كلاكيت خامس مرة : الزمالك ينهار ولا مُنقذ

[se_ Elsyed]

كما اتفقنا من قبل ان مافيش فريق بيكسب على طول ولا بيخسر على طول

لكن اعمل اللي عليك والباقي على ربنا

عشان نبقى متفقين

لكن هذا الجيل من الزملكاوية اللعيبة وقبلهم الاداريين وابناء النادي او من يدعون ذلك وانا اهو عندي 37 وبأعشق الكورة من وانا في تانية ابتدائي .. بصراحة ما شوفتش ولا هاشوف مثل هذه العصابة في قلة الادب والبرود واللامبالاه

ايييييييييييييه في ايه ؟

صوتنا اتنبح لمدة 5 سنوات وكل سنة واللي بعدها الفريق عمال يكسر ارقام قياسية سلبية وبيتحدى نفسة في الفشل وهو الان في الموسم الخامس على وشك الهبوط

اتذكر تماماً ان من موسمين تلاتة الزمالك كان هبط درجة ثانية على الورق في الدور الثاني للدوري - على الورق فقط - فتخيلوا فريق يجمع 4 نقاط فقط في الراوند كله وتفوق في ذلك على كل الفرق اللي هبطت فعلاً درجة ثانية

4 نقاط فقط من ييجي 40 نقطة ولولاش انه جمع كام نقطة في الراوند الاولاني كان زمانه درجة ثانية بجدارة

وخلال 5 سنوات اتغير ييجي اكثر من 10 او 12 طاقم فني ومنهم ناس عالميين ولا جدال ايشي فينجادا على كرول على كابرال على اوتوفيستر على هولمان على دو كاستال .... ومع ذلك التريند في هبوط حاد ولا بورصة القطن بتاعت اليومين دول

ناهيك عن تغيير مجالس ادارات ايشي بالانتخاب وبالتعيين وبالدراع

والحاجه الوحيدة اللي ماتغيرتش هما شلة اللعيبة العصبجية المتآمرين اللي تسببوا في تلك الكارثة ومنهم عى سبيل المثال قادة الفساد " جمال حمزه ثم جمال حمزه ثم جمال حمزة ويأتي من بعده شيكابالا ثم محمد ابو العلل "

والثلاثة دول لو قضينا عليهم مع الاستغناء على اللعيبة اللي خلصوا زي عبد الحليم علي والمدعو أوسه

صدقوني ... هاتتغير حاجات كتيرة

اما عن ابناء الزمالك اللي بينهشوا في جسد ناديهم كالديابة او الضباع التي تهوى نهش الجثث .. فحدث ولا حرج

وكان اخرهم الاخ ممدوح عباس .. اللي ورط الزمالك في لعيب واحد ثمنه 30 مليون جنيه واساساً اساساً لا مؤخذه يعني " الجنازة حاره والميت كلب "

يعني الجنازة هنا هي البطولات التي يخضوها اللعيبة في الدوري المصري سنوياً

والميت هو الايرادات اللي هايحققها الاخ اجوجو اللي بيفكرني بمدرب المنتخب المرحوم تارديللي يا حلولي اللي كان بيقعد في مصر يومين في الشهر و الـ 28 يوم الباقيين كان بيقضيهم مع الحته النضيفة اللي في العشرين ربيعا وكان لسه متجوزها بفلوسنا وكان بيدربنا باللاسلكي .. كذلك اجوجو بك كعب الغزال يا متحني خلال 6 شهور مالعيبش 4 مباريات على بعض ومقضيها اعياد وافراح وليالي ملاح في عاصمة الضباب

ومشي دوحه ودبس الزمالك اللي خزينته مهويه في ثمنه ومرتبه ومصاريف عربيته الهامر وفيلته بتاعت المعادي والبت الانجليزي صاحبته اللي عايشه معاه في الفيلا - صداقة بريئة هدفها تعميق العلاقات الانجليزية الاسكتلندية - بس هاموت واعرف .. اجوجو صاحب البت كاترينا الصاروخ دي وعارفينه ومطرمخين وبنقول سلو بلدهم وشرف البنت عندهم زي الولاعه _ ريفيل " ... طب والولا مدير اعماله عايش معاهم في نفس الفيلا هو كمان بصفة ايه ؟!!!!!

تفتكروا ممكن الاتنين بيخافوا من الضلمة فجايبين مدير اعمال يوقد لهم شمعه بدل ما يلعنوا الظلام ؟ هذا ما سنعرفه في نهاية الدوري بعد ما كاترينا ربنا ينتعها بالسلامه وتجيب لنا جمجوم صغير نلعب بيه وساعتها اجوجو وصاحبه يقطعوا بعض على نسب الواد وهاتبقى ليلة

يُتبع

وياريت نشارك جميعاً لانقاذ هذا الكيان قبل فوات الاوان

وده كلام جد والله ومش شماته

[حسام يوسف]

والله يا سين سين أنا عارف انك مش شمتان

وعارف انك زعلان

لكن طول ما فية تعيين

معتقدش ان فية حل

[شاب مصري]

الحاج سين سين ده حكاية يا ناس

بيفطسني من الضحك كل ما اقراله كلمتين :mellow: :mellow:

[dawn walker]

بص يا عزيزى ..الزمالك يمرض ..ولا يموت

[ابو محمود]

لما بنتكلم احنا بيقولوعلينا بنكرة ومتعصبين سبحان اللة لما المشرفين بيكتبو الكلام دة

ماحدش بيزعل انا شايف ان هناك تفرقة بين ما يجب علية ان يكون حال الزمالك وبين ما يفعل جماهير الزمالك بمعنى

ان ما يحدث للزمالك شيء عادى جدآ لانة من يومنشأتة وبة مشاكل وتأكل داخلى ولكن مريدية ومنتسبية

لا يصدقون الأرقام او التاريخ عندما يقارنوة بنادى اخر يصنع حاليآ بطولات وانتصارات فاقت اول القرن الجديد ما جمعة هوذاتة فى بداية نشأتة فلنركز جميعآ فى ما يحدث سنجد ان التعصب والكراهية اذدادت بسبب عدم قراءة التاريخ والأرقام ويتم تلفيق التهم والتجريح بالملتزم بالدروس من الماضى ويتقدم القافلة الرياضية

واعلم تمام العلم ان كلامى سيتم فهمة تعصبآ ويعلم اللة انى اريد اصلاحآ لكل من يرى الحقيقة ولا يتجنبها بأن يرى عكسها بمعنى خدمة انسانية بدون مقابل لكل من اصابة الضغط والعصبى وزغللة العين من نتائج فريق الزمالك زيريد ان يقارن بين الزمالك ونادى البطولات الاهلى فى عصر البطولات الحمراء التى بدأت منذ

100 سنة

[ziad]

بصراحه مشكلة الزمالك فى جماهيره ولا هى مشكلة مجلس تعيين ولا إنتخاب ولا هى مشكلة فلوس ولا مشكلة جهاز فنى,بجد جماهير النادى ده حاسه أنه نادى كبير وقطب والكلام الخرفان بتاع الصحافه ده,يا جدعان مكنوش 11 دورى عمى الى محسيسينكم إنكم نادى بطولات,فى ناس أتولدت فى التسعينات مشفتش الزمالك بيكسب دورى ده بالذمه نادى كبير,طبعا كان فى فترات إستثنائيه كسب فيها الزمالك صيته زى فترة الجوهرى والتوائم لما لعبولهم وزى ما الأنجليز بيقولو form is temporary but class is permenant

الحل هو أن الجماهير تعقل وتعرف إن لما ناديهم يكسب 2 دورى كل 10 سنين ديه حاحه طبيعيه لما يطلع تانى وتالت وسابع ديه حاجه عاديه وحصلت قبل كده,لما النادى يتغلب من الأهلى رايح جاى فا ده عادى والتاريخ بيقول كده,لو معملوش كده أندية البترول هتاكل ناديهم وهيحصلوا السواحل والسكه الحديد

[dongol]

عملوها وحوش المحله و عقبال كلاكيت سادس مره

[ebregi]

إن شاء الله الزمالك مش هاينزل ماتقلوقوش يا شباب

الزمالك صحيح بينه و بين قبل الأخير 4 نقاط بس مش هاينزل إن شاء الله

هو صحيح الزمالك له ماتشين صعبين برة أرضه مع الأتحاد ومع المصري بس إن شاء الله مش هاينزل

ماتقلقوش إحنا أساسا الأهلاوية مانقدرش نعيش في دوري بلا زمالك ماينفعناش الدوري ده

و زي الحكمة اللي بتقول " مهما الأرض تزلزل , الملكي مش ها ينزل " فماتقلقوش

[Abu Reem]

موضوع جميل ، بس المشكلة مفيش حد ممن يهمهم أمر الزمالك أو القائمين عليه سوف يقرأة للأسف !!!

وإلا أنا واثق من ان من سيناقش هذا الموضوع سيضعون أيديهم على المشاكل وأيضا حلها .

المهم سأرد على الاخ الغالي محمود مصطفى ،، عشان أن بيعجبني جدا جدا مواضعيه الجريئة والتي بها رؤية عميقة وخصوصا في السياسة،

وأقول له هذه المرة ( يادرش ) مش عارف ليه حاسس بنقطة التعصب في كلامك ، فما علاقة مشاكل الزمالك ونتائج الأهلي وأن المقارنة مع الأهلي ظالمة ،، فلم يقل أحد أن النادي الأهلي فريق ممتاز وإدراة رائعة ولاعبين ملتزمين ، ولكن كلامك معناه إذا اعترفنا بأن الأهلي هو الفريق الذي يتفوق في النتائج على الزمالك وكل الفرق الأخرى ... فهل بهذا يكون حال الزمالك انصلح ... مش عارف

أما عن الموضوع نفس اللي كتبه س س ، أقول أن مشكلة الزمالك عاملة ( زي مشكلة فلسطين ) صحيح متبصليش كده

فمن ساعة ما اتولدنا وإحنا نسمع عن مشكلة فلسطين التي ليس لها حل ،،، من مصيبة إلى مصيبة ثم فترة سريعة وقصيرة انتعاشة أو إنتفاضة ، ثم وبعدين ....... دمار وحرب وانكسار ،،، والجمهور في الحالتين يمرض ويرتفع ضغطه.....

حتى على المستوى العملاء والخونة فتجدهم في الحالتين فيوجد من يتعمد ألا تقوم للزمالك قائمة وأيضا في القضية الفلسطينية نفس الشيء خونة وعملاء

وبإختصار حل الزمالك بسيط قوي (( فاكرين قصة الحمار إللي دخل مزرعة ومش عاوز يطلع بالذوق والكلام والمهادنة والمفاوضات ))

حصل إيه ( جاء ولد صغير وجاب عصاية وضرب الحمار فخرج وسمع الكلام ))

هو ده الحل ببساطة فكم من مرة حدث الأتي وسمعنا الأتي:

1- الالاعبين بعد هذه الكبوة تعاهدوا على الفوز وتعويض جمهور الزمالك

2- إدراة الزمالك تعلن أن المباريات القادمة مبارايات كؤوس ( الجملة دي يتعقدني كام مرة سمعنها ))

3- الإدارة تفتح صفحة جديدة مع اللاعبين وترفع عنهم العقوبات (( مش فاهم بيجيبوا الصفحات دي كلها منين ))

4- جمال حمزة يهدد بعدم تجديد عقده وأن يدرس عرض النادي الأهلي (( وحمزة بالذات مش عاوز أتكلم عنه علشان لا أكتب كلام خارج عن النص ،،، يلاعب إدراة الزمالك بأساليب عبيطة لا تنطلي على من عنده ذرة عقل ولكنهم للأسف ... ))

5- إدارة الزمالك تبحث أسباب فشل الفريق وتتوصل إلى أن المشكلة في المدرب والجهاز الإداري والتحكيم والجمهور وايضا حماس وإيران وحزب الله (( أما الإدارة نفسها واللاعبين فهم بعيد تما

تم تعديل 8 فبراير 2009 بواسطة Abu Reem

[Mohamed Fayek]

ومشي دوحه ودبس الزمالك اللي خزينته مهويه في ثمنه ومرتبه ومصاريف عربيته الهامر وفيلته بتاعت المعادي والبت الانجليزي صاحبته اللي عايشه معاه في الفيلا - صداقة بريئة هدفها تعميق العلاقات الانجليزية الاسكتلندية - بس هاموت واعرف .. اجوجو صاحب البت كاترينا الصاروخ دي وعارفينه ومطرمخين وبنقول سلو بلدهم وشرف البنت عندهم زي الولاعه _ ريفيل " ... طب والولا مدير اعماله عايش معاهم في نفس الفيلا هو كمان بصفة ايه ؟!!!!!

تفتكروا ممكن الاتنين بيخافوا من الضلمة فجايبين مدير اعمال يوقد لهم شمعه بدل ما يلعنوا الظلام ؟ هذا ما سنعرفه في نهاية الدوري بعد ما كاترينا ربنا ينتعها بالسلامه وتجيب لنا جمجوم صغير نلعب بيه وساعتها اجوجو وصاحبه يقطعوا بعض على نسب الواد وهاتب

الأخ الفاضل سى اليسد ( المشرف )

أولا هدا الكلام غير مقبول ولامبرر لكتابته وخاصة وأنك مشرف فى هدا المنتدى .. ولدا آمل توخى الحدر فيما تنشره فى مداخلاتك

اما بخصوص الزمالك وبما انك اهلاوى وعلشان ماتزعلش خد الحته دى

بحبك يا زمالك مهما كسرتنى ,, مهما فرجت الناس عليا وجرحتنى ,

جرحتنى دايما وصبرت عليك

فرحت فيا الناس وبلوم عليك

دنا كل يوم فى عمرى

على ماتشاتك بجرى

وارجع تانى بدموع

دنا كل يوم بيعدى

لحبك بمد يدى

واتارينى عايش مخدوع

فرحت فيا الناس

اقول ايه تانى مخلاص

كل مقول هنرجع تانى

الاقينى فى صدمه تزيد احزانى

ابكى وانسى فى ثوانى

واقول انت حبيبى الاولانى

نفسى يا زمالك نفسى

نكسب الاهلى مره فى نفسى

دنا من يوم موعيت على الكورة

ودايما بحبك عنيا مكسوووورة

احرجتنى قدام اصحابى اقولهم ايه ,, سوء اختيار ده ولا ايه ,,,

وبحبك يا زمالك مهما كسفتنى ,,,, مهمااحرجتنى ,,,

اخبارك حكاياتك بتحرجنى بتقطعنى,,,

بحبك يا زمالك لكن للحب حدود

,,, مشيت معاك فى طريق الم مسدود

ضحكت الناس عليا

لما اقول الزمالك حبي

شفت يا زمالك اد ايه ممرمط جماهيرك ومخليهم بيسفوا التراب فى حبك

[ebregi]

ماتقلقوش يا زمالكاوية:

" مهما الأرض تزلزل , الملكي مش ها ينزل "

[se_ Elsyed]

ومشي دوحه ودبس الزمالك اللي خزينته مهويه في ثمنه ومرتبه ومصاريف عربيته الهامر وفيلته بتاعت المعادي والبت الانجليزي صاحبته اللي عايشه معاه في الفيلا - صداقة بريئة هدفها تعميق العلاقات الانجليزية الاسكتلندية - بس هاموت واعرف .. اجوجو صاحب البت كاترينا الصاروخ دي وعارفينه ومطرمخين وبنقول سلو بلدهم وشرف البنت عندهم زي الولاعه _ ريفيل " ... طب والولا مدير اعماله عايش معاهم في نفس الفيلا هو كمان بصفة ايه ؟!!!!!

تفتكروا ممكن الاتنين بيخافوا من الضلمة فجايبين مدير اعمال يوقد لهم شمعه بدل ما يلعنوا الظلام ؟ هذا ما سنعرفه في نهاية الدوري بعد ما كاترينا ربنا ينتعها بالسلامه وتجيب لنا جمجوم صغير نلعب بيه وساعتها اجوجو وصاحبه يقطعوا بعض على نسب الواد وهاتب

الأخ الفاضل سى اليسد ( المشرف )

أولا هدا الكلام غير مقبول ولامبرر لكتابته وخاصة وأنك مشرف فى هدا المنتدى .. ولدا آمل توخى الحدر فيما تنشره فى مداخلاتك

اما بخصوص الزمالك وبما انك اهلاوى وعلشان ماتزعلش خد الحته دى

بحبك يا زمالك مهما كسرتنى ,, مهما فرجت الناس عليا وجرحتنى ,

جرحتنى دايما وصبرت عليك

فرحت فيا الناس وبلوم عليك

دنا كل يوم فى عمرى

على ماتشاتك بجرى

وارجع تانى بدموع

دنا كل يوم بيعدى

لحبك بمد يدى

واتارينى عايش مخدوع

فرحت فيا الناس

اقول ايه تانى مخلاص

كل مقول هنرجع تانى

الاقينى فى صدمه تزيد احزانى

ابكى وانسى فى ثوانى

واقول انت حبيبى الاولانى

نفسى يا زمالك نفسى

نكسب الاهلى مره فى نفسى

دنا من يوم موعيت على الكورة

ودايما بحبك عنيا مكسوووورة

احرجتنى قدام اصحابى اقولهم ايه ,, سوء اختيار ده ولا ايه ,,,

وبحبك يا زمالك مهما كسفتنى ,,,, مهمااحرجتنى ,,,

اخبارك حكاياتك بتحرجنى بتقطعنى,,,

بحبك يا زمالك لكن للحب حدود

,,, مشيت معاك فى طريق الم مسدود

ضحكت الناس عليا

لما اقول الزمالك حبي

شفت يا زمالك اد ايه ممرمط جماهيرك ومخليهم بيسفوا التراب فى حبك

خير إن شاء الله يا أستاذ فايق ...

توخي حذر يه وإشارات مرور إيه ؟ أشعر إنك ترى ما لا نرى وتقرأ ما لم نكتب !!!!!!!!

وبعدين أم القصيدة دي إنت بالذات لطعتها ييجي مليون مره لما زهقنا ... فأرجوك يعني إرحمنا ...

ويا سيدي الفاضل أنا عندما أكتب موضوع فبيبقى مثلي مثل أي عضو فلا داعي لتذكيري بإني مُشرف لإني ما نسيتش ..

ويمكن باقي الزملاء هما اللي يحكموا على ما كتبته .. وإذا كان كلامي فيه تجاوزات فأنا سأحذفه حالاً مع إنه حقائق خاصة بلاعبكم أجوجو وهناك ما هو أفظع من هذا .

أما إذا كنت أنت وحدك من ترى هذا .. فأعذرني يبقى عندك مشكلة ما ...

وربنا يخلي لكم الزمالك يا سيدي ويبقى إي إزدهار ..

وتحياتي لكل العقليات الزملكاوية الحلوه ..

[Mohamed Fayek]

خير إن شاء الله يا أستاذ فايق ...

توخي حذر يه وإشارات مرور إيه ؟ أشعر إنك ترى ما لا نرى وتقرأ ما لم نكتب !!!!!!!!

وبعدين أم القصيدة دي إنت بالذات لطعتها ييجي مليون مره لما زهقنا ... فأرجوك يعني إرحمنا ...

ويا سيدي الفاضل أنا عندما أكتب موضوع فبيبقى مثلي مثل أي عضو فلا داعي لتذكيري بإني مُشرف لإني ما نسيتش ..

ويمكن باقي الزملاء هما اللي يحكموا على ما كتبته .. وإذا كان كلامي فيه تجاوزات فأنا سأحذفه حالاً مع إنه حقائق خاصة بلاعبكم أجوجو وهناك ما هو أفظع من هذا .

أما إذا كنت أنت وحدك من ترى هذا .. فأعذرني يبقى عندك مشكلة ما ...

وربنا يخلي لكم الزمالك يا سيدي ويبقى إي إزدهار ..

الأخ سى السيد

إذا كنت ترى أن قلة الذوق هى سمة العصر فلا لوم عليك .... فالإسلوب الذى ترد به غير مقبول وإذا كنت لاتدرى ماذا تكتب فهذه مصيبة كبرى

[ebregi]

الأخوة الأفاضل الرجاء الهدوء .... بس سؤال بسيط

هو إحنا مانعرفش نختلف و نحتفظ بالحد الأدنى

للعلاقات الطيبة والإحترام و ألا معنى الإختلاف هو

قطع المودة و عدم التعامل و الإحترام بصراحة دي

سمات فينا كلنا و إحنا طبعا من دول العالم النايمة

ودي تسمية أنا سميتها و تشتمل كل الدول العربية

تقريبا و بلا إستثناء يعني لا نامية و لا تالته بقينا نايمة

والله الموفق للجميع

[ابو محمود]

حسن صقر يطالب لاعبى الزمالك بتعلم روح الانتماء من الأهلى

كتب ناصر الكاشف وعماد الشاذلى ٩/ ٢/ ٢٠٠٩

اتهم المهندس حسن صقر، رئيس المجلس القومى للرياضة، لاعبى الزمالك بالسلبية وعدم الانتماء للفانلة البيضاء، وحملهم مسؤولية حالة الإحباط التى تعيشها جماهيرهم، وطالبهم بالتعلم من لاعبى الأهلى كيفية الانتماء وبذل الجهد والعرق داخل الملعب، معرباً عن حزنه لما وصل إليه حال الفريق، ..............................................................................نق

لآ من المصرى اليوم

تمنياتى للاعبى الزمالك ان يكونو عن حسن الظن ويسمعو كلام الراجل

وايضآ السيد حسن صقر نسى ان يترك رسالة للأدارة القادمة ان تحذو حذو ادارة الاهلى فى كيفية احترام النفس وعدم تدليل اللاعبين مما يؤدى الى تكبرهم واصابتهم بالظن بأنهم خير لاعبين على وجة المحروسة مما أدى الى انتكاسات تليها انتكاسات مروعة ادت الى هزائم قبيحة وغير مناسبة لفريق يعد الوصيف للبطل فى حجم البطولات اما ان يترك السيد راعى الرياضة ومسؤلها الاول مشكلة الادارة حسب هواة فهذا يدل على فساد داخل منظومة النادى من بعض ابنائة المحسوبون علية وهم اول معاول الهدم فى جدرانة الشامخة من ما يقرب من 100 عام ويدل هذا الى ان نادى الزمالك مصيبتة ليست فى لاعبية فقط انما فى اولادة الذين ترعرعو بين جدرانة وهم ضعفاء فقواهم حتى ان مخالبهم اليوم بعد انتفاخ جيوبهم يساهمون فى تدميرة بغية ان يتحصلو على الكراسى وهو حطام فيتم البناء من اول السطر ومعها تتدفق الملايين الى خزاءنهم من جراء ذلك

[se_ Elsyed]

وتحقق كل ما نتحدث عنه من 5 سنوات ..

هل كان يتخيل أكثر المتشائمين أن يأتي اليوم على فريق الزمالك ويكون على شفا الهبوط للدرجة الثانية بسبب أفعال أبناءه ؟

وهل يتخيل احد إن بعد 17 مباراة في الدوري يحتل الزمالك المركز الـ 9 ويبعتد عن مؤخرة الدوري بثلاث نقاط فقط ؟

وهل فكر مسئولو نادي الزمالك إن في الدور الثاني للدوري لديهم 10 مباريات خارج ارضهم وهُزم في أولها بالامس ... ومازال يُهزم على أرضه مثلما حدث أمام المحلة في المباراة قبل السابقة ؟

طب والحل ؟

- الحل هو الحل .... حل مجلس الإدارة المُعين برئاسة الدكتور محمد عامر ويرجع جامعة الزقازيق تاني أفضل له ... وتعيين مجلس مؤقت يفهم في الكورة ( للأسف الجميع يرفضون لإن مش هايبقى لهم الحق في الترشح للسبوبة بتاعت الإنتخابات )

- تعيين لجنة كرة قدم يرأسها حماده إمام وتكون مسئولة عن التواصل مع لاعبي الفريق ..

- إيقاف أي تفاوض مع اللعيبة الميته زي جمال حمزة اللي عاوز 3 مليون في السنة عشان يجدد ومثله محمد أبو العلل و عبد الحليم علي وغيرهم من المتمردين ..

وبعدها نشوف إيه اللي هايحصل ..

ولا حول ولا قوة إلا بالله

[حسام يوسف]

والله يا سين سين أنا مش عارف اللى بيحصل دة لية؟

وعشان مصلحة مين؟

ولا حول ولاقوة الا بالله

[dongol]

بصراحه انا من كثر ما اتريأت علي مشجعين الزمالك الموسم ده مش لاقي تريأه جديده اقولها

لذلك سأكتفي بالصمت الرهيب علي رأي نجاه