا عندنا اكبر نسبه تسرب اطفال من المدارس واكبر نسبه تشغيل للأطفال ؟؟ لماذا يعمل هؤلاء الأطفال فى الإشارات والورش وفى كل مكان

وهم من عائلات انجبتهم بالعشرة والإثنا عشر ... لماذا لم يرزقهم الله حسب نفس الفكر الذى يقوله الفريق الآخر ليعيشوا فى مستوى آدمى مقبول .

لماذا هناك بنات فاتهم قطار الزواج لأن اهاليهم عجزوا عن المشاركه فى اى جهاز ، او لأن مشاركه البنت براتبها فى المنزل امر لا يمكن الإستغناء عنه..

لماذا الشباب يعانى لأقصى درجه فى مصر الأن ؟؟

لماذا اصبحت الأحلام مقتوله فى نفوس الملايين ؟؟

لماذا كل هؤلاء العاطين عن العمل رغم البحث والشهادات ؟

لماذا لا نتحدث بالعقل ..

هذا ما اقوله ..

هل فيه تهمه ؟؟ هل هو قلة ايمان ؟؟ حبذا لو وجدت اجابات عن اسئلتى السابقه وما ورد فى مداخلاتى لأن تفكيرى المحدود مازال يدور فى دائرة

علامات الإستفهام التى تنتظر اجابات .

تحياتى لك .... مظيهرى :lol:

لولا

[السويفي]

السلام عليكم:

اعتقد ان الحوار اخذ في اخره منحني يختلف عن ما فهمته في بدايته.......

ما فهمته في البدايه ان الحكومه المصريه بعدما ابادت جميع موارد البلاد وتصدت لكل محاوله لتطور هذا البلد من :

استبدال المحاصيل الرئيسيه بمخاصيل فرعيه

الزهد في الحصول على الطاقه النوويه لسبب غير معروف

تلويث متعمد للهواء والماء مما ادي انهاك صحه المواطن

اهمال التعليم ..............الخ الخ

وبعدما فعلت هذا كله تدعو الي تحديد النسل............فهل نصدقها ونتبعها فيما تطلبه منا

ام نجعل كل شخص يقيم ظروفه ويحدد قدرته في انشاء اسره بأي عدد يقدره على اساسين

علمه بأن الرزاق وحده هو الله

نظرته لواقعه وظروفه المحيطه بدون ان يكون ذلك طاعه واتباع لما تقوله الحكومه

وعني انا اتمني انجاب نصف دسته اذا اعانني الله على ذلك وسمحت ظروفي

[MZohairy]

المشكله يا لولا هانم ان الرد لما يكون بصيغة ربنا عايز كده أو ربنا قال كده يبقى من المفترض ان يصمت الطرف المستمع و ينتهي الحوار

بصرف النظر عن تفسير ما قاله الله سبحانه و معناه و مناسبته و ظروفه و اسباب نزوله وووووووو

ما تم فهمه من الطرف الأول هو الصواب الأوحد لأنه شرع الله

و ما يشرحه و يبرره الطرف الثاني (مهما شرح و برر) هو كلام مخالف لشرع الله و عميل و امريكاني و صهيوني وووووو

انما بقى الكلام اللي جه في القرآن بتاع يتفكرون و يتدبرون وكده فمش لازم نناقشه باستفاضه

بس

شفتي سهل ازاي؟

[لولا]

المشكله يا لولا هانم ان الرد لما يكون بصيغة ربنا عايز كده أو ربنا قال كده يبقى من المفترض ان يصمت الطرف المستمع و ينتهي الحوار

بصرف النظر عن تفسير ما قاله الله سبحانه و معناه و مناسبته و ظروفه و اسباب نزوله وووووووو

ما تم فهمه من الطرف الأول هو الصواب الأوحد لأنه شرع الله

و ما يشرحه و يبرره الطرف الثاني (مهما شرح و برر) هو كلام مخالف لشرع الله و عميل و امريكاني و صهيوني وووووو

انما بقى الكلام اللي جه في القرآن بتاع يتفكرون و يتدبرون وكده فمش لازم نناقشه باستفاضه

بس

شفتي سهل ازاي؟

اعتقد ان مسألة الحديث عن ان التنظيم سيكفل حياة اكثر رقيا للطفل وتغطية احتياجاته لا يجب الفقز به لإتهامات سخيفه مثل هذا خوف من الفقر وهذا انكار للربوبيه وهذا قله ايمان ... لا داعى للتلاعب بالألفاظ .. لنترفع عن العبارات .. لنناقش عمق الفكرة بمنطق .

ان تسعى لتوفير حياة جيده جدا لأطفالك الثلاثه او الآربعه واكتفائك بهم ليس معناه انك اقل ايمان ممن ينجب الدسته والكرتون دون ان يهتم بتوفير معطيات الحياة الجيده

التى يعرفها بحدود امكانياته لأن الله يرزق من يتوكل على الله وليس من ينجب ويتواكل عليه .

لا اعرف لماذا فى هذا الموضوع فجأة ظهرت حكايات من بدأ من الصفر واصبح مليونيرا ومن انجب عشرة واصبحوا اطباء ومهندسين وعلماء ذره ..

طبعا السرد لتلك الحالات الإستثنائيه تم الإستشهاد به على سبيل تعميم الحاله .

طبعا الظروف هى ذات الظروف قبل ثلاثين عاما .. لا شيئ قد تغير .. البلد تغرق فى الخيرات ونحن هنا نكشف ذلك لمن لا يعرف .

فلتخسأ الحكومه !!

لا يظهر ان النقاش سيكون مثمر باى حال .. اكتفى بهذا القدر من النقاش هنا.

تحياتى .

وليخسأ الحاقدون !!

لولا

[عصام]

لا , معليش استغفر ربك من الجملة الأخيرة ديه

وهو أنا اللي وعدت بالرزق ولا رب العالمين

.........

مش ربنا سبحانه وتعالى بيقول:

{وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا}

ويقول تعالى: {وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ}

..................

يعني مش أنا اللي بفتي يا أحمد بيه :lol:

أكاد أقسم أن سوء فهم وتفسير الآيات السابقة هو السبب الأساسى ويكاد يكون الوحيد لحالة التـــواكل الشـــديدة التى يعانى منها المسلمين وهو التواكل الذى يمنعهم من وضع طفايات حريق فى مكان ما لأن ربنا هايستر ويمنعهم من ربط الحزام لأن لنا عمر ويمنعهم من السعى والأخذ بالأسباب .. لأن ربنا هايرزق !!!

ولا حول ولا قوة إلا بالله

[abaomar]

لا , معليش استغفر ربك من الجملة الأخيرة ديه

وهو أنا اللي وعدت بالرزق ولا رب العالمين

.........

مش ربنا سبحانه وتعالى بيقول:

{وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا}

ويقول تعالى: {وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ}

..................

يعني مش أنا اللي بفتي يا أحمد بيه :lol:

أكاد أقسم أن سوء فهم وتفسير الآيات السابقة هو السبب الأساسى ويكاد يكون الوحيد لحالة التـــواكل الشـــديدة التى يعانى منها المسلمين وهو التواكل الذى يمنعهم من وضع طفايات حريق فى مكان ما لأن ربنا هايستر ويمنعهم من ربط الحزام لأن لنا عمر ويمنعهم من السعى والأخذ بالأسباب .. لأن ربنا هايرزق !!!

ولا حول ولا قوة إلا بالله

السلام عليكم

اخى عصام كيف حالك

.

من قال بالتواكل ..ليس هذا من خلق المسلمين و ليس ما يدعو اليه القرأن

( هُوَ الَّذِي جَعَلَ لَكُمْ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ )15 الملك..

.

( وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً )25 مريم

.

هذه عقيدتنا و لم يدعى احد ان نتواكل و نترك الاخذ بالاسباب.

.

الحمد لله على نعمه التوحيد و كفى بها نعمه