استفسار بخصوص اراضى التخصيص القديم

[nana]

ارجو افادتى بخصوص اراضى التخصيصالقديم بالشروق اذا اردنا شراءقطعه من احد هل ستكون بتوكيل مثل القرعه ام تختلف عنها ارجو الافاده من خبراءالمنتدى

[عطر الجنة]

ارجو افادتى بخصوص اراضى التخصيصالقديم بالشروق اذا اردنا شراءقطعه من احد هل ستكون بتوكيل مثل القرعه ام تختلف عنها ارجو الافاده من خبراءالمنتدى

الاخت الكريمة

لابد ان تذهبى لجهاز مدينة الشروق و تسألى بنفسك او توكلى احد ثقة و بيفهم هو رايح الجهاز يسأل عن ايه

لان للاسف انا اعانى من جهاز الشروق لانه فى وادى و بقية احهزة المدن الجديدة فى وادى تانى

تخيلى انا لما كنت بحفر ارضى فى الشروق طلبت منى اوراق اقدمها لاستخراج تصريح الحفر مختلفة تماما عن اخى الذى كان يحفر ارضه فى العبور

حتى ان الذى سبقنى و حفر لم يقدم كل تلك الاوراق فالجهاز يخترع اوراق جديدة كل اسبوع و يتفنن فيها

[abuAdham]

الاخت الفاضلة نانا انا سبق واشتريت ارض تخصيص قديم يعني خبرتي من الواقع

اولا لازم تعرفي ان ارض التخصيص غير القرعة فالتخصيص

[b]ارض التخصيص

1 - مهلة خمس سنوات من تاريخ الاستلام

2- البناء 60 % من مساخة الارض

3- يمكن ان تنقلي الارض باسمك في الجهاز فور الشراء

حتي لو مبنتيش

4 - اقساطها المتبقية علي سنوات اقل

5 - ممكن تعملي الرخصة حتي قبل انتهاء ال 5 سنوات ب شهور

ارض القرعة

1- مهلة البناء وفق جدول زمني 9شهور رخصة 18 شهر هيكل 12 شهر تشطيب

2- البناء 50% من مساحة الارض ( عمارات ) 40% فيلات

3- لا يمكن ان تنقلي الارض باسمك قبل انتهاء البناء

4- الاقساط علي 7 سنوات تبدا بعد الاستلام بثلاث سنوات

ولو بتشتري من المالك الاصلي لازم يعملك توكيل ( ممكن ابعت لكي صيغتة ) ولو من مالك مشتري بتوكيل يبقي لازم يعملك توكيل مطابق للتوكيل ال اشتري بة ومكتوب فية انة بيبعلك بصفتة وكيل عن فلان ( المالك السابق ) بتوكيل رقم كذا بتاريخ كذا من مكتب شهر عقاري كذا

وعاماً لازم التوكيلات تبقي مضبوطة ومسلسلة وتاخدي المشتري الي الادارة العقارية في جهاز الشروق وتقولي لهم عاوزة انقل الارض باسمي وهذه الاوراق ( حتي لو مش هتنقليها الان ) المهم هيراجعوا تسلسل التوكيلات وتشوفي المبلغ المتبقي عليها كام بالضبط وهل الفلوس المتبقية عملت فوائد لو فية تأخير عن دفع احدي الاقساط او هناك انذار للمالك عن تأخير احدي الاقساط وتاخدي المشتري وتطلعي علي الشؤون القانونية في الدور الثاني قولي لة انك هتشتري الارض وهتنقليها باسمك وتطلبي منة يراجع لكي بنود التوكيلات وتسلسلها وهم مش هيمانعوا ذالك بالعكس بيرحبوا جدا ( وعن تجربة ) ثم تتأكدي من وجود الصفة علي كل توكيل ( لو فية اكثر من تو كيل ) مثلا لو 3 توكيلات يذكر في رقم 3 ان البائع بيبيع بصفتة وكيلا عن فلان وفلان هذا وكيلا عن فلان وهكذا ( يذكر في كل توكيل اسماء الموكلين السابقين ) وتأكدي من تاريخ الاستلام واحسبي المهلة واستلمي محضر الاستلام وخطاب التخصيص وايصلات الحجز والدفع وتذهبي للشهر العقاري مع البائع يعملك توكيل متطابق تماما لصيغة التوكيلات السابقة وتكتبي معاة عقد بيع و وتدية فلوسة بشرط انة يطلع معاكي بعد التوكيل علي جهاز الشروق تقدمي طلب نقل ملكية مقابل 2% من ثمن الارض الاصلي المكتوب في جواب التخصيص ولو مش جاهزة يطلع معاكي الشؤون القانونية تاخدي توقيع لامانع علي أخر توكيل اي لامانع من نقل الملكية وانقلي الكلام السابق في ورقة وامشي معاة خطوه خطوةوربنا معاكي واي استفسار اسئلي دون تردد

تم تعديل 7 فبراير 2009 بواسطة abuAdham

[nana]

شكرا جزيلاعلى ردك السريع اخ ابو ادهم الارض التى انوى شراؤها تخصيص قديم فى حدود270 متر ولكنى ملاحظه ان كل اللى بيعلن شركات وبيطلبو اوفر من 180 الى 240 الف والقليل اللى بيطلب 150و160 من فهل هذا السعر معقول ام مبالغ فيه ارجوافادتى ولكم جزيل الشكر

[nana]

شكرا ايضا اختى عطر الجنه على النصيحه

[abuAdham]

السلام عليكم بخصوص الاوفر يختلف من قطعة للاخري ناصية ام لا وكم المدفوع داخلية ام علي شارع وكم عرض الشارع وفي اي احياء الشروق كان عندي ارض 315 م علي بعتها بنفس الاوفر 180 وكانت قرعة مدفوع 10% لكن كان موقعها مميز ف قطعتك هذة قريبة من اي رابط وهل ناحية طريق السويس ام طريق اسماعيلية وياريت لو ذهبتي الي الحي المتميز بمدينة بدر واتفرجي علي قطع الفيلات A أو B

( اتفرجي فقط خدي فكرة مش هتخسري حاجة ) انا اعلم ان الشروق اميز وافضل لكن المبلغ دة ممكن يجيب لكي قطعة فيلات علي شارع رئيسي مساحة من 600 الي 700 م قريبية من طريق السويس وهليوبلس الجديدة والشروق ابني ال تبنية والباقي حديقة ( وفيلا افضل من سكن عائلي ) وهتبقي اخذتي فكرة

كلهم هناك استلمو السنة دي ولسة محدش بنا ف كلها صحراء نرجع للشروق شوفي الارض متبقي عليها كام ومدفوع كام وخلي بالك من تاريخ الاستلام ومهلتها باقي فيها قد اية والاوفر لا يتعدي ال 600ج عائلي حسب الموقع ولا تستعجلي نهائي البائع دائما عاوز يخلص من الارض عشان ميدخلش في دوامة البناء ولو تاجر ف الاقساط بتطاردة في التأني السلامة خاصا في شراء الارض ( القرصة فية بالدم ) حددي لنفسك شهرين اتفرجي فيهم أعلم انها مدة كبيرة لكن يجب ان يكون عندك خبرة وربنا يكفيكي شر السماسرة ودهائهم احترسي و لا تصدقي الا عينك واي استفسار انا موجود

[nana]

جزاك الله كل خير على النصائح الغاليه

[kiko]

جزاك الله كل خير على النصائح الغاليه

السلام عليكم يا جماعة. أريد رأيكم بأمانة وصدق لاني أخاف أخذ قرش واحد حرام. أنا دخلت شريك مع أخ عزيز وغالي على في دفع أقساط قطعة أرض 300 متر بالشروق قريب من السويس ومخصصة بتميز 15% . المهم طلعنا الرخصة وكنت ماشي معاه بالنص في كل شيئ جنيه أمام جنيه وعند بداية البناء طلب منا مبالغ كبيرة وفعلا كنت على وشك دفع 100.000 دفعة بناء أولى لكن بعض الناس قالولي خلي بالك لازم تضمن حقك لان كل شيء يتعلق بالأرض والتخصيص والأقساط وكل شيئ رسمي كان باس شريكي. و رفض شريكي كتابة أو توقيع أى عقود بيني وبينه وخفت على فلوسي واختلفنا والأمر ده بدأناه معا في 2004 والأن قالي أنه ليس لي الحق الا في المبالغ اللي دفعتها معاه في الأقساط. هذا ليس عدلا وقاعد يسلمني الأن الفلوس شلن في بريزة الله يسامحه. أريد أعرف رأيكم الله يخليكم ولا أعفي نفسي من المسؤولية عن الخطأ

[abuAdham]

اخي الفاضل سامحني لن اطيل عليك لضيق وقتي لكن شريكك آثم آثم وذنبك في رقبتة لماذا يخاف من كتابة عقد مشاركة كيف تحفظ اموال اولادك المفروض عقد مشاركة ويستلم منك الفلوس بأيصال انة استلم مبلغ كذا يتاريخ كذا وانة دفع مثلة وتكون علي درارية وشريك فعلي علي دراية بكل مليم يتصرف وسوف اسهب اليك تفاصيل اكثر في وقت آخر لكن لا تلقي بأموالك واموال اولادك في جيب غيرك بدون مستندات تحفظ حقك

[abuAdham]

تابع -

اولا يااخي من البداية حضرتك غلطان لان ساعة شراء الارض من الاول يجب ان يكون كلآتي

الشراء بعقد مناصفة من البائع ( اي يقول بعت لفلان وفلان معا ) و تذهبا للشهر العقاري سويا يعمل توكيلن واحد بيع والثاني اداري ويكتب في الاول عبارة ( مجتمعين ) بعد كتابة اسماء المشتريين في التوكيل ( اي لا يجوز البيع الا باجتماع الشريكين امام موظف الشهر الغقاري وواحد لواحدة مينفعش يبيع ) ويكتب في التوكيل الثاني ( الاداري ) عبارة ( مجتمعين او منفردين ) يعني اي حد فيكم يتعامل مع الجهات الرسمية اوكلاكما ( مثل التراخيص والجهاز الخ )

بهذا تضمن حقك من الجذور فمش بعد مايبني تحلي العمارة في عينة ويخلعك منها وبهذة الصيغة القانونية السابقة لن يستطيع بيع ارض ولا شقة ولا حتي شبر من المبني بدون توقيعك انا استاذ جامعي وتاجر عقارات منذ 10 سنوات فكلامي لك من واقع السوق وواقع التعاملات مع التجار والشركاء فلا تجازف بفلوسك قبل ان تسئل رجل قانون لضمان حقك

المهم انت لما شاركتة سنة 2004 كان ثمن القطعة أوفر 80 الف لل 300 م دلوقتي اوفر ال 300 م يعمل 180 الف فأين نصيبك من فرق السعر ( اي في بداية الشركة كان الارض اها سعر فلو عاوز ترجع لي فلوسي ماشي بس بسعر اليوم مش بسعر 4 سنوات ماضية )

اخي الفاضل انت راجل طيب وبتقول علي هذ الشخص انة عزيزعليك دة انا دمي اتحرق يعني بعد ما يستفاد فلوسك ومش عاوز يديك اي ضمان يرجع لك الفلوس بالتقسيط انت انقاذا للموقف خد فلوسك ومنه لله فوض امرك لله والحرام نار موقدة بس لازم توصلة هذا الكلام يعني مش تاخد فلوسك وانت راضي مستسلم لا فهمة انه ضلمك ولو عندة ضمير همتثل لحكم شخص قريب منك ومنه وحاول وربنا معاك وثصاني مرة استشير ( لا خاب من استشار ) ولو فكرت تشارك حد تاني تذكر اول 4 اسطر من كلامي لكي تحافظ علي اموالك

[kiko]

كم سعدت وأنا أقرأ الرد من اخواني هنا والله ردكم برد قلبي شوية وعرفت اني لما طالبته يديني فلوسي بسعر اليوم لم أخطأ وعلي فكرة أنا أخذت منه حتي الآن المبلغ اللي دفعته وباقي منه فقط 10.000 حيسلمهم لي الفترة الجاية. وأنا بلغته انه يروح دار الافتاء ويسألهم والا مش حسامحه في شقايا وحق أولادي ويشيلها بقي لو عايز وربنا يخلف علينا ان شاء الله. لكن الواحد بيتعلم وكأن لا مكان اليوم للطيبين في هذه الدنيا ولا أقول للسذج كل الشكر للأساتذة junior member and AbuAdam جزاكم الله خير

[nana]

[[size="4"]size="4"]3- يمكن ان تنقلي الارض باسمك في الجهاز فور الشراء

حتي لو مبنتيش wst::

احنالقيناقطعه سعرها معقول وعليها قسطين ومهله 4 سنوات لكن المكتب بيقول ان البيع بتوكيلات وان مينفعش صاحبها يتنازل بالبيع امام الجهاز الا بعد البناء md2: مش اكلام ده بالنسبه لاراضى القرعه ولا المكتب اللى مش عارف هل انا الى مش فاهمه والا اكلام ده صح :D وازاى اتاكدان ورق اى قطعه سليم ;) يعنى اطلب اوراق ايه واتاكد انها سليمه وازاى بنضمن ان الى باع لى مبعاش لحد تانى طالما البيع عباره عن توكيلات

ارجوالافاده ولكم جزيل الشكر

[abuAdham]

طالما الارض باقي عليها قسطين فقط يبقي كلام السمسار صحيح وهي تخصيص قديم ولكن

مسئلة مينفعش ينقل بأسمك دي فيها كلام وليها حل

اولا اي ارض تخصيص وسبق وذكرت لحضرتك ان ميزتها نقل الملكية في الجهاز

لكن ممكن البائع لكي يكون مشتري من اكثر من واحدفمثلا هو رابع مشتري وطبعا هو مشتري بتوكيلات ومنقلش بأسمة يعني كل بائع باع للذي يليه بتوكيلات وبالتالي هيبيع لحضرتك بتوكيل مطابق عشان يريح دماغة الحل

ان حضرتك تقولي للسمسار ان الارض عجبتك وموافقة وهتخلصي لكن بشرط يعطيكي صور من ورق الارض تعرضيها علي المحامي ( مثلا ) قريب حضرتك قبل اتمام البيع وتسئلي عنها ولو هو بائع جاد مش هيمانع لان كلها صور لن تفيد واهم شي تطلبة في الصور صورة جواب التخصيص ال هتعرفي منه اذا كانت الارض تخصيص ام قرعة وصورة ايصالات الدفع وصور التوكيلات وصورة محضر الاستلام

ولازم تفهمي السمسار انك مشترية جادة وهتخلصي وفلوسك جاهزة عشان يكون ذي الخاتم في صباعك لان السوق دلوقتي نايم واي سمسار بيتمني بيعة تمشي هتاخدي نسخة من الاوراق وتطلعي بمفردك ( بدون البائع ) الي الادارة العقارية والشؤون القانونية وهم هناك هيقولو ا لكي ينفع تتنقل باسمك ولا لأ

وفرصة تراجعي كل حرف في التوكيلات وتتأكدي من تاريخ استلام الارض لان من بداية التاريخ تبدأ المهلة و 90 % الارض تخصيص لكن البائع عاوز يبيع لكي بالتوكيلات فقط وحضرتك بعد كدة تبقي تنقلي علي مهلك وياخد فلوسة ويخلص لان نقل الملكية بياخد وقت

مش مهم ينقل لكي الملكية ممكن بالتوكيلات ( لو مضبوطة ) تنقلي الملكية لنفسك بعد الشراء لكن من الذي يحدد ذلك هو الادارة العقارية والشؤون القانونية بالجهاز

طيب نفترض ان البائع رفض يسلمك نسخة من الاوراق والارض عجباكي ومميزة تعملي اية ؟

تبلغي السمسار انك هتخلصي في الارض ولازم البائع يجيب اوراقة ويقابلك في الجهاز عشان تسئلي عن الارض ( ودة حقك وكل ال بيشتري بيعمل كدة ) وبعد ما نسئل علي الارض نطلع علي الشهر العقاري ونخلص ؟؟؟؟

هيحدد السمسار موعد بينك وبين البائع ومعاة كل الاوراق تتأكدي ان بينهم الاوراق ال سبق وقلت لحضرتك عليها وتطلعي الادارة العقارية تسئلي عن كل الاستفسارات ( مهلة اقساط تراخيص نقل ملكية ) كل شيئ

وتطلعي الشؤون القانونية بنفس الجهاز تقولي لهم انا هشتري الارض دي بالتوكيلات دي ينفع انقلها باسمي عاجلا ام آجلا الآن او في المستفبل بعد البناء وهل بنود التوكيلات مضبوطة وانتوا هنا في الجهاز هتوافقوا عليها ام هل في مشاكل في احدي التوكيلات

لو تأكدتي من رأي الادارة العقارية وموعد اخر قسط وهل فية متأخرات ام لا واطمئنيتي من الجانب القانوني تممي البيع وربنا يبارك لكي

لكن اكتبي كل استفساراتك في ورقة صغيرة ولا تتعجلي في الاسئلة في الجهاز لان كل الناس هناك بتسئل مثلك وملكيش دعوة بالسمسار هيحاول يستعجلك عشان يخلص

امسكي الورق في ايدك ولا تسمعي اي شيئ الا كلام الادارة العقارية والشؤون القانونية وممكن بعد ما تنوي تخلصي ادفعي 5000ج واكتبي عقد اتفاق ( السمسار عارف صيغتة ) علي ان تنهي اجراءات البيع خلال 3 ايام تكوني جهزتي الفلوس ومقابل هذا العقد تاخدي نسخة من كل الاوراق مع اصل محضر الاستلام لانك دافعة فلوس فلازم تضمني فلوسك ( لو امكن )

وتشوفي اي محامي يراجع لكي تسلسل التوكيلات وتطابقها وصحتها القانونية قبل ما تتمي عملية البيع وتتقابلوا بعد التأكد في الشهر العقاري يعمل التوكيل وياخد فلوسة

ملحوظة اتأكدي ان القطعة ال هتشتريها هي نفس القطعة التي عاينتيها علي الطبيعة من خلال الخريطة الموجودة مع البائع الملحقة بمحضر استلام الارض او اي خريطة عند السمسار وطابقيها بالواقع ومحضر الاستلام

لانة بمنتهي البساطة فية سماسرة بيفرجوا الزبون علي قطعة افضل من القطعة ال هيشتروها انا مش بأشكك لكن لازم تخلي بالك

كيف تتأكدي ان ال باع لكي لم يبيع لغيرك ؟

جواب التخصيص ومحضر الاستلام وايصالات الدفع الجهاز مبيطلعش منهم الا نسخة واحدة فقط بخلاف التوكيلات التي ممكن تعملي بدل فاقد

[nana]

اولا جزاك الله كل خير

ثانيا المكتب بيقول انالبايع اصيل

يعنى المفروض ينفع تنازل بالجهاز؟

[abuAdham]

من حسن حظك انة اصيل

يبقي دلوقتي اطلبي صورة من جواب التخصيص وصورة من محضر الاستلام واسئلي في الادارة العقارية هل هذة الارض ينفع تنقليها باسمك ام لا وهل تخصيص ام قرعة وفي جميع الاحوال البيع هيكون عن طريق عقد بيع ابتدائي + توكيل خاص + توكيل ادارة وتستلمي اصول كل الاوراق بعد البيع ولو موظف الجهاز رفض يطلع ملف الارض خلية فقط ينظر في الورق وهو هيعرف ويقولك وخلي السؤال عن باقي الاقساط وباقي الاسئلة لما يكون البائع معاكي لانهم غالبا بيطلعواى الملف للمالك او لموكل المالك لكن دة ميمنعش ان الموظف يلقي نظرة علي الاوراق ويقولك ممكن تنقلي الملكية ام لا وقرعة ولا تخصيص ( وغالبا هي تخصيص )

والمفروض لو ينفع ينقل لكي في الجهاز او لا في جميع الاحوال البيع بالطريقة ال قلت لحضرتك عليها في السطر الثاني وربنا يوفقك

[فيصل رافت]

الاخ الكريم

السلام عليكم ورحمة الله وبركاته

بشان موضوع شريكك وانه اخذ فلوسك دون وجه حق ورافض اعطاءك نصيبك فى الارض بسعر السوق الحالى انا راى تتخذ الطريق القانونى وتقوم برفع دعوى يمين حاسمه تشرح فيها الموضوع وتطالب بتوجيه اليمين الحاسمه بالصيغة الاتيه (( اقسم بالله العظيم ان المدعى لم يشاركنى فى قطعه الارض رقم كذا بمدينه الشروق مساحتها كذا ولم يقم بدفع ثمن الارض معى مناصفة من عام 2004 والله على ما اقول شهيد )) وتطالب فى حاله نكوله عن الحلف الزامه باداء نصف ثمن الارض بعد التثمين

وده حل يريحك عشان ربنا يقصف عمره لو حلف كذب بدل ما تقعد وتضيع حقك

وديه وجهة نظرى ولك حريه الاختيار

وعلى فكره انا بقولك دعوى يمين حاسمه عشان انا عارف انك معكش ورق يثبت حقك والله الموفق

[mshaalan]

ذكرت المهندسة عزه في مشاركة سابقة أنه يتم معرفة نوع الأرض (قرعة أم تخصيص) من خطاب التخصيص ؟

أرجو التوضيح ؟؟؟

كيف يتم معرفة نوع الأرض تخصيص أم قرعة ؟

هل فعلاً مهلة البناء لأراضي التخصيص 4 سنوات من تاريخ الاستلام؟

أنا آسف في السؤال بس أنا عندي قطعة أرض في العائلي 3 بالقاهرة الجديدة و بفضل الله انتهيت من المباني و فوجئت بتكاليف التشطيب و خايف من المهلة ؟؟؟ و للأسف مش عارف هل الأرض تخصيص أم قرعة ؟ أنا استلمت الأرض في 1/4/ 2008

شاكر للجميع مقدماً

[drashry]

شكرا جزيلاعلى ردك السريع اخ ابو ادهم الارض التى انوى شراؤها تخصيص قديم فى حدود270 متر ولكنى ملاحظه ان كل اللى بيعلن شركات وبيطلبو اوفر من 180 الى 240 الف والقليل اللى بيطلب 150و160 من فهل هذا السعر معقول ام مبالغ فيه ارجوافادتى ولكم جزيل الشكر

جزاك الله خيراً يا أبا أدهم

برجاء توضيح ماذا يعني أوفر 120 ألف؟؟؟؟

هل يضاف هذا المبلغ على السعر الذي دفعه المشتري من الجهاز ؟؟أم على السعر الذي إشترى به من البائع الذي قبل ذلك؟

يعني قطعة أرض عائلي تخصيص مطلوب فيها 260 ألف +120 ألف أوفر=380 ألف ؟؟

ماهو سعر أرض عائلي في المجاورة الرابعة مساحة 260 متر

[abuAdham]

الاوفر هو المبلغ الذي يطلبة المشتري فوق ما تم دفعة من مقم او مقدم واقساط مثلا دفع 20 الف للجهاز مقدم حجز يطلب ال 20 + الاوفر مثلا 160 يكون اجمالي ما يدفعة المشتري 180 وهذا بخلاف سداد باقي اقساط الارض او دفع مقدم 20 وقسطين قيمة القسط 15 يصبح المدفوع 50 يطلب اوفر 160 يدفع المشتري 210 وفية ناس كتير بتريح دمغها وتطلب ال 210 ويقولك بالمدفوع كل دي امثل فقط لنظام السوق

[mshaalan]

مرة كمان يمكن حد يفهمني و يجاوبني ...... يمكن!!

ذكرت المهندسة عزه في مشاركة سابقة أنه يتم معرفة نوع الأرض (قرعة أم تخصيص) من خطاب التخصيص ؟

أرجو التوضيح ؟؟؟

كيف يتم معرفة نوع الأرض تخصيص أم قرعة ؟

هل فعلاً مهلة البناء لأراضي التخصيص 4 سنوات من تاريخ الاستلام؟ يعني أنا استلمت الأرض في 1/4/ 2008 تبقى المهلة لغاية كام ؟

أنا آسف في السؤال بس أنا عندي قطعة أرض في العائلي 3 بالقاهرة الجديدة و بفضل الله انتهيت من المباني و فوجئت بتكاليف التشطيب و خايف من المهلة ؟؟؟ و للأسف مش عارف هل الأرض تخصيص أم قرعة ؟

شاكر للجميع مقدماً