شراء فيزا حج لأمي

[essamlotfy]

أخواني

هذه أوي سنة لي بالمملكة وان شاء الله السنة دي هاحج انا وزوجتي واتمني ان امي تحج معاي

فهل حد ممكن يدلني ازاي اشتري فيزا حج لها خصوصا اننا سمعنا كتير عن تشديد السلطات السعودية في أوقات الحج علي المخالفين

وجزاكم الله خير

[se_ Elsyed]

عندك طريقتين :

1- تخلي والدتك تقدم على حج القرعة عندما يُعلن عنها في مصر وتنتظر هي ونصيبها .

2- عن طريق المكاتب السياحية بس التاشيرة ما بتقلش عن 40 ألف جنيه ...

[arinymcse]

لو استطعت الحصول على شهادة طبية تثبت بان زوجتك تحتاج للرعاية (بسبب الحمل مثلا و يستحسن ان الشهادة تتكتب انها في الشهر الخامس فيما فوق) من الممكن ان تتقدم بطلب زيارة عائلية من مكتب الاستقدام و ذلك قبل الحج و يستحسن ده يكون قبل اول رمضان ب 15 يوم مثلا علشان تقدر تيجي على اخره و بعد كده تقدر تجدد الزيارة شهر ورا شهر بالشهادة الطبية لغاية الحج و متخفش كله بيمشي ان شاء الله ....دعواتك يا حج.

[arinymcse]

و على فكره بخصوص تصريح الحج..السنة اللى فاتت واحد صاحبي عمل نفس الطريقة دي و عند دخول مكه لما لقم معاه مراته و امه دخلوهم. بس ده مش مضمون اوي و الاحسن تشوغلك طريقة تقدر تدخلها مكة (و متخفش كله بيمشي) و لو يعني الدنيا باظت حاول ان انتوا تدخلوا مكة قبل الحج ب 15 يوم و ده يعني لو باظت خالص. و متخفش كل مصاريف الاقامة في مكة اكيد اكيد اكيد مش هييجي تلت ثمن تاشيرة الحج من مصر.

[سماسعد]

السلام عليكم ورحمة الله وبركاته

:sad:

احنا عملنا كارت زيارة لام زوجي وكان التفديم سهل والحمد لله مدام معاك الزوجه ماتقلقش

بتعملها زيارة بشهرين وبعدين بتجدد شهرين كمان لحد ماتحج بسلامة

ان شاء الله تبدأ في الاجراات في شهر رجب وتجيلك بسلامة

هيا المشكله اللي هتقابلك في الحج هيا التصريح لان مفيش تصريح حج لزيارة

ولكن في عندك اكتر من طريقه

1- تقدم تبع حمله وجميع الحملات بيتحركو يوم 6 او 7 فبيكون امام البوابه زحمة وبينتظرو امام البوابه لحد مابيفتحوها من شدة الزحام

2- في سعوديين بيقفو بسيارتهم يعدو الفرد ب 500 ريال(حماتي عملت كده وعدت)

3- بيدخلو اي شخص مسافر بسيارته مع اسرته ومش بيوقفوه ولا بيطلبو منه اي تصريح كأنك رايح تقضي اجازة العيد مع اي حد من الاقارب

4- او تسفر والدتك قبل موسم الحج بأسبوعين او اكتر تقعدهم في الحرم لحد الحج

وهيا هتفضل اخر حل وانت ممكن تروح معاها توديها وتشوفلها مكان اقامه وترجع تاني لعملك

أتمني اكون وضحتلك كل شئ

وادعيلنا ربنا يكتبهالي لاني لسه محجتش md2:

[ياره]

اولا حمدالله علي سلامتك يا دكتور وربنا يوفقكو وتحجوا ان شاء الله .عايزه الاول الفت نظر حضرتك لحاجه لو سافرتو لوحدكو من غير حمله يعني صدقني هتتبهدلوا جدا جدا وخصوصا ولدتك مش هتقدر تستحمل وحكاية انها تدخل مكه قبل الحج باسبوعين وتستني في الحرم دي برضه صعبه جدا ومش هتقدر تكمل صدقني والله الا بقي لو فيه مكان في مكه تقدر تقعد فيه وده صعب لان مكه بتبقي زحمه جدا والايجارات بتبقي مهوووووووووووووله بيتهيألي افضل حل انك تشترك في حمله وهمه بيبقي لهم طرق يدخلكو بيهم وممكن حضرتك تطلع ليك ولزوجتك تصريح حج ده قانوني مفيهوش مشكله ويعني والدتك تعدي معاكو ان شاء الله بس التصريح علشان يطلع لازم تبقي مشترك في حمله .فيه حملات بتوافق تاخد اللي جايين زياره وفيه مش بيوفقوا فلازم تدور كويس وتسال في المنطقه اللي حضرتك فيها........................اما بقي بالنسبه انك تجيبها اساسا من مصر فده يعتمد اولا لو حضرتك شغال دكتور مثلا اومهندس او في الجامعه كده يعني بيوفقوا بسهوله والاحسن انك تعمل للمدام شهادة حمل بس لازم من مستشفي مينفعش مستوصف ودي سهله برضه متقلقش كله بيمشي.....نيجي لاهم حاجه حضرتك فين بالظبط لان لو في مكان قريب من مكه يعني جده او الطائف اوحتي جيزان استحاله يجددوللك في شهر الحج الا لو عارف حد جوه الجوازات بياخد فلوس ويجددلك في شهر الحج يعني حوالي 2000 ريال او ان حضرتك تعمل الزياره في نصف شعبان يعني 12 او 13 ولما الموافقه تظهر بيبقي قدامك 3شهور بالظبط علشان تخلص الورق من مصر فحضرتك تخلص الورق من مصر قبل نصف ذي القعده وبكده يبقي قدامها شهر علشان تيجي السعوديه فتقدر تيجي في اول ذي الحجه ويبقي قانوني تقعد شهر ذي الحجه بعد الحج ممكن تجدد لها عادي او تنزل في نهاية الشهر وخلاص بس اهم حاجه الدعاء ثم الدعاء ثم الدعاء علشان ربنا يسهلها ليكو ان شاء الله

[ياره]

معلومه مهمه السنه اللي فاتت طلعت اشاعه ان الموافقه علي الزياره لما تطلع من هنا من اسعوديه يبقي قدامك شهر واحد بس علشان تخلص الورق من مصر بس زي مقلت دي كانت اشاعه اتاكدنا من السفاره والورق قعد 3 شهور عادي فلازم تسال الاول

[خالد شحاته]

معلومه مهمه السنه اللي فاتت طلعت اشاعه ان الموافقه علي الزياره لما تطلع من هنا من اسعوديه يبقي قدامك شهر واحد بس علشان تخلص الورق من مصر بس زي مقلت دي كانت اشاعه اتاكدنا من السفاره والورق قعد 3 شهور عادي فلازم تسال الاول

الاخت الفاضله السنه الا فاتت القنصليه نفسها رجعت جوازات اكتر من شهر وقبلت جوازات اخر ي يعني بمعني بيكون تعند من المواظف المختص اما بخصوص والده الدكتور تسفر ويتجدد لها عادي

تم تعديل 10 فبراير 2009 بواسطة خالد شحاته