عاجل اهل عمان او أي طبيب

[طبيب مسلم]

السلام عليكم احبتي في الله

جاءني عقد عمل من فتره لقطر كطبيب عام ولكن حدث تباطؤ من المكتب فاحسست بالمماطله والغيت الفكره

والان جاءني عقد عمل في سلطنة عمان في مستشفى صور الخاص طبيب عام ايضا وتمت المقاله وامتحان شفوي كده ووفقت الحمد لله وممكن اعمل في تخصصي اللي هو مقيم اطفال

المهم ما رايكم في العقد بالنسبة لي دفعة 2005

وهو 500 ريال عماني + سكن عائلي مؤثث+المواصلات والمياه والكهرباء على المستشفى+تذاكر سنويه لي وللزوجه واتنين من الاولاد(لسه عريس جديد)

بالمناسبه العقد يوازي تقريبا 5الاف ريال سعودي وده معروض علي في السعوديه كتير جدا ونفس المميزات

الاهم من ده كله وده اللي محتاج فيه نصيحه اخويه وباسرع وقت سمعت ان فيه امتحان هناك زي البرومترك بتاع السعوديه وقيل لي انه صعب جدا جدا وان هو تقرييا امتحان زماله بريطانيه وفيه ناس قالولي كمان فيه امتحان شفوي بعد التحريري وكان شهادتنا المصريه دي اللي طفحنا لغاية ما اخدناها ملهاش اي قيمه

وسالت احد الاشخاص اللي اعرفهم صاحب مكتب

قالي ان دكاتره كتير سقطت 3 مرات خلال ال3 شهور ونزلو وقالي ان احنا لوسفرنا 5 دكاتره بيرجع منهم اربعه بس احساسي انه يهول الامر

المهم المكتب اللي مطلعني وهو مكتب ثقه جدا قالولي فعلا ان فيه 3 اخصائيين لسه راجعين من هناك

بس دول اخصائيين مش جي بي

السؤال الان هل فعلا امتحان الجي بي محدش بيعدي منه

وهل العرض ده كويس بالنسه لبلد كعمان_( هابعت لزوجتي بعد سنه) ولا اسافر السعوديه افضل على نفس الراتب والامتحان اسهل

الرجاء يا اخواني الرد سرعه لانهم اخدو كل اوراقي والجواز وقالو التاشيره خلال اسبوع لو غيرت رايك كلمنا بسرعه

وجزاكم الله خيرا

تم تعديل 6 فبراير 2009 بواسطة طبيب مسلم

[MZohairy]

خليني الخصلك الموضوع يا دوك

طالما السكن متوفر يبقى تقريبا باقي المصاريف هي هي

طبعا انا معرفش موضوع الامتحان ده و لا افهم فيه

بس لو حتقارن مثلا الحياه في مسقط بالرياض حتلاقي ان وسائل المتع الحياتيه في مسقط اكتر طبعا و الحريات اكتر و الستات بتسوق و كده

اي حته غير مسقط في عمان تعتبر ريفيه الى حد ما

يعني مسقط و بس

و بالتوفيق ان شاء الله و يقسملك ربنا الخير حيث كان

[طبيب مسلم]

بارك الله فيك اخي الحبيب وشكرا على اهنمامك

ولكن المستشفى في صور

انا بفضل عمان علشان اهلها وزي ماعرفت العمره والحج من هناك سهله يعني مش هتفرق

لكن موضوع الامتحان ده مقلقتي جدا ومحيرني وخلاني افكر في السعوديه تاني

وخاصة ان امامي عرض في جده (مجمع عيادات همسك عيادة الاطفال مساء الناس قابلوني والحمد لله متمسكين بيا جدا وكلموني من السعوديه كذا مره اخرها امبارح)وعرض في الخبر(طبيب موقع تبع ارامكو بس كفالتي على مسنوصف هو اللي بيودي الدكانره ليهم وده مفيهوش سكن عائلي لاني في الموقع لكن ميزته ان الراتب كله هيبقى في جيبي5250 ريال)

فيا ريت لو تعرف حد عتدك يفيدني يبقى جزاكم الله خيرا

محتاج اخد قرار بسرعه علشات موضوع التاشيره ده

[رجب كامل]

كان نفسى ارد عليك بشىء ولكن صلى صلاة استخارة وربنا يوفقك وياريت حد يسعده وبسرعة

[الباشمهندس ياسر]

السلام عليكم

مرحبا يا دكتور

نفسى اخدم والله بس انا مليش علاقة بالطب اطلاقا ولا حتى عندى اصحاب دكاتره ف عمان

انما ان قدر لك الله و ذهبت الى عمان فستجد عربا من كرام العرب

مش هقدر افيدك بغير كده فعلا