الإستقدام - للمرة المليون

[أبو عبيدة الوراقي]

السلام عليكم ورحمة الله

الأخوة الكرام

سؤال عاجل جداً

أنا هعمل أستقدام لزوجتي وابني عنده 4 شهور

فما هي الأوراق المطلوبة للأستقدام

القسيمة موثقة من كل الجهات

هل في أي أوراق تاني لازمة للأستقدام أم لا

وجزاكم الله خيراً.

[الباشمهندس ياسر]

طب انت دلوقتى حلفتنا بالله ندخل ونرد عليك

طب انا معنديش اى خبر عن القصة دى خالص

عموما

ربنا يجمعكم على خير

[se_ Elsyed]

يا راجل يا طيب ياللي اخترت عنوان مفظع قلنا الدنيا ولعت ..

موضوع الإستقدام بيتكرر يومياً 10 آلاف مره وفيه الأوراق المطلوبة والغير مطلوبة ... بس إنت اللي بتكسل تدور او تقرأ

أنا هاغير العنوان ... والله يكرمك قلب لك في موضوعين تلاتة عن الإستقدام أو أعمل سيرش عن كلمة الإستقدام وشوف المفاجاة اللي هاتظهر لك

[se_ Elsyed]

والله العظيم لا هو تعالي على أحد ولا تقليل من شان أي أستفسار .

لكنها شفقة

أيوه شفقه .. وكلامي ليس موجهاً لأي أحد ولا الزميل الفاضل صاحب الموضوع

ولكن للمرة الخمسة مليون ... يا جماعة الخير تعالوا نتعود نتعب ولو دقيقتين في البحث عن معلومة أو الحصول عليها بمجهود ..

ما حدش بيقول دور على إبره في كوم قش .. لكن أستقطع من وقتك دقيقتين بالتمام والكمال قبل لما تكتب إستفسار عشان تعب الناس ما يروحش هدر ويحرموا يكتبوا حاجه .. دور أو تجول يا عم في باب المغتربين وشوف كده الكنوز الموجودة اللي لو ثبتنا موضوعاته القيمة يبقى المنتدى كله هايبقى ستاتيك

على سبيل المثال .. أقسم بالله في خلال 10 ثواني أو أقل لقيت موضوع كافي ووافي عن الإستقدام من الزميل الفاضل جنيور يشرح فيه بالشرح الملل موضوع الإستقدام وكان ناقص يروح يحجز تذاكر الطيران للي عايز إستقدام

اهو

الإستقدام

كذلك إستخرج رخصة القيادة بالسعودية بالذات .. عايزكو تدخلوا باب المغتربين وقلبوا صفحتين تلاتة ورا بعض وشوفوا كام موضوع عنها ... دي حاجه واحده فقط .. ناهيك عن الخروج والعودة والبصمة و و و

وفي الأخر

فعلاً مافيش فايدة

[Amr Radwan]

يا س س .. اية اخبارك ؟؟

انا معاك من البداية و علي فكرة انا رفضت ارد علي الموضوع لسببين :

1- مضيعة للوقت اني اعيد كتابة رد علي موضوع و هناك عشرات و ان لم يكن مئات المواضيع و التي تعالج نفس الموضوع و لكن فقط نبحث عنهم .. كما ذكر الزميل س س

2- الاسلوب المستفز في اسم الموضوع .. بجد كويس انه اتغير .. و خاصة ان الموضوع مش فيه حاجة ملحة ..

و لكن .. نلتمس العذر له يا اخ س س .. ممكن يكون مش عارف و ما شافش تعليقاتك قبل كده علي مواضيع مشابهه .. و طبعا فيه امل طول ما احنا عايشين .. :wub:

[أبو عبيدة الوراقي]

طبعاً أنا أسف جداً للجميع

بس والله غصب عني جداً

كل شوية واحد يقول حاجة غير التاني عندي هنا بالمكتب وعندكم بالمنتدى

واحد قالي شهادة ميلاد الأبناء والتاني يقول شهادة التطعيم والثالث يقول تتختم من الخارجية والرابع .... وهكذا

فكنت عاوز رد على سؤالي المحدد فقط

على العموم جزاكم الله خيراً - أنا أسف للمرة الثانية