المحاكمة العسكرية و المحاكمة أمام القضاء المدني ؟

[شاب مصري]

السلام عليكم

تنبهت من فترة قريبة الى عواقب قانون الطوارئ المفروض على مصر من قبل نظام مبارك من أول ما مسك لحد اليوم

وفي السابق كنت أسمع الكثيرين في التليفزيون والجرايد يصرخون احتجاجا على قانون الطوارئ

ولم أكن أهتم بمعرفة سبب احتجاجاتهم

((بصراحة كنت فاكر ان قانون الطوارئ ده خاص بزيادة استعداد قوات المطافئ والاسعاف لكي تكون جاهزة للطوارئ من حرائق وحوادث))

محدش يضحك عليا

المهم

عرفت ان سعادة الرئيس وأكيد كذلك الداخلية و أمن الدولة ممكن يمسكوا أي مواطن يودوه وراء الشمس ومحدش له الحق ان يسأل عنه راح فين أو موجود فين

وكله بالقانون .. طوارئ بقى .. يعني كل ده قانوني تماما تماما

وأشار أحد الاخوة الأعضاء لحكاية الشهيد سليمان خاطر

ومكنتش اعرف عنه شئ ولا عن قصة بطولته وعن تضحية الدولة المصرية به لانه أعدم وأنا لم أولد أصلا

الى أن أسعفتني الويكيبيديا

http://ar.wikipedia.org/wiki/%D8%B3%D9%84%...%A7%D8%B7%D8%B1

وتبين انه أحد ضحايا قانون الطوارئ الذي قذف به الى جهنم المحاكمة العسكرية

ثم تذكرت محاكمة خيرت الشاطر والاخوان المسلمين عسكريا

الحقيقة ان هذا الوضع مصيبة

لا يستطيع أن يأمن أي انسان مصري في مصر على نفسه أو ماله أو أقاربه

لو مزاج الرئيس أو الداخلية أو الأمن يحبسوك هتتحبس

لم يعد المعيار هل أنت مخطئ ام لا

ولكن هو كده بلطجة

طيب المحاكمة العسكرية دي بلطجة يعني؟

هي محكمة ولا مش محكمة؟

ولماذا تقوم بتجريم الأبرياء؟

يعني أنا أعرف ان المحكمة تبرئ أو تدين

ولا البراءة والادانة ده من صفات المحاكم المدنية فقط؟

والمحاكم العسكرية دي لاصدار أحكام سياسية على ناس غير مرغوب فيهم؟

وهي مش محكمة ولا حاجة بس سموها محكمة كنوع من الشياكة؟

أميل لهذا الرأي .. لأن مسمعتش عن حد اتحاكم عسكريا بعدل او اخد براءة مثلا؟

ولا ايه ؟

[الأهلاوي الأصيل]

ماشفتش إنت عزيزي الشاب المصري المهزلة المسماة بمحاكمة مجدي أحمد حسين

بغض النظر عن مشروعية دخوله غزة أم لا أو اتفاقنا أو اختلافنا معه - عشان ما يجيش حد يحرف الموضوع عن مساره في اتجاه آخر -

النيابة حولته على المحاكمة يوم الثلاثاء ، المحكمة العسكرية نظرت القضية في يوم الخميس وحجزتها للحكم في أول جلسة إلى جلسة الأربعاء التالي - اللي هو كمان يومين -

مش بس كده ، ده ما يسمى بالمحكمة منعت هيئة الدفاع بتاعت المتهم من دخول القاعة من الأساس ، وأتت بمحامين منتدبين من عندها

وكانت حجة الضابط - اللي بيقولوا عليه قاضي- إن المحامين اللي جايبهم المتهم هيطلبوا التأجيل واحنا عايزين نخلص من القضية بسرعة!!!

[سهل جدا]

قانون الطوارئ معروف إنه سيف مسلط على رؤوس كل من تسول له نفسه أنه يعارض النظام الفاسد حتى ولو فكريا

وعدد الذين قتلوا في السجون السياسية في عهد المحروس مبارك أكثر بكثير من الذين قتلوا في السجون في عهد جمال عبد الناصر واللي بعده ..

{ولا تحسبن الله غافلا عما يعمل الظالمون}

[warior]

الامر بسيط ومفيهوش خوف ولا حاجة

طول ما نت سايب الصلاة وسهران فى الديسكو

وراضي بالبطالة

وعمرك وما قلت لا

ودايما بتغني اغنية يا اما نعيمة نعمين

فانت فى مأمن

[شاب مصري]

الامر بسيط ومفيهوش خوف ولا حاجة

طول ما نت سايب الصلاة وسهران فى الديسكو

وراضي بالبطالة

وعمرك وما قلت لا

ودايما بتغني اغنية يا اما نعيمة نعمين

فانت فى مأمن

:lol:

[MoHaMMeD EgYpT]

الامر بسيط ومفيهوش خوف ولا حاجة

طول ما نت سايب الصلاة وسهران فى الديسكو

وراضي بالبطالة

وعمرك وما قلت لا

ودايما بتغني اغنية يا اما نعيمة نعمين

فانت فى مأمن

:D و كمان نسيت حكاية الدقن بدل ما يقبوضوا عليك و يقولوا ارهابي wst:: و علي رايي المثل عيش و خلي الشعب يعيش md2: