الاخوة فى الامارات ارجوكم افيدونى هل اذهب قرار مصيري

[الكريم]

اخوانى فى الامارات انا احتاج مساعدتكم اريد ان اعرف تكاليف العيش هنالك واذا كنت ساخذ من الدولة تعليم للاطفال 9 الف سنويا كم يكلفنى العيش و كم يجب يكون مرتبي ارجوكم افيدونى لاخذ قراري

[الرويناء]

كم عدد الاولاد

والاقامه هتكون فين فى الامارات

[samooo]

انا فى الامارات يا رجاالة ياريت الى قدامة شغل برمجة ياريت يبعتلى على الميل بتاعى ORAVLE1967@HOTMAIL.COM

شكرا

[الكريم]

السلام عليكم جزاكم الله كل خير انا عندى 3 اولاد و ساقيم فى ابوظبى وقالوا سيعطونى بدل سكن 100الف انا اعرف ان الايجارات نار فى ابوظبي انا اريد ان اعرف كم تكلف الحياة العادية الاكل و الشرب و اللبس و خلافة شهريا انا سمعت ان الحياة مولعة هناك هل يستحق الامر يعنى المعيشة 3 الاف الفين او كم انا مطلوب منى اخذ قرار ارجوكم ساعونى

[dongol]

أخي الكريم

مائه الف درهم ما تجيبش شقه غرفه و صاله دلوقتي في ابوظبي بس لو رحت بانياس او الشهامه تلاقي بالمبلغ ده حاجة معقوله بس في الحاله دي لازم تشتري سياره طبعا لان المسافه بين المناطق دي حوالي من اربعين لخمسين كيلو يعني حوالي مائه كيلو رايح جاي كل يوم

لو طبعا رسيت علي موضوع السياره و انك تسكن بعيد فيبقي لازم حضرتك تيجي لوحدك الاول بدون الاسره لغايه ما تطلع الرخصه لانها مش سهله و معظم الناس بتسقط مره و اتنين و ثلاثه في الامتحان قبل ما تاخدها و الموضوع ده بياخد وقت طويل ممكن يوصل لسنه

بالنسبه للمعيشه فاعتقد ان اسره مكونه من اب و ام و 3 اطفال مش هتصرف اقل من 4 الاف درهم شهريا علي الاكل فقط ده علي اعتبار انك هتعمل الاكل في البيت كل يوم و الخروج هيكون في اضيق الحدود

بالنسبه للمدارس فمش هقدر افيد حضرتك لاني مااعرفش الاسعار كام ولو اني بسمع من اصحابي انها نار هي كمان

معلش اذا كنت سود لك الدنيا بس هي دي الحقيقه فعلا و كده احسن بدال ما تيجي و تفتكر ان الحياة وردي و بعد كده تفاجأ بالاسعار

تقبل تحياتي

[الكريم]

جزاك الله اخى انت لا تسود الدنيا انا محتاج من يخبرنى بالواقع حتى لا ادخل تجربة لا اعرفها جزاك الله كل خير

[wela]

والله هو كلام الاخ صح قبل ما تفكر شوف انت في مصر ايه وشغال بكام وصدقني الغربه ليها تمن لازم تحققه وغير كده متفكرش فيها

وربنا يوفقك

وبالنسبه للمدارس يعني في حدود من 12000 ل20000 الف سنويا علي حسب عمر الطفل

عايز اقولك هنا في العين يعتبر ارخص امارة في المعيشة عندنا جاري مدخل ابنه حضانة ب13000 الف سنوي غير الباص والحركات الباقيه

[الكريم]

بصراحة انا منكرش انى مبهور بصور الامارات ولما جانى شغل هناك فرحت جدا بس لما عملت بحث على النت وجدت فيه ناس تشكو ارتفاع الاسعار و الغلاء ترددت اريد ان اعرف هل البلد هناك مكان حلو لتنشئة الاولاد لان لو الفرصة يتربوا تربية كويسة و يتعلموا كويس متوفرة يبقى كل شئ يهون و هل فى اماكن كويسة للخروج و لو حطيت ميزانية 4000 شهريا زى ما قال الاخ dongol يكفى معيشة مريحة ولا ضيقة و هل كما سمعت الملابس هناك نار عذرا كثر اسالتى انا فقط اريد ان اعررف كل الجوانب هناك

[dongol]

أخي الكريم

زي ما قلت لحضرتك في المداخله اللي فاتت 4000 درهم كافيين للاكل فقط و انشاء الله يكون اكل جيد باذن الله و سوف اعطي لحضرتك بعض الامثله لاسعار المواد الغذائيه هنا في ابوظبي

- كيلو لحمه المصري 40 درهم

-5 كيلو ارز بسمتي 30 درهم

- زجاجه زيت ذره لترين حوالي 25 درهم

يعني المتوسط انك كل ما تروح السوبر ماركت هتدفع بين 700 و الف درهم علشان تشتري حاجة اسبوع او 10 ايام

الاسعار دي انا بقولها لحضرتك من الذاكره لاني لسه رايح السوبر ماركت الاسبوع ده و دي مجرد مثال و علي اساسه حضرتك هتقدر تحكم طريقه حياتك هتتكلف كام

اما بالنسبه للامارات فهي في نظري اجمل البلاد العربيه و لا تضاهيها اي بلد اخري في جمالها و نظافتها و نظامها و الفسح هنا مش هتلاحق عليها خصوصا في دبي بس طبعا كل حاجة بثمنها

العيشه هنا جميله جدا و مش هتحس بغربه ابدا لو معاك عيلتك بس المشكله الاساسيه في غلاء الاسعار وانشاء الله ربنا يوفقك

تحياتي

[محمد عيسى]

انا عندي طفل واحد و صارف الشهر اللي فات اكتر من 4000 درهم مصاريف بيت عاديه و كنت مزنق جامد

انصحك بالسكن في مصفح لانها انضف بمراحل من الشهامة و بني ياس و مواصلاتها سهله و فيها خدمات عنهم

[الكريم]

اخوانى اناشاكر جدا لردكم عليا انا فعلا لم اكن لاعرف صورة الحياة الاممن يعيشون واقع الحياة هناك يعنى تقريبا الواحد محتاج معيشة 4000 و مصاريف اضافية لبس و مواصلات و ميه كهربا ........ حوالى 1500 يعنى على الاقل لزم يكون دخله لا يقل عن عشرة الاف شهري عشان يقدر يوفر انا كنت قريت ان المواصلات غالية يعنى المشوار 15درهم تقريبا مش كده انا باعمل بحث على النت على ايه معلومات عشان القرار يبقى صائب من البداية

[اكياد]

اضيف اليك يا اخي بأنه رغم صعوبة المعيشة في الامارات الا انها لا تقارن بالمعيشة في مصر

ستواجه صعوبة في البداية ولكن مع التعود ستنتهي

بالاضافة الا ان اهل الامارات طيبين جدا

بس بالنسبة للاطفال والمدارس الحكومة بتصرف على تعليم اثنان من الاطفال والا ستتطر الا دفع ستة آلاف درهم لكل طفل في السنة

ولك الاختيار

[الكريم]

اخى اكياد جزاك الله خير بس انا سمعت ان المدارس ب13 الف و ارقام مذهلة فى مدارس ب6 الاف بشرني و بجد اهل الامارات طيبين دى اهم حاجة

[اكياد]

اجل يااخي في البداية كانت المدارس الحكومية للوافدين والمواطين مجانية والان الوضع تغير فالحكومي 6 آلاف لكل المراحل وعلى فكره انت ممكن تلاقي خاص ارخص من 6 آلاف المهم السكن مش يكون بعيد عن اماكن المدراس عشان تختار اي مدرسة :ninja:

ارجو ان اكون قد افدت ولو بالقليل

[الكريم]

جزاك الله خير اخى اكياد طمنتنى على نقطة كانت شاغلة بالى جدا و هى التعليم و المصاريف معلش حتقل عليك بسؤال يعنى هو متاح للوافدين يدخلوا اولادهم حكومة و المدارس الحكومة كويسة ولا الخاص احسن و جزاك الله كل خير

[محمد عيسى]

و بجد اهل الامارات طيبين دى اهم حاجة

فعلا طيبين و محترمين جدا و متحضرين