استفسار عن تقديم الملف اكتر من مرة لمرور جدة

[HassanAboali]

السلام عليكم

أرجو لمن لديه معرفة بهذا الموضوع يدلني

لقد تقدمت لطلب رخصة خاصة بمرور جدة ولكن كان تقييم جندي المرور الذي اختبرني كتب (ض) ضعيف واحتاج لمدرسة ولم أتقدم للمدرسة وأخذت الملف بتاعي ومشيت فهل لو غيرت الورقة الأولى الاستمارة التي وضع عليها الاختام وقدمت تاني في مشكلة اي اسمي مسجل لديهم اني قدمت هناك ولا لا

وجزاكم الله خيرا

[se_ Elsyed]

السلام عليكم

أرجو لمن لديه معرفة بهذا الموضوع يدلني

لقد تقدمت لطلب رخصة خاصة بمرور جدة ولكن كان تقييم جندي المرور الذي اختبرني كتب (ض) ضعيف واحتاج لمدرسة ولم أتقدم للمدرسة وأخذت الملف بتاعي ومشيت فهل لو غيرت الورقة الأولى الاستمارة التي وضع عليها الاختام وقدمت تاني في مشكلة اي اسمي مسجل لديهم اني قدمت هناك ولا لا

وجزاكم الله خيرا

غير أي حاجه عليها توقيع لهم وقدم تاني ما فيش مشكلة بإذن الله

بس إتدرب كويس الأول إن شالله تأجر عربية لمدة يوم بإسم أي زميل لك ... وروح وإنت وايق من نفسك ..

وربنا يوفقك

[HassanAboali]

الغالي أستاذ / سي السيد ربنا يجزيك خير على ردك السريع

وأنا فعلا تدربت كويس قبل لما أروح ومشيت بالسيارة في الاختبار كويس وقالي أقف ومشيت تاني بس بطلت السيارة على طول أعطاني ضعيف وفعلا كنت قلقان أسأل الله التوفيق في المرة الجاية

[Amr Radwan]

بص يا سيدي ..

موضوع النجاح في اختبار رخصة السياقة (القيادة) بيعتمد علي 3 عوامل مهمه جدااااااااا :

1- تكون بتعرف تسوق فعلا (علي الاقل تعرف الاساسيات و العربية ما تبطلش )

2- واثق من نفسك جدااااااا و ما تتهزش لو حصل حاجة غير متوقعه ..

3- تعمل كام حاجة هبلة اول ما تقعد علي الكرسي .. تبص في المرايات و تعدلها و تعدل الكرسي علي مقاسك و علي طول تكون شغال بالاشارات و كده يعني .. حركات من الاخر عشان تعرفه انك فاهم .

اما بالنسبة لموضوع الورق بتاعك انا حصل معايا نفس الموقف بتاعك لما جيت اعمل الورق و اقدم للرخصة و اعمل الاختبار اتهزيت و حصل كام موقف مالهمش لازمة طبعا ناهيك عن التريقة من العسكري .. و اداني "ض" و بعدين عملت زي ما الاخ س س قالك .. شيلت اي ورق عليه توقيع او ختم لهم و حطيته من جديد يعني مثلا استمارة التسجيل و خطاب شركتك و اتدربت كويس و روحت لهم تاني و حبت ثقة و حبة حركات تمثيل بتاعت المرايات و الكرسي خدت "أ" مع اني كنت مش بعرف اسوق كويس .. و بعد كده روحت للاختبار نفسه و اللي حصل فيه نفس اللي حصل في الاختبار الاول .. و اخدت الرخصة و الحمد لله و بدأت بعد كده مرحلة التدريب الحقيقي علي سيارتي :( يعني ما يضرش كام حكة علي كام خبطة في الاكسدام المهم اني اتعلمت

ملحوظة مهمة جدا :

بعض الاخوة اللي عايشين دور الفهلوة .. كانوا بيتخانقوا مع العساكر مع انهم مش بيعرفوا يسوقو اساسا و عاوزين ياخدوها بالدراع و الزعيق .. طبعا دول لو اتنططوا مش هياخدوها ..

تحياتي لك و تمنياتي بالتوفيق و لو عاوز اي مساعدة مني انا تحت امرك .. كلمني علي الخاص او ابعت لي رقمك wst:: :wub:

[HassanAboali]

ربنا يجزيك الف خير أخ عمرو

أنا فعلا بعرف أسوق والحمد لله ولكن القلق والتوتر هو إلي سقطني وثانياُ الشركة عندي مش معطياني فرصة قالو لي مرتان فقط يعني المرة الجاية أخر فرصة لأن مشغول جداً بالعمل وشاكر لك جداً على ذوقك.