اريد ايضاحا من الاخوة

[adelemam]

السلام عليكم ورحمه الله

اود فى البداية تقديم الشكر للقائمين على هزا المنتدى والمشاركين جزاهم الله خيرا

انا استفدت كثيرا من المواضيع واود النصيحة اعتزر مسبقا للاطالة

انا جالى عرض من شركة فى ابوظبى عن طريق الاهرام وبعد المقابلة بعثوا الى عرض ب3000 درهم والسكن عليهم والمواصلات وتامين صحى وبوليصة تامين حياة

المهم مضيت العقد ووثقت الشهادات من السفارة وبعثتها ليهم

وللان من 30نوفمبر للان يرسلوا لى اميلات للانتظار لاستخراج الفيزا بس انا قلقان هيا بالمناسبه شركة الامارات للصرافة المهم الفيزا بتتاخر كل دة

من يومين اتصل على شركة او موءسسة اسمها المتجر الوطنى فى الخبر وعرض عليا 2000 ريال

انا محاسب دفعة 2007 فخبرتى نوعا ما قليلة بس انا بحضر شهادة الزمالة المحاسبين cma و cia والمراجعين سلف ستدى ومعايا برت من دى ومن دى ولسة بكملهم وربنا يسهل

ارجو افدتى انا تجارة انجلش وانا اعلم ان المرتب قليل بس الاجر فى مصر 350 ج عشان الواسطة هااا كله على الله

ارجووووكم النصيحة لوجه الله اخوكم مزنووووق

شكراااااااااااااااااااااااااااااااا

[herohero]

بالنسبه لك مفيش خبره والخبره مهمة حتى لو افترضنا هتاخد مرتب ف السعوديه ولا ف الامارات كويس المهم هتتعلم ايه انت باديئ ف حاجات كويسه معاك ان مصر كلها بالواسطه بس برده الخليج عندك اخواتك الهنود مسيطرين ع كل حاجه فانت هتيجي صغير ومش من السهل انك تكبر وتكتسب خبره وعموما من وجهة نظري انا ابعد عن السعوديه عشان قواننين عملها معقده عن الامارات صحيح ممكن السعوديه تكون اسهل ف البدايه لانخفاض مستوى المعيشه بس معدل نموك فيها بطيء جدا وده معروف لان قوانين العمل هنا ف السعوديه مكلكلعه انما الامارات الى حد كبير فيها جو من المنافسه وتطوير طبعا انا معرفش حاليا بعد الازمه الاقتصاديه لكن مازلت مقتنع ان السوق الاماراتي تقدر تتطور فيه اكتر من السوق السعودي وياسيدي انت لسه صغير خلص اللي بدات فيه معلش هتغرم شويه بس هيريحك بعد كده

[adelemam]

الف الف شكر اخى هيرو على التعقيب

لكنى فعلا متردد بالنسبة للامارات للتاخير الغريب فى الفيزا

جزاك الله كل خير :rolleyes:

[jamalpody]

انت طبعا ممتاز جدا انك فكرت تاخد شهاده مهنيه لانها حاليا وفي دول الخليج بالذات مطلوبه جدا

نصيحتي لك حاول تخلص حاجه من الاثنين CMA او CIA لان كل واحده فيهم لها مجال مختلف

سيبك من المتجر الوطني لانك حتيجي تشتغل كاشير وانتظر موضوع الامارات وبالتوفيق يا عسل

[adelemam]

الف الف شكر اخى هيرو على التعقيب

لكنى فعلا متردد بالنسبة للامارات للتاخير الغريب فى الفيزا

جزاك الله كل خير :rolleyes:

[adelemam]

مع الاسف ارجو المناقشة بجد ضرورى

[dongol]

أخي العزيز عادل امام

علي الرغم من اني ما بحبش عادل امام الممثل الا اني هرد عليك

راتب 3000 درهم بالامارات يعتبر راتب ضعيف جدا و تقريبا يقترب من راتب العمال و الفورمانس و خلينا نتكلم منطقيا

الاكل في الشهر الواحد هيتكلف بين 800 و الف درهم لشخص واحد يعني هيتبقي لحضرتك حوالي 2000 درهم في الشهر

ثانيا يجب التأكد من الشركه انها هتديك تذكره سنويه للنزول الي مصر في الاجازه لان معظم الشركات لا تعطي تذكره الا في نهايه مده العقد يعني بعد 3 سنين و طبعا في هذه الحاله نزولك الي مصر اجازه هتدفعه من معاك و التذاكر هنا غليت الفتره اللي فاتت يعني حوالي 2300 درهم ده لو علي مصر للطيران

ثالثا يجب التأكد من ان هناك زياده سنويه في الراتب لانك بمجرد امضاء العقد لن يحق لك مطالبه الكفيل باي زياده الا لو جت منه هو يعني مفيش اجبار عليه انه يزودك (البند ده مهم جدا لان الاسعار بقالها سنتين في زياده رهيبه)

اما بالنسبه للسعوديه فاعتقد ان 2000 ريال لا يستحقوا الغربه من اساسه و 350 جنيه في مصر صدقني احسن مليون مره من 2000 ريال لان معاناه الغربه النفسيه لازم يكون ليها ثمن و ثمن مجزي كمان

و انا حاضر في اي سؤال عن الامارات

[زعلان]

العرضين ضعاف لكن عرض الامارات لو كان شامل السكن يعني استديو خاص بيك يبقى عرض مقبول جدا زائد طبعا تأمين صحي زائد المواصلات زائد تذكرة سنوية زائ زيادة سنوية حسب القانون لا تقل عن 5% وربنا يوفقك

[adelemam]

الف الف شكر للردود والاهتمام

لكن شركة الامارات عرضت بالفعل تزاكر طيران سنويا

انا ليا استفسار mr. dongol. وهو انى بعثت الاوراق موثقة للامارات من 30 نوفمبر فهل التاشيرة بتتاخر كل ده؟؟؟؟

هما بيقولولى لسة ده اللى خلانى اقلق منهم ارجو منك التوضيح؟؟؟؟؟؟؟؟؟؟؟

انا بتقل على حضرتك بس اعمل ايه اصل انتوا اللى ليا اقدر استفسر واسئل منكم

ما هو المبلغ لاى فرد يصطحبه معاه لكى يغطى احتياجتة فى اول شهر؟؟؟لان الشركة فى ابوظبى (ش حمدان) اعتقد منطقة غالية حبتين

لكم جزيل الشكر والاحترام

[dongol]

اخي العزيز

شهر ديسمبر هنا في الامارات كان تقريبا ثلاث ارباعه اجازات و يمكن هو ده سبب التأخير بس اعتقد ان هما لو ماشيين في الاجراءات كانت طلعت من زمان

ثانيا بما ان السكن و المواصلات عليهم فمش هتحتاج فلوس كتير في اول شهر و لكن معظم الشركات هنا ما بتديش المرتب لاي حد جديد الا بعد ما يكون مر علي شغله شهرين

لذلك انصحك تجيب مبلغ يكفيك 3 شهور و هو هيكون تقريبا بين 3 او 5 الاف درهم علي حسب امكانياتك

علي فكره انا كمان شغلي في شارع حمدان

سلام

[محمد عيسى]

انصحك بالامارات بس تعمل حسابك على انك تعيش عالقد ..

و فيه نقطه تانية ايجابية و هي انك بعد سنتين بتكون مطلوب كصراف في بنك .. و البنوك هنا كتير و شغلها ماشي حلو و مجرد ما تدخل بنك هايبقى كويس ليك

انت لسه صغير و ممكن تستحمل شوية في الاول لحد ما ربنا يوفقك و تكبر ان شاء الله

[adelemam]

بشكر كل الناس اللي ردت عليا وبجد انتم ناس محترمين جزاكم الله كل خير ,,وجعله في ميزان حسناتكم لان الدال علي فعل الخير كفاعله ..

واخص بالشكر الاخوة MR. محمد عيسى /dongol/ زعلان/ jamalpody

herohero

والله الواحد مش عارف يعبر لكم ازاى عن شكره وامتنانه لكم :roseop: