الولاده القيصرية في السعودية

[سماسعد]

:rolleyes:

السلام عليكم

ارجو ان اجد منكم من يجاوب علي سؤالي

انا زوجي معندوش تأمين وولادتي السابقه كلفتني كتير ولا نستطيع تحمل اعباء قيصري تاني

فهل ممكن أولد علي نفقه الدوله او بمبلغ اقل من الموجود حاليا؟؟

لاني كنت سمعت ان فيه برقيه بتتبعت علشان تاخد جواب لمستشفي الشميسي وتولد فيه مجانا

بس مش عارفه تفاصيل الموضوع

فياريت لو حد عارف يجاوبني

ولكم جزيل الشكر :blink:

[سليمان بك]

تروحي لحظة الولادة على مستشفى الامير سلمان للولادة

تولدي مجانا

[سماسعد]

تروحي لحظة الولادة على مستشفى الامير سلمان للولادة

تولدي مجانا

شكرا اخي الكريم علي الافادة الهامة دي

لكن حضرتك متأكد ؟

انا معلوماتي انهم مش بيستقبلو اي اجانب في المستشفيات للولااده بلمجان

لان فيه بنت من جيرانا اتعرضت لحادث منذ اسبوعين بحوار مستشفي الملك فهد ورفضو استقبالها في الطوارئ بلمستشفي لانها مش سعودية

طب ولو سمحت ممكن تقولي هيا فأي منطقه

وجزاك الله خيرا :blush2:

تم تعديل 5 فبراير 2009 بواسطة سماسعد

[se_ Elsyed]

للاسف يا أخت سما .. موضوع التأمين الطبي وتأمين السيارات هنا في السعودية هو موضوع " حياه أو موت "

وأي تهاون في الموضوع ده ممكن يؤدي بصاحبة إلى التهلُكة .. لإن كتير في الأسف بيفرطوا في حقهم هنا بحجه أكل العيش أو أنا مضطر ... ولما تقع الكارثة يرجع يقول ياريت اللي جرى ما كان

يعني على سبيل المثال ...

تأمين السيارات بيكلف ملاليم ( يعني مبلغ 350 أو 600 ريال مش حاجه هنا .. حتى لو أنا راتبي 1500 ريال وقررت أسوق عربية )

ومع ذلك .. الواحد يقول لك .. خليها على الله ... وسيري يا نورماندي ...

ونعم بالله يا سيدي . لكن هل التوكل على الله يخالف التخطيط السليم الغير مُكلف ؟

منطق عجيب وامخاخ بترجعنا ورا مئات السنين ..

وفجأة يا ست الكل تلاقي الواحد عمل حادثة .. مش مهم عربيته .. أو مش مهم هو .. لإن دي حاجات تخصه هو

لكن أرواح الناس التانيين وممتلكاتهم ؟!!!!!!!!!!! تلك هي المصيبة ..

فبالمستريح قوي ... هنا دية 120 ألف للقتيل ... وتحمل إصلاح سيارات الغير

طب أجيب منين واعمل إيه ؟

هنا القانون واضح وصريح ... تقعد في السجن إلى ما لا نهاية لحد ما تدفع المبلغ ...

كذلك في التأمين الطبي ... حضرتك الولادة القيصرية في مستشفى متوسط بتتكلف هنا 6000 ريال والطبيعية ما بين 2500 إلى 3000 .... ده المتوسط

ومع ذلك ناس كتيييييييييييييييييييير بتفرط في حقها في إن كفيلها مُلزم بقوة القانون إنه يأمن عليهم وعلى اسرتهم .. ومع ذلك بيفرطوا زي ما قلنا في حقهم ..

فمن فضلكم يا جماعة .. ما تسيبوش الأمور كده ونرجع نقول أنا متوكل على الله وفقط

لأ في عمل وبعدين في توكل ... وإلا يبقى تواكل

طب نيجي لحالة حضرتك ..

للأسف الشديد .. المستشفيات الحكومية بقت تعامل الاجانب بأسلوب غاية في القسوة وعدم الرحمة ..ز لدرجة مش عايز أخوفك والله لكن أنا بأبصرك بالحقيقة ...

أعرف ناس زوجاتهم إتوفت عند الولادة لإنهم راحوا مستشفى الشميسي والست بتكون بتفرفر ومع ذلك المستشفى رفضت تستقبلهم لإنهم غير سعوديين .. فكانت النتيجة إن الزوج ما عندوش إمكانيات مادية وعلى ما يفكر ويشوف حل .. كانت الزوجة ماتت بآلام المخاض وربنا يعافينا ..

وهناك أوامر عُليا واضحة وصريحة من أول 2006 إن كل شركة أو كفيل مُلزمة تأمن على موظفيها الاجانب لكي يخففوا الضغط على المستشفيات الحكومية ..

وتخيلي إن ده في صالح الاجنبي .. لإن نفس الموظف السعودي بالشركة .. الشركة مش ملزمة تأمين عليه

وعشان كده بطلوا يستقبلوا اجانب حتى لو كان بيطلع في الروح .. إلا من رحم ربي .. وأنا ضد ده تماماً لإن دي مؤسسات رحمه وليس عذاب .. لكن هانعمل إيه ما باليد حيله

إذاً على زوجك أن يتوجه غداً للقنصلية المصرية وياخد معاه صورة شخصية و100 ريال ويشترك في صندوق التكافل الإجتماعي لمدة سنة .. وهما هايعطوه قائمة بالمستشفيات اللي بياخدوا منها خصم يصل إلى 50 %

نسيت أقول لك إن برقية المساعدة من الإمارة أو ما شابه بيبقى لها أولويات .. ولا أعتقد إن الولاده لها اولوية مثل عملية خطيرة في القلب أو المخ مثلاً ... فممكن تترفض أو لا يأتي رد من الأساس

والله الموفق

[HassanAboali]

ربنا يجزيك خير أستاذ سي السيد على التبصير ولقد نبهت لنقط الواحد كان غافل عنها

أسأل الله لك التوفيق

[se_ Elsyed]

الموضوع الأخطر هنا في السعودية يا جماعة ومتعلق بالولاده هو موضوع " الحضّانات " للاطفال حديثي الولادة أو بيسموهم المبتسرين أو اللي عندهم صفرا مثلاً ومحتاجين كام يوم حضانة ...

أقسم بالله أنا ما شوفت كده في الدنيا ...

تكلفة الحضانة في اليوم الواحد بتوصل 4000 ريال !!!!!!!!!! ده لو لقيت مكان للبيبي ...

وكل مستشفى بترفض تستقبل حالات من خارجها وبتعطي أولويات للي مولدين عندها .. ده أساساً وإنت هاتدفع او عندك تأمين هايغطي .... ما بالك باللي ما عندوش تأمين ... هايجيب منين ده كله ؟

وربنا يسترها مع الجميع

[HassanAboali]

ربنا يسترها علينا فعلا وانا واحد من الناس كنت مكبر دماغي عن موضوع التأمين الطبي مع الشركة ولكن من بعد شرحك هذا استاذ سي السيد لن أتهاون فيه أبدا مع الشركة إلي أنا فيها وربنا يزيدك علما.

[سماسعد]

:lol:

جزاك الله خيراااا

تم تعديل 5 فبراير 2009 بواسطة سماسعد

[سماسعد]

:lol:

شكرا علي معلومات حضرتك المفيدة بخصوص التأمين

واحنا نفسنا يتأمن علينا ونترحم من المستشفيات هنا الطب تجارة مش علاج

بس هنعمل ايه في الكفيل

انا زوجي اخصائي بصريات في محل نظارات وكفيله معندوش غير محل واحد بيعمل فيه شخصين فقط

يعني مش شركه وزوجي لما طلب منه التامين قاله مفيش شركه تأمين هتأمن علي اتنين فقط

ومش عارفين نعمل ايه معاه

إذاً على زوجك أن يتوجه غداً للقنصلية المصرية وياخد معاه صورة شخصية و100 ريال ويشترك في صندوق التكافل الإجتماعي لمدة سنة .. وهما هايعطوه قائمة بالمستشفيات اللي بياخدوا منها خصم يصل إلى 50 %

جزاك الله خيرا انا هخليه يروح القنصليه ويعمل زي مانت قولت ونشترك لحد ماربنا يهديلنا الكفيل ويرضي يأمن علينا

سؤالي لحضرتك لان معلوماتك في التأمين كويسه

بسمع من اصدقائي ان فيه البعض عندهم تأمين شامل (يشمل الاسنان والولاده) وفيه البعض تأمينهم لايغطي هذه البنود

ياريت حضرتك توضحلي الفرق ولو احنا عايزين نشترك في تأمين شامل جميع التخصصات نعمل ايه وايه شروطه

جزاك الله خيراااا

[نور عيني]

معلش يا جماعة استفسار تاني

انا بسال عن اسعار الولادة القيصرية بعد ال50% اللى ممكن السفارة تعملها وهل هي اكيده ام لا

كما اني محتارة في اني انقل لابني المدرسة في مصر واولد هناك وبعدين ارجع هنا تاني ان شاء الله

بالرغم من جوزى من الصعب عليه انه يعيش لوحده ولو لشهر مع العلو ان اقامتي طبعا هتسقط مش عارفه اعمل ايه

تم تعديل 22 مارس 2010 بواسطة نور عيني

[gazouly]

في موضوع الولادة لي تجربتين

الاول لي 2 من الاصدقاء فعل مثل احد الماخلات هنا و هي الذهاب لمستشفي الولاة في اخر لحظة و الاخر لمستشفي الجامعة الحكومي بجدة لكن مساؤي الحالة دية ان لا يسمح باحد الدخول الا الزوجة و يمنع دخول الزوج & الموجود هو من يتولي التوليد و ممكن تكون ممرضة

تجربة اخري الولادة في مصر و عمل تأشيرة خروج و عودة سنة اذا كانت الظروف لا تسمح بالولادة هنا

شركة التعاونية للتامين فيها تامين فردي اذا كان لسه في فترة انا ممكن استفسر من صديق لي يتعامل معها بافضل الاسعار

[doha]

معلش يا جماعة استفسار تاني

انا بسال عن اسعار الولادة القيصرية بعد ال50% اللى ممكن السفارة تعملها وهل هي اكيده ام لا

كما اني محتارة في اني انقل لابني المدرسة في مصر واولد هناك وبعدين ارجع هنا تاني ان شاء الله

بالرغم من جوزى من الصعب عليه انه يعيش لوحده ولو لشهر مع العلو ان اقامتي طبعا هتسقط مش عارفه اعمل ايه

طيب ماتحسبيها ..

الولاده القيصري في مصر تعني :

2000 ريال على الاقل تذاكر ذهاب وعوده .

2000 ريال اضافة مولود ..

2000 استقدام ليكي من اول وجديد فيما لو سقطت اقامتك ..

1500 جنيه مصاريف الولاده في مصر ..

ده غير المصاريف التانية

فاعتقد والله اعلم هي ( علقة ) هتندفع هتندفع فخليكي اولدي هنا احسن مع محاولة الاشتراك في التامين باي طريقة او البحث عن مستشفى يقدم عرض خاص ..

منصحش ابدا بالذهاب لمستشفى حكومي على آخر لحظة لان حالات كتير انتهت بنهايات مأساوية لانهم مش بيقبلوا الغير سعوديين الا في حالة كان الجنين خلاص على وشك الخروج ..

ربنا يقومك بالسلامه ويكتب لك الي فيه الخير ..

[mezo]

معلش يا جماعة استفسار تاني

انا بسال عن اسعار الولادة القيصرية بعد ال50% اللى ممكن السفارة تعملها وهل هي اكيده ام لا

كما اني محتارة في اني انقل لابني المدرسة في مصر واولد هناك وبعدين ارجع هنا تاني ان شاء الله

بالرغم من جوزى من الصعب عليه انه يعيش لوحده ولو لشهر مع العلو ان اقامتي طبعا هتسقط مش عارفه اعمل ايه

طيب ماتحسبيها ..

الولاده القيصري في مصر تعني :

2000 ريال على الاقل تذاكر ذهاب وعوده .

2000 ريال اضافة مولود ..

2000 استقدام ليكي من اول وجديد فيما لو سقطت اقامتك ..

1500 جنيه مصاريف الولاده في مصر ..

ده غير المصاريف التانية

فاعتقد والله اعلم هي ( علقة ) هتندفع هتندفع فخليكي اولدي هنا احسن مع محاولة الاشتراك في التامين باي طريقة او البحث عن مستشفى يقدم عرض خاص ..

منصحش ابدا بالذهاب لمستشفى حكومي على آخر لحظة لان حالات كتير انتهت بنهايات مأساوية لانهم مش بيقبلوا الغير سعوديين الا في حالة كان الجنين خلاص على وشك الخروج ..

ربنا يقومك بالسلامه ويكتب لك الي فيه الخير ..

معلش فين الولادة الى ب 1500 جنيه فى مصر دى انا مراتى بعتها تولد فى مصر اليومين دول وبعد اللف اجرة الدكتورة بس اقل حاجة 2000 جنيه وزيهم ويمكن اكتر للمستشفى ودى اقل حاجة لاقينها لان فى ارقام ضعف كدة كمان وان كان عاجبك وعلى فكرة الولادة كانت هنا فى دبى بالمستشفى بكل حاجة واقامة 3 ايام فى المستشفى اقامة كاملة ب 2000 درهم وكمان هنا الولادة اغلبها طبيعى مش زى مصر الى لو الواحدة ولدت طبيعى يبقى حاجة غريبة فى مصر

[أبو كريم النوبي]

الموضوع منذ سنة تقريباً وياريت تأتي صاحبة الموضوع وتقولنا ماحدث ام نسيت المنتدى مع فرحة المولود

ونرجو من الجميع الاخذ بكلام الاخ سي السيد والتنبيه على جميع الاصدقاء بخطورة عدم التأمين